Post: #1
Title: إحقاقاً للحق وإبطالاً للباطل اعتزال صن رايزز 123و رومانسي
Author: sunrisess123
Date: 06-10-2002, 01:23 PM
Parent: #0
مراعاة لاصول المهنة وتقاليدهايا حبيبنا بكري ودون آي تجاوز أو إخلال بمفاهيمها السائدة
ولا أنكر ان هذا لن يقل من جانبكم وعن التزامكم بدوركم اذا قدمتو
دليل شافي وواضح او حتى سبب مقنع للحذف او بما تفرضه أصول
المنصب الوزاري وتقاليده بالبنسبة لكم لا سيما وانتم في مركز يفرض عليكم الحيطة ويملي عليكم الحذر ولديكم تبعا لذلك الدراية الكافية بما يحدث في الحياة العملية بحكم ممارستكم الرائدة أضف إلى ذلك كله أننا لسنا بصدد قضيه روتينية او معاملة تتعلق بتأسيس شركة او او او فهذه وامثالها لا تثير اهتمام الغير بها ولكننا يا إدارة يا راشدة يا ويا ويا أمام
قضية تستوجب الوقوف والتصدي المتميز نظرا لما لوقائعها ومدلولها من أهميه وحساسيةفأنني عن نفسي وعن شخصي الضعيف وأخي رومانسي الذي وضح لي ذلك عبر البريد وعبر الهاتف وعبر المسنجر ولتفهمنا للوضع وما يدور وبعد دراسة الموضوع والنقاش فيه تم التوصل على أننا لا نرغب في الاستمرار للأسباب السالفة الذكر ولغض الإدارة الطرف عن موضوعي(موضوع الحذف التعسفي) الذي كان محل تساؤل لانني اريد ان اتخلص من تحكمكم في مصيري ومستقبلي على هذا النحو الذي فيه إهدار لحقوقي ولن أمارس أي نشاط أو عمل يكون لمعاليكم فيه دور أو عمل أو واسطة أو سلطة
وهذا بمثابه اعتزال
والسلام والتحية
والى ان نلتقي في سودانا حيث يطيب الجلوس
sunrisess123/رومانسي
|
Post: #2
Title: Re: إحقاقاً للحق وإبطالاً للباطل اعتزال صن رايزز 123و رومانسي
Author: Bakhaf
Date: 06-10-2002, 01:32 PM
Parent: #1
يااخوانالحصل ما بيستاهل ياخي
سوء تفاهم وتمت معالجته تاني الانسحاب في شنو
نحنا نصلحا بي هنا وانتوا تقدوها بي هنا والله كلام عيب منكم الرجاء اعادة النظر يا اخوان
ولكم الود
|
Post: #3
Title: Re: إحقاقاً للحق وإبطالاً للباطل اعتزال صن رايزز 123و رومانسي
Author: رومانسي
Date: 06-10-2002, 03:37 PM
Parent: #2
لا حولة ولا قوة الا بالله
اهلنا زمان قالو البباري الجيريوات بخربشنو
|
Post: #4
Title: Re: إحقاقاً للحق وإبطالاً للباطل اعتزال صن رايزز 123و رومانسي
Author: bamseka
Date: 06-10-2002, 04:01 PM
Parent: #3
ايوب رومانسى والله حيرتونا عدييييييييييل
البوست بتاعك يا ايوب بقول كلام ... ورد رومانسى بدلى بمعنى اخر
حيرتونا ياخى
وانا واحد ما فاهم حاجة بعد الكلام والتعابير دى
|
Post: #5
Title: Re: إحقاقاً للحق وإبطالاً للباطل اعتزال صن رايزز 123و رومانسي
Author: zahjana
Date: 06-10-2002, 04:08 PM
Parent: #4
الأخوان صن رايس و رومانسي
الحاصل شنو...انتو متفقين و لا مختلفين ؟
اذا مختلفين المسينجر ما أفضل..
مع احترامي
|
Post: #6
Title: يا سيدي
Author: filan
Date: 06-10-2002, 04:27 PM
Parent: #1
يا سيدي الفاضل يا أيوب..بعد السلام..أولاً إسمك يعني يذكرنا بالصبر..وثانيا..إن كنت قد فهمت بعض الذي حدث(من البورد وليس من الماسنجرات)فإن الأمر هو (سوء فهم..ليس إلا...ولو رجعنا لأصل الموضوع فهو ليس بالأهمية التي يحدث بها هذه الزوبعة..قد تكون (حساس بعض الشيء)وقد تكون الإدارة سريعة في (الحذف)وبطيئة ومتأنية في إعادة المياه لمجاريها..ولكن..هل من حق من كتب موضوعاً في البورد أن يشاور فيه صديقاً عبر الماسنجر ليجري له عملية نقل دم أو إسعافات أولية بعد أن يراق دمقه علي منصة البورد المليئة ليل نهار بالقرأ؟؟أقصد هل من حقنا كأعضاء(إن كنا كذلك) وهذا الشكك مرده رسالة وصلتني من أمين الموقع تطالبني بالتوقيع علي ما سبق وأن بصمنا عليه..هل من حقنا أن وعلي رأي المثل الدارجي(شاكلني في السوق وإعتذر لي في زقاق)فهل يحل الماسنجر خلافاتنا العامة في ركن قصي؟؟؟ثم لماذا يا أخي أيوب هذه الإنهزامية؟؟لماذا لا تقنع الإدارة بوجهة نظرك ؟؟لماذا لاتقاتل في دفاعك عن حقوقك؟؟ولماذا يختف أستاذنا رومانسي خلف ردك ولا يعلن وجهة نظره,التي في رأي ستزيل غبار الشكوك وأتربة الظنون...وأوصيك ونفسي والجميع بأن (لا يضيع حق وورائه مطالب)ولنا من إخوتنا في فلسطين أبلغ مثال..لك ولرومناسي وللجميع التجلة...وبالمناسبة أعجبني إسلوبك الرائع في التعبير..ورب ضارة نافعة فقد أظهر إختلاف وجهات النظر الجانب الذي خفي علينا في شخصك..وليطير نزار قباني وأشعاره فكلماتك أجمل من أشعاره وزعلك انقي من مجونه..والتحايا للجميع
|
Post: #7
Title: Re: يا سيدي
Author: cola
Date: 06-10-2002, 04:43 PM
Parent: #6
العزيز ايوب انا شايفك مكبر الموضوع وكمان نزلت اسمى مع جكس البورد
و ما احتجيت ليك لانى ما فاهم اقحام اسمى فى البوست المزكور وبعده كله الاداره رجعت ليك بوستك تانى فى شنو ياراجل خليك حكيم وارجع لينا تانى وانته تعال السعوديه مسخنه اليومين دول ولا شنو قلته يمكن من تاثير الحراره الزايده مؤثره فى الصلعه
اخوك كولا
|
Post: #8
Title: Re: يا سيدي
Author: wadazza
Date: 06-10-2002, 04:50 PM
Parent: #7
أيوب
الموضوع لايستحق كل هذه المعركة...أقعد وقول بسم الله واشرب ليك كباية شاى..والعن ابليس وتعال للبوست ده ذاتو ..واكتب رد ايوب على أيوب واتمنى انه ردك على أيوب يكون يا أيوب مافى حاجة مالك غضبان استهدى بالله
تحياتى
ود عزة
|
Post: #9
Title: Re: يا سيدي
Author: رومانسي
Date: 06-10-2002, 05:09 PM
Parent: #8
بامسيكا
زهجانة
فلان
كولا
ود عزة
هل يستقيم ان تتم استقالتي عبر احد اخر وانا املك اسم دخول
هل طلب لي الاخ ايوب اسم دخول حتي يتقدم باستقالة باسمي
ماذلت انتظر منه اعتزار علي ما فعله معي لاتفاجا باستقالتي
بكل ثقة مع استقالته
انا اجلس علي النت في اليوم اكثر من 10 ساعات حسب عملي هل يشق
علي ان اكتب استقالة في لحظات
ايوب
ايوب
لا اجد سوي الحيرة معك زكرت اني ارسلت لك اميل وكلمتك تلفون وماسنجر
ان تاتي بما في التلفون فهو صعب
ان تاتي بالايميل الذي ارسلته لك فمن السهولة بمكان ان تاتي به فما عليك سوي نسخه كاملا من اعلي الصفحة الي ادناها حتي يظهر التاريخ والايميل
