Post: #1
Title: محجوب شريف شاعر الثورة في حلقات ( الحلقة الاولى ) / الليندي
Author: الليندي
Date: 06-01-2002, 04:13 AM
حين يكون الحديث عن محجوب شريف تقف الحروف شاردة تضن بالتعبير وتنثني في صمت مهيب وتنحني مرارا ومرارا اجلالاً لذلك المبدع الذي ملك ناصيتها وأروى عشقها بعشقه حتى تمددت مليون ميل مربع فاختلطت بترابه وانبتت شعراً تسرب الى دواخل انسانها فأخذ يرددهامعه في معاني وطنية حقه.
والحديث عن محجوب الشاعر والأنسان يطول ويطول ولكن نحاول أن نلقي الضوء على بعض جوانبه في عدة مراحل .
مرحلة النشأة والتطور الشعري
محجوب محمد شريف نشأ في قرية نائية بالجزيرة تسمى ( ود ابقدوم ) بالقرب من المسلميةفاخذ من اهلها بساطتهم وشيمهم الجميلة وبدأ كتابته للشعر منذ وقت مبكر ومثل ما كانت ودابقدوم هي مكان نشأته كانت المدينة عرب التى عمل بها معلما هي نقطة بداية شاعريته ونضجه.
انتسب محجوب للحزب الشيوعي السوداني في نهاية ستينيات القرن الماضي وأمن بفكره ورؤاه لحل قضايا الوطن فامتزج شعره مع فكره لذا عندما طرح النظام المايوي في بداية استيلائه على السلطه برنامج الحزب الشيوعي السوداني (مرحلةالثورة الوطنية الديمقراطية) تفاعل محجوب معه وكانت تلك بداية معرفة المتلقي به وبداية تكوين ثنائينه مع الهرم وردي فكتب محجوب أول قصيدة غنائية له عرفه من خلالها المتلقى
جيتنا وفيك ملامحنا
بعد يا مايو مايئسنا
بنرجع ليك تحجينا
وبنسمع ليك تحدثنا
لكن سرعان ما برز الخلاف الفكري بين مايو ومحجوب عندما تنكرت لبرنامج الثورةالوطنيةالديمقراطية
وعندما نشبت الثورة التصحيحية بقيادة الرائد هاشم العطا
كتب محجوب
ه* 19 يوليو
هب الشعب طرد جلادو
ليبدأ محجوب مرحلة متفردة من الابداع وهي الابداع من وراء القضبان فكان الابداع معه اينما ذهب حتى وهو في سجنة.
نواصل
|
Post: #2
Title: Re: محجوب شريف شاعر الثورة في حلقات ( الحلقة الاولى ) / الليندي
Author: banadieha
Date: 06-01-2002, 05:06 AM
Parent: #1
،الليندي
أنت شجرة لو طقعوها ثمرها بقع ولو خلوها ثمرها بقع
لا أجاملك..ولكن الساكت عن الحق شيطان أخرس
|
Post: #4
Title: Re: محجوب شريف شاعر الثورة في حلقات ( الحلقة الاولى ) / الليندي
Author: الليندي
Date: 06-01-2002, 03:05 PM
Parent: #2
الصديق بناديها
شكراً ليك وأتمنى أن اكون عند حسن ظنكم وانتم من ساهمتوا في غرس هذه الشجرة فازدهرت بفضل مجهودكم فكان لابد ان تكون ثمارها لكم
مع خالص التحايا
|
Post: #3
Title: شكرا اخ الليندي
Author: الليندي
Date: 06-01-2002, 06:20 AM
Parent: #1
حقيقة الواحد يعجز عن التعبير
اتحفنا بالجديد يا سيدي
وطالبن قصيدة في الترحيب
التكرم شاكرا بارسالها
|
Post: #5
Title: Re: شكرا اخ الليندي
Author: banadieha
Date: 06-01-2002, 03:10 PM
Parent: #3
ولكنا ما زلنا نتوق للبقية يالليندي الندي
|
Post: #6
Title: Re: شكرا اخ الليندي
Author: الليندي
Date: 06-01-2002, 03:18 PM
Parent: #5
شكرا بناديها
وحتتواصل الحلقات لكن عايز اسألك شايف الرسالة الفوق رسالتك دي ما عارفها بتجي من وين يعني ما فاهم الحاصل شنو ما ممكن انا اشكر نفسي وبعدين قصيدة الترحيب دي ياتها والصورة ياها صورتي والتوقيع توقيعي يكون في واحد عرف كلمة المرور فياريت لو عرفت الحاصل توضح لي
خالص التحايا
|
Post: #7
Title: Re: شكرا اخ الليندي
Author: banadieha
Date: 06-01-2002, 03:24 PM
Parent: #6
تقول شنو يالليندي..أنا شفتها من الصباح وزعلتني
لما شربت موية ملح من الحمبقة..الزول يرد على نفسه
ويطنشني؟..أها صدقني أنا صريتها في نفسي تاني ما أهوب
على بوستاتك داما إنت أصلك ما بترد علي..لان الاسم
ياهو الاسم ما فيهو غلط والياء قبل النون واللامين ياهم اللامين
وعدد البوستات ياهو ذاتو..الأكيدة الليندي فاتح لي باب سنط
فودلك..وأكيد أنت قمت بتغيير كلمة السر..وألا فعليك أن تفعل بسرعة
|
Post: #8
Title: Re: شكرا اخ الليندي
Author: الليندي
Date: 06-01-2002, 03:42 PM
Parent: #7
شكرا بناديها
طبعاً ما معقول ارد على نفسي وال اكون بقيت صلاح ادريس وممكن توريني كيف اغير كلمة المرور
مع خالص التحايا
|
Post: #9
Title: معزرة يا إخواني
Author: sunrisess123
Date: 06-02-2002, 00:07 AM
Parent: #1
حقيقة الواحد يعجز عن التعبير في
مثل هذه اللحظات
الشكر للاخ الليندي
والمعذرة لكم ولكل من قراء الرد
المحترم الاخ الليندي
الأنسان لا يمكن ان يرد لنفسة
فانت استخدمت الجهاز الخاص بي عند زيارتك لي في منزلي
وكالعادة عند دخولي المنبر الحر
ادخل باسمي sunrisess123
ولكن هذه المرة دخلت باسم الليندي نسبة لأستعمالك لجهاز الكمبيوتر الخاص بي
وذلك من غير عمل خروج والدخول باسمي للمنبر
فالمعذرة للجميع
|
Post: #10
Title: Re: معزرة يا إخواني
Author: الليندي
Date: 06-02-2002, 00:28 AM
Parent: #9
ولايهمك يا باو الشباب وزي ما بقولوا عارفينك وواثقين منك مع خالص التحايا لوليد كنه وعاطف الياس
|
|