خففتم المرض بمواساتكم ودعواتكم الصادقة وأنا الآن بخير ولاينقصنى سوى مشاركتكم

ياجماعة البورد ده بقىزىالبيت!!!!!!..بيتنا فى السودان...تكح ساكت الأم تجى والأب والأخوان والأخوات والجيران....يا سلام...على هذا التقليد الجميل والترابط والتعاضد...وده كلو ما كان حصل ..لو ماكنت سودانى وأهل الحارة ديل أهلى...الكلام الكتبو عزيز وردود الأعزاء والعزيزات ...والماسنجرات والايميلات تدل ..على ما يكنه جمعكم الجميل لشخصى المتواضع...والذى يخجل تواضعى فى كل مرة فىالسراء والضراء..وكل هذا سيزيدنى مسئولية ويزيدنى فخراً بانتمائى لقبيلة البورداب السودانيين ..واعتزازا بصداقاتهم واخوتهم الصادقةأما ماذا حدث لى...فهو أمر ...وددت التقليل منه..ولم أشأ أن أثير شفقة من يسأل عنى أو بعض المتابعين لهذا البورد من معارفى بالسودان الذين يعرفون أن ود عزة هو مرتضى..لذا قلت للصديق العزيز عبدالعزيز الخطيب(عزيز) لدى سؤاله عن صحتى وتخلفى عن موعد معه فى اليوم السابق بسبب هذا المرض بأننى قد أصبت بتضاعيف نزلة برد والتى بالفعل كنت أعانى منها منذ ثلاثة أيام مصحوبة بأوجاع فى الحلق..ولم أكن أعلم أن نزلة البرد لاتكون سبباً مقنعاً لدخول مستشفى أو على رأى الأخت العزيزة خفيفة الدم والتى حادثتنى عبر الماسنجر وقالت لى ...يعنى انت حنكوش للدرجة الترقد فى مستشفى بنزلة برد بس ؟؟؟؟؟..ضحكت...وقلت لها كفى الله الشر من الحنكشة....أما ماذا حدث والزمنى المستشفى بجانب مضاعفات نزلة البرد وما يمكننى قوله بعد أن تحسنت حالتى...فهو كدمة قوية بالركبة اليمنى... ورضوخ فى اليد اليسرى ..واصابات خفيفة فى أماكن متفرقة من جسدى...والسبب أننى ركبت سيارة أجرة عامة ظهر يوم الخميس الماضى متوجها الى منزل أحد الأصدقاء....وكان للسائق المتهور رأياً آخر فقد اختار أن يسلمنى أنا وسيارته وشخصه المتهور الى رصيف ضخم...فى احدى المنحنيات نظرا لسرعته العالية...وربنا قدر ولطف وجات سليمة.....وانا الآن ياناس بيتنا انتو يا بورداب يا جميلين وجميلات فى كامل عافيتى ولا ينقصنى سوى إزالة الأربطة بعد أيام .أما النزلة فقد أطارها ليمون حبيبنا منوت الأخضر على الريق ..وحتى ذلك الوقت...سأستخدