!ملكة جمال الكون سودانية الأصل..معقووووول؟

ولأن الخبر منسوب إلى مراسل في جريدة الشرق الأوسط وليس إلى
وكالة صحفية..فالخبر ما داخل لي في رأسي..ملكة جمال سودانية؟
وكمان ملكة جمال الكون؟!!!بس كيف دا يكون؟ أنا ما عارف مواصفات ملكة الجمال شنو؟ بالنسبة لي الخبر هو جنسية ملكة جمال العالم

لندن:كمال قبيسي - جريدة الشرق الأوسط عدد اليوم

ثارت احتجاجات عبرت المحيطات ووصلت إلى البحر الكاريبي حيث
تقام هذا المساء مباراة لإختيار ملكة جمال الكون في مدينة سان خوان، عاصمة بورتريكو، المجاورة لجزر الباهاما بأميركا الوسطى، وسط أنباء
عن غضب مسلمي دولة مجاورة هي ترينيداد وتوباكو، لأن ملكة الجمال فيها، وهي مسلمة سودانية الأصل، مصممة على أرتداء البكيني في المسابقة التي تتنافس
فيها 76 مرشحة، بينهن 3 مسلمات غيرها: سالي شاهين من مصر، وملكتان من تركيا وسنغافورة
والسودانية الأصل هي نسمة محمد كامل ابراهيم، التي تشارك باسم نسمة محمد
وعمرها 23 سنة وتعمل حاليا متدربة في أحد البنوك بعد أن تخرجت
العام الماضي في الكيمياء من الجامعة الوحيدة في ترينيداد وتوباكو

قالت نسمة: أنا اصلي 5 مرات كل يوم وأصوم رمضان، وأنا محتشمةكل العام أيضا، ولا أذكر أنني أسات لشخص في حياتي، والبكيني لن
يغيرني إطلاقا..سأرتديه للحظات، ومن بعدها سأظل على حشمتي
وأخلاقي..سأحاول أن أوضح أنه من الجيد أن تكون المرأة جميلة وبصحة
جيدة، ولن أستطيع ذلك إلا بالبكيني

والله يا بناديها جلبت خبر عاد الليلة
خبر ما عجيب يا جنا

والله يابكري ما قصرت..لكن أقول ليك حاجة؟ أنا فتشت على الصورة
في النيت وما لقيتها..وقلت بيني وبين نفسي ربك ستر..عشان العقدة
ما تزيد..بالله هسع دا الجمال الأصلي الغني ليهو اللحو؟ وياناس فلان
نسمة دي ما بتشبه كمولة صاحبي الخالق الناطق؟


ياود الجيلي
بس كيف دا يكون؟ سودنية ملكة جمال الكون؟

tistahal ellagab, 7ilwa wa gawiyia.
my point is:
iza kan rujal el sudan kulluhum mutabi3een akhbar malikat jamal el kone, el mafrood yisharrifuhum innaha takoon sudaniya? secondely:
el moudoo3 da shakhsi, bikhussaha hi.

Tumadir,

أنا من الأول قلت الشداني للخبر هو أن ملكة جمال الكون سودانية الأصل..لكن الباقي حقها هي وبخصها هي زي ما قلت

العجيب انو الناس دى من تطلع من السودان تبقى حلوة ... انا ماعارف القصة شنو

إنت عارف ما بعيد أنا سمعت إنو في محلات تانية ومسابقات تانية بيحصل أكتر من كدة، وهذه هي إعادة صياغة الإنسان السوداني.
لكن يا خوي إنت في بنوك غير بنوكنا بتعين خريجين كيمياء ؟؟؟
مرة ونحن في البركس كان معاي صاحبي وهو صحفي وكنا راقدين في مرتبة على الأرض وهو بيكتب في موضوع للجريدة، قام جاء صديق لنا وقال ليه ده شنو قال ليهو ده حوار مع كاريكا صاحبنا قعد يضحك وقدر ما حاول الصحفي يوضح إنو إلتقى بكاريكا وتحاور معه والآن فقط يقوم بصياغة الموضوع صاحبنا يقول ليه (قولت لي كلام جرايد سااااكت آآه) ..

مبرمجو الكمبيوتر في قسم الكمبيوتر عندنا كلهم خريجي كيمياء..من الهند يالشاعر

ladies and genteel men
I think ,this shaneful for Sudan and Sudanese .why we dont hear Sudanese share in Scientific compotitive issue why these days Sudan just it is name appear in things like this.before few days we heard about that girl also in London who show dress .
I don't have thing to say to this girl unless we need ur name in Scientific way Elsudan don't need to this now.
She just shaneful for women and for Sudan .Not more than this.

