(السودانيين احسن ناس) ما مدى صحه هذه المقوله وكيف يكون ذلك هل بالقول ام فعلا نحن كذلك كان هذا موضوع نقاش ساخن بيننا نحن مجموعه من السودانيين قبل فتره وجيزه وللاسف وجدنا
انهاعباره عن مقوله فقط (يعني فاكنها في روحنا ساي )واكبر دليل على ذلك ومن غير تفاصيل مانحن فيه الان من غربه و تشتت في جميع انحاء العموره تخلفنا عن بقيه الدول في كل مناحي الحياة سياسيا و اقتصاديا رغم الثروات الهاءله جدا و اخيرا الانحدار السريع جدا نحو التدهور الاجتماعي
لدينا جميع انواع المجرمين والاجرام من نهب و سلب واحتيال و تزييف و قتل و الاخلاقيه وطبعا عندنا اكبر حراميه وتجار بالدين و يخيل لي مافي اسواء من كده)وهذه مشكله ولكن المشكله الاكبر اصرارنا على (نحن احسن ناس) و ياناس ارحمونا
06-08-2002, 03:27 PM
waleed500
waleed500
تاريخ التسجيل: 02-13-2002
مجموع المشاركات: 6653
تحياتى وحبى بى الفعل نحن احسن واحلا واعظم شعب على وجه الارض والكل بشهد بزالك ام عن تخلفنا عن مواكبة العصر اهو البلد ماشه الى الامام فى جميع النواحى بس انتو اختصرو غربتكم وتعالو ساعدو فى التنميه لكن كونك تجلس هناك وتقول نحن ليه كده ده كلام مافى محلو اكرر شكرى وحبى
06-08-2002, 04:39 PM
Sudany Agouz
Sudany Agouz
تاريخ التسجيل: 04-28-2002
مجموع المشاركات: 9014
أولا أود أن أعلق تعليقا بسيطا لاثنى على نبرات صوتك الهادئة .. وتفير طريقة ردودكم .. فكم أحببت هذا فيكم .. وكم وددت أخذكم بالأحضان..
والآن ندخل فى الموضوع ..
لا أدرى يا أخ وليد .. ان كنت فى يوم من الأيام مغتربا .. أو ذقت نار الغربة .. ان كان الجواب بالنفى .. فنطلب من الله ألا تجربها ..
لأننى أتفق مع قول الشاعر .. ان كان هو أحمد شوقى أو خلافه :
بلادى بلادى وان جارت على عزيزة .. وأهلى وأهلى وان ضنوا على كرام ..
من منا لا يود الرجوع .. وهنا أود أن أقف وقفة بسيطة لأشكركم على دعوتكم لنا بالرجوع بطريقة الود والمحبة .. بس انتو تعالوا ..
ولكن يا أخى على أى أساس .. هل هناك الديموقراطية التى نجدها هنا .. هنا لو وددنا أن نقول ونكتب أن الرئيس خاطىء .. هل تعتقد أننا سنرحم .. أم يكون مصيرنا بيت من بيوت الأشباح !! ثانيا .. نرجع لنعمل ماذا .. وكل الوظائف وكل المشروعات تمنح لجماعاتهم .. ولمواليهم ..
فلك على .. يا أخى وليد .. من يدرى .. فقد تثبت لك ألأيام ..أننا أشد ولاء وحبا للأوطان .. لأننا لا ننس البلد الذى ولدنا فيه وترعرعنا فيه وأكلنا من شجره وشربنا من نيله ..
فيا أخى أنا لست بسياسى ولكن أحب العدل .. فلو وجدت فى يوم ما أنا لست بمرغوب فى مجلس من المجالس سوف أستأذن الحاضرين وأنصرف بكل هدوء ..ولا أتعبهم بوجودى ..
وأخيرا .. أشكركم مرة أخرى ولكم منى أفضل تحية أخوية
عمك العجوز أرنست ..
