الراحل المقيم الاستاذ مصطفى سيد أحمد فى موقع جديد متكامل

الاخوة زوار البورد الكرام
نزف لكم اليوم التهنئة بمناسبة الانتهاء من عمل الموقع الكامل للاستاذ الراحل مصطفى سيد أحمد على الويب.كان حلما رائعا واليوم أصبح واقعا نستمتع به .كله ما نرجوه منكم أن تتصفحوا الموقع باكمله مع إرسال ملاحظاتكم وإقتراحاتكم بالتوقيع فى سجل الزوار أو بارسال بريد الكترونى للمصمم على
[email protected]
فالى ذلك الصرخ الشامخ ذلك الرجل التاريخ
مصطفى سيد أحمد
www.geocities.com/muwafagg عنوان الموقع

مع خالص تحياتى
ودسلفاب

اخيه المقبول سيد احمد المقبول
زوجته بثينه تلك الواحه الخضراء التي استظل فيها
كلمااشتد عليه الم الغربه والأغتراب
كانت دارها مجمع للجالية السودانية
اينما حل بهما الرحال

سيد احمد ود سلفاب
كما كان يحلو له رحمة الله تسميته


سامر الحلبي
كما كان يحلو له تسميته

بشير عبد الرحمن نموذج
اخر من الوفاء والعرفان

لما بكره يا حليوة

لما أولادنا السمر

يبقوا افراحنا البنمسح بيها

احزان الزمن

لم يفقد الأمل رحمة الله لحظة واحدة في مستقبل
سوداننا الحبيب
والذي مثله في فرحتنا

اقسم بالله من
عرفه ومن حظيا بلقائه
يصلي وينحني لاله في عيون العسليه

الاخ الفاضل ود سلفاب

لك التحية والود
مشكور على المجهود وانشاء الله ح يكون بينا تواصل

وشكرا على اللفته الباعة

الله يديك العافية

تحياتي
بوش

شكرًا ود سلفاب

يعني كان لازم تفوت

الحردلو في رثاء حبيبنا

وكان – عليه سلام – تقول ما زول حياة



-1-

... تانى قام واحدْ جميلْ فى بلدنا ماتْ

وكان بِغنى للمساكين والمسولتين والحفاةْ

وكان بِغنى للمنافى والعصافير والرُعاةْ

وكان بِغني لى بلدْ فى الحُلم شايل أغنياتْ

وكان بِطنبر .. وكان بِدوبى للحياةْ



-2-

تانى قام واحدْ مَلِكْ رَوَّحْ وفاتْ

وكان مَلِكْ فى الريدْ .. وانسانْ فى الصفاتْ

وكان مهاجر فى دموعْ كُلَّ البُكاةْ

وكان وترْ مشدودْ .. ومسكونْ دندناتْ

وكان – عليه سلامْ – تقولْ ما زولْ حياةْ !



-3-

يا مصطفي

طاري الجماعه الكانوا سَاكِنكْ دوامْ

من منفى لى منفي

ومن عودْ .. لى سَفرْ

طاري العصافير المسافراتْ دون جوازْ

طاري اللى داجين فى المطرْ

عبد الرحيم وهلمَّ جَرْ

طاري القطرْ

طارى الحرازْ



... الليله كانوا جميعْ هناكْ

قَسَماً يمينْ

كان الجميعْ باكين عليكْ

كان المطارْ والطائراتْ فارشينْ عليكْ

كان الجميعْ مشتاق اليكْ



يا سلام عليكْ

لمان تكون زولاً عزيزْ

عِنْ ناسْ عُزازْ

يا سلام عليكْ



-4-

.. يعنى كان لازم تفوتْ

والحُزنِ مشرورْ فى البيوتْ

والدنيا مَا زال فيها حُوتْ

وفيها لِسَعْ عنكبوتْ !



... يعنى كان لازم تفوتْ

وتخلى أوتارك سُكوتْ

ولسه عندنا ريدْ جديدْ

ولسهَ عندنا ليكْ قصيدْ !





... يعنى كان لازم تفوتْ

وتخلى هذا الحبْ يموتْ !



-5-

يا سلامْ عليكْ

لمان تكون زولا عزيزْ

عِنْ ناسْ عُزازْ

يا سَلامْ عليكْ !

--------------------------------------------------------------------------------
شادن الحزن النبيل

وترك حزين وغناك محزون كالوتر
فجعك اليم يا مصطفي
نارا بتوقد في القلب
حرقة واسي واسفا طويل
يدوم بفقدك مدي السنين

جيت تقهر الام الغلابة
بغناك وانت فيهن
والحزن ساكن جواك
رغم الالم الاضنى الحشي
ما شكيت الوجع الدفين

رائع حقيقة
رسمت في الوجدان
لوحة المشاعر والاحاسيس والشجن
ورحلت يا اصدق دليل
وترك حزين لاكنو عائش في القلب
مدى الصباحات الباهية لونها مدى السنين

في يوم مشيت ليك يا بحر النغم
نزلت في شاطئك غريب
سالت عنك النوتى اجابتنى مقلتاه بالدموع
فعرفت ان المركب فقد الشراع
جرفتة امواج القدر اتلاشي راح

حلو النغم مرسل جميل
كل الاحاسيس المرهفه
تخدع تجيك ترقص تميل
لو مرة سمعت غناك
يا شادن الحزن النبيل
___________________
من الشارع بنتكلم ** من الشارع بنتعلم
ونسال برضو في الشارع **عن الاحسن وعن الافضل
ونحلم حلمنا الاول
نتلملم عشان نسلم ** عشان نسلم بنتلملم
_______
rani-(sudani)

الأستاذ : مدني يوسف النخلي

قنديل الكلام

لروح مصطفى سيد أحمد

سفر الخيال

وزرفت كم دمعات بكيت

حسك يغالب في الغناء

روحك تغالب

في النعاس...

ولمست في تهويمي بيك

دمي البوّحد في الحواس...

وقدرت تصبح في غناي

كل الثوابت والأساس

يا غربة الطير البطوف

يعشق غمامات الدعاش

سر العلاقة البين غناك

وأزاهر النيل والفراش

صوت عوالم حزني فيك

واحات من الريد الهيام

وساحات من الشجن الكلام

وأصبحت في عشقك أقول

ألوان من الطيف الظلال

وأوغلت في سفر الخيال

وزرفت كم دمعات بكيت

على غُصنك الكتلو العطش

على حلمك العدى وطفش

داخل مواني الذكرى عاد

قنديل من الضو الرعش.
____________
rani-sudani
____________
من الشارع بنتكلم**من الشارع بنتعلم
ونسال برضو في الشارع **عن الاحسن وعن الافضل
ونحلم حلمنا الاول
نتلملم عشان نسلم** عشان نسلم بنتلملم

شكرا يا ودسلفاب مجهود رائع

شكراً لك أخ ود سلفاب على هذا المجهود الرائع وشكراً لأهتمامك بمواطنك المبدع الراحل المقيم مصطفى سيدأحمد
وإذا كان إهتمامك به لهذا السبب أو غيره فإن إهتمام السودانيين جميعاً به وبفنه نابع عن أصالته وتميزه وإحترامه لفنه
نرجو له المغفرة والثواب والشكر موصول لكل من يساهم في إنجاح هذا الموقع ويساهم في تألقه كما كان مصطفى متألقاً دائما
وليد

يا موفق يا وجييه وينك ما بتنشاف فى الماسنجر

--------------------------------------------------------------------------------
يايمة الجانا خميسا اسود
خبر الرادى المابيتكضب
بعد الغيبة وبعد الرحلة
وبعد المهرب
*** *** ***
بعد الفشل الكلوى القاتل
بعد اسئلته المابتتجاوب
جانا خميسا اسود
سرق الفهد الاسود
قتل الفرح الابيض
يايمة الناس تتباكى عليهو
يوم المحشر كان يوم جانا
بس لاكنو في اغرب حالا
*** *** ***
بعد ما كان ركازة الكون
في تابوتا جانا مركز
يمه الفن العشقو صحي
ما كان ابدا سبب تخليدو
*** *** ***
كانت صدق اشعارو ونبضو
وكان بالوجع الديمة احساسو
يجونا كلاب الجبهة الليله
واريتو كمان من ناس الجبهة
سمه سمايتو بربو الباسطو
وقال في الراجل اغرب كلمه
نحن كفاناالجبنا الصورة
وجبنا الكلمة
اصلو الحق دا كلو معاك
لانو حمار الشيخ في العقبة
بيابه يتحرك علشان
*** **** ***
صعـــبة
*** **** ***
كلاب الجبهة
افاعي الجبهة
سحت الجبهة
نظام الجبهة
تيوس الجبهة
*** ***
لا بد في يوم
نمرق الكضبة ..
___________
راني - سوداني
_________________________
من الشارع بنتكلم*** من الشارع بنتعلم
ونسال برضو في الشارع ***عن الاحسن وعن الافضل
ونحلم حلمنا الاول
نتلملم عشان نسلم*** عشان نسلم بنتلملم

