Post: #1
Title: من اقواااال المسطبة فى استاد الكورة
Author: nooralaen
Date: 05-25-2002, 10:10 PM
قال جابر لصديقه الطاهر وهو يخرج كيس التمباك من جيبه اثناء سير المباراة
تعرف يا فردة صحبكعباس شاف ليهو واحدة كدة سمحة قام طوالى عمل ليها ( الضو قدم الخير) ... اهلها طوالى وافقو عمل (( محمود الخطيب)) وبقى يشمى بيتم طوالى يعمل عبد الله جلااس براهم لغايت ما اتفاهمو وعمل ليها عقد الجلاد وبعد سنة عملت وليد طاشين وهسع عاوز يعمل احمد حضرة لخرووف السماية والله الزوول ده بقا بسطاوى ارغة وعشرين قيرااط
|
Post: #2
Title: Re: من اقواااال المسطبة فى استاد الكورة
Author: sama7
Date: 05-26-2002, 06:08 AM
Parent: #1
لوووووووووووول@نوووووور
كله فهمته الا احمد حضرة دى غلبتنى
اها معناها شنو
|
Post: #3
Title: radd
Author: Dafi
Date: 05-26-2002, 07:01 AM
Parent: #1
والله موضوع نكات مساطب الكوره دي ..من الذ النكات..هاكم اول واحده
اخوكم طبعا من كسلا ..اها مجتمع الكوره في كسلا ملئ بالظرفاء..نحن كنا بنخش الكوره مخصوص عشان نطلع بي نكته نكتتين
في مدينة كسلا ..يوجد فريق اسمه الفلاح ...نادي عظيم وكبير ..وغالبية مشجعيه من الشوايقه..سكان السواقي الجنوبيه في كسلا..وهم متعصبين لي ناديهم ..وجنهم نبز حكام ..وطبعا عارفين ..
اها في مباراه من المباريات.. في واحد عمل فاول مع لاعب منهم ...قاموا كللللللللهم ..يا حكم ده ما فاول ...!!ده ما فاول يا حبشي...الا يكتلو يا حكم ....واستمروا في الصراخ ..رغم انو الحكم حسب الفاول..يا حكم ده ما فاول
قام واحد من الظرفاء قال ليهم ..نان يا جماعه الزول ده ما حسب الفاول !!!!!يديكم ايصال يعني!!!!!!!!!؟
|
Post: #4
Title: Re: radd
Author: motaz
Date: 05-26-2002, 11:14 PM
Parent: #3
والموسم الجاي حا يجيبو (تيمان عطبرة) ويودوهم لي (روضة الحاج) وبعد دا بيدخلو (مدرسة المشاغبين) طبعا ولحدي ما يكبرو بيمشو لي (سيف الجامعة) وبعد دا واحد فيهم حا يعرس والتاني حا يكون (بايركس) بعيد عنكم
مع الاعتذار للكل
|
|