قصة اقرب من الخيال

معقولة بس يا ناس

هكذا تبدا قصتنا وهى فى قمة الروعة ولد شاب يتعرف على بنت فى المواصلات وتنشا بينهم علاقة ؤد غريبة من نوعها وفى ذات الوقت الذى نشأت بينهم هذه العلاقة كانت بينهم علاقة اخرى وهى فى الماسنجر وذلك دون ان يدرى اى احد منهم فقد كان بينهم حنك سنين فى الماسنجر ويال حلاوة القدر يعشقون بعض ايضا فى الطبيعة ودون ان يدرون بانهم هم الذين يتوادون بالماسنجر
وتمر الايام وهم يهنئون بعلاقتهم الجميلة
ومازالو لا يعلمون بانهم هم

تعرف اخوي نور والله ا نته ظريف كميات بس ما قلته لي القصه ابتدت والا انتهت وبعدين ا لمواصلات دي وين في تايلاند يعني ركوب افيال وكده ودمته عزيزي

نور العين ياخى كتلتنا من الضحك والقصة رائعة ومازالو لا يعلمون بانهم هم

العزيز نور العين
لا ادري كيف تصف علاقتهم بانها جميله وهنيئه وهم لا يجرؤون علي مصارحه بعضهم البعض بي علاقتهم الاخري
طيب صدفه ساي كدا ما حصل واحد قال لي التاني؟

Quote: حبينا وليم اندريا والله القصة دى لا عارفين ليها اول ولااخر لكن بينى وبينك شكلها كه فيها ركوب افيال ويا حبيب الكل هو الا الواحد يعنى يبوح ما بتعرف انتا لغة العيون

سلام نور
كيف تكون علاقة جميلة وكل واحد حسب ظنه انه داخل فى علاقتين

اهلينن سموحة مشتاقين والله
تعالى انتى هنا يا بنتى ماسمعتى
باالحكمة البتقول واحد للف وواحد للرف وواحد للسف
وكمان زيادة منى واحد فى الصف
واللبيب لا بالاشارة يفهم

دا يا نور الحاصل هنا زاته
وعلى ما اعتقد ان ما حتكون فى ثقة بيناتهم ابدا
ولا يمكن تسميتها علاقة جميلة

عارفة يا سماح انا مصر على انها علاقة جميلة وده لانو الصدفة هنا لعبت دووووور كبير بينهم وانا اتخيل لو انهم علمو بانهم هم نفسهم الذين يعشقون بعض بالماسنجر ستقوا علاقتهم اكثر لانهم سيكونون يتمنون بان يكونو هم هم نفسهم
فاهمة حاجة فى كلامى ده
الله يقطع الفيل الركبتو ده
هههههههههههههههه يكة ماقادر انزل منو لى يومين

ياخى دا الخيال زاتو ياخى ، انت ما سمعت بالجماعة الاتزوجو بالانترنت ،،، تقولى شنو وتقولى منو دا عصر al digital يايخوى

حقيقه هى قصه جميله وبعدين هم ما عارفين بعد فى الماسنجر انتى كيف عرفتيهم بس انا خايف ده يكون حاصل ليكى انتى

الأخ نور العين..

اعتقدت أنك تحكى قصة فيلم:

" YOU GOT EMAIL "

انه فيلم ممتع .. ان لم تشاهده أرجو تأجيره لمشاهدته .. لأنه يحكى نفس المعنى الذى ذكرته..

وشكرا

عمك العجوز
أرنست

يا نور العين ..أنت ..أنت .. أنت
القصة الحلوة دي جبتها من وين

وييييييييين
يا نور العين

عمنا العجوز والله يا عمنا الشقلة دى التقووووووووووووووووول يا ها زاتها بس لو ماكان البص الكانو راكبنو باص الكلاكلة كونتا اقوووووووووووووول ياهو زاتو الفيل

يا نور العين ..

يانور العين ..

يا نور العين..

انت ..انت.. وينك .. وين ..

-----

ياها القصة زاتا .. الا انت ما كملتها .. فى الآخر بتعارفوا سوا وبيحبوا بعض ... حتى فى النهاية .. كان معاهم كلب .. عيونه خضر ..حلب الناقة فى الشنقاقة ..
بتعرف القصة دى كمان ..

..

ولك منى ألف تحية ..

عمك العجوز
أرنست

ثم ماتت عبلة

نور العيون ..

أكرر سؤال الأخ بكاش ..

بالله كيف عرفت القصة دي إذا كان أصحابها أنفسهم ما عارفين ؟؟

الاحتمال الوحيد لصحة ذلك هو أن يكون الشاب هو أنت .. ولكنه احتمال مضروب .. لأنه في هذه الحالة يكون أحد الطرفين يدري بالقصة .. بالله خليك سكر يا عسل العيون العسلية


جـــاد