*****استياء من تعامل الأغلبية *****

بسم الله الرحمن الرحيم
السلام عليكم لجيع الاعضاء:

بدون مقدمات أو إطالة للموضوع ،أنا ليس لي علاقة بالسياسة ، وأظن انكم لاحظتم ذلك من كتاباتي .
انا كنت اتابع البورد يوميا لفترة من الزمن ، حتى جائتني الشجاعة لأنضم إليكم ، والسبب انو لاحظتة انو كل الاعضاء اسرة واحدة مع بعض .
وبالأمس قرات البوست الذي كتبه الاخ مارد ، ولاحظة مدى تفاقم المشكلة وحدتة الحوار بينهو بين الاخ وليد ، وللأسف كنت مستاءة أكثر من باقي الاعضاء لانهم بدل من تهدأت الموقف زادوهو حدة ، ما عارفة اقول شنو وحاسة انو كلامي غير مترابط مع بعضه بس المفروض انو العضو العندو كلمه حسنة يقولها والماعندو كان يسكت ، حتى الاعضاء الجدد ما قصروا بالإساءة .
من قوانين البورد عدم الإساءة او التجريح بالألفاظ لو رجعتم للبورد ،سوف تجدون ان الإساءة لم تكون بين المتخاصمين فقط ،بل ان الكل كانوا يشاركون في التجريح بالألفاظ ،ولكنهم وجدوا نارا وزادوها حطب .
وانا غير متحيزة الى اي عضو لانني لا اعرفهم اكثر من الاعضاء القدامى، وان لكل عضو آرآءه التي يجب ان نحترمها بما انها لا تتعدى حدود الآخرين .
بس اسلوب النفاق ليس اسلوب حضاري لما الواحد كان بيكتب كلكم كنت بتشجعوهوا للكتابة ، وتكونوا ضدهو في لمح البصر.
وفي البورد للاغليبة علاقات شخصية مع بعض مافي واحد منكم يقول كلمة حق في وليد وهو زميل ليكم في البورد مع ملاحظة انو غايب ، ولا النفاق عمى عيونكم .

العزيزه بنت الاحفاد
القضيه ما قضيه بوست و لا بورد القضيه اكبر ن ذلك واعظم
القضيه قضيه وطن
ولو الخلاف كان شخصي كان الوضع بيختلف و برجو انك ما تساوي الجميع
شوفي الاسلوب و الحوار كان كيف و بتعرفي انو كان لازم الناس ما تقيف ساكته
لانو الموضوع ما شخصي زي ما قلتا ليك بالعكس دا واجب كل زوول وطني شريف بحب بلدو انو يرد على ايي كووووز و يوريهو حجمو الطبيعي
لك كل الود والتحيه