الى الصديقة / تسنيم مع خالص التحايا

الصديقة / تسنيم

اسمحي لي بأن اخاطبك بالصديقة لانها اكثر كلمة محببة الي نفسي.
حقيقي لو امتلك الشعب السوداني وخاصة المرأة السودانية نصف جرأتك في طرح هذه المواضيع الحساسة لتغيرت كل المفاهيم والمورثات البالية والجميل في كتابتك أنك بتعالجي الاشكالات الاجتماعية ببساطة واسلوب سلس عارفة بتذكريني بامال سراج مقدمة البرنامج الاذاعي ( برنامج الاسرة ) .
بالنسبة لموضوع دعاء الامهات وصرامة الاباء يبدو لي أنو برجع للتربية نحن السودانيين عندنا اشكال في التربية ومافي تطور الرواسب مازالت عالقة بنا البت بعد ماتتزوج لترجع ذي حبوبتها حتى لو كانت متعلمة والود برجع ذي جدو والحتة دي ما قادرين نتخلص منها فالرجالة مربوطه عندنا بالصرامه ومنو المننا الما سمع في صغرو ياود انت ما راجل بتبكي ليه فالمجتمع يا صديقتي اتعود تسليط الرجل وعشان ما الرجل يحافظ على سلطتو دي ادعى الصرامه تخيلي انو في كتير من الأباء الواحد فيه لما يجي يودع بتو وهي مسافرة يدعي الصرامة رغم انو ممكن تظبضيهو وهو ببكي في غرفتو وزي ما حاول المجتمع أنو يضع السلطة في يد الرجل عمل على قهر المرأة حتى يخلق موازنة وبتلقى القهر ده حتى في امثالو المرة لو بقت فاس ما بتشق الراس وللاسف في نساء بحبو القهر وبدافعو عنو وبحبو انو يكونو دايماً مظلومات وفي رجال بحبو يظهروا بصوره الأنسان القوى وبعتبروا انو الصرامه هي القوه.
نحن تربية حبوبات عشان كدة ما شايفة نص السودانيين لمن يجوا يختاروا الزوجة بقولوا ليك اهم حاجة تكون بيضاء وشعرها طويل انا بتذكر حبوبتي الله يرحمها كانت بتقولي وانا صغير بعدين نعرس ليك بت بيضاء وشعرها طويل والبنات برضو ربوهم على فلان جيبو تقيل والراجل بقيسو بجيبو .
عموماً مواضيعك بتلمس عصب المشكل ويا ريتي لو تواصلي وتنتبهي لموضوع زواج المغتربين لانو موضوع خطير جداً خاصة في ظل الظروف الاقتصادية السيئة دي وربنا يديك العافية.

الاخ المحترم
سلام
البورد نور بوجودك
اسفة لتاخري في الرد ولكن اولا مشغوليات وتانيا ما عندي نظام عربي
وبكتب بطرق شاقة

ومن فوائد الانترنيت انه ممكن نناقش مواضيع ما كنا حنقدر نناقشها نحن االبنات الا من خلاله

صباح الخير

الاخ الليندي انا معاك مية في المية في اشادتك بالاخت تسنيم فعلا فعلا موا ضيعا راقية جدا،واقعية،تمس المجتمع كله،بتسهم في تغير فكر الشباب اليوم و اسلوبها في الطرح شيق جدا و ممتع حتى انا اول يوم ادخل فيهو البورد لفت نظري احدى مواضيعا عن غرف الولادة كان و اتناقشت مع صديقاتي فيهو و كان النقاش جميل و ثري

ايضا اخ الليندي عندما قرات هذا البوست اشتعلت الغيرة في داخلي و قلت في نفسي انا ذاتي مفروض اطرح مواضيع شيقة زي بتاعت تسنيم لانه في رايي اهم حاجة بضيفى لينا البورد دا انو بنشط القدرة على النقاش فينا و دا بالتالي
حيفيدنا جدا في حياتنا و تعاملاتنا مع الناس

تسنيم اتمنى ان اتعرف عليك عن قرب و ان نصبح اصدقاء فدا شرف لي

يوم سعيد انشاء الله للجميع

التحية ليك عزيزنا الليندي......فرغم ما يقال عن المرأة السودانية ...فهناك ظاهرة حميدة اصبحت لسمة الاساسية للسودانيات وهي تحمل المسئولية و القيام باعباء كبيرة للاسرة كانت منوطة بالرجل ....وهنا تجارب امامنا تحملت المراة كـل مسئوليات الاسرة وتقاعس الرجل ....بل ان هناك ظواهر مؤلمة في السودان هو هروب الرجال لفشلهم في القيام بالواجب المنوط بهم ....وكانت ردة الفعل للمرأة قوية وحاسمة ....


وكل هذه المقدمة هي نوع من الثناء الغير مباشر لكل العزيزات في البوردوخصوصاالرائعة تسنيم .....فحقيقي كل بوردلتسنيم يعني اضافة جديدة لنا...و خطوة لنقاش كل الابواب الموصدة ....

واسمحوالي عبركم ان اعبر عن امتناني لاختي العزيزة في السودان وهي تكافح معنا لرفعة اسرتنا العزيزة....

اعزائي الفنجري الليندي وانسانة
تحياتي وسلامي من بلد بعيد جدا
اشكركم وفي انتظار مساهماتكم وجد مجتمعنا ملي بالمواضيع العاوزة نقاش

اختي انسانة اهلا بك صديقة واتمني نتلاقي عن قريب في السودان