باقى ليك بيولع تاني؟؟؟؟؟؟
إسم نسيمــه غريب شويه علي السودانيين..ولكنة منتشــر جدا عند الهنود والباكستانيين..عموما..دا دليل آخر أنه إختيار ملكة الجمال ليس خاضع لجمال الوجه فقط والدليل...رولا قبل ماتتعلق وتبقي علي الهواء كانت ملكة جمال لبنان...رولا ع الهواء..ونسيمه...عليه العوض

Come on Roah! Haven't you heard of the Sudanese researcher who just
engineered the sugar cane be grown from seeds? And there are countless
number of Sudanese almunae and scientists inside Sudan and worldwide.
All that huge number of Sudanese scientists is no news...

Yes I read about this in Alsharg Elasawt days ago .Yes this what Sudan need.

SUDFAH 3IWONI SHAFAT ------------O LELI ALBAKI NOR!

مع الاعتذار للجمال
على ما تنسب اليه

جمالك في البنات معدوم شبيهك ما كحل عنيه ….
ليش يا اخ مستقرب بان تكون مكلة جمال الكون سودانية
هل ياعزيزي الجمال حكر علي فئة معينة .. او لون معين او ديانة معينة
لا والله الجمال هبة من الخالق يهبها لمن يشاء
اقدلى وسكتى الخشامة وانزلى في العوازل كى
والتحية لكل بنات السودان وان شاء دائما متفوقات في جميع المجالات

عصام

عزيز عصام
بعدالتحية
الغريب والعجيب ان يكون مقياس الجمال بالبكيني يا عزيزي
والاغرب ان ترضى اي عربية مسلمة وليس بالاخص سودانية ان تقف هذا
الموقف المقزز
هنا المشكلة يا عزيزي واعتقد انه الجمال
ارقى واسمى ان يقاس بالبكيني او يسابق فيه
بمثل هذه الطريقة
واكرر اسفى للجمال على ماينسب اليه

عصام

قصدي من البوست هو خلق رد فعل قوي مثل ما هو وارد في مداخلتك ولكن مزاحا وهزلا..فأنا لما قرأت الخبر دا تذكرت قصيدة جلمود صخر حطه السيل من عل
وبرضو تمشي الهوينى كما يمشي الوجي الوحل..وتذكرت ناس فلانة
التي كنا نستغرب كيف يستطعن أن يتمددن للنوم على ظهورهن من إكنتاز
عجيزتهن..وقد كان صاحبنا خفيف الدم بتاع المبالغات يحلف لنا أنه رأي فلانة
ديك تحمل قفة على وقاية على رأسها وقفة تانية محمولة في المقطورة إياها
وحتى فلانة رفيقة الدرب عندما تبدو لناظري تجعل عقلي يحتار
كيف أنها ولجت من ذلك الباب..أو كيف ركبت العربية..أو كيف أستطاعت أن تدخل في بنطلون الجينز بتاعي الذي هجرته بسبب بروز الحنينة قبل 8 سنوات عندما كان مقاس خصري الرشيق هو 36 بوصة..والحمد لله أنني عشت حتى اليوم
الذي شاهدت فيهو ملكة جمال الكون سودانية ومستوفية للفايتال إستاتيك إياها

..
.
salam

حبيت اسلم واقول ليك متابعك ؟؟
نظام عسكر وحرامية
مبرروك عليكم ملكة الجمال
بعدين قلت لى شنووو ؟؟
قفة فى المقطورة ..والله منك جفلة
:lol: :lol:
بس بصراحة الملكة دى والله ما حلوة ولا حاجة ؟؟
اخدوها بالواسطة ؟؟ بدون زعل
بالله لو مشيت فى شارع ودنوباوى ساى ما بتلقى 10 احلى منها وكمان مستوفيات الشروط عدا لبس البكينى دا الله اعلم ؟؟

سلام يا وزير الملك
وكش ملك ؟؟

ليست أجمل ممن تمتلىء بهن بلادى..بل هى ليست جميلة كما قالت الأخت الفضلي..وقد أضاف الأخ تبلدينا مسألة الواسطة الى ماقلته فى تعليقى السابق من أن مقاييس الإختيار ليست خاضعة لجمـــال الوجه وحده..والدليـــل...آلولو..و..أستغفر الله العظيم

تبلدينا الشامخ فينا
كيفك يالوسيم الرشيق
ديك مقاييس زمان..أجي يالتريلة القاطرها قندراني..ومقاييس الزمن
الهسع مفصلة على رشاقتك يالتبلدي..وهذه إستعارة من التعابير
الرشيقة لولدنا عماد بركة وبالذات تلك العبارة التي أثني فيها على
السارا السارة ونعتها بأن الذوق تم تفصيله على
مقاسات فساتينها..وهي رمزيةواضحة للقراءة التأويلية..بمعني أن
الذوق هو أنت أيتها السارا السارة
أين أنت يادقة صدري ورفعة رأسي؟

