!!!بنات البورد: عاد ما قصرتن ياخواتي

يعني خليتن سونا بلا شورة ولا فكرة محتاس في موضوع الشيلة..ما في واحدة منكن من تسنيم لحدي بت الهناء وأحلام والسارا وغدي ومرام وأم كتابة النجمة وبت النيل وغزال المسالمة ورحيل وبت بشير وأم در وكلكن بدون فرز والعتب على الذاكرة..ما في واحدة فيكن أقترحت عليه حاجة في الشيلة..يشتري شنو ويخلي شنو..والعدد كم كان 8 ولا كان 12 ولا كان 18..وكم توب وكم عباية..والعطور والروائح ياتو وياتو..ولا واحدة أخترعت ليهو حاجة جديدة..ولا واحدة قالت ليهو موضة 2002 شنو..عاد ياخوات البورد ما ودرتو سونا

Banadieha
You are a trouble maker. If they all join in with suggestions then Suna will probably forget about marriage.
Regards

Zaki,

You don't know how our bro Suna has been puzzled with making choices for some weeks now. For the last ten days Suna was away from the SODB deeply involved in the matter of ALSHEILA. If our sisters here do care for us Suna wouldn't have been away from the SODB that much.

Following that post of Wadazza via which he announced the good news about Suna, none of our sisters took the initiative and posted any suggestion to Suna about the ALSHEILA, WEDDING NIGHT ARRANGEMENTS, ETC.

والله يا بناديها الشوق بحر
لكن المشغوليات عاد تقول شنو ؟؟؟

والله ياسونا عجبني وسر بالي وعقبال كل اولاد البورد انشاء الله وبناته ؟؟

أها انا ممكن أساعد بفكرة ولا فكرتين لكن ده بيعتمد على بعض المعلومات اللي حا تساعدني في عملية البحث ...
أولا" : الدولة المغترب فيها سونة وين
ثانا : العروس حاتجي معاه ولا حاتقعد شوية ويرسلوها طرد

كلها اسئلة تساعد في مجال البحث الاستكشافي والجغرافي.
الدهب مهم جدا وخاصة الدقة الجديدة البحرينية والذي منه
الريحة دي لا مفر منها
الدكان ويقصد به المواد العينية التي تقدم لي اهل العروس من رز وفحم وما عارف شنو

ولي عريسنا سونة الجالبية السكروتة وتوب السرتي والطاقية المذهبة و قروش في جيب الجلابية للغناية بت اللذين – وا حسرتاه على قراية الجامعة – والله البتاخده غناية في حفلة قدر ماهيتي مليون مرة ...

وده كله كوووووووم وتوب ام العرووووس كوم براه – اهم من الحاجات دي كلها يا سونة عاد كله ولا كشف الحال

اخيرا وليس اخرا نتمنى لي سونة حياة زوجية سعيدة وربنا يرزقهم البنين والبنات وراحة البال ...


يا بناديها انشاء الله ما اكون قصرت بعد ده ؟؟

الله يجازي محنك يا بناديها ... في داعي لجنس ده ؟
و زي ما قال ليك زكي لو كلنا اتلمينا على سونا
ياهو الطيرنا ليه العرس من راسو .....
اها حسي شوف فتحة خشم هنوية براها بكم الف ريال ...
و بعدين خبر ترقية سونا ده لو لحق وصل اهل العروس
ياهو البقى العريس النفض الكيس ....
لزوم الوجاهة و المنصب الجديد و كده ..

اها الشيلة طبعا تنقسم الى قسمان ...
شيلة عينية زي ما قالت هنوية حاجات الاكل و كده
و دي طبعا لو قام ودى المال متكفي الله ريحو منها ..
لكن يعني برضو لزوم القشرة لازم يودي ليهو
كم جركانة زيت و كم كرتونة صابون و كمين شوال دقيق و فحم كده
عشان بعدين اهل العروس ما يقولوا
ما جاب شي و خامي لينا بصين في السيرة و نبقى في اللوم
...عاد يا سونا ياخوي ما بندور ليك اللوم
اها الجزء التاني من الشيلة و ده المهم
فهو يحتوي على اللبس و العطور اللينة و الناشفة
و دي حكاية براها دايرة ليها قعدة
و الدهب طبعا لازم يكون في العلب القيافة ديك ..
ما تقوم تخم الدهبات ساكت و تجدعهن في الشنطة متل الشي الكعب
و في حاجات تاني كده يعني حرصا على السلامة العامة حنتجاوزها
بعدين يقولوا السارا قالت و السارا فعلت
و الباقي بتمو ليكم بعدين بعد تلفون للسودان
القط ليكم فيه آخر التقليعات في عالم الاعراس



بين قوسين : هنوية الشوق بحر و الريده كتاحة

بناديها
الله يديك العافيه انت ما عاارف بنات الزمن ديل ما عندهم مشكله فى شيله بقوا يعنى بقبلوا باى شى المهم العريس فى عضمه والشيله تطيررر

سارة حبيبتي والله مشتاقين
لا فض فوك ..احلاها يقولوا سارة قالت وسارة سوت – دي بالغتي فيها والله

تسلمي يا هنوية يا عسل .. يحلي ايامك انشاء الله ..
شوفي جنس ناس فيصل ديل... يعني حسي قصدو
بالواضح و الصريح كده البنات بايرات و لا شنو يعني؟؟
عاد يا فيصل اريتك ما راجل بنياتي
و الف تحية و مرحب بيك

بناديها...انا يوم انت مساهر لحدى الساعة 2 ص ماقايلك مشيت مع سونا تعزل ليهو الشيلة ..لكن البركة فى بنيات البورد اكيد ما حيقصرو..لكن رفقا بسونا...وزى ماقال زيدان رفقا حبيبى

تحياتى
ود عزة

بناديها ..كيفك
سونا يستاهل نقيف معاهو
بس اعملو اسكانر للشيلة الأخدها ونحن نصوت
ممكن يصورها وينزلا فى البورد على دفعات التياب القطع شنط اليد بدون مؤاخذة الأحذية ومؤكد نتيجة التصويت حتكون كويسة
وأحسن من استطلاعات الراى العام البعملوها فى العالم العربى 99.9%

تحياتى
غزال

مبروكنات كتير زي مويه ليمون (عرس) لي أخونا سونا .. و إنتكم ليه بينسى مشروع منوت ؟ منوت بيفتش عن عروس .. و لازم إنتكم بيساعدو غشان ما (يطفش) من ليمون شودان و (يقع) في برتكان (حامض) بتاع بتاع آسيا و أوربا و أمريكان ..

بناديييييييها وحات مشتاقه ليك شوق مبالغه وحات الله لامن عيوني رقرقت...... السارررره وينك يختي ..... اتاريك لابده بي هنا...

يخواني سونا دا انا ما بعرفو لكن اخير بس يديهم المتكفي وهم يتصرفو ......
اما كان داير يسوي كلو ..... انا بشوف انو كلو شي يجيب منو ما اقل من دسته .... واهم شي الحاجات تكون تبع الموضه... يعني اياك و تياب الهنود المن زمن دوو .... الحرير و الشفون المطرز دا موضه 2003 والاوان لازم تكون جميله ومتناسقه ناس بمبي و بصلي و البني الرايق و ماتنسه اهم توب الاحمر دا لازم يكون شررررط لزوم الجرتق و الرقيص و كدا .... اهاا التياب لازم تطقم معاها الفساتين و شنط اليد و الشباشب... و بعدين في الحاجات المن Victoria Secrets

اها دي يا خوي امشي اعزله بررررراك زول بشاورك فيها مافي.... يعني البسربالك اشتري .....

اما ناس الريحه الناشفه و اللينه اهم حاجه... لكن سراحه ما عارفه اللسته كلها لكن السمعتو كتر من علب الصندليه ونسيبتك تحبك... وبرضو سمعته لكن طشاش طشاش انو الخمره بقو يسووها بي ارياح ال GUCCI, SAMARA, CHANEL...etc

اها انا مامتاكده لكن اكان جبتهم تكون عريس ما خمج ......

يخواني خلاص كي بورد السجم دا سله روحي .... بمشي لكن بجي تاني.....

بناديييها بريدك ....

الليله عاد انشاه الصوره الشينه ديك ما تظهر في البوست

Me tooooooooooooo SS.

I've been badly looking for u since your last visit to this board. I was thinking of posting something like "Shining Star: Let us have some fun", but of course on the other board.

Are u ready now to go on cam chat?

بريدك أكتر وأكتر..وشوقي ليك متعة

Banadeeeeeeeeeha.... ya hubi... you know I'm always ready...... ya 3assal..... wallahi mushtaga leak.... ya wad inta weaannnn... ma ta3mal kida tani......


Reeeeeeeeeeada shadida

والله يا بناديها خايفين نفتح خشمنا يصرف نظر عن العرس قلنا ما نخرب علي اختنا العروس

بت الهنا والسرور
السارا السارة
غزالة المسالمة
تاجوج

ياسلام عليكن..إنتن تسندن القفا..سعيد بيكن سونا والله
والباقيات لبدن مالهن..كدي خليهن يقرصنكن في ركبكن

Shining Star,

Love ya hottie..let me whisper it to you: see you overthere..and we play hard until the dawn. Don't tell anybody. See you then, ok?

فيصل
هو الواحد فينا بدخل دنيا كم مرة في العمر؟..ياسيدي قبل تاشرات السنين أخوك دفع مهر 5 ألاف جنيه وكان حديث المدينة..يافيصل كلامك دا كلام مشوكش ولا شنو؟

ود عزة
ياريت وياريت كنت مع سونا على الأقل كنت غانم وفائز لكن كانت ليلة نسابة وفيها كترة شفع وبخبخة سجائر جاني منو وجع حلق بس ما لقيت عزيز زي عزيز يوصل ليكم خبر الوعكة

مانوت
بالله سمعت كلام فيصل دا؟ عليك الله يامانوت كم بقار إنت ودي لأم عروس عشان فيصل دا يعرف الجكس غالي كيف؟

يا بناديها يا عسل ...... اوعك تسوي لي بوست لحسن ناس فلان و فلتكان ديلاك بيرتفع عليهم الضغط .... خلينا كدا بس .... وحات الله الريده شديده... ريدة الحمامه لي وليده.....

يا تاجوج.... كلو الا كلام صرف النظر ... انشا الله يشيلا بي بوقجته....

بناديها أخي العزيز :

لا أستطيع أن أتكلم فقد أخرست لساني ليتني أستطيع أن أوفيك حقك
zaki وfaisal44:

ياحبيب أظنك لم تسمع بالعطاء البلا حدود مرحلة أنك يكون عندك إستعداد لجلب كل كنوز
الدنيا وفي نفس الوقت تشوف نفسك ماعملت أي حاجة
هنوية الشربت الموية :

Looooooooooooooooooooooooooooooooooooooooooool@ibda3

و قروش في جيب الجلابية للغناية بت اللذين – وا حسرتاه على قراية الجامعة – والله
البتاخده غناية في حفلة قدر ماهيتي مليون مرة (ماقصرتي
تب).

دكتورتنا وفخرنا :
بلغتي في دي @ لوووووووووووووووووووووووووووووووووووووووووووووووووووووول
ياهو البقى العريس النفض الكيس ....
لزوم الوجاهة و المنصب الجديد و كده (عقب مستني التلفون ونتيجتو
واريتك نسيبتي بعد الحال) ههههههههه.

