القروش ،هذه الاوراق،هل تحكم حياتك.......

كم مرة في اليوم بتتضايق لمن ما يكون عندك قروش او خليك من ما عندك قروش و

خلينا نقول لمن تخليك القروش تتشاكل مع المحيطين بيك و تعمل ليك نفسيات


المال ما مدى اهميته في حايتنا؟

القروش و لا الحب اذا خيرتي؟

كيف ممكن تكون سعيد من غير قروش؟

العربية ديك ابداع متين حيكون عندي و حدى زيها،كمان القروش؟؟

اها يا جماعة قولوا لي رايكم شنو

موضوع متجدد..يانسانة

:أقوال

معاك قرش تساوي قرش
الراجل عيبه في جيبه


:حقائق

قيمة القروش فيما تشتريه بها من أشياء
القروش بتجيء وبتروح
القرش بجيب قرش

:مقارنة
القلم ما بزيل بلم
القرش بزيل بلم

No one can serve two masters

God & Money .

إنسانة
موضوع عميق يحمل اسئلة مهمة فى زمن السيطرة المادية..فالفلوس كما يقال نجحت فى تأجيج الصراعات على مختلف أوجهها فمن اجل المال يحكم حاكمون ويسرق سارقون ويقتل قاتلون..ويكاد يلهث خلف ذياك البريق النشاط الانسانى بمجمله..وفى حالات كثيرة يصبح المال هو سيد العاشقين وجامع ومفرق الأحبة..وضاعت عبارات مثل عشة صغيرة كفاية علينا فى خضم الزحف المادى على السلوكيات والاتجاهات...ومرة كتب شاعر الشعب محجوب شريف:-
لما عرفتك اخترتك سعيد البال
وخت شبابى متيقن عليك آمال
لاجيتك قبيلة ولا رجيتك مال
ولا مسحور
وفى عينى ماكنتى اجمل من بنات الحور
جيتك عاشق بيتعلم مع الأيام
ومن سأم الليالى البور
ومن أسر الولف كتال

هل ثمة مكان لهكذا عاشق فى هذا الزمن عظيم الرنين
تحياتى
ودعزة

عزيزتى انسانة

بعيد عن المثاليات والمدينة الفاضلة
فان منطق زماننا هذا هو:

معاك قرش تسوى قرش

والقرش بقع فوق القرش زى ما قالوا اهلنا ما بقع فوق البرش

ونفسى اربح المليون

الغالية إنسانة

لك التحية والتقدير

إسمحي لي أن أشيد بالتسأؤلات التي طرحتيها في هذا الصدد، وهي بالفعل أسئلة تستحق الوقف عندها..والتأمل فيها للأهمية التي يمثلها هذا الموضوع (القروش لها وما عليها) وتأثيرها على حياتنا فيما يخص مختلف الأوجه....وبالتأكيد تكثر وتختلف وجهات النظر في هذا الشأن نظراً لإختلاف أنماط وأنواع البشر وإتجاهاتهم ومعتقداتهم وسلوكهم ونشأتهم هذا وإن إتفقوا في بعض النقاط...ولما كان لكل وجه نظر..فأسمحي ببعض الكلمات في هذا الشأن.

منذ أن عرف الإنسان التعامل الذي يأخذ الطابع التجاري (المنفعة المتبادلة) حيث لم تكن هنالك أموال وكان التعامل يجري عن طريق التبادل (المقايضة) وبطابع الإنسان الفطري المتمثل في حب رغد العيش، الرفاهية، راحة النفس، إمتلاك كل ما هو جيد ورائع ووووو.... من المؤكد أنه كل إنسان يرغب ويحلم بأن يكون من زوي الجاه والمال....وهذا عبر تطور الزمان حتى هذا اليوم...وإن تناولنا وجهة النقاش عما يدور لدينا هنا في هذه البلاد....عبر حياتنا وحياة من سبقونا منذ ان كان العيش وسبله رغدة هينة وحتى هذا اليوم الذي إستعصت فيه مناحي الحياة كسب الرزق ورفاهية الفرد (إلا من رحم ربه).... ومن هذا المنطلق، أقول لك بأنه بالفعل عندما أتحدث عمن هم في المستوى المعيشي دون الوسط أو حتى الوسط....هنالك معاناة....معاناة حقيقة تظهر جلية واضحة لا يخفيها إلا قناعة ورضا البعض بالمقسوم رغم الإحساس بالمرارة والغصة المؤلمة بالدواخل....فلحظات الضيق يا أختي كثيرة....كثيرة بكثرة لحظات قهر الحياة وجورها في الكثير من المواقف...بكثرة عدم توفر المال وباليد روشتة علاج لمريض يئن من الألم...بكثرة لحظات التضور جوعا.
فالاوراق هى تحكم حياتنا اختى انسانة ... وتحكم السعادة وتحكم الانسان ومن هنا تحياتى لشخصك اختى انسانة.

