فلتعود للبورد هدأته...فقد قررت فصل نفسى

لقد قلبت الموضوع من جميع جوانبه...ووجدت أن شخصى المتواضع ربما يكون هو المشكلة فى مايحدث الآن بهذا البورد..فقبل انضمامى اليه كما اذكر لم يكن به مثلما هو قائم الآن..كماأننى وأحسست وأكثرمن اى وقت مضى بأننى لم أعد عنصرا مفيدا ولن أتمكن من تقديم أى عطاء يذكر...أقول ذلك واستودعكم الله..وها أنا أقوم فصل نفسى بنفسى فليهنأ من أراد ذلك وليعذرنى من لم يرد ذلك فانا أعترف الآن بأننى لن أكون قادراً على العطاء..
أو تقديم أى شىء له قيمة
واعتقد أنكم توافقوننى اذا لم يعد عندى ما أقدمه فعلى التزام الصمت فقط
فنظرا لظروف شخصية واخرى عملية وثالثة...تتعلق بخذلانى بكثيرين
تحياتى
ود عزة

Dear wadazza
Why do you let the fascists win?
You are not the cause of any problem and you should not leave. It is not our problem if someone can not stand the truth about the collections of theives and neo-Nazis called Inqaz
Regards
Zaki

الاخ الحبيب ود عزة
نحييك ونقدر ظروفك الشخصية والعملية ونتمنى ألا تكون سببا في بعدك عن البورد . أنت لست طرفا ، وأكرر رأيي سابقا بأن هذه معركة في غير معترك . لا شيء على الاطلاق يوجب جلد الذات أو سكب الحليب أو بعد أي حبيب ، ويا ود حبيب وينك

الأخ ود عزة...
لم ولن تكون سبب في مشكلة...
لماذا هذه التراجع و الانهزام...لم نعهدك هكذا...
قلمك حر و مفيد ،،
اعيد النظر أخي في قرارك رجاء بدون ردود افعال و عاطفة...
لك الود
حليمة2

في شهر نوفمبر من العام الماضي أعظم لاعب كرة قدم
عرفته الملاعب الخضراء قال ماردونا وفي ليلة إعتزاله الرسمية
لكرة القدم
(من الخطأ أن يتوقف اللاعب عن الإنتصارات في المستطيلات الخضراء)

وهنا وفي أميز منتدى سوداني
من الخطأ أن يعتزل من شهد له البورد بالعطاء
ودعزة
مناشدة
نرجو مواصلة المشوار

ود عزة
يامفخــــرة
كما يقول بناديها
ــــــ
اظن كلمة ( ايمو ) كافية

عزيزي ود عزه
اولا ما على كيفك منو السمح ليك باتخاذ هذا القرار
لقد اخترت خندق الشرفاء ....خندق النضال ....خندق كل سوداني حر شريف
وليس بيدك التراجع و الانسحاب .....انتا قلتا انو انتا كنتا عنصر اساسي في هذا النقاش و دا شي صحيح فباي حق تنسحب ...... هذا شي ليس بيدك ولا بيدنا ما دمت و ايانا قد اخترنا ان نكون في هذا الخندق الا اذا زال ايمانك بانك كنت على حق و لو كان الحال كذلك ولو جدتنا اول من يرميك خارجه
انا قرارك هذا قرار اناني واسال نفسك من السمتفيد من ذلك
لن اطلب منك التراجع لانني اعلم بانك لن تستطيع تنفيذه
نحن مازلنا و سنظل في انتظار مساهماتك و ابداعاتك
وانا شخصيا حا اعتبر انو ماقريت كلامك الفوق دا
لك كل الود و كل التحايا

عزيزي ود عزه
ماكنت اود ابدا ان ابدي اى راي في موضوع المعركه التي نشبت لولا
هذا البوست من قبلكم
اري ان ابتعادك برغم انه قرارك الا انه مؤلم بل وخطا في حق من احبوك
واعجبو بمداخلاتكم الجاده
وكان موضوع الاخ مارد جيدا في نظري ولوليد حق التعقيب والاعتراض
بلا اسفاف ولكنه فشل في ذلك وما كنت اود من مارد ان ينجرف في
هذا التيار برغم انه كان انجرافا وليس تيارا في قوه انفعال وليد
اضرب لك مثالا في التسامح السياسي وكلنا نعلم ان الفنان صلاح
بن الباديه له موقف سالب من اليموقراطيه في السودان وانا ضد هذا الراي
وبشكل قاطع ولكني اؤمن بابداعه وتكفي اغنية كلمه لتجعلني اقف
احتراما لفنه اما رايه السياسي فاقف له متصديا وبشدة ايماني
بالديموقراطيه وعنف مقاومتي للدكتاتوريه ولن اجرح شخصه
لانه سوداني ربيب اسره وتجريحي الشخصي له قد يؤلم اناس من اسرته
يناصرون اليموقراطيه وبعنف مثلي او اكثر ولا ينفي حقيقة انه مبدع من
الدرجة الاولي كم سحرت سال من شعرها الذهب الملايين من شعبنا بكل
الوان طيفهم السياسي ولك محبتي