اتمني ان يكون هذا الايميل موجود لاني لا ازكر اني ارسلت لك اميل قبل اكثر من شهر ان تاتي بما قيل في الماسنجر فهو سهل واستغرب جدا لهذا فقد كان معي اليوم الاخوة بوب حبيب الكل وبامسيكا وديك الجن في محادثة واحدة وانت خرجت قبلي من المحادثة فكيف يستقيم العود اخي
لا حولة ولا قوة الا بالله
الي الباحثون عن الشهرة والباحثون عن التالق لست مطية لهذا
فلم اشا ان اكثر من الردود عليك بالامس واكتفيت بما ارسلته للاخ بكري في الادارة الذي وعد بمعالجة الامر
لكنك دائما تفاجاني كل يوم اخي ايوب اتقي الله في نفسك وفي اخاك فانا في هذا البوردمنذ بداياته ولم يعلم عني هذا لماذا تفعل بي كل هذا
|
Post: #10
Title: Re: يا سيدي
Author: waleed500
Date: 06-10-2002, 06:34 PM
Parent: #9
ايوب والله حيرتا الشعب العربى زاتو
يا ابنى مالك انت حاسى بى شنو اليومين دى
موضوعك ورجعو ليك تانى شنو
استقالتك انت عندنا فيها كلام خليك تجرا ليك زول معاك
استغفر الله وراجع نفسك يا غالى نحن فى حوجه ليك اكتر من نفسك
|
Post: #11
Title: يا رومانسي الموضوع ما لعب
Author: sunrisess123
Date: 06-10-2002, 06:43 PM
Parent: #1
" "sunrisess on line says:
اها عنوان الاعتزال شنو
حامل المسك:
القلتو ليك
" "sunrisess on line says:
قولو تاني
" "sunrisess on line says:
سرعة عشان ماشي اتغدا
" "sunrisess on line says:
وانزل البوست دا
حامل المسك:
اوكي
حامل المسك:
احقاقا للحق وابطالا للباطل
" "sunrisess on line says:
احقاقا للحق وابطالا للباطل اعتزالى والعزيز رومانسي
حامل المسك:
" "sunrisess on line says:
عندك اي رسالة ولى اخليهو بوست فارغ
حامل المسك:
براحتك
" "sunrisess on line says:
لازم يكون عندك رائ
|
Post: #12
Title: Re: يا رومانسي الموضوع ما لعب
Author: رومانسي
Date: 06-10-2002, 06:58 PM
Parent: #11
" "sunrisess on line says:
اها عنوان الاعتزال شنو
حامل المسك:
(اكتب اي حاجة)
" "sunrisess on line says:
قولو تاني
" "sunrisess on line says:
سرعة عشان ماشي اتغدا
" "sunrisess on line says:
وانزل البوست دا
حامل المسك:
( اكتب اي حاجة)
حامل المسك:
(اكتب اي حاجة)
" "sunrisess on line says:
احقاقا للحق وابطالا للباطل اعتزالى والعزيز رومانسي
حامل المسك:
(اكتب اي حاجة)
" "sunrisess on line says:
عندك اي رسالة ولى اخليهو بوست فارغ
حامل المسك:
اكتب اي حاجة" "sunrisess on line says:
لازم يكون عندك رائ
للاسف يا ايوب انا فقدتك والله ما كنت بتمني تصل الامور بيننا للدرجة دي
ما فهمت قصدك انت داير شنو بعدين يا استاذي ايوب من السهولة بمكان انك تكتب اي حاجة في الفراغات دي لانه النت والكمبيوتر ما عليها حدود
وازكر انه في هذه المحادثة كان معنا اخوة زكرت اسمائهم من قبل
اذا كنت تريد ان اذهب من هذا البورد فبامكانك ان تطلب مني هذا
ولكني لن افعل ايوب
اذا ما هو قصدك ولما تحرف الكلمات
ايوب بالله عليك اتقي الله في وفي نفسك مرة اخري فقد مللت هذا ولا اريد الخوض فيه اكثر
اذا كنت تري ان هذا البورد لا يصلح لك فبامكانك الذهاب ان تصطحبني لا افهم هذا!
