الحاصل شنو في الحلة

يا جماعة في شنو مالكم الحلة زي الميت ليها زول
ما في حركة صانين كده مالكم
اكيد في حاجة ما طبيعية

الاخ ود الجيلي .. تحية .. يبدو أنه هناك قرفة عامة لامة في الناس اليومين دي . وربما ساعد على استبداد هذه القرفة الجدل الكان داير بين أعضاء البورد في الأيام الفائتة .. الناس موجودة لكن يبدو أنه يبحلقوا فقط في المطروح من مواضيع دون حماس لطرح نشاط فكري جديد .فقدان شهية يعني

ياهو دا السودان ؟؟

أرجو أن تسمعنا انت من مكنون الغناء الجيد عندك .. خاصة ابو اللمين .. والله الزول الاجهر دا غنايا قحة .

الأخ ود الجيلى \
لك تحياتى
ياخوى زى ما قال اخونا اهل العوض الظاهر الناس عندها قرفة بعد الاحداث الاخيرة ..
اوع تقول لى الاحداث شنو كمان
قدر ده ؟؟؟ وين انت كنت يا سيدى

والله يا قرشو انا ما شايف في حاجة للدرجة دي يعني
بتحصل فى احسن العائلات يا مان

شكرا لتواصلك يا جنا العوض

ود الجيلى
ابصم بالعشرة يا سيدى موافقا على كلامك وانها تحصل فى ارقى البوردات

طيب ما تقول ليهم

ود الجيلي ياخي ما تخلي الجماعة كده يفكو اخرهم شكلهم كده زي بعايدون من بعيد لبعيد وبكبو الزوغة وانت عارف دا شنو دي انا بفتكروا الصمت الذي سوف يسبق العاصفة بابداعات مدوية لناس ايمو ودعزة والنيل وهواري وبت النيل وغدي وبت الاحفاد والمجموعة المميزة فانتظر شوية شوية شوية لحدي ما تلقى روحك انت ذاتك دائر ليك وقت عشان تخش لانو ما حتقدر تشوف منو وتعاين لمنو
كدي ود الجيلي اتحفنا بود اللمين ذي ما قال ود العوض فنحن في شوق وغربة وياريت غربة وشوق

والله يا ابوخليل ما قادرين نشوف الحلة صانة كدي
بعدين ما عوايدها!!!!!!!!!!!
على العموم اخوكم في الشغل حسي وعدة الشغل ما معاي
بس نمشي البيت ونصلح السجمان وفالكم طيب من العين يا حبايب

تسلم ياودالجيلي ما بتقصر دائما اصيل ودبلد دي المحرية فيك بس شيل الصبر على الجماعة شوية كده وبجيوك ذي المطر
مع حبي

يا زو لما عنك عوجة تب
تراني قاعد في طرف الحلة وشايف الداخل والمارق