06-08-2002, 05:49 PM
waleed500
waleed500
تاريخ التسجيل: 02-13-2002
مجموع المشاركات: 6653
العم ارنست لك التحيه والشوق ونسال الله ان يرد غربتك وتنعم بى ربوع بلدك انا ما عارف لكن نظرتى فيك فى محلها من اول رد ليك عرفت بانك رجل اصيل ومحب لبلدك والبلد متل ما قلتا ليك يا عجوزنا فى تقدم دائم يوم بعد يوم ولقد اتغربتا انا بس غربه محدود ما طويله وعرفتا المعناه البعنيها المتغرب عشان كده بدعو ليك ربى ان يرد غربتك
06-08-2002, 05:49 PM
waleed500
waleed500
تاريخ التسجيل: 02-13-2002
مجموع المشاركات: 6653
سوال للاخ العزيز وليد هل عشت خارج السودان لو لسنة واحدة؟
نعم نحن السودانيين لدينا قيم اجتماعية ممتازة وكذلك الاخلاق
لكن خلينا نتكلم عن باقي النواحي يعني العلوم والتكنولوجيا والاقتصاد والسياسيةوحتى بعضا من قيمنا الاجتماعية وطريقة تفكيرنا ونظرتنا للحياة عموما وارجو ان نترك العاطفة جانبا وننقد انفسنا بشفافية اكتر ربما نصل لشئ ما
06-08-2002, 04:11 PM
waleed500
waleed500
تاريخ التسجيل: 02-13-2002
مجموع المشاركات: 6653
اولا لنحدد ماوجه التخلف اجتماعية اقتصادية سياسة علوم وتكنولوجيا مؤسسات المجتمع المدني والديمقراطية
عمو آرنست لك التحية والتجلا والله الكبير كبير وانت كبيرنا في هذا البورد نسال الله لك طولة العمر والصحة والعافية ومداخلاتك مهمة فارجو ان ندير حوار هادئي ربما اقول ربما نصل لروية محددة ومفيد لبلدنا وانشاء الله يكون سبب لعودتنا للوطن ولكم التحية
في اعتقادي ان هذه المقولة كانت حقيقية في يوم من الايام ولكن ليس الان بكل الاحوال فاعتقد انها عندما قيلت كان هذا الامر في ايام الازدهار السودان في الخمسينات الي منتصف السبعينات وذلك بمقاييس تلكم الايام ففي تلك الفترة كان الشعب السوداني من احسن شعوب المنطقة وهنا الامر الاخر ان هذا الامر قيل اي الافضلية لنا علي حساب شعوب المنطقة المحيطة بنا من دول عربية وافريقة في ذلك الزمان ففي الناحية العلمية عندما كانت المنطقة تغط في ظلام الجهل والتخلف كان يشع من السودان بريق العلم ونور الجامعات وايضا من نواحي اجتماعية عندما كان مقياسنا للرجل هو الرجل الكلس اخو الاخوان مقنع الكاشفات شيال التقيلة رجل الضيوف هو المقياس قبل ان تتحول النظرة الي ذلك الشخص الان بانه انسان مغفل ومضيع اولاده واسرته علي المجاملة ففي تلك الايام كان من العيب ان لا تكون كذلك من نواحي تقنية عند دخول التلفزيون الي السودان هل تصدق انه دخل الي السودان قبل ان يدخل الي مصر منبر الثقافة العربية في تلك الايام وان شركة سودانير هي ثاني شركة طيران عربية بعد شركة طيران الشرق الاوسط اللبنانية اي قبل مصر والسعودية ودول المغرب التي ننظر اليها الان بانها متقدمة عننا لذلك اعتقد ان معهم الحق تلك الايام والشئ الاخر من نواحي رياضية عندما كان السودان ثالث ثلاثة دول اسست الاتحاد الافريقي كانت بعض الدول القريبة التي نراها الان في كاس العالم لاتعرف كرة القدم ومن اوائل الدول التي حملت كاس افريقيا الذي