شكراً يا رائع على الموقع التحفة

حزناً جزيلاً
أيها الرجل المضمن فى تجاعيد الطفولة
واشتهاء الوعد حاضرة الرؤى
وشفيف الوهلة الأولى
ونصل الانتماء ومحاذير الكهولة
والعناوين الأخر
**
أيها الممدود فى حضن الحقيقة
فى تضاعيف التوجس
والمدارات العميقة
وانفعالات المرايا الخاطئة
واعتصار الشرف همساً وصراع
**
أيها الأمل الذى فى برق حاضرك ابتدأنا
فوق عار الارتجال
عند أنشطة التجاوز
وتفاصيل الاطالة
وقافية التوجس
وانتشاءات الثمالة
**
أيها المأهول بالشكوى
وأوجاع الربيع
الجرف والبشرى وأضرحة الخريف
أيها المسكون بالوجعين
والأخر ودائرةالرغيف
أيها المأهول بالشكوى
من يسر التخاطر والتواتر والحفيف
نحن فى صفر التأمل قد بدأنا نفترض
صحو الخلايا
فى الوشيك المفترض
والسخاء المستمد من احتمالك للتداعى
وبعض أسئلة الغيوم
المتعبات من الاقامة فى الرحيل بلا جواب
نحن أوحينا الماقى نضرةً
والتزمنا اندلاعك
فى "الرواكيب" المنافى
و"المطامير" الفيافى
وكل أشياء الفراغ
**
أيها المأخوذ قسراً للبكاء
أيها المزروع فى جفن الغيوم والأسماء
نحن لم نعهد هطولاً هكذا
لم نعترف فى مسرح الفكر
بكل التائبين من التملق والوفاء
اعتنقنا وعدك الحناء عرساً
فى مراسيم الطلاق
أيها التى حثيثاً
فى تقارير الوفاقنحن منك قد شربنا
دون أن ندرى بأنا قد سكرنا
فيك فى طين التسامى والوضوء
اغتسلنا من مشاوير السوابق والمصير
**
أيها المسقى من بكر الأحاجى
أنت جزء منك فيك
فى تضاريس الحواشى
واعتزارات الدفاتر
وانهزام الانتصار
**
هل كان حلماً أن تجئ الى الأزل
فى غبار الأوفياء
الراحلين الى المزالق
فى رنين الراكبين على المسارح
فى صهيل الأنتباه
أنت والأتى وميلاد التداوى
من حماقات المحن؟؟!
هل كان حتمياً ضجيج الاختلاج
وانكسارات التمرد
من قطوف عطائك
المبذول فى حمى التداخل والتفاعل
ونوايا الاحتجاج
أرهقتنى فيك أشرعة القوائم
نحو أرصفة التمادى
وعلامات الفضول
شمسنا الأخرى
وجغرافيا التأفف من ولاءات الشتاء
حيث أنت ونحن فيك
تواصلاً كل الفصول
محمد حداد

اشتياق : أبو ذر البخارى بشير
وطفقت أبحث عنك لا كلت خطاى
ولا اشتياقى قد هدا
ارتاد كل مدارج اللقيا فلا تجدى
وأسأل كل رحال فلا يأتى
سوى همس الصدى
سكن الكمان وضاعت الكلمات فى بحر المدى
فلمن ترى سأغنى بعدك أو
أردد مفردات العشق أشعاراً
وأنظم من رحيق الورد ألحاناً ندية
ومن ترى سيذوب هذا القلب حزناً والتياعاً
حين يمتد الغياب ويستطيل الانتظار
ويرحل الشعراء فجراً عن (خباء العامرية)
هى أنت اغنيتى اذ عز الغناء
أشدو بها فتدق أجراس المعابد فرحةً
ويزول عن كل الحوارىوالبيوتات القصية دمعة الحزن الطويل
وشده البؤساء
وتعود أسراب الطيور الراحلة
ويصير كل الكون خيمة مهرجان صاخب
يستقبل الريح الجديدة
والغيوم النازلة

لى من هواك بطاقتى وهويتى
وشعار وقتى
يوم يرجع موكب الميلاد منتشياً
ويدوى من حنايا الغيب صوت القافلة
يا انت يا وجه القمر
يا أنت يا فجر المشارق اذ تبوح بسرها
هذى الثريات العتيقة والقناديل الوديعة
هذها طول الغياب وساقها اليوم الأغر
لو أن طيفك قد تهادى عابراً
لهتفت فى وجه الزمان وصحت
جاء المجد وابتسم القدر

