|
اعلان بعلم الوصول
|
إلى جميع الاخوة والاخوات جاكم غريب الدار شيال الخبار وخيرا جاكم وجيدا جينا ولقيناكم ولقيتونا وبركة الشفتونا طيبين ولما نحن جايين كنا بنفكر في ازعاجنا ليكم وفي الشوك الكارينو ورانا في غنمنا وبهايمنا ان اكلت خداركم ما تزعلوا وفي كلابنا التسوي الينرر ولما جينا اكيد جبتو لينا اللبن وضحكتو لما ضحكنا ووقعنا وقلتو بس من ده المو نصيح بس ايانا نحن كية كية كان دقيتو نوبتكم بتشوفوها رهزتنا واكان جات الفتنة تنقد الرهيفة انشاء الله لا تتلتق ويومة الحارة ايانا مثل ابونا جبلا ولا بتهزة ومتل عمنا شطة وعقارب حزة وقبيل جدنافي كرري من القتل ما فزة دقو الجوز عديل تلقو نحاسنا هز ورزة ودرتو الحنان متل اماتنا خيط حرير موقزة فتناكم بعافية
|
|
|
|
|
|
|
|
Re: مرحبتن حباب الملهم (Re: بكرى ابوبكر)
|
ليه يا عرب لى البنتنا ما بتراعو البقول راسو موجعو بتربطلو كراعو الزول قال جاى من سفر كان مفروض النحاس يضرب والزبيح ترقد بى الكوم الف مرحب بيك وعلى الطلاق منى ليك 10 خرفان اها رايك شنو عزيناك ولا لا اخوك انا يالمسافر
| |
|
|
|
|
|
|
الاستاذ بكري : القومة ليك (Re: بكرى ابوبكر)
|
تحية وسلام معطر وتقدير لزيارتكم الطيبة لمحفل التحايا الذي اقمناه اما البيت العالي النورو منور بي طلتكم جينا حداكم سمعنا نباكم وعجبناكتير نقيف في داركم نشوفو خباركم وخبرا زين من ناس طيبين في ملتكم اهلا بيكم سلامنا كتير كتير كتير
| |
|
|
|
|
|
|
مرحبتين حباب الخواض (Re: المسافر)
|
مرحبتين حباب الخواض وشكرا للحن الجميل سافر سافرت مع اللحن السمح بالحيل وزولا قوله كله سمح كان في قلوبنا من زمن بعيد لا خلى سهم لا خلى رمح وجوة الجوف قعد واتحكر وقعادو سمح
| |
|
|
|
|
|
|
|