فارقناه فراق الطريفي لي جملو ولكن انعكس الحال الان ما ذلنا مكانك سر وبقية الدول التي جاءت بعدنا اتت بسرعة الصاروخ وسبقتنا هل تصدق ان اول سيارة دخلت المملكة العربية السعودية هي هدية سودانية خالصة للملك عبد العزيز من الزعيم الازهري ولكن اين نحن الان من التقدم التقني الموجود حتي في السعودية ولكن الشاهد الاساسي علي هذا الامر هو كثرة وتعاقب الانظمة التي حكمت السودان من اقصي اليمين الي اقصي اليسار فكل من ياتي السي السلطة لا يبدا من حيث انتهي من قبله ولكن يقوم باجتثاث كل البينيات التي سبقتة ويبدا من الصفر ولذلك دائما السودان يبدا من الصفر في كل الامور وذلك علي عكس الدول التي من حولنا فيها استقرار الانظمة واكمال ما بداه السلف من الخلف عموما اعتقد ان مقياسنا للتقدم والافضلية كسودانين من وجهة نظرنا مختلف عن المقياس العالمي للامر لذلك نري انفسنا الافضل ولكن بمقاييس الشعوب الاخري فنحن غير موجودين علي ظهر البسيطة ولنا عودة
06-08-2002, 06:06 PM
BousH
BousH
تاريخ التسجيل: 04-19-2002
مجموع المشاركات: 1884
الاخ رومانسي كلامك صاح لكن يبقى السوال هل عقلية السياسي السوداني هو الغاء الاخر؟ ولاحظو معي العقلية السياسية جزء من عقلية المثقف السوداني بدليل اي حكومة سودانية فيها كمية وزراء من حملة درجات علمية رفيعة
والسوال الثاني ايهم الاهم بناء الانسان السوداني ام البنية التحتية للبلد؟
وبرايكم من اين نبدا
ولكم التحية
06-08-2002, 06:06 PM
Sudany Agouz
Sudany Agouz
تاريخ التسجيل: 04-28-2002
مجموع المشاركات: 9014
ألأخ رومانسى أشكركم وأشكركم بحرارة حتى تستغيثوا ..
لأن ما قلتموه وذكرتموه هو حقيقة واقعة .. وللأسف هذه الأجيال الحديثة لم تنعم بما عشناه وبما عايشناه.. ومصداقا لما أتيت به يا أخ رومانسى ..
فى صيف عام 1963 .. كنت وقتها فى المرحلة الوسطى .. وفى الاجازة .. قرر والدى .. أطال الله فى عمره ..أن نقضى الاجازة فى مصر .. وكم كانت فرحتنا .. لأننا لأول مرة نغادر فيها السودان .. أقلينا القطار .. درجة ثانية .. الى وادى حلفا .. ومن هناك نأخذ الباخرة الى الشلال .. وكم كان سرورنا ..ثم من أسوان نقل قطارا آخرا الى القاهرة .. من أول محطة .. عينك ما تشوف الا النور .. القفف تتقاذف من النوافذ .. وكأننا فى يوم الحشر .. أذكر وبينما أنا فى شد حالات الاندهاش .. وجهت لى سيدة كانت تجلس أمامى .. أيهما أفضل السودان أم مصر .. قلت لها السودان طبعا .. احنا فى السودان يستحيل أن نقذف بأشيائنا من الشبابيك .. دون احترام الموجودين داخل القمرة أو الكابينة.. وطبعا وصلنا القاهرة بالسلامة .. ونزلنا ضيوفا على أهالينا فى مصر ..ومنذ وصولنا .. الله أيه الحاجات دى كلها .. حتى الشباشب "بلا مؤاخذة " السفنجات التى كانت تصنع فى السودان.. كانت جديدة بالنسبة لهم .. فبالطبع لا أود التشنيع .. وانما لتوضيح الفروقات .. على ما أذكر كانت قوة الجنيه السودانى تعادل أكثر من الجنيه الأسترلينى..أو 3 دولارات أمريكية ..
وا حسرتاه .. وا أسفاه ..
..