اخي ايوب جدلا ان قلت هذا او قلت لك سب كل من في البورد هل انت فاعل
هل انت مدرك لتصرفاتك ايوب ؟؟؟؟؟
هل انت من قمت بتسجيلي فهذا البورد كي تقوم بتقديم الاستقالة لي
ايوب بالله عليك الي هنا وانا لا اريد مزيد ان كان عندك مشكلة مع احد لا تاخزني درقة لك فلك قلمك ولا اظنه عاجز اما ان تقحمني بهتانا وزورا فهذا ما لا اتحمله بعد هذا
اخي هل راعيت لوقار نفسك قليلا
ود عزة يعلم ما فعلت في جهازه
المريود كذلك
وغيرهم كثر
ارجوك ان تخرجني من هذا المعترك فانا اري معركة من دون سبب
ان كانت الادارة حزفت لك بوست فحاسبهم
وان كنت انا من تضرر من بوستك كيف يستقيم ان اتقدم بمناصرتك واستقيل معك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالله اعقلوها
ايوب هذا الامر صار مملا ومضجر توقف الي هنا والا ماذذلت امسك نفسي
لا تطرني ؟؟؟
|
Post: #13
Title: Re: يا رومانسي الموضوع ما لعب
Author: bamseka
Date: 06-10-2002, 07:35 PM
Parent: #12
|
Post: #14
Title: Re: يا رومانسي الموضوع ما لعب
Author: sunrisess123
Date: 06-10-2002, 07:37 PM
Parent: #12
وين الضمير
وين المبدأ
هي انتخابات دي
لمن يزوروها
حكوم3ة بمي حالها
جامعات بي حالها
لو بنزور
ما كان دا حالنا
وين الفكرة المبدأ
الاصل
الحرية
الديمقراطية
ا
ا
ا
ا
|
Post: #15
Title: Re: يا رومانسي الموضوع ما لعب
Author: bunbun
Date: 06-10-2002, 07:41 PM
Parent: #14
!!!!!!!!!!
؟؟؟؟؟؟؟؟؟؟
|
Post: #16
Title: Re: يا رومانسي الموضوع ما لعب
Author: waleed500
Date: 06-10-2002, 07:46 PM
Parent: #14
انا ما عارف بس شكلك ما نمتا كويس او ما اتعشيت ليلة امس
|
Post: #17
Title: Re: يا رومانسي الموضوع ما لعب
Author: رومانسي
Date: 06-10-2002, 07:52 PM
Parent: #16
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كله مردود لك
سل نفسك فقد اضناني التفكير
لماذا كل هذا !!!!؟؟؟؟؟؟؟؟؟؟؟
|
Post: #18
Title: Re: يا رومانسي الموضوع ما لعب
Author: Canadian_Forces
Date: 06-10-2002, 09:27 PM
Parent: #17
سلامات يا اهلنا...
و الله العظيم يا جماعة بالغتوا عديل كده ... ما ممكن لكن, نهايته وييين الحاصل هنا ده من مشكله لمشكله و من استقاله لاستقاله حاجات عجيبه حاصله . و الله الواحد بقى يفكر مليون الف مره قبل ما يخش البورد . ياناس نحنا ناس كباررررر . و مافى داعى للبنعمل فى ده , لو فى اى و احد عندو مشكله مع اى زول هنا احسن يحلها معاهو فى اى ملف تانى . لانو و الله و بصراحه كده عملتوا ليتا نفسيات. ارحمونا عليييييييكم النبى , الفينا مكفينا
|
Post: #19
Title: Re: إحقاقاً للحق وإبطالاً للباطل اعتزال صن رايزز 123و رومانسي
Author: BousH
Date: 06-10-2002, 11:52 PM
Parent: #1
احبابنا الكرام
انا مداخلتي ما في موضوع الخلاف،،، في هذا البوست معلومات خطيرة جدا
يعني في ناس بخترقو اجهزة ناس وانتو ساكتين طول هذه المدة
سوال بماذا تسمون مثل هذه التصرفات الصبيانية؟
ارجو من الاخوة بالبورد بان بفضحو كل من تسول له نفسه القيام بذلك دون تاخير او انتظار لحظة الخلاف معه
ولكم الشكر
|
Post: #20
Title: Re: إحقاقاً للحق وإبطالاً للباطل اعتزال صن رايزز 123و رومانسي
Author: hamooz01
Date: 06-11-2002, 00:09 AM
Parent: #19
الظاهر ياناس البورد نية الحكومة طلعت عليكم بعد كده اعملوا حسابكم الناس ديل الظاهر شيوخ عديل كده
سنلتقى
|
|