Post: #1
Title: ماهو وجه الشبه بين الحمار والارنب !!
Author: بنت الاحفاد 2001
Date: 06-03-2002, 11:03 PM
* * * * * * * * * * * * * * * * * *
ج:-الحمار بالإنجليزي اسمه دونكي
لو شلنا الدون ....يبقى كي
وكي يعني مفتاح بالعربي
ولو حطينا مفتاح في حكمه.. نقول الصبر مفتاح الفرج
ولو شلنا مفتاح الفرج تبقى كلمة الصبر
وحنا بنقول الصبر جميل
ولوشلنا كلمة الصبر راح يبقى كلمة جميل
وما يخفى عليكم الممثل المصري جميل راتب
طيب لو شلنا كلمة جميل راح يبقى كلمة راتب
طيب الحين لو حطينا حرف الباء مكان حرف التاء وش يصييييير ؟!!!؟
راح تصير الكلمة رابت
والرابت بالإنجليزي يعني أرنب
شفتوا وجه الشبه الكبييير بين الحمار والارنب ؟
|
Post: #2
Title: Re: ماهو وجه الشبه بين الحمار والارنب !!
Author: OmDur
Date: 06-03-2002, 11:11 PM
Parent: #1
بت الاحفاد سلام
الكلام دة من وين جبتيه
مافهمت منه شئ؟؟
انا دخلت عشان اجاوب على السؤال وماهو الفرق
وكنت عايزة اقول : اذنان طوال
بس لقيتك فتينى بهناااااك
وليك تحية 00 تليق بالمقام
دمت
|
Post: #3
Title: Re: ماهو وجه الشبه بين الحمار والارنب !!
Author: قرشـــو
Date: 06-03-2002, 11:12 PM
Parent: #1
حقيقى يا اخت وبدون زعل كلام الطير فى الباقير
ذكرتينى صديقى ياسر الذى ابتدع حينها ما يلى :
كان يأتى خبر عن الحبيب بورقيبة
فيقول
رئيس تونس
تونس الخضراء
خضراء الملاعب
ملاعب الكرة
كرة القدم
قدم الانسان
الانسان الاول
اول الجامعة
جامعة الخرطوم
خرطوم الفيل
الفيل الكبير
كبير لاعب عطبرة
عطبرة عاصمة الحديد والنار
النار نار الوابور
وابور البحر
بحر احمر
احمر شفاه
وهكذا موال لا ينتهى من الكلام الخارم بارم
ولكن اشكرك على اجتهادك بس جميل راتب حايزعل منكم لو قرأ كلامكم ده
وتسلمى يا ستى
|
Post: #5
Title: Re: ماهو وجه الشبه بين الحمار والارنب !!
Author: OmDur
Date: 06-03-2002, 11:18 PM
Parent: #3
قرِشــــو 00
براحة على البت
بت الاحفاد وكمان
موديل 2001
حتعرف ليك شنو هو طير الباقير
وكلامه دة شنو؟؟
|
Post: #6
Title: Re: ماهو وجه الشبه بين الحمار والارنب !!
Author: بنت الاحفاد 2001
Date: 06-03-2002, 11:40 PM
Parent: #5
اهلين بالكل
قرشو براحة علي***
دي مساهمة وصلت لي من صديقة والدنيا فيها الناس الهايفة
في وحدة تانية ح تشوفها قريب وديك خطيرة انا مافاهمة منها حاجة
*** ام در
شكرا لي دفاعك
بس انا موديل اقدم من 2001
*** وليد
ردك عملي
|
Post: #7
Title: لكن ما تقولي لي
Author: sunrisess123
Date: 06-04-2002, 07:52 AM
Parent: #1
رائعة يا بت الاحفاد
ناس الاحفاد كلهم رائعين
واصلي مسيرتك
لكن بالجد عجبني شديد
وجه الشبه
------------------
وبعدين دايرين وجه شبه
بين الكديس والفار
والنمل والفيل
لو امكن
|
Post: #8
Title: Re: لكن ما تقولي لي
Author: رومانسي
Date: 06-04-2002, 08:09 AM
Parent: #7
تصدق يا قرشو اول ما قريت كلام اختنا جاني نفس الموضوع الانت زكرته
لكن بصراحة انت قسمتها من النص هاك ليها كاملة
الولد محمد ساكن السلك
السلك سلك العجلة
العجلة عجلة الطالب
الطالب طالب الجامعة
الجامعة جامعة الخرطوم
الخرطوم كبيرة
كبير الفيل
الفيل لاعب في الاهلي
الاهلي اهلي عطبرة
عطبرة مدينة الحديد والنار والدخان
الدخان دخان السفينة
السفينة سفينة علي
علي ابو رقيبة
ابو رقيبة حاكم تونس
تونس الخضراء
خضراء السيجارة
السيجارة سيجارة فلان
فلان ساكن السودان
السودان بلد الجفاف والتصحر والضيق
الضيق في الابريق
الابريق ابريق المهدي
المهدي مهدي الجزيرة
الجزيرة جزيرة الشيطان
الشيطان شيطان الانتفاضة
الانتفاضة انتفاضة الشعب
الشعب ضايع
الضياع ضياع الشماسة
الشماسة في السوق
السوق فاضي
فاضي الراس
الراس راس الصادق
الصادق صادق المهدي
طبعا الخارم بارم دا اتقال في ايام الدمقراطية
اظنه انه داير يقول راس الصادق فاضي بس اخد ليهو لفة شوية
ووصل
موش زي الحما والارنب بالله
|
|