بالمناسبة لسه محتفظ بالورقة الصفراء العلقتها لي على زجاج العربية
ياجاري
يامجافيني
مشتاقين
تبلدينا
ورقم التليفون
الجمعة الساعة 10 ونصف مساء
ونحنا بالأكثر
قبل كم يوم قابلت التبلدي سيد الاسم
كان في عيادة جارنا المشترك

Estagfer Allah el3zim lakin elbit dii walah sama7ah walah hagah Akan jinah llshakil elsara7ah koisah.

الاخ العزيز ود الجيلى
لك التحية
فعلا قيمنا الاسلامية والاخلاقيه تعارض هذا الكلام
وانا معارض جدا لهذا الامر
لكن
مداخلتى في هذا الامر القصد منها بان السودان به جمال
بمعنى الكلمة جمل شكل وجمال خلق
لان هنالك ناس مستقربين كيف هذا السودان الدولة النامية التعبانةالناسو ما بيشبه الناس يكون فيه جمال حتى ينافس علي مستوي العالم

ولك التحايا

والله حكاية
وانا كل يوم بشوف ناس البلد بتتنكر لبلدنا
وربك استر
والجاى احسن من اللفات

نحن نمزح ياسيدي ليس إلا

..
.
salam

حبيت اسلم واقول ليك متابعك ؟؟
نظام عسكر وحرامية
مبرروك عليكم ملكة الجمال
بعدين قلت لى شنووو ؟؟
قفة فى المقطورة ..والله منك جفلة
:lol: :lol:
بس بصراحة الملكة دى والله ما حلوة ولا حاجة ؟؟
اخدوها بالواسطة ؟؟ بدون زعل
بالله لو مشيت فى شارع ودنوباوى ساى ما بتلقى 10 احلى منها وكمان مستوفيات الشروط عدا لبس البكينى دا الله اعلم ؟؟

سلام يا وزير الملك
وكش ملك ؟؟

!!!ملكة جمال الكون ما عندها صوره كامله
عشان نقول راى قاطع

!!!!!ولاشنو يا ود الخواض

ابوى بناديها
يااخى خلى روحك عالية ، وين راحت
المدنية والحضارة والانفتاح على العالم؟؟؟؟




يارييييييت كمولة الوجيه مايسمعك
صدقنى دى ما الدايراها ليكم
لكن دة حيكون اخر العلاقة البينكم

Save @ PC


عزيزنا بناديها

ياهو ده السودان بلد المليون دهشه


ديك الجن

يامدر

إنت عارفة ولا ماعارفة..أنا بحبكم وبحلف بكم
ولا ما عارفة بالمرة؟

سلامات... يخواني البنيه دي اكان حكت الركب ديل بي ليمونه كان لونهم فتح ...

وحات الله انا اخش في السويمنق سوت دا ... امان ما شي والزمن يطشي.....

يخواني ووووب علي من الصوره البتجي في البوست حقي دا.... ساعدوني قولو لي اغيره كيف ... قدر ما سويت هي سيك سيك معلق فيك ....

ملكة جمال الكون سودانية الأصل .. كان وقع الخبر علي أضخم بملايين المرات من خبر أنها ستلبس البكيني ... انها جميلة بحق وشكراً للعزيز بكري .. وكم كنت أمني نفسي وانا اشاهد تتويج ملكة جمال لبنان أن يعطونا ( الطيش) لننافس بها ...

وبحق انها جميلة جداً اذا كانت هذه صورتها ولا أعلم عن الذين يتحدثون عن الواسطة ما الذي يمكن أن تعطيه هذه الفتاة ... هنالك شئ واحد ولكني لا أعتقد أن الغرب لديه هذه المشكلة انها لدينا نحن فقط ... والمسألة سخيفة لا اريد الحديث عنها ...

ولدي اقتراح صغير .. بما أنها ليست سودانية خالصة ... دعونا نستمتع معها بجمال الكون ونترك البكيني للجزء الآخر منها ... ملكة جمال الكون .. معقولة ... انه حقاً خبر صاعق أكثر من قصب السكر ..

بالمناسبة هذا أيضاً رأي أم آمنة التي ترسل تحياتها لكم
أبو آمنة

why u doing this Nasma? u r not just humiliate us,but u r destroying the SUDANESE family strong structure .Because Nasma is not the 1st sudanese beautiful female,threre r millions of sudanese girls prettier than Nasma THRU the history none of them did this .This is shame on her parents & her family ,if not of shawing her self naked at least for calling her self [muslmah] tied her name to MOHAMMED.

ShiningStar,

ياحبي اللاهث أصلو أنا ما بقيف من الصهيل وراك..ياحبي
المتضاعف باسرع من كل المعادلات..ياحبي الجريء المابندس
ولا بتجرفه الزحمة..ولا بتشغله الظروف..دائما الشوق
ليك متعه يام فيونكة سيك سيك أنا المعلق فيك قبل ما اتولد
وانا المكنكش فيك لنهاية الآبد..أقيف وسط البورد وأدق صدري
وأقول بحبك يام فيونكة


وندخل إلى لب الموضوع ، أنا الطشيت من فكرة الإسويمنق سوت
ودي حالتها فكرة بس..أها كان الفكرة بقت ولد أتاريني الماشي في
الشوارع أطقع..إنت ملكة كوني أنا يام فيونك

وندخل في جد الجد يابنت ياشايننق إستار وقع ليك كلامي؟
قصدي الخلل الفي الجينات الما بروح حتى لو وصلنا لترينداد

وردي .. فنان (ليمون) عالمي بيغني :

يا نسمه يا جايه ..
جايه من الوطن ..
بتقول لي .. أيام زمان ما برجعن ..
باكر .. باكر برجعني الزمن ..
و اتهنا بي قربك زمن ..
يا نسمه .. يا نسمه ..

يا (نجم ليمني ) مشع .. ليمون بتاعنا بيتعزز .. لأنو (كوارع) أو (ركب) نسمه بياكلو (نمل) بتاع عولمه .. عشان كده مفعول بتاعو بيكون زيرو زيرو زيرو زي كل أمل في رجوع نسمه للوطن ..

____

و منقو قل لا عاش من يسلبنا ليموننا

بناديها يا بناديها ..... ورررروووررروووووووك ... لكن ما بالغته عدييييل كده .... وحات الله كلامك دي سيح لي ركبي .... بشويش علي انا قلبي رهيف... وحات الله مشتاقه ليك شوق لمن غلط و بريييييييييييدك يامهرجان في الوادي روعه بي نسايمو بيشفي لوعه....

لكن بلجد بلجد بريدك ...

بس اموت و اعرف انت كدا كيف ... ما موووووت عديل كدا يا شطه ...

اها قلته شنو بخصوص البنيه السكريه دي ... هي سمحه بس ما زي المنننقه... ولا شنو ...


Yoooo.. I got my pic back..... I'm sooo happy

ظلموك ودروك ما عرفو صليحك من عدوك
وانا اقول وليد ربطو ليهو هبابة لشنو

رومانسي الذاكر
ولا يهمك..دا لمم بس

يا منوت وحات الله ياما ما اليمون دا مفيد .. وهي اكان سالتني كان الركب دي اتجيهت ....

وفي الدنيا دي ياما ما تشوف .... يا بناديها متذكر النكته؟؟

أوعك يام فيونكة..سونا شايل السوط وحايم
ما شفتي شات ليك صاحبتك وراء الشبك

GHOL 7AKKIM ALAWSAF------------ANA MIN 3IONO BAKHAF!

قالت نسمة: أنا اصلي 5 مرات كل يوم وأصوم رمضان، وأنا محتشمةكل العام أيضا، ولا أذكر أنني أسات لشخص في حياتي، والبكيني لن
يغيرني إطلاقا..سأرتديه للحظات، ومن بعدها سأظل على حشمتي
وأخلاقي..سأحاول أن أوضح أنه من الجيد أن تكون المرأة جميلة وبصحة
جيدة، ولن أستطيع ذلك إلا بالبكيني


السلام عليكم

البنت ما قصرت معاكم وقلت انها ح تلبس ابيكيني للحظات وبعد ذلك ،ح ترجع لي حشمتها، وده بيحصل كتير ... اذا هو في السودان الواحد بيشوف العجب من البنات فما بالكم لما يكونو بره بلدهم..
وحتى اذا هي سودانية الاصل هي ما مشتركة في المسابقة باسم السودان..بس هي حبت تثبت للناس انو السودان فيها بنات حلوات
خلوا روحكم رياضية

بنت الأحفاد

أها حسب البوست بتاع المسافة..ممكن الناس تقول نسمة خسرت الدنيا والآخرة وملكة جمال الكون طلعت روسية..والوصيفة صينية..والدلاكة صندلية الجنسية ولا شنو ما بذكر..المهم..عشموني بالحلق قديت إضاني والحلق ما جاني

نسمة والسيد الوالد