لك الشكر يا ودسلفاب
مجهود مقدر
هل عرفتنا ، ماذا تعني عندك ود سلفاب؟

عمنا الحاج ود عجبنا
__________________
فى الفريق ياهو الركيزة .. هو البشيل حمل الرضاعة

وعنده كلمة على الجماعة .. وفى الفريق باقلنا سابة

وكل طيب ليهو غاية وللضعيف .. تلقاهو سادرويقهر الكعب المعاند

للضيوف ديوانو فاتح .. ديل يقوموا وديل ينزلوا

يا ولد جيب الرتاين وجيهوا الديوان فراشو

افرشوا الفراشة الكبيرة والإباريق .. والتباريق

وأضبحوا الحمل المدوعل ..

عمنا الحاج ودعجبنا فى سنين أيام جهلتو .. ديمة فى دعوات صلاتو

يسأل المولى السلامة .. وسترة الحال .. والكرامة

وعمنا الحاج ود عجبنا فى ليلة من ذات اليالى .. من زمن حظر التجول

جاهو ضيف فى راس حداشر .. رحب الحاج بيهو جدا فرشولو

ونزلوهو وكاسوا للعشاء ما أتلقالو ..ما الرغيف ممحوق مقصر

والبلد فى حال معسر

وعمنا الحاج فى مكانتو و جيت الضيف زى فريضة

وهسة ضاقت بيه العريضة .. ضيفوا كيف يترك عشاهو

من زايد إختشاهو .. وجاتو فكرة

يمشى للفرن المجاور .. ولى لجان العيش يشاور

بس عشا الضيف يا جماعة .. وضيفى نازل ليهو ساعة

شاكلوهو ودفروهو ونهروهو .. وجاتو دورية الطوارى

وأمسى بايت فى الحراسة .. وناسوا جنوا

للصباح ما عرفوا حاجة .. وين دا روح وجاهم الخبر المؤكد

ود عجبنا فى الحراسة .. ماشى دورية محكمة الطوارى

ناسو أولادو وبناتو عرفوا حالوا وبدرى فاتوا

راحوا دورية محكمة الطوارى .. فيها فى نص الخلايق

شافوا حالا ماهو لايق .. عمنا الحاج بى جلالو

فوقو حس السوط يولول .. فوق قفاهو وفوق سنونو

فوق رجولو ومرة فوق حجبا حشاهن .. أصلو ما قايل يكونن

حتى كان نزلن هجايم .. إلا لكن الليالى .. بترفض كل سارى

حاكموا الولد المنصب .. كتفو بالدبور مقصب

إنت يا حاج يا مخالف .. زول مخرف وعقلو تالف

إنت يازول ماكا دارى .. قلة الناس فى الطوارى

أجلدوهو وغرموهو .. ونفذوا الحكم البيهينو

شان يفتح تانى عينو

تسمع السوط صيحتو داوية .. وتسمع السوط ليهو خاوية

وفوق قفا الشيخ صيحتو داوية .. وفجاة رفع الحاج عيونو

شاف بنات ولدو وبناتو .. كلهن واقفات يعاينن

دمعتن فى العين ترقرق .. وجعتن فى الجوف تحرق

و الحزن بيهن يفرق .. دى النجوم الفى سماهن

كل سوط نازل عليهو ..من شعاع الضو عماهن

عمك الحاج دمعو فره .. وسيلو فوق أشنابو بره

تم حكمو وراح بيوتو .. نفسو مكسوره وزليلة

كيف ملاقات الحليلة .. وصحوة الروح العليلة

يالبيوت الجوه غادى .. عمك الجاج ما اعتيادى

فوقو متلمين جماعتو .. والسكيلى ضارب حزاينى

وقالوا ناداهو المنادى .. فارق الدنيا المتينة

يقطع الزلة وسنينا .. فوق فراش ود حاج عجبنا

بسمع الزول البوطى .. أقفلوا الحوش يا جماعة

طفوا أنوار الرتاين .. داك حرس حظر التجول

من بعيد ليكم يعاين ..يا زمن حظر التجول

يا زمن حظر التجول .. يا زمن حظر التجول
_________
rani-sudani
_____________________
من الشارع بنتكلم** من الشارع بنتعلم
ونسال برضو في الشارع **عن الاحسن وعن الافضل
ونحلم حلمنا الاول
نتلملم عشان نسلم **عشان نسلم بنتلملم