حبيبنا ودعزة
ما حاقوليك غير

علي كيفي ارقع جبتي او لا ارقعها
......
...
وتم الباقي

يامفخرة..ما بإيدك..أنت ملامحنا كلها فيك..أعمل يوتيرن بسرعة

أنا حزين لأنك لم تعارض عزل وليد 500
وحزين أكثر لأنك حملت نفسك أكثر مما يجب
ويمضني الحزن ياود عزة أنك في كل مرة
تقرر الإنسحاب من هذا المنتدى تحسسنا باننا هوان عندك
أنت لست ملكك وحدك..نحن لنا فيك نصيب ياحبيب

i realy dont unerstand.......how many times did brother Wadazza say that he is leaving the board.....and in all these times ...how serious was the reason ? why is all this?

dont take it personal brother Wadazza...but if i want to leave the board, and i realy have a good reason to do so...u won't see me here again.

please go back to your conciousness ..and be rational

انا يمكن جديدة في البورد ولكني لاحظتى الترابط الجميل بين الاعضاء هنا والشعور البجي للزول كانه في بيته،وزي ما عارفين اي بيت بيحصل فيهو مشاكل و اختلاف في وجهات النظر و لكن الببقى الحب



ود عزة اعتقد انو الناس الادوك من وقتهم و كتبوا ليك الكلمات دي،اكيد الناس دي مقدرة المواضيع البتضرحة وانت انسان عزيز عليهم

و شكرا

تاني يا ود عزة
تاني يا ود عزة
شنو يا اخي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل يوم ود عزة جاء ود عزة مشى
ايه علاقتك بالحاصل
والله زكرتني نكتة الولد القال ما ماشي المدرسة
وعندما استفسر والده اكثر
قال الوالد انو فصل ناس محمد اخوه وقع
واكتشف الوالد ان هذا الولد كان بيقرأ في ضل فصل ناس محمد
فهل انت قاعد في ضل وليد
اكيد لا
وعمرك ان بقيت صادق ما بيقول انك مايوي

عزيزنا الغالي ود عزة ....سبق وزكرنا ان الكوز قد نجح في تحويل هذا المنتدي
عن هدفه السامي وهو طرح ماهو جميل ومفيد وها انتم تعطوه احساس الانتصار ....وكم تمنيت تجاهله ...واعتقد انني الان اعطيه حجما لايستحقه ...كل ما اود قوله اين هذا مما يتحمله اهلنا الشرفاء في الداخل فرجاءا عزيزنا ود عزة وابو عزة و اخو عزة لا تترك الان...

إذا صار السماع بلا قياس *** فلا عجبٌ إذا سكت المغني
أنا ولإن سكتُ وقال غيري *** وجعجع صاحب الصوت الأرنِّ
حال ودعزة لسان إيليا أبو ماضي

اعزائي واحبابي في الحقيقه انا كنته غايب الايام الفاتت عن البورد يعني ظروف عمل الخ لكن عند العوده كانت المفاجئه طرد وانسحابات وطرد ذاتي الحكايه شنو اذا كان البورد هو منتدي فكري مقنن بقوانين يبقي وين المشكله اذا كان الكل بيدعي الديمقراطيه .... سؤال ....هل معظم ناس البود من الاخوه المغتربين ( انا واحد منهم ) اثرو وفضلواالهروب للامام يعني .. باستمرار الغربه وبدون هدف واضح المعالم او اطار زمني مع اختلاف اسباب الهروب للامام ( الاغتراب ) ياسلام ياشباب اهو انا العجبني في البورد ده هو المواجهات التي تتم المواجهات الفكريه واخلاف الراي وادراك الافكار الاخري ومنها بنتعلم حاجه بصرف النظر اذا كانت اجابيه او سلبيه( بدون ضحايا ونزيف دم وده شي ناقص ..... في المجتمع السياسي السوداني) وعلشان كده اكرر بان اسلوب الطرد لن يخدم الفكر ومعظمكم اصحاب فكر حتي لو كان مستقل او وطني بحت ( حب الوطن ) والا رايكم شنو دمتم احبتي بمختلف اراءكم

