Post: #1
Title: أيها الوليد
Author: EMU إيمو
Date: 06-03-2002, 03:40 PM
أيها الوليد
إعتزر إن تأخرت مرحبا
لقد تجاوزت الإشارة وهي
مصفرة دون الإحمرار وكان العقاب
انت سجين بقرار جماعي وأنا حبيس
بقرار إختياري
مرت ليلتك الأولي
ومر يومك الأول
ولا ندري في أي أرض انت
نفس الدفء والعنف والكلمات الرتيبة
تمثل طيفك مارداً
في مقهي الغربة الكئيبة
كيف أقضيت تلك الأيام بل الأسابيع الحزينه
مرة كانت ليلتك الرتيبة
طالما عضيت على الفرقة الأليمة
اسبوع قضى
ووجهك الأسمر
أدري أن لك وجهاً طرياً
أسمر لا يعتريه
ما اعترى وجهي
الذي جارت عليه دمعة العمر السفينة
فمرحباً بك وجه سندباد جديد
وصدق من قال : إن الريح تهب كما تشير العبارة
وللريح موسمها الغضوب
قد ذاب الجليد
بعبارات
الرمانة والرومانسي
والبكري الحبيب
وبقية العقد الفريد
فلك التحية وأنت تعطر البورد
بكلماتك المرتبة
|
Post: #2
Title: الغالى ايمو
Author: waleed500
Date: 06-03-2002, 04:46 PM
Parent: #1
ده الجانى منك ومن تباريح الهوى ،
وصفو بصعب يا جميل
وبعدت عنك ، ولما طال بى النوى ،
بقى لى أسيبك مستحيل ،
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتى ، او حتى فى عز المنام
ويبقى اسمك هو الغنا
هو البجفف لى عذابات الضنى
ما الشفتو منك يا منى الروح يا أنا ،
وصفو بصعب يا جميل ....
وبعدت عنك .... ولما طال بى النوى
بقى لى أسيبك مستحيل
***
بشكى ليكم يا مظاليم الهوى
أصلى مجروح مرتين ،
يمكن القى الزيى فيكم
ضاق جراح الحب ومتعذب سنين
ويمكن القى وصفة تنفع ..
ولا يمكن القى حاجة تخفف الجرح القديم ..
حاجة تشفع ..
**
ده الجاني منك ومن تباريح الهوى
وصفو بصعب يا جميل
وبعدت عنك ، ولما طال بي النوى
بقى لى أسيبك مستحيل
الاخ ايمو
حوالص تحياتى وخوالص حبى وحاجات كتيره اختار منها ما تحب
وانت يا غالى لم تتاخر فى الترحيب لانك رحبت بعودتى قبل ما اجى
صراحه يا ايمو خانى التعبير حتى كنت قبل لحظات بتكلم مع صديق مشترك بيننا
وقلتا ليهو اجد نفسى امام كلمات ايمو محتار وغير قادر على الرد
فلك شكرى ايها الغالى واتمنا ان يدوم بيننا التواصل والحب
|
Post: #3
Title: Re: الغالى ايمو
Author: Wad Aljaili
Date: 06-03-2002, 05:33 PM
Parent: #2
والله يا الجنيات حيرتونا عديل
الكلام ده ما بيطلع معاي ليه
ع
ج
ي
ب
|
|