ان الدراهم تكسى الرجال هيبة وجمالا
وهى المحك الحقيقى للرجال والنساء عموما
وقد فات زمن الاشياء الجميلة والتقدير لشخص الفرد
من غير ما لا تساوى شيئ سأل احد الناس الاخر اتعرف فلان قال نعم
قال تعاملتة معة فى الدرهم والدينار قال لا قال ازن انتة لم تعرفة بعد
ازن المال عصب الحياة وكلنا نسعى الية وهذا زمن المال ومن يقول غير ذلك
فهو كازب

نسأل اللة ان لا يحوجنا ابدا

طبعا يا جماعة القروش اصبحت و كانت و ستكون دوما شيئا مهما في حياة الناس و هي محور تفكيرهم الدائم سواء الشخص لديه مال او ليس لديه

....يتبع

اخ قاسم

كلام معظمه صحيح انه القروش تكسب هيبة للرجل او المراة و تجعلنا لمن نذكر اسمهم كاننا بنقول "اي بعرفعم شديد" في حين تكون المعرفة سطحية احيانا و كاننا نفتخر بنفسنا اننا عرفنا هذا الغني و هذه الغنية،لكن اعتقد انو الاخلاق و الصدق فوق كل شىء فالزول لو كان شنو داك ما بشرفني معرفته

اخ ود عز

زمن الحب بلا عقل اعتقد انه انتهى،و دي حاجة ايجابية في و جهة نظري و ماهي تخلي عن المشاعر في سبيل المال و لا حاجة بس لازم الانسانة تقتنع من عقلها بالحب اولا حتى يقدر لهذا الحب ان يعيش اذا الله سبحانه و تعالى اراد ذللك و لكن الجري ورى العواطف بلا نظرة بعيدة المدى غلط كبير

...يتبع الردود

Dear ensana
salam min ala3mag
very nice topic
لكن نظريتي هي قشة قشة وطوبة طوبة

وصديقتي دايما تقول خليك انتي فى قشتك دي لكن انا طابق طابق
عالم بس جنها ماديات

الصديقة تسنيم اهلا بيكي

النظرية ما البحث عن المال بالتجرد من الاشياء الاخرى،مثل الحب اشياء التضحية،التعليم و الشهادات،الاخلاق

انا لمن طرحتى الموضوع ما كان قصدي كدى ،بس كنتى بتسائل القروش لي بتخلق فينا كل التساؤلات دي

لكن انا معاك في حكاية قشة قشة دي في حال كان في مستقبل للزول العايزة

ترتبطي بيهو لكن كان عواطف ساي معليش انا ما معاك

اجمل تحيه للكل تعرف انا مداخلتي انو الموضوع فلسفي لا اكتر ولا اقل يعني بالرغم من اهمية القروش في الزمن ده بس عاوز اضيف حاجه العندو قروش ما مرتاح والما عنده ما مرتاح يعني قلق في قلق وعلشان ارطب علي الكل بطلب من اخونا ود العزه يحاولينا اغنية صباح البساطه البساطه يا عيني علي البساطه تغديني جبن وزيتون ........ وحتي الجبنه والزيتون اصبحو بقروش كتيره والا شنو يا ناس الخرطوم ودمتم احبتي

الغاليه انسانه
مساء الخير

منذ قديم الأزل والجدل دائر حول حقيقة العلاقة بين المال والسعادة .. وهل يستطيع الأنسان ان يشتري

السعادة بالماااال ؟؟؟ ام ان الثراء لا يشتري السعادة وان الثراء لا يعني الشعور الحقيقي بالسعادة

ولا شك ان قناعة الأنسان بالمقولة الشهيرة التي تقول القتاعة كنز لا تفنى هي عامل في حد ذاته وراء سعادة

الفقراء وقتاعته بحاله .. وبالتلي سعادته .. لكن الأقتصاديين اثبتوا اخيرا من خلال دراسة جرت في بريطانيا

والولايات المتحدة .. انه كلما ازداد مال المرأ ازداد قدر سعادته .. وان عدم شعور اصحاب المال بالسعادة

يرجع في الأساس الى عدم استمتاعهم باموالهم نتيجة تاثرهم باحداث اخرى في الحيااااااااة

ويؤكد هؤلاء الأقتصاديين ان المال هو الأساس لقياس السعادة وطبقا للبحث الذي طبقه كل من البرفيسور

أندرو ازوالد بجامعة اوريك ان السعادة التي يمنحهااااا الزواج يمنحهاااااا حصول الشخص على 60 الف

جنيه في السنة .. هذا بناء على التجارب التي طبقت على اشخاص بالقياس الى دخول بعض الأشخاص

ودرجة سعادتهم واوضاعهم الأجتماعية ..


اذا بعد هذااااااا هل مازلت تعتفدى ان القناعة تهب السعادة وان المااااااال مهما زاد وتعدد فانه لا يهب السعادة

ام انك اقتنعت ان المال يهب للمرا السعادة التي لا يحلم بهااااااا الفقراء الذين لا يعرفون قيمة الماااااال

واهميته لأنهم اصلااااااا لم يشعروا بحلاوة المال وقيمته ..

ههههههههههه عالم ماديين ... لكن و الله دى الحقيقه يا اخونا . عندك قرش تسوى قرش , كده بس عاينو لى اقرب مثال صلاح ادريس , السودان كلوا صلاح جاء صلاح مشىصلاح نام صلاح دفع. كده اتخيلو انو صلاح ادريس ده فلس .. تانى فى زول بجيب سيرتوا ؟؟.قروش = سعاده = كل ما تتمناه تدركه .
و يا اخت انسانه المال هو كل شى فى حياتنا , و بصراحه كده اى زول عاقل تخيرى بين المال و الحب بجرى جرى على المال و انا اول و احد . ياااااااااااربى 10 مليون و الله يا ناس البورد مليون كامل ليكم بس ادعوا لى

<BGSOUND src="http://mypage.ayna.com/html_java2000/kinooz_al_dunya.wma" style="color:black;background-color:white">