آخر خبر: يازول يازول يازول

افادني مصدر عليم وموثوق به ولسان صدق أن العمدة هشام يازول يازول يازول
قد تم إختياره من خلال عضويته في إحدى بطاقات الإئتمان المشهورة للسفر إلى اليابان لمدة كم يوم لحضور إحدى مباريات كأس العالم..وحقيقة أثلجت صدري المعلومة ولم يتسنى لي الإتصال بالعمدة لزف الخبر السعيد له..ألف مبروك ياهشام ووقف وقف سوقني معاك

شوفو يا ناس .. بناديها بينادي على زول و بيقول :
يا زول يا زول إنت وين ماشي ؟
أنا ماشي (يابان) أبقى هيروشيماتي ..

حظ سعيد يا زول .. و إنتكم بالله سلم على (روفالدو ) و ناس سنغال و روماريو كمان و رونالد ..

الزول العمدة .. الزول الرائع .. ألف مبروك والله ، وفرحنا ليك فرح شديد خلاص .. وعقبال اللوتري .. ولا ما عاوز ؟؟ ما عاوز!!؟؟ .. ليه ياخي .. ياخي أحسن ليك والله على الأقل البلد بعييييدة وبعدين ناس المواسم ما بجوها .. خايفين عليك من الجقلبة بس والله
نكرر تهانينا الحارة وسلمت أخي

بناديها الحبيب

ياليتك كنت رفيقى فى رحلة الشرق والسحر هذه فأنا من دونكم لا أصلح لكل شعب اليابان ولكنى رغم ذلك سأستحضركم عند شروق شمس العالم فى بلد السحر والجمال فى ذلكم الدفء الشرقى العجيب وكيف يكون يازول هيوفة مثلى مع تلكم العيون العجيبة والأدب الرفيع وقلبى ينبض حتى من رؤية الفلبين فما بالك باليابان وما أدراك ما اليابان السحر الفنان

منوت
منوت حبيب بتاع أنا وذوق بتاع أنا وظرافة زاتو بتاع أنا قالو روح يابان قلت أنا تابان قالو شوف كورة قلت كورة بتاع زمان ولا كورة بتاع هنان قالو كورة كاس آلم قلت سيبو آلم فى هالو وين جمال بتاع يابان وين صديق بتاع يابان وين كريسيدا بتاع يابان قالو أكل فى كثير سمك كتير قالو أكلو ضب بتاع يابان قلت مافى عصيدة فى يابان مافى ملاح شرموت كول بتاع سودان قالو شوف كورة بس روح كمان جيب منوت بتاع سودان ممكن فى هكم ولا فاول بتاع شكمان ولا ممكن فى هظار بتاع بنات يابان

صلاح ضرار
تسلم يا غالى واللوترى النفيسة فيهو والقليب مابيهو خلينا نشوف جكة اليابان فى الأول يمكن نلقى لينا عقد عمل

يا زول مبروك وبالله لو لقيت عقد عمل شوف لينا معاك ونحنا ما بنقصر وممكن ننتخبك الكفيل بتاعنا هناك ، لكن بيني وبينك مسألة العقودات دي مع اليابانيين ديل اظنها صعبة خالص ، اخبرني احد الظرفاء بان اطفال الابتدائي في فسحة الفطور بيصنعوا ليهم كم سوزكي من سيارة لي موتر وزي ما قال ابو جقادو يطراه الله بالخير سوزجي ما اعمر ما سوزجي

LOOOOOOOOOOOOOOOOOOOOOOOOOOOOOOOOOOOOL
الف مبروك يازول يا رائع تستاهل كل خير
وماتنسي تسلم لى على الجكس اليابانى

مليون مبروك يا زول
واله فرحنا ليك كاننا كسبناها كلنا
يعني كدا بقي عندنا مراسل رسمي
للبورد في التظاهرة العالمية الرياضية
لنا ان نفرح
لكن يا زول ما تورينا درب البطاقات المربحة دي
غايتو انا وصحبي قرشو حظنا هاجر وخلانا
ومليون مبروك تاني

111000000000000000000000000000000000000000000000000000000000000000000000000000000000000000000000000000000000000000000000 mabrook
love u hisham

إنتكم لازم بيعمل حساب من (جكس) يابان ..
لأنو همن بيحب (زول) بتاع سودان ..
و لازم تشرب (ليمون) كتير و معاهو لحم ضان ..
عشان إنتكم زي منوت (طويل) كمان ..
و ما زي سوزوكي ، لكن زي نيسان ..
و لازم إنتكم بيفتح عينكم زي فنجان ..
عسان لما لما (جكس) بقول (هاي) إنتكم بيعمل طرشان ..
سلامي لي ناس هيروشيما و ما تنسى ناس .....

