من اخر المنافي

الي كل المنفين داخل وخارج الوطن

من اخر المنافي  نور الدين منان

من  آخر  المنافى  ****  ومن  أبعد  iiمرافى برسل  ليك  قوافي****  يا  وطني  iiالخرافى ليك   نحن   اتخلقنا   **ودونك   دنيا   iiمافي عشان  في  دمي  نيلك *** وشارب iiسلسبيلك ميت،  حى،  بجيلك *** واموت أنا في iiسبيلك محال   منفاي   يصبح  ***  ليك  أبدا  iiبديل أنا  لو  أنسى  روحي  ***  انساك  iiمستحيل بدون  وطني  الجميل  ***  ونيلو  iiالسلسبيل وهواه   العليل   ****   ببقي   عديل  iiعليل يا   أعيادنا  عودي***  وعيدي  حلو  iiالكلام يا    وطنا    هواه   ***   ما   بعد   iiالهيام بكرة    نجيك    سراعا   ***   كلنا   iiإبتسام ما  أحلاها  ضحكة  ***  وثرثرة  في iiالزحام ليلنا  رقيص  وصفقة *** ونهارنا عمل iiدوام لا   أشباح   ورانا   ***   ولا  خفاش  iiظلام ولا  حيطان  بتسمع  ***  ولا  انسان  iiيضام بالناس  المسرة  ***  وعلى  الارض  iiالسلام وطنا     للجميع     ***     والدين     iiللاله سواسية   في  الحقوق***  مرفوعي  iiالجباه نفنى  فى  حبو  نحنا  ***  ولا نعشق iiسواه ونرفع  شانو  فوق  ***  في  السما  iiمنتهاه كم   أضنانا   شوق***   لي   سودانا  iiفوق شوقا ساقنا سوق*** سرى مشى في العروق ما   خلانا   نهدا   ***   لحظة   ولا  iiنروق جوبا   تلاقى   بكرة  ***  بى  أحضانا  iiحلفا وبورسودان  تبادل  ***  جنينة  الغرب  iiإلفة نرجع   من  شتاتنا  ***  ونفتح  ألف  شرفة بالحب  والمسرة  ***  يبقى  الماضي  iiطرفة يصير المنفى ذكرى*** ونبقى صحاب iiوعرفة ونصنع  بي  سلامنا  ***  من  سودانا iiتحفة

رومانسينا

تحياتى كميات

يانجم ياساطع يانور يالامع وكل البورد سامع
والكلمات جميلة ... تعنى بمدى الحب للوطن والشوق

تسلم بامسيكا
صاحب المداد الفضي المتلالي كل حروفك تنبض صدقا
ونقاء لذا تزكرنا دوما بالقمر في الليلة الظلماء
ودمت ولك المودة

أخي الغالي رومانسي...
لك التحية والود والتجلة،

حقيقة أخى....إذا تمادت أحرفي المتواضعة لتلبس ثوب المداد الفضي المتلالئ....فكلماتك هي الذهب والدر الثمين الذي يزركش كل الانحاء...وهي العطر العبق الذي نتنفسه ونتنسم أريجه المريح للنفس والخاطر....أخي...أدام الله بقائك الثر بيننا....وزادك ألقا وبهاء وعطاء فياض...مع خوالص ودى

يا سسسسسسسسسسسسسسسسسسسلام يا رومانسى


اعجابى بيك شديد الله يخليك


القصيده اعجبتنى جدا والفكره عاليه والكلام بسيط يا ريت لو بتعرف


الشاعر وتستاذنه اى عشان الحنها واغنيها ولو عندك تلفونه ممكن اتصل بيه

لك ششششششششششششششششكرى يا رومانسى

نرجع من شتاتنا *** ونفتح ألف شرفة
بالحب والمسرة *** يبقى الماضي طرفة
يصير المنفى ذكرى*** ونبقى صحاب وعرفة
ونصنع بي سلامنا *** من سودانا تحفة

آمــــــييييييين
شكرا دائما يا رومانسي

و التحية لبامسيكا و حمزة
و يا استاذ حمزة اعتقد ان بكري ممكن ان يساعدك في الاتصال بالشاعر الذي يقيم بولاية ماريلاند و يا ريت نكون في البورد اول من يسمعها ملحنة

يا السسسسسسسسسسسسسسسسسسسساره


بندهك اريتك طيبة وفى امان الله

اشكرك على الاهتمام وح احاول الاتصال بى بكرى واعدك انه انتو اول من تسمعوها

شكرا

يهلا يا مرحبا
لو كنت اعلم ان قصيدة نور الدين سوف تجمع في هذا البوست
مثل هذه القامات لجئت بها قديما ولكن كان الان موعدي مع الفرح
شكرا للشعور الرقيق استاذي حمزة فهذه شهادة اباهي بها
الاخ نور الدين علي ما اظن في الولايات المتحدة وليس لي به اتصال
زلكن الدكتورة الضواية اتت بالمفيد وسلمتك الربان
الدكتورة السارة
اكزب
اجيب من وين كلام قدرك
بس اختاري اجمل حروف تعجبك ومني ليك هدية
ولكم الود