ود أمي عزة : لا تعليق


غزال:
لوووووووووووووووووووووووووول @ scan
عديل كدا والله دي تكون أشهر شيلة في العالم وقيل أدخل بيها جينيس هههههههههههههه

منوت :
يكفيني تمرد ليمونة وتلقى مرادك والفي نيتك


ShiningStar

الحب لا يحتاج إلي جواز مرور والدليل حضورك ومشاركتك وحدها تكفي لبداية مشوار
معرفة اها ماتمشي تنطي وصدقا أضفتي لمعلماتي الجديد


تاجوج : أفتحي خشمك ساي كلها كمها وعزها ها القدر والموضوع دا في العمر مرة عشان كدا لازم يكون ماحصل ومن الناحية المادية من الظروف ماتشيلي

بنا ديها

الساره وبت الهنا ما قصرو معاك عديل كده

ونحن متابعين من على البعد

ما فى كلام تانى بعد كلامهم

لكن انا كتبت ليك عشان لسانك الطويل دى الله يسترنا معاك

والله يديك العافيه

غدى

اخونا ( بناديها ) 00 تحياتى ، ودى لفتة حلوة منك
بس لكن لو ادينا رأى حتبقى قصة العروس للعريس والجرى للمتاعيس
تفتكر ( سونا ) بعد ماتنتهى الحفلة ، ممكن يفكر فى زول؟؟؟
ـــــــــ
فيصل ، ماغلط لانو اكيد سمع ( لو حية 00بجـيبك انا )، وكلام الضرا مع
اب شرا ( ان شاء الله راجل مرة ) والكلام جاكم يا ( بناديها ) ،وعليك الله
كلمة ( ان شاء الله ) مش فيها شحدة عديييييل
وتوسلات شديدة ( لاعب بى 00 دايراك تعقد لى ) ، وكلام يشعرك بالوصول لحد
الانهيار العصبى وفيه اللقافة وقلة الصبر ( يا لطيف 00سعدى يبقى خفيف)،باقى ليك يا ( بناديها ) السعد الخفيف دة بينتظر حوامة اسواق وشراية
الشيلة التى قصمت ظهر العريس
وشاورات الاهل فى الناقص نتمه ، ولا خلوه يجى بعضمه والشيلة تطيررر
ونقعد نغنى ليه تعال بالعندك وابوى بيسندك
وهو عريس السعد الخفيف التكتحه ماعنده ، وابوك ياالسمحة معلممممم الله
ــــــــــ
الف مبروك ليك يا ( سونا ) ياعريس البورد ، وتسعد وتتهنأ واللهم لاحسد
ويابت الهنا والسارة وتاجوج المحلق باركوها وماتطفشوا ود الناس
بالرغم من انو هو قال كلام حلو وابدى استعداده لجلب كنوز الدنيا
واتمنى ياعريس العروس تكون اهل لاختيارك والريدة والمعزة دى كلها
وربنا يجعل بينكم مودة ورحمة ، ويملأ عينيك ببيتك
يكون سكنك وملاذك فى وجود ( كواريك ) رنانة
واااك ويييك ، ودة كل المهم صح ، ولا انا غلطاااااانة؟؟؟

غدي..أنت بهجة كل يوم

يعني البلاء بالبليلة ولا شنو؟..رفعنا عنك اللوم



أم در

ياختي أنت من حنكك القوي وكلامك المتمر دا الظاهر عليك حاجة قدرنا ومن دورنا ودفعتنا ومصبغة ومطقمة..ولا أنا غلطان؟

انتو يا جماعة الواحد بالجد بعدين عندما يريد الزواج
بيعمل كل هذه الاشياء

وبعدين بخصوص الشيله دي (سونا) ممكن تكون متفقه مع العريس
اجيب اتنين اجيب واحده ما شرط 12 و 8 و 6
اوووب علينا الما قرينا
عموما اثني كلام غزال المسالمة
لازم الشيله تعرض على ناس البورد

وهدية مني لهم من باب شريف(جدة) معرض الملابس السودانية ودكان العطورات

عدد 2 ثوب
بدلة حسب زوق العريس
ضفرة كيلو
علبه صندلينة اصلية
مركوب جلد نمر اصلي للعريس
عراقي ابيض رهيف بملحقاتو
ومن محلات حنة التاج 150 كيس حنه
100 كيس خاص بالحضور من ناس البورد
25 كيس لاهل العروس
25 كيس لاهل العريس

لوووووووول على

اوووب علينا الما قرينا

والله ما قصرت تب ياأيوب..بس سونا خلاص ستف وهسع بقى على زينة العربية وحجز الكوافير..ودا كلو محلي هناك

بناديهــا
شنو تسمع الراجل ، سونا خلاص ستف
اكياس الحنة دى نحن ماعندنا فيها نصيب
ولا شنو ياشباب
بناديها دة اتكلموا معاه يااخى

النوريك الرجاله كيف
بشرى سارة فندق شيراتون جده - انتركونتينينتال -
اقامة لمدة
يوم بالفندقين ويقسموها بي طريقتهم

بعدين ما تنسوا الموبايل للعروس

وماتنسى يا السيد العريس إنك من قبل العرس بشهرين ترسل العصاير والفيتامينات عشان العروس تسمن. تقول دايرين يضبحوها.
مش حاجة غريبة إنو العريس يرسل العصائر والفيتامينات. ليه أهلك ما يسمنوك هم بقروشهم.
السم اليهراكم كلكم

يا خوانا شايف لى لمه وبوارى ده سيرة منو .... اها قالو حفلة المريود ولو ما عزمنا حا نمشى النادى ضهب بس اهلا العريس حا يفتكرونا من اهل العروس والعكس وحا نجكس كمامن looooooooooooool

يا بناديها إنت فعلا بتاع مشاكل .. دخّلت البنيات فى مشكلة ، ولكن مع كدة كلامك صاح بالمناسبة !! تعرف .. فى واحد صاحبى كان بيحكى لى بحرقة.. إنه ساق معاه أخته الصغيرة "24 سنة_ برضو متزوجة " عشان تساعده فى المسائل إياها .. لكنه اكتشف بعد فوات الأوان إنها ردمت عليه الحاجات ردم ، وبعد ما الفاس وقعت فى الراس جا يشتكى وقال لى إنه النسوان كلهن واحد فى الطلبات حتى لو كانن أخواتك

المهم أنا برة .. ومع إنه عمرى 69 سنة.. لكن برضو محظوظ لأنى ماشى أعمله فى المملكة !.. !!! .. والخمج ده هناك مافى .. الحمد لله

يا مولاى
على حسب اتفاقنا بتاع شيلنى وأشيلك
أنا زى داير أشيلك من الحتة دى بأجوائها المعطرة بالدلكة والحنة والبخور وما أدراك ما أجواء العرس فى ميتافيزيك العزابة الزينا !!
غايتو داير أشيلك وأخت محلك بس تهنئة من القلب للعريس سونا فى بداية مهرجان أفراحه ورغم انها جاية متأخرة شوية لكن معليش مواصلات وكدة . ومع التهنئة وصية صغيرونة كدة فى أضان العريس : يا مان أوع البوبار

أى ناس تلتين تلتين و خمسة وعشرين خمسة وعشرين ودستتين دستتين ديل مافى داعى ليهم . كمان التحدثك أوع يقولو ليك أعمل الحفلة فى النادى الفلانى ورقيص العروس فى الصالة الفرتكانية !!! هو رقيص هو ولا حاجة تانية البأجرو ليهو الصالة دا ؟ ما ترقص فى حوشهم الجاييها شنو ؟ يعنى يلمها النمل وياطاها الفيل ولا شنو؟ وخلي النسايب يقولوا عليك جلدة وجيبك فيهو عقارب!!! ما يقولوا !! هم ماشين يشاركوك جوة بيتك ؟ ما حفلة وبتتفرتق وكل قرد يطلع شجرتو ولا شنو؟

بعدين يا مان الواحد ما يوفر قروشو للايام الجاية مش احتمال وارد يكون فى حلقة تانية وتالتة ورابعة فى المسلسل دا يعنى أرملة شهيد وكدة ؟ ولا انت من ناس الحلقة الاخيرة؟

Dear banadieha
Salam
weenak inta ya wad umi
Congratulation to Suna
وربنا يهنيه ويجعل ايامه كلها سعادة وفرح

الاخوات الظريفات والشباب قاموا بالواجب

اما بخصوص الشيلة وكتير من طقوس العرس عندي فيها راي طبعا
كلامي دا ما بيعجب حبوبتي
وقول لسونا نحنا منتظرين الدعوة للحضور

Mxb6n
Tasneem
انا جمعت بين الاسمين عيار 24 قيراط لسبب واحد وهو أنني عندما قرأت كلام مكسبسكسن أفتكرت إنو تسنيم هي الكاتب، لانو الشيلة يمكن أن نعتبرها من العادات الضارة وصرف الفشخرة، لكن لما راجعت نفسي لقيت حليفي هو الكاتب ولقيت كلام تسنيم متخبي تحت سطور مداخلتها..وياليت تسنيم صاحبة البوستات المحترمة كما قالت الفكة المفترسة تعاود إثارة الموضوع..والدعوة لإلغائه..بتقبلن إلغاء الشيلة يالمنططات عويناتكن؟

مارد

سنة 69 وعاوز تفتي لينا في شيلة 2002؟ والله دا الكلام البزعل ذاتو بالصادف المهدي

كولا

إنت ما فاء الفرح ذاتو..العزومة لسه ما بدت..وكشف المعازيم بجهز فيه ود عزة..وستتولى توزيع رقاع الدعوة بت الهنا والسارا وغزال المسالمة وامدر..ولو ما وصلتك "رقعة الدعوة" بتاعتك معناتو اسمك سقط من كشف المعازيم وما عليك إلا تمشي تقبقب ود عزة لانو الغلط منو ما من موزعات رقاع الدعوة

ياشماشي

خبر العرس ذاتو وخاصة إذا كان العريس زي سونا بخلي العروس تسمن بدون موصة ومديدة حلبة وحتى ولو كانت بتأكل زبادي بس..وبالمناسبة كان أكتر حاجة بتغيظني لما أمشي المطار وألاقي المسافرين السودانيين شايلين كراتين التفاح والعنب ومرة لقيت واحد شايل صحبة راكب كمية من لبن المراعي بالسعودية

اخوي بناديها

صباح الخير


ازيك وانشاءالله ربنا يتموا على خير يا سونا وعقبال لكل ناس البورد الما عرسو مش العرسو طبعا الكلام تحتو كلام بالنسبه للشيله والله عاد النحدثك انا من رأي ما عشان بناتنا كترن ولا بارن لالالا حاشاهن وكله بت رزقه مكتوب ولا ما كدي افيصل اخوي .


بس ياريت لو واحد عنده اغنيه للفنان زكي عبدالكريم اميرة الشباب

بس امشي بالغنيه دي يا سونا والله بلحيل سمحه وبتحل مشاكل اولادنا

قالو فى الغنيه

اميرة الشباب يالحلوه انا جاييك عريس

بفتح الكتاب ياالملكه مهرك ما رخيص

بت المدن يالواعيه ياالدارسه الكتاب

يعجبني فيك لوقلتي انا ما دايره مال يعجبني فيك لوقلتي انا ما دايره

بالفاتحه يا ناس ما حلال

والله حلال

وباركن العرس يا الامهات

عشان كدي نحن مش يعني بناتنا بايرات لالالا


بس دايرنكم يا شباب ما تتوقفوا

وبالموجود

بس مش تفهموها غلط


وعاد النقوللكم مبروك يا سونا وامشي ساي وحاتك ابوها من جيبوا اتملك

ايه بلحيل

وبيت الشورى ما خرب اخوي تب


وقالوا فى المثل اهلنا ادي بتك للرجال وادي ولدك للمال اها انا جاريه ما

تعملوا لي قصه


وعاد ودعتكم الله والرسول

وبعدين ما تنسوا المغتربين ديل بعملوا شنو

والله لو واحد عنده تسجيل من الغنيه دي الاسمعها لاخوانه عشان امكن ما سمعوها

ام هاني

أم هاني

تتهني دائما..كلام فيصل فيه شاكوش..وكلام مكسبسيكسن فيهو مؤامرة..وكلام تسنيم وراء السطور فيهو ثورة..وكلام إحلام فيهو حنين للزمن الماضي