___________

ونحن بينتظر رساله من يابان

الحبيب يا زول
الف مبروك
هل حددو ليك المبارة ؟ هل باختيارك ؟ ماهو
تصحبك السلامة في حلك وترحالك

هشام

الزول السمح


تستاهل اكثر من اليابان ...( قالوا : الحلوة دى من اليابان و صاحبها واحد غلبان ) ....
قلت : هشام يمشى لليابان شى اكثر من معقول
لانو هو الزول ..يازول يازول يازول

تتشرف بك اليابان
لانك سليل امدرمان
هم صنعوا النيسان
و انت فخر للاوطان

ماتنسى
عايز لى كامرى
و قرقاب يابانى


بنده

لك الشكر يا رائع على زف الاخبار الجميلة مثل جمالك
و جمال اخلاقك
و ما عدمناك
و عقبال ماتكسب انت كمان و تمشى كوريا

يا اديبنا و كبيرنا
مبروك فوزك بالسفر الى اليابان
وشكرا يا بناديها لاخضار هذه الاخبار الجميلة ويا حبذا يا اخت روى و اخى محمد ان تقوموا بالازم مع هذا الزول على كل حال يا زول اذا ما اتصلوا بيك سوف ارسل لك عناوينهم و تلفوناتهم

ديامى
تسلم يا أمير وتشكر وعقبال عندك

cola
خلى بالك الجماعة القصار ديل كلهم جكس حتى العجائز منهم لظروف القصر والصغر

رومانسى
كان نفسى آرافقك وأرافق قرش فى الرحلة دى لكن معليش الجايات زى ما بقولو أكتر من الرايحات

عمر رجب
فينك يا جميل يا مدلل ما تيجى نتقابل هنا نعمل فرقة

منوت
منوت والله انت احلى زول بتاع بورد انت

بن بن
تسلم يا بن بن وعقبال الأولمبياد والمباراة هى السعودية وايرلندا يوم 11/6

كوستا
يا أجمل وأحلى كوستا نفسى أقابلك فى كوستاريكا

بكرى أبوبكر
هم فين الجماعة ديل يا ريس أنا رايح لأول مرة فى طولك فى عرضك أدينى العناوين عشان ما اتنشل فى اليابان
ههههههههههههههههاى

ya zole: araito 7al el "YABANi", nasma3 akhbarak min discussion board, zai el ghrab? mushtageen, ta7iyati leljamee3 and congratulations.

Tomato

I'm gonna convey this message to Hisham right away on the phone. You see u cann't even reach him unless via me. By nature he is always living in a high spirit and nowadays he is living in an "ivory tower".

Nice to have you around.

wow Tamadora,

كيفك يا مفعوصة فاكرة البت الزمان بتقول على المسرح انت بابا وانت ماما وانت كل حاجة فى الدنيا أهو ده البورد بتاع بكرى ده الذى أصبح لنا بابا وماما وتماضر كمان

وبناديها هذا اللبق هو أحد المفاتيح الهامة فى حياتى يعنى لو تتذكرى مفتاح بيت ناس جدى عبدالوهاب بتاع الخشب داك ياهو ده بناديها

وبعدين يا بت عندك شعبية كبيرة فهل يوجد لديكم بخور تيمان فى أمريكا أم أرسل لكم قليلا من هنا

تمضورة تحياتى حتى تستغيثى وسوف تسمعين صوتى قريبا جدا والحب والمودة والأحضان الحارة للعيال العيال العيال

Ya Zoal

Kora wa .....zo'3a???

طارق

كورة وزوغة

wow
what a good idea u gave me

looooooooooooooooool

درب السلامة 00

درب السلامة 00

Y are welcome in Japan when u come just contact ,donot hesitated u r welcome.Althought I am not so intersting in football but I will be intersting in this world cup because u will attend.

حبيبي العمدة ألف مبروك وإنشاء الله الجائزة التانية تكون تايوتا لاندكروزر
نتمنى لك رحلة سعيدة ومتعة الفرجة على كأس العالم ولو مباراة واحدة
ونحن هنا في السعودية حتى فرصة فرجة في التلفزيون ما عندنا ما لم ندفع 511 ريال قيمة الإشتراك في الاوائل وطبعاً حتى الفرجة على الكورة والتلفزيون أصبح فيها إحتكار من تماسيح التجارة
على كل حال مشيتك لليابان خلتنا كأننا كلنا مشينا يا هشام
ونتمنى ليك رحلة سعيدة وموفقة

الف مبروك يا زول
وبالمناسبة قبل يومين بقرأ في صحيفة سعودية وبتقول بعد ما المنتخب السعودي انتهى من التمرين في شباب يابانين بيقول (بيرقر بيرقر سعودي) ودي طبعا تحيتهم يعني بيقولو مرحبا مرحبا سعودي
عشان كدا لما يقابلك ياباني ويقول ليك بيرقر انتا قول ليهو شاورما هههههههه
عشان تعرف تتكلم بي لغتهم لكن موضوع الشاورما دا ما معانا بس انتا خليك في البيرقر
ولك كل الود وبالتوفيق ان شاء الله

Wallhii Ya Mutaz birgur bta3tak dii ma Smi3na biha shakalk kidah gati3ah min Rasak dah.walah ilah takon dii logat nas elkorah.

10000000 MABROOOOOK WALHI LIGITAHA OO TASTAHLA BROTHER
YALA HAVE FUN FI AL BALAD DEEK..
OO TAMSHI OO TAJI BE ALF SALAMA
TA7YATNA LE "AL KHASHABEESH" HENAK

الليلة يامعتز..روعة جابت جهينة ذاتها..رؤى من ناس اليابان
ويلا ورينا بيرقر بمعني حبابك بالياباني دي جبتها من وين؟

أم در
يا ربوع سودانا نحييك وانت كل آمالنا
ونشكرك أجزل الشكر على المشاركة الحلوة

روعة
أرجو مراسلتى على الايميل موضحة فيه رقم الهاتف حتى يمكن الاتصال عليك عند الوصول علما بأنى سوف أحضر مباراة السعودية وايرلندا فى مدينة يوكوهاما
والوصول الى طوكيو مساء يوم 9 يونيو على السنغافورية ملحوظة يوكوهاما هذه كنت أحسبها لساتك عربيات ولم أعرف انها مدينة يابانية كبيرة الا الآن

حبيب بلدو
شكرا يا حبيب وكده والله كأنك كنت فى رفقتى والله يعينكم على خمسمائة صالح كامل

معتز
بيرقر؟؟؟؟
بتكلم جد
طيب روعة قالت لا أصدق منو؟؟؟؟
يا سيدى بيرقر شاورما مافرقت معاى كتير واذا كان الكلام من فضة فالسكوت من ذهب بس جلست أضحك على حكاية بيرقر دى مدة طويلة وعلى كل حال سألقط كم كلمة من روعة كدة قبال أدخل الماتش

Pearl
شكرا ليك كثير والله

بناديها
واحد بيرقر وصلحوووووووووووو
وعندك 500 شاى و750 قهوة مضبوط و1400 شيشة يابانى
دى طبعا شكل القهوة فى اليابان ماهم أصلو خلق كتير

بناديها والزول
طبعا لازم تصدقوا روعة طالما انها قاعدة في اليابان وانا الظاهر انو كنت جيعان لما كتبت الكلام دا بما انو انا قلت الكلام دا كان على لسان صحيفة سعودية محلية وما زلت عند كلامي ولكن بدل ما اكتب كلمة ثانية وهي (قمبري) وليس (بيرقر) زي ما قلت في الاول وبرضو بسأل روعة الكلمة دي في ولا مافي في اللغة اليابانية وانا ما جبت الكلام دا من راسي ولكن الصحيفة هي القالت كدا واليكم النص بالحرف الواحد

بدأت التدريبات بشدة وحماس وكر وفر وجدية وابداع وركل الكرة بالكعب والرأس والصدر واستعراض مهارات والجميع نشطين ما الذي يحدث؟
انتهى التدريب ونايف مرزوق إداري المنتخب يقول للجميع: هذه قبعات ودبابيس وأعلام الوطن·· كل لاعب يأخذ وحدة من كل نوع واعطوها الأطفال المصطفين على اليمين واليسار·· وبسرعة على الحافلة، ومن الحافلة إلى الغرفة كل لاعب·· يجهز نفسه مثل ما أنتم عارفين الليلة راح نفك أسر معدتكم من طبخ أبو أحمد وبنروح لمطعم لبناني·
الابتسامة أخذت مساحة كبيرة من وجه كل لاعب·
الأطفال اليابانيون وهم من تلاميذ مدارس (شوفو) بعدما تسلموا الهدايا رددوا بصوت واحد: (قمبري قمبري سعودي) بمعنى·· (حيوا السعودي حيوه)

هذا والله اعلم
ولكم كل الود
وللاخ الزول برحلة سعيدة ومشاهدة طبعا حا تكون رائعة طالما انها في قلب الحدث
ودمتم

يا معتز تشكر على الرد اللطيف والذى بذلت فيه جهد جبار ونحن لم نأخذ الأمر الا دعابة لطيفة لا تحتاج لكل هذه الاثباتات

على كل أشد على يدك يا معتز وأقول لك
قمبرى قمبرى معتز

علما بأن السودانيين عموم يكشون من القمبرى ولا أعرف لماذا؟؟؟؟