الحبيب رومانسى
والله روعة لا تحد وفعلا ده احساس كل واحد والله
تسلم لينا وبالله فتش لينا حاجات حلوة زى دى عشان نلقى فيها العزى والسلوى
وتسلم لينا

مرحب بيك يا استاذ حمزة واستاذ رومانسي ودكتورة سارة وجميع الأصدقاء هذه قصيدة حب لكم جميعا ولكل أهلي الغبش من حلفا الى جوبا ومن بورتسودان الى الجنينة وكلامكم الحلو أجمل عندي من القصائد التي لم تولد بعد .. نحن هنا كالسمك خارج الماء .. نتنفس هواء الغربة الثقيل.

دمتم ودام السودان

حنبنيهو البنحلم بيهو يوماتي
وطن شامخ وطن عاتي
وطن خير ديمقراطي
حنبنيهو

سلام يا صاحبي

والله الواحد يغيب ويجي ويدخل البورد بس عشرة دقائق
ويلقاك زايد روعة
وزايد إنتماءا لهذا الوطن
ولك مني كل الحب
والتحايا لك السارة
ولكل محبي هذا الوطن الشامخ

الغالي قرشو
لك مني الوعد بالتفاني عن البحث عن الدرر وازاله الغبار عنها
فكثير من المبدعون لم يسعفهم حظ النشر الواسع
سفنتي
والله مشتاق ليك عديل كدا
فقدناك والله بالجد فقدنا الثنائ
فقدنا مصطفي
فقدنا عطرك بيننا
والمرة دي ان شاء الله رجعة ما بعدها غيبة
فمكانك شاغر لم يملاه احد بعد
وماظننت انه سوف يملا بسواك

فنانا المبدع حمزة سليمان
ابلغت الاخ و الاستاذ نورالدين برغبتك فى تلحين هذةه القصيدة وسوف يقوم بالاتصال بك

الاخ بكرى اشكرك شديد يا ضراعى ربنا يحفظك ويرعاك وها هو البورد

اصاغ علاقه واغنيه واعدكم بها قريبا والاخ نورى ارسل لى ايميل ورديت عليه

واكرر شكرى واحترامى

ان الفرحة لا تسعني
والله ان السعادة تكاد تتقافز من داخلي لكم تمنيت ان التقي من اضافت كلماتهم الفرح لحياتنا وهذا الحلم اراه واقع بيننا الان اهي الصدفة وحدها ام انه الموعد مع التلاقي في اللا مكان عبر اثير الكلمات المفعمة صدقا ونبلا ورقة
لم حزنت عندما وجدت سوال مبدعنا الاستاذ حمزة عنكم ولكن جاء الفتح من دكتورتنا الزاكرة لكل مبدع لها منا التحايا
والان بعد ان كان سوال الامس عن المكان صاح التلاقي واقعا
استاذي منان لك التحايا المعتقة باريج كلماتك الرقيقة
وشكرا جزيلا, جزيلا جدالهذه الاستجابة السريعة فعهدنا مع المبدعين الاستجابة لندا السموق عاليا اذا انا اشهد ثنائ الابداع امامي عيانا بيانا
الا يحق لي ان ابتهج قرشو
لكم كلكم حبي وامتناني
ودمتم

المبدع دوما رومانسي تقف الكلمات في حضرتك خجلى وتتورى خلف اسوار الوطن البعيد الغالي فقد اتحفتنا بهذه الدرة وهذه الرائعة من روائع ابناء بلادي فلهم التحية والتجلة وللاستاذ الفنان المبدع حمزة سليمان خالص التحايا والاشواق ونقدر حسه الفني الراقي وتجاوبه السريع مع مفردات هذه القصيدة جعله الله وجميع المبدعين في الشتات والمنافي البعيدة حلقة وصل بيننا وبين الابداع الاتي

لك التحية استاذي ابراهيم
شغفي بالجميل جعلني التقيكم لانكم اصل الجمال
لك الود

كل الناس هنا
كل الناس صحاب
و كل الناس أهل
و الماهم قراب
قربم البورد... فصرتم اقرب الينا من اهلنا
التحية لكم جميعا
رومانسي وش الخير
حمزة الفنان
منان الشاعر
و بكري قائد الاوركسترا
قرشو ود بلدي
ابراهيم صاحب القلم الجرئ
سفنتي الغائب الحاضر
و جميع اهلي الطيبين