اخوي ودعزه

تحياتي


أولا لك منا اجمل التحايا وبصراحه انا طبعا اعتبر نفسي منكم واليكم ولي

الحق ان ارفض واعطي رايي .....الف لا.... انك تتركنا


والله يا اخوي لو بتعزنا كلنا لا تتكرنا

والاختلافات موجوده فى الأراء

فلما نصحح من أخطأ ولما نكون يدا واحده

وجل من لا يغلط

بس انت ما غلطت وانت الهمتنا بكتاباتك وردود فلا تحرمنا منها

.......رجاء

ولا نريد ان يتركنا اي احد منكم

نتمنى بقائك ومزيد من اعمالك

وبارك الله فيك

ودائما الاختلاف فى الرأي لا يفسد للود قضيه



والله الموفق



ام هاني

قف:
الاخ ود عزة والاخوان الشرفاء
لن نسمح لاى منكم بالتراجع او الانزواء ،فأنتم المدافعون عن الوطن وشرفه وعن الشعب السودانى الأبى وعزته،ولا اظنكم ستتركون ساحات النضالوتخذلون اهلكم الصابرين.
اخوتى:
دعوا هتيفة النظام يكتبوا ما شاءوا بعد ان تم غسل ادمغتهم وتعبأتها بساقط القول وتهريج البغى والعدوان واجندة بيوت الاشباح ،وثقافة الضفادع لانهم يؤدون الدور الموكل اليهم .وللحقيقة هم يوثقون لحقبة الانحطاط فى التاريخ السودانى الحديث،فلا تحرموا الاجيال القادمة من هذه الوثائق التاريخية.فقط عليكم بعدم الرد على مهاتراتهم والمرور عليها مرور الكرام.واذكركم بأبيات مهيرة بت عبود التى الهبت الحماس فى اجدادكم المقاتلين من اجل عزة وحرية السودان:
كان تريتوا يا رفاقتنا
ادونا الدرق
هاكم رحاطتنا
ولا اظنكم تتروا او تنخذلوا
طبعا هنالك اسباب قاهرة عملية او شخصية تضرنا احيانا للانقطاع عن المشاركة فى البورد،ولكن ليس لترك الساحة
وحفظكم الله ذخرا للوطن
والجندى لا يترك موقعه فى القتال ابدا الا اذا استشهد ،ولتبقى رايات العزة عالية رغم انف الاعداء
والعزة لله وللوطن

انتهى

الحبيب ود عازة
التقينا هنا بلا ميعاد وكان الحب فى وطن العز وفى عازة التى طال شوقنا اليها وحنينا وكل خلافنا من اجلها وليس هنالك منسبب شخصى عزيزى البتة حتى تقرر ما قررت ..
لست ادرى ماذا اقول لك وقد افاض الاحباب اعلاه ولا شك ان لهم خاطر عندك ولا شك انك مستجيب فأنت لست سبباً فى أى مشكلة مما حدث اخيرا بل كل الأجندة واضحة وموثقة فى هذا البورد ومن يعارض اى قرار عليه ان يثبت خطا ذلك القرار بعد مراجة الأجندة ..
ارجو ان تستجيب للاحباب ولصوت الحب وتعود سيدى
ونحن فى الانتظار

قف:
الاخ ود عزة واخوته الشرفاء
لن نسمح لأى منكم بالتراجع او الانزواء،فأنتم المدافعون عن الوطن وشرفه وعن الشعب السودانى الأبى ووعزته،ولا اظنكم ستتركون ساحات النضال وتخذلون اهلنا الصابرين
اخوتى:
دعوا هتيفة الانغاز(وليس الانقاذ( يكتبوا ما شاءوا بعد ان تم غسل ادمغتهم وتعبأتها بساقط القول وتهريج البغى والعدوان واجندة بيوت الاشباح وثقافة الضفادع ،لانهم يؤدون الدور الموكل اليهم تماما .وحقيقة هم يوثقون لحقبة الانحطاط فى التاريخ السودانى الحديث ،فلا تحرموا الاجيال القادمة من هذه الوثائق التاريخية .فقط عليكم بعدم الرد على مهاتراتهم وكتاباتهم والمرور عليها مرور الكرام.واذكركم بابيات مهيرة بت عبود التى الهبت الحماس فى اجدادكم المقاتلين من اجل عزة وحرية السودان
كان تريتوا يارفاقتنا
ادونا الدرق
هاكم رحاطتنا
ولن تتروا ولن تنخذلوا
طبعا هنالك اسباب قاهرة عملية او شخصية تضطر الواحد احياناللانقطاع عن المشاركة فى البورد ،ولكن لا لترك الساحة
وحفظكم الله ذخرا للوطن .
والجندى لا يترك موقعه لاى سبب غير الشهادة
لتظل رايات العزة عالية
والعزة لله والوطن

