Post: #1
Title: رجعوا لينا شاتنا....والا فعلت كما فعل ابي!!!!!!
Author: Dafi
Date: 05-21-2002, 11:56 PM
الاخ الفاضل بكري ابو بكر
اعود بعد فترة انقطاع بسيطه لدياركم العامره
اول ما لاحظته ..اختفاء غرفة الشات او علي الاصح تمنعها تمنع الغيد الاماليد
عارف حنككم البتفكيهو في الناس الما ناقشين كتير زيي كده...السيرفا واقعه ...والبطاطس عامل اوفر لوود!!!!والسيوسيو وقع في الزير!!......و...و...الخ
المهم يا مان...عايزين الشات بتاعنا ..تتصرف ...تألف سيرفا...تشحنها بي بطاريه...تمشي المنطقه الصناعيه بحري ...المعلمين هناك قاعديييييييييين ...ديل بركبو مكنة حافله في دفار ..وجيربوكس كورولا في موتر سوزوكي...اكيد حا تلقي ليك معلم كبير ..يولف ليك سيرفا....!!!
صح ...ولا ما غلط يا شباب!!!!!؟
|
Post: #2
Title: Re: رجعوا لينا شاتنا....والا فعلت كما فعل ابي!!!!!!
Author: بكرى ابوبكر
Date: 05-22-2002, 00:17 AM
Parent: #1
الحبيب دافى
بصراحة شديدة ده الحاصل
-غرفة الدردشة عندما كانت مستضافة فى السيرفا بتاع سودانيز اون لاين كانت بتستهلك حوالى 400MB
يعنى حوالى 15GB
فى الشهر
من الباندوث Bandwidth
يعنى اذا برجع الغرفة الى السيرفا بتاع سودانيز اون لاين يعنى الواحد لازم يقفل هذا المنتدى
مع انو الموقع مسموح ليه ب 20 GB
واذا الموقع تجاوز هذا الحد هناك غرامة
الاخ عادل عبد العاطى استضاف الغرفة فى السيرفا بتاع طوال الفترة السابقة لكن الايام دى الزول ده عريس و موقعه واقع و كمان ما لامى فيه
ولك حبى
|
Post: #3
Title: Re: رجعوا لينا شاتنا....والا فعلت كما فعل ابي!!!!!!
Author: sweetheart
Date: 05-22-2002, 00:59 AM
Parent: #2
salam ya nas
kalamkummmmmmmmmmmmmmm ma mu6amn jad ya nas
i3lla fooooooog kalam alrujaaaaaal ma 3indana
kalam ya nas
aha ya janoon abgooooo 3asharaaaaa
loooooooooooool
I hope ino kulu irja3 ley ma7alo soon ya nas
thanx ya Admin Bakri 3ala altaw'9eee7 ya nas
|
Post: #4
Title: sareee3 kida
Author: Dafi
Date: 05-22-2002, 01:11 AM
Parent: #1
شكرا يا بكري علي الرد المقنع الي حد كبير
وبالجد لو كان عندي كم قيقابايت كده ..كان نفحتك بيها...لكن منين يا حسره!!!؟
بعدين مبروك لي عادل عبد العاطي...العرس...لكن هو عرس ..نحن ما تشوفو لينا طريقه يمكن نلم لينا في واحده ظريفه ورقيقه..من طرف شاتكم الموقر
علي اي حال دي دعوه لكل الشباب ...يا ناس هووووووووووي...العندو قيقابايته ..قيقابايتين كده ..يرمينا بيها عليكم الله....اماتنا زمان ..بتقاسمن الطايوق ..وخمارة العجين..نحن غالبنا نرفع سيرفا واقعه......!!!!!!هعععععععععع...انا اخوك يا ليلي
|
Post: #5
Title: Re: sareee3 kida
Author: zico
Date: 05-22-2002, 06:22 AM
Parent: #4
دا كلو عرفنا
لكن الما عرفنا
ماذا فعل ابيك
|
Post: #6
Title: ya Zico
Author: Dafi
Date: 05-22-2002, 07:12 AM
Parent: #1
ابوي ...خش شات ..أرابيادوت كوم
لكن ما قدر يبتعد عن الشات السوداني ..فقام دق صدرو ...واشتري ليهو 20 قيقابايت من سوق الناقه الالكتروني ..واهداها لصاحب الشات في زمنهم داك ..الكان ملقب بي ..جاغريو الانترنت
|
Post: #7
Title: Re: ya Zico
Author: Wad Aljaili
Date: 05-22-2002, 09:27 AM
Parent: #6
طيب ما تسوي زيو
سوق الناقة فاتح والكايكات في الاندكس تحت لينك
فحم دوت كوم
|
Post: #8
Title: يا ريت لو يرجع الشات
Author: أسير الغرام
Date: 05-22-2002, 02:15 PM
Parent: #1
اخي دافي
اول حاجة حمد لله على السلامة بعد الغياب
وتاني حاجة والله ناس البورد حتوه معانا وقطعوه قطع ناشف معانا
ويا بكري بالغت عديل كده
تعرف دي ما اول مرة زماااااااان زمن السودان نت ايام الونسة برضو فجاة اتقطعت وللحين ما رجعت
والايام دي غرفة الشات بتاعة السودانيز يعني نمشي وين نحنا
نعمل زي ما عمل ابو دافي ده ولاشنو
بس يا خوي ما بينفع معانا الكلام التاني ده والله
عليك الله لو في اي طريقة رجعها لينا
|
Post: #9
Title: يا ود الجيلاني
Author: Dafi
Date: 05-22-2002, 08:03 PM
Parent: #1
والله يا ود الجيلاني ...ضحكت حد البكاء في ..تعليقك بتاع ..فحم دوت كوم..ده ...هاهاهاهاهاهاهاهاهاهاهاهاهاها بالغت عديييييل والله
بعدين ياخ ..زمان فحم دي كانت مصطلح عندنا ..انا ما عارفك قاصدها هي ..ولا الفحم العادي...الفحم المعبأ في الشوالات!!!!!!!!!!؟
|
Post: #10
Title: اسير الغرام
Author: Dafi
Date: 05-22-2002, 08:08 PM
Parent: #1
شكرا يا اخونا اسير الغرام علي الحمدله الممنونه
عارف انا كنت قايل روحي براي المتجرس من قطعهة الشات ...لكن الحمد لله ...لقيت زول عدم الشات قايم بهو زي برضو...بالاصح ..لقيتك فارش عدييييييييل كده...هاهاهاهاهاهاهاهاهاهاهاه
الله يدينا الصبر
|
|