عمكم العجوز أرنست
06-08-2002, 06:40 PM
PLAYER
PLAYER
تاريخ التسجيل: 04-23-2002
مجموع المشاركات: 10283
اعتقد باننا نتميز فقط بالروابط الاجتماعيه والاسريه و بعض القيم الجميله التي يندر وجودها في مجتمعات اخري وهي كذلك ليست كما كانت ربما كنا مميزين في السابق ولكن نحن حاليا و بفضل انقاذ جبهه السجم والرماد اصبحنا اسوا ناس وارخص ناس واكثر الناس تشردا و اقلهم قيمه حتى في بلدك او في سفارتك تعامل اسوا معامله مقارنه بالغير..... السوداني اليوم مستعد ان يذهب اى اي مكان و يقبل باي عمل باجر احيانا و بدونه في احيان اخري حتى اخلاقيا نحن تغيرنا كثرا... في الداخل الارتشاء والحرفنه(الحرمنه) شي ضروري و لازم من اجل البقاء و الدعاره والفساد من اجل الفساد او من اجل غيره شي اكثر من عادي في الخارج اصبح السوداني رخيصا و كلو يوم تسمع بفضائح يشيب لها الراس الاختلاس عادي واشياء اخرى اصبحت اشبه بالموضه ان لم تكن مهنه في اي مكان نحن اخر من يحترم او يوضع له اعتبار او قيمه سواء من صاحب العمل او الجهات الرسميه خصوصا في البلاد العربيه
06-08-2002, 11:42 PM
BousH
BousH
تاريخ التسجيل: 04-19-2002
مجموع المشاركات: 1884
الاخ ايهاب لك التحية والله كلامك سمح الا بس قول لي دي روابط اجتماعية ولا اتكالية ،، وخصوصا الحاصل بره السودان تعال شوف الجمعيات وبيوت العزابة ،، كم شغالين وكم نايمين
الاخ وليد والله لااتمنى الازدهار و النمو لغير السودان (لكن ما
كده) العم ارنست الاخوان بوش رومانسي بلاير الخواض ايهاب والله ما قصرتوا وكنت اتمنى التفصيل و لكن لصعوبه الكتابه باللغه العربيه في كمبيوتري اكتفي بما اوردتم و الحمد لله لسه في ناس بقولوا الحقيقه حتى ولو كانت مره(بضم الميم) مع تحياتي
06-09-2002, 12:08 PM
willeim andrea
willeim andrea
تاريخ التسجيل: 05-01-2002
مجموع المشاركات: 3813
الاخوه الاعزاء اعطر التحايا لكم جميعا النقاش جميل وفيه الكتير من الموضوعيه وهنا اشيد بالاخ رومانسي انته موسوعه عديل وشنو حكاية اول عربيه هديه من الازهري الخ ده معلومه جديده ... الاخ الخواض كلامك معقول وفيه الكتير من المنطق وكفايه نتباكه علي الماضي اما موضوع نحن احسن ناس اكيد نحن احسن ناس في بعض الاوساط وبعض المجالات والكلام ده اهو انطباعات من دول المهجر يعني ناس الخليج غير الغرب وهناك بعض العيوب الواضحه والتي نسمعها باعلي صوت في دول الخليج عندنا النيل والناس عطاشه ولن ازيد وعليكم بالقياس نعم نحن احسن ناس لانو فينا الكثير من البداوه والقيم الحميده لكن حتي هذه اصبحت تتجهه للتلاشي في وسط الضغوط الاقتصاديه والمدينه المزيفه في اوساطتنا واقصد قشور المدينه وربنا يستر واهو بجهد الكل وترتيب الاولويات عسي ولعل انا يصبح الماضي حاضر بكل الجماليات ولكن هيهات ولكم كل الود احبتي
العزيز قرشو اعطر التحايا معقول الايجابيه تحل المشكله يعني نشوف الشي الجيد فينا ويكون ده المقياس ابدا اذا لم نقد انفسنا ونعمل بجهد لا يمكن باي حال من الاحوال ان نصل وحقوا ننسي كلمة معليش من قاموسنا ونتطلع للكوب الملي الخالي من الشوايب والكمال لله ودمته عزيزي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة