Post: #1
Title: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: OmDur
Date: 05-30-2002, 06:47 AM
هى اسئلة ، وان كان زمنك لايسمح بعاجل الاجابة
فلك التأجيل 000 والتبجيل والاحترام
فى اى تاريخ بدأت اول مشاركات البورد؟ مع ذكر اول خمسة مشاركين؟
وهل هم موجودين الان ؟
بعدها اقترح على الاعضاء ، دة طبعا لو شاء الله وظلينا
من رواد ( الحلة ) ، نقيم احتفال سنوى او نصف سنوى فى البورد
ويكون اليوم مفتوح لكل المشاعر الطيبة والنداءات
وليكم على مستلزمات اليوم المفتوح ابتداء من الصيوان وانتهاء
بناس تاجوج والنجمة حيرجعهم بيوتهم بعد الحفلة منو ؟؟
وياود الجيلى ياريت تساعدنى بزينات الحفل ، لانك ليك صولات
وجولات محسوسة فى ( زقاقات ) النت ، يعنى تنزل لينا العاب نارية والوان
قوس قزح وكل الحاجات الحلوة ، ويومها عايزين نحتفل ب ( شيوخ ) البورد
ونجدد ذكرى اول المشاركين ومشاركاتهم ، وبعد نتيجة التصويت الحر
نكرم كل من : صاحب اجمل شعار ، صاحب احلى توقيع ، صاحب اكثر مشاركات
ونرسل رسائل ودية للغائبين من البورد
اعلم ان بعضكم لاتروق ليه الفكرة وبيعتبرها نوع من الهزل ، ولكنى اؤمن بان هذه الاشياء هى التى تعطى الحياة معنى الجمال ، وتجدد فى الانسان حب الحياة والعطاء الرفيع 0 كما اعلم انو ممكن نختلف فى اكتر من رأى واكتر من واقعة لكن اؤمن بانها لحظات رائعة ، ربما لن تسمح الظروف باللقاء وتظل صور مرسومة من خلال احرف وعبارات ، وقد نفترق ويجئ غيرنا للبورد
بس ياريت نكون نحن من صنع الحب فيه 00
وكلنا يدرى ان الاخوان فى البيت بيختلفوا لكن يظلوا اخوة واحبة ، كما محسوس فى البورد مشاركات بعض الاعضاء لمجموعات بعينها ، ودة شئ لا انا ولا غيرى ممكن يرفضه ويفرض غيره ، لان كل شخص ليه بيروق ليه زوق معين واسلوب محدد ، حتى فى البيت ممكن تكون بتحب اخوك الصغير اكتر من الكبير ، لكن فى الاخر بيجمعكم حب واحد ، واذكر استاذ التربية الاسلامية بمدرستى الثانوية ، كان بيحكى لينا كتير عن اسرته واولاده وفى مرة الطالبات سألوه عن تعلقه الكبير بواحدة من بناته دون الاخريات فجاء رده : ماحاعرف اشرح ليكم ، لان دة شعور
مابقدر اترجمه لكلمات ، لكن فى يوم حتكونوا امهات
وحتعرفوا ( فى الجنا عندك جنا ) 00
بصراحة العبارة دى كان لاول مرة اسمعها وبعدها ماسمعتها ، لكن
حسيتها فى بيوت كتير
فاذا كان البيت كدة ودى علاقات الدم والرحم كدة ، فمن الضرورى نختلف نحن
لكن نرجع على الحب نجتمع فى ( حلة ) بكرى ابو بكر 000
من يوافقنى!!؟ 00
|
Post: #2
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: Wad Aljaili
Date: 05-30-2002, 07:31 AM
Parent: #1
وكمان يا اختي يكرم صاحب اكبر دعم للبورت
واكثر المشتركين جلبا للاعضاء الجدد
وسلامتك
|
Post: #3
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: بكرى ابوبكر
Date: 05-30-2002, 08:12 AM
Parent: #2
الغالية ام در
المنتدى بدا مع بداية الموقع لكن كان فى البداية يعمل ببرنامج ذا حصائص بسيطة لم تجلب مشاركين وتغير شكل المنتدى عدة مرات و كان من اوائل المشاركين الاستاذ عادل عبد العاطى و دكتور برنجى -اختفيا؛والاخ الحبيب Canadain Forces
لازال عضو نشطا وزول اسمه وحيد و هو ايضا اختفى
والله فكرة الحفلة فكرة رائعة اقترحها الحبيب ودشداد قبل كده عدة مرات بس ما لقى النشاط من الاعضاء اختفى و ضاعت علينا الحفلة
|
Post: #4
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: sama7
Date: 05-30-2002, 09:49 AM
Parent: #3
wooooooooow
fikra 1000z ya OmDur
inti daeman raie3a kida
ana 3'ayto muwafga
aho jaw farfasha o ta3'yeer
specially aliste3dadat
bakry and wadaljaili
ta7eyaty
|
Post: #5
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: banadieha
Date: 05-30-2002, 02:24 PM
Parent: #4
والله يامدر..إنت المودة ذاتها..ورد بكري رد أهل العلم
ولكن البورد تعددت بداياته..وأبونا بناديها عاصر مولدين للبورد في فترة وجيزة..وانا من الذين حضروا للبورد بدعوة
من أختنا تغريد وقد شهدت كوكبتنا إنضمام اعداد كبيرة من
أعضاء البورد الحاليين وما زال يترى أنضمام أعداد أخرى..وفي الثلاثة أو الخمسة شهور القادمة سيزداد الزخم وستظهر أسماء مختفية حاليا لظروف المدارس وسيشهد البورد إنضمام فئة عمرية جديدة ستجعلنا كلنا ناس بابا وماما ألا وهم طلاب المدارس
|
Post: #6
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: تــاجوج
Date: 05-30-2002, 08:36 PM
Parent: #5
دائما بتبهجينا بي أرائك و روعة تفكيرك و بحثك عن الجديد وعن البتجمعنا كلنا ربنا ما يحرمنا منك و عليك الله اتكي علي حتت المواصلات دي لانه أهلنا شوايقة وما بنقدر نتأخر رغم ريدتنا ليكم..وأكيد معاك و موافقينك قلبا و قالبا...ودمتي
|
Post: #7
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: Yaho_Zato
Date: 05-30-2002, 10:01 PM
Parent: #6
i participated in the old board for few times ........i was with the name MozAhaRaat
|
Post: #8
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: قرشـــو
Date: 05-30-2002, 11:58 PM
Parent: #7
الأخت ام در
لك التحية على الافكار الخلاقة والرائعة
حقا ليتنا نفعل فما اجمل ان نتفقد الاخرين وان نجعل لهم يوم للذكرى ..
فالفكرة جميلة ولا شك ستكون مثار مرح جميل كدنا نفتقده وستكون لمة حلوة تذكرنا خيمة اخونا كول الباردة الله يطراه بالخير..
نرجو ان يستجيب الاخرون سيدتى فنحن دوما رهن الاشارة
|
Post: #9
Title: Re: الى الزعيم بكرى ابوبكر 00 وفى اخير الكلام لا اخره يهمنى رأى بقية الاعضاء
Author: OmDur
Date: 05-31-2002, 00:58 AM
Parent: #8
ود الجيلى
ونضيف التكريم دة كمان
الزعيم بكرى
يعنى انت موافق ؟ يبقى على بركة الله
بس انت خت المواعيد والحفلة قايمة قايمة
ونرجع من تانى ننادى عادل عبد العاطى
ودكتور برنجى ووحيد
والتحايا لاصحاب البدايات
canadian forces
وياريت تفضل دائما
الامورة سموحة
اعتمدنا كلمتك ، بس اوعى تزوغى
وباذن الله لما يجئ يوم الاحتفال
صديقنا وليد حيكون رجع البورد
عشان يعرفك معرفة شخصية 00وتانى قطع لسانه
لو يقول عليك فاطة كلمة ، مش سطر
ودمتى ياحبيبة
ابوى بناديها
الكل على رأسنا من فوق
وعيال المدارس بس يجوا
وانا امهم وحبوبتهم
تاجوج المحلق
اهلك ياهم اهلى ، بتسألينى من عمايلهم؟؟
وياستى حاضرين 00للمواصلات وكل طلباتك
ياهو ذاتو 00 يعنى مظاهرات ذاتو
المعنى عايز تفرتقها ، وهنا حلاوتها
تفرتقها ونص وخمسة ، كدة تمام
بس المهم تشرف حفلكم ، بس راعى لتاجوج
لما تقوم المظاهرة لانو اهلها ديل ناس صعبين
قرشو يارقيق
دة عهدى ومعرفتى بيك
والله يديمك ويسدد مقاصدك
ياقرشو ، اخوى دائما بيحكى لى بخيمة كول
لكن ولا مرة زرتها
بس فى شوق للزيارة
والله ناس البورد داك برضهم حلوين
وعليك تعزمهم
|
|