Post: #1
Title: المسافة
Author: رومانسي
Date: 05-27-2002, 10:47 AM
صلاح حــاج سعيد
وكتبت ليك لا بيني بينك ريدة لا قصة غرام
إخترت ليك أجمل حروف وأصدق فواصل نادرة في لغة الكلام
لا قصدي ألهو معاك بي كلمات غناي
لا حروفي ليك مرجيحة من شعر الغمام
وكتبت ليك والله يا قمر الزمان
شان جيتي بي زمن المحنة
وشفت في عينيك حس أهلي القدام
وكتبت ليك وأنا جايي من زمن الشقا
المرسوم على وش الثواني مظللها
تتمدد الساعات سنين
تتفتح الأحزان غريبة ومذهلة
وأشتاق أفتش نسمة في الزمن العذاب
وأيامي من كتر الأسى وكتر العزوف والإغتراب
صارت حروف مترهلة لحظات أسيفة ومهملة
وكتبت ليك ووقفت ليك
لامن لقيتك جاية في قلب الطريق
ولمحت فيك راحة المشاوير البعيدة
ولفحة النسمة الحنينة الجاية من جوف المضيق
حسيت عجائب الدنيا اتلمت بقت جاياني من عصراً سحيق
عينيك حس أطفال بنادوا القمرة للغائب يعود
وجبينك الضواي حجا الحبوبة في الزمن السعيد
وأنا في قساوة الموحش الزمن المكهرب بي الحريق
أنا حيلتي إيه غي ؟أتكئ وأحلم معاك
وأحضن أماسي الصحو والأمل البريق
|
Post: #2
Title: Re: المسافة
Author: bob
Date: 05-27-2002, 11:06 AM
Parent: #1
الاخ / رومانسى لك التحية
شكرا على التحفة الجميلة، للاستاذ صلاح حاج سعيد وللاستاذ مصطفى سيد احمد ذاك الكروان الذى شدى وربنا يتغمضه بواسع رحمته
بـــــــــــــــــــوب
|
Post: #3
Title: Re: المسافة
Author: رومانسي
Date: 05-27-2002, 11:16 AM
Parent: #2
شكرا ليك يا بوب
وكرا للمبدعين
ونتمني من ود عزة
يلعن الشيطان ويجي ينزلها لينا مموسقة
|
Post: #4
Title: Re: المسافة
Author: Al-Masafaa
Date: 05-27-2002, 11:21 AM
Parent: #3
Habeebna & Akhoona Romansi, Thanx man , ao di ismaha "Gamar Al-Zaman", yala hak al masafa aljaad ya fardaa, ao salamaaattصلاح حاج سعيد
لسـّة بيناتنا المسافة .. والعيون ..
واللهفة والخوف .. والسكوت
ورنة الحزن البخافا
تعدّى بى الفرحة ... وتفوت
وأمشى بى الحسرة .. وأموت
*********
الأمانى الفى سفر
قبل الزمن .. كايسة الموانى
يوم تجيبنى عليك .. بصدّق
إنو مرة الحظ طرانى
وإحتوانى معاك شجن .. عذبنى قبلك
ولسـّة منك .. جايى تانى
تمشى وين الخطوة عنك
ما الزمن بى الحب بلاكا .. وإبتلانى
************
لى عيونك يا مداين الفرحة والحب .. والجسارة
عندى ليك مليون بشارة
وألف خير ... والكلمة شارة
وإنتى لمـّا الحب يهـوّم بى عيونى
وفى عيونك بى قى حائر .. بالأمارة
الفرح منك .. يجينى
يعترينى الخوف عليك
خطوة منك .. خطوة ليك
راجى منك بس إشارة
وكلمة تدينى البشارة
|
Post: #5
Title: Re: المسافة
Author: رومانسي
Date: 05-27-2002, 11:29 AM
Parent: #4
تسلم يا غالي
فعلا فات علي الاسم لكن عارف طبعا في ناس متيغظة
لشرب الابداع وتصحيحه وليك مني التحايا العواطر
وتسلم
|
Post: #6
Title: Re: المسافة
Author: Al-Masafaa
Date: 05-27-2002, 11:34 AM
Parent: #5
Akhjaltom tawado3anaa ya rooma "7ilwa rooma di aish raiaak feeha"! Nice to see your quick reply ao inshallah nabda 3alagat taibaa ya akhooo!!
|
Post: #7
Title: Re: المسافة
Author: رومانسي
Date: 05-27-2002, 11:37 AM
Parent: #6
حمد لله علاقتي بك طيبة ولم تشوبها شائبة لكي تبدا من جديد
واتمني ان نتواصل الي الافضل
فكلنا في البورد اسرة وان تفرقت بنا السبل
واختلفت منا الروئ
ولكن ياهو دا السودان
امنا وابونا
ضلنا وشمسنا
|
Post: #8
Title: Re: المسافة
Author: Al-Masafaa
Date: 05-27-2002, 11:52 AM
Parent: #7
Abshir bailkhair ya zaol!! Best Regards,,
قصيدة رثائية لمصطفى
محمد الحسن سالم حميد
ما كان رحيلك غير دليل للجاى ماسك سكتك
عذرا اذا حال الوطن
بالجاتو ذات ليك بكتك
ونحنا الوراك ما جانا عشقك من فراغ
لا نحنا غنيناك عبط ......
عليك الكلام الجديد....الجديد
عليك السلام يا شهيد الغناء
تموت ...ما بتفوت
تفوت ما بتموت
ويظل الوطن سيد الامكنة
وين ما نسكتك نسمع عصيفير الغناوى وطن
متين ما نفقدك نلقاك تحانن بالغناوى وطن
مع انو حبالك موتة الغربة
واستكتر عليك كفن
وانت المالى عيونا معزة
وين متراوح سائب عزة
ودابو ضمير الدنيا أهتز
يا امة فرسانك تموت
مقدورة دائما من قفا
يا أمة تقابة وفا
يا الكلكلم فى العاصفة
دون عاطفة
من كان يسمع مصطفى
صــن .. ووهج صوتو أنطفأ
ومن كان يسمع ما مصطفى....
حى بى قضيتو وبس لها
|
|