انتهى

قف:
الاخ ود عزة واخوته الشرفاء
لن نسمح لأى منكم بالتراجع او الانزواء،فأنتم المدافعون عن الوطن وشرفه وعن الشعب السودانى الأبى ووعزته،ولا اظنكم ستتركون ساحات النضال وتخذلون اهلنا الصابرين
اخوتى:
دعوا هتيفة الانغاز(وليس الانقاذ( يكتبوا ما شاءوا بعد ان تم غسل ادمغتهم وتعبأتها بساقط القول وتهريج البغى والعدوان واجندة بيوت الاشباح وثقافة الضفادع ،لانهم يؤدون الدور الموكل اليهم تماما .وحقيقة هم يوثقون لحقبة الانحطاط فى التاريخ السودانى الحديث ،فلا تحرموا الاجيال القادمة من هذه الوثائق التاريخية .فقط عليكم بعدم الرد على مهاتراتهم وكتاباتهم والمرور عليها مرور الكرام.واذكركم بابيات مهيرة بت عبود التى الهبت الحماس فى اجدادكم المقاتلين من اجل عزة وحرية السودان
كان تريتوا يارفاقتنا
ادونا الدرق
هاكم رحاطتنا
ولن تتروا ولن تنخذلوا
طبعا هنالك اسباب قاهرة عملية او شخصية تضطر الواحد احياناللانقطاع عن المشاركة فى البورد ،ولكن لا لترك الساحة
وحفظكم الله ذخرا للوطن .
والجندى لا يترك موقعه لاى سبب غير الشهادة
لتظل رايات العزة عالية
والعزة لله والوطن

انتهى

انا لا اسعى للشتات بيننا بل اسعى الى وحدتنا لمحاربة كل ما هو قبيح ابتداء من السياسة وانتهاء بموقعنا نحن كشباب فى مستقبل السودان..

الاخ ود عزة ده مش كلامك لي من قبل ?
والله بخروجك من هذا المنتدي تكون
فعلا داير شتات الناس
ياخي انت واحد من مؤسى ومبدعي البورد .

وكما قال الاخ بكري من قبل عشان سودانا الجديد نرجو العدول عن هذه الاستقالة
اخوك
اسامة

Dearest Wadazaa
Although it's your own decision, but I need you here to participate and complete our gathering in this fantastic corner of culture, please give it another chance!!

أخي الغالي ودعزة....

لك التحية والإحترام...
وقبل الولوج في تفاصيل ومسببات وأسباب ما دار أو ماحدث في البورد...والذي تعتقد أنك سببا فيه...اود أخي أن أذكرك بأن هذا البورد في المقام الأول منبراً حراً أقيم للكل لكي يعطي كل ما في وسعه وتعم الفائدة للجميع (بالطبع تحت ضوابط وحدود منقولة) ولكن أخي....نعلم أن الإنسان معرض للخطأ...كما للصواب، هناك الغضب، الإنفعال الذي يخرج عن طور التحكم..وووو.... فلا يعني أبدا كل ما حدث أن نفقد أخا عزيزاً وغالياً علينا....ليس بالضرورة أن نقرأ له أو نرى مساهمته بقدر ما يهمنا وجوده وسطنا ....فأنت تعني لنا أكثر من مجرد مشارك أو عضو نقرأ له....وإن كان من حقك فصل نفسك...فمن حقنا كأخوان....وأصدقاء لنا حق عليك أن نعلن عن تألمنا لهذا القرار الجائر بنا...قبل أن يكون جائر بك....فالتسحب أخي هذا القرار فورا....وتأكد ان الكل في إنتظارك بالبورد....

ولك مني كل الود والأمنيات الطيبة

أخي الغالي ودعزة....

لك التحية والإحترام...
وقبل الولوج في تفاصيل ومسببات وأسباب ما دار أو ماحدث في البورد...والذي تعتقد أنك سببا فيه...اود أخي أن أذكرك بأن هذا البورد في المقام الأول منبراً حراً أقيم للكل لكي يعطي كل ما في وسعه وتعم الفائدة للجميع (بالطبع تحت ضوابط وحدود منقولة) ولكن أخي....نعلم أن الإنسان معرض للخطأ...كما للصواب، هناك الغضب، الإنفعال الذي يخرج عن طور التحكم..وووو.... فلا يعني أبدا كل ما حدث أن نفقد أخا عزيزاً وغالياً علينا....ليس بالضرورة أن نقرأ له أو نرى مساهمته بقدر ما يهمنا وجوده وسطنا ....فأنت تعني لنا أكثر من مجرد مشارك أو عضو نقرأ له....وإن كان من حقك فصل نفسك...فمن حقنا كأخوان....وأصدقاء لنا حق عليك أن نعلن عن تألمنا لهذا القرار الجائر بنا...قبل أن يكون جائر بك....فالتسحب أخي هذا القرار فورا....وتأكد ان الكل في إنتظارك بالبورد....

ولك مني كل الود والأمنيات الطيبة

الأخ الكريم ود عزة..

ما الذى يحدث ..
اندهشت كثيرا .. ومازلت أندهش على ما يجرى فى ساحة البورد ..
أعتقد الانسان الذى يترك أصحابه .. لابد وأن يكون له سبب قوى جدا .. أما ما أشعر به الآن .. كأنما نحن أطفال .. هذا ضربنى .. وذاك اشتكانى..
كلا .. يا اخوانى .. وألف كلا ..

كل هذه المسائل تعرقل مسيرة البورد .. وتجعل الموجودين يكشون من المشاركة .. والجدد تحميهم من الدخول ..
فليتنا نعى .. وكفانا تمزقا ..وتشتتا..

فيا أخى أكرر لكم ..
لا تزيدنا ألما ..

عمك العجوز
أرنست

..
.
والله يا ود الطوابي
كترتها ،، وعملتها ظاهرة
انا ماشى ؟؟
عليك الله تعال
انا السبب ؟؟
لا انت ما السبب
عايز ابتعد احسن لي ؟؟
وليد 500 ما عايز نى ؟؟
لا عايزك
بخاف شاكلنى ؟؟
يا خى كا قاصد مجرد لفت نظر

والله الناس دى ما بتجامل فيك ساى ؟؟ يعنى عشان الناس قالت
زول كتاباتك راقية ؟؟
ياخى خليك اكبر وارق من الحاجات دى ؟؟
عمر اختلاف الراى لا يفسد الود ؟؟ ولا سبب للرحيل
والله رغم مشارماتى البسيطة لكن بقيت كل ما اجى داخل لازم لاقى بوست بتاع ودعزة ماشى ؟؟
شنو الحكاية

وبرضو لا يفسد للود قضية

..
.
بعدين حاجة تانية يا ود عزة
الوقع دا اسمو المنبر الحر ؟؟
يعنى الناس تختلف وتلتقى وتعبر عن رأيك؟؟
مهما حدث فدوما لا يصح الا الصحيح ، ما عارف ليه كل ما يدور نقاش بينك وبين احد الزملاء تقرر الانسحاب ؟؟
دا هروب ولا عدم قدرة عن الدفاع عن رايك ضد الراى الاخر

وبرضو معليش اسمع كلام البزعلك ما تسمع كلام البضحكك

دمت وتحياتى

انا مع راي Tabadina
دا اسمو هروب يا ود عزة و عدم قدرة على مواجهة الراي الاخر

عارف لكن انت حر ،يمكن لديك وجهة نظر اخرى

شكرا

ياتبلدينا كلامك سمح بالحيل

إنتكم بيقول (في ناس بيخزل إنت) والله و حات أخوك منوت بيحس بي (عقدة ذنب) و كأنو إنتكم بيقصد أنا .. و أنا بحب إنتكم زي ما إنتكم بيعرف كويس .. ولو إنتكم بيخلي بورد دي .. ناسات كتير بيحس بي ذنب و بيخلي بورد ده .. و إنتكم بيعرف معني نحنا بيخلي بورد ليموني دي .. لأنو بور صار لي أنحنا (وطن) حدادي مدادي .. فيهو الليمون و الغرض ..

تمهل صديقي تمهل ..
لأن السحاب استطاب المسير الملولو ..
تمهل صديقي تمهل ..

وبالمناسبه دي كلمات بتاع أغنيه كان مفروض بيغنيه الجميل (مصطفى) لكن أقدار كان أسرع ..
فهل إنتكم كمان بيترك ليمون لي هجير صيف ؟

_______

أعمى أصم ..
الآن وحدك و الطريق ..
و لامفر من الألم ..
هذا اختيارك ..
لا وقت عندك للندم ..
(عالم عباس محمد نور) ..

و منقو قل لا عاش من يفصلنا عن بوردنا

أعزائى عزيزاتى
فرداً فرداً.....
لقد غمرتمونى بفيض مشاعركم
..لم ابتعد عنكم حتى فى تجاويف الغياب..لن أشرح أسباب المغادرة والعودة فأنتم بيتى ...
وأسرتى

تحياتى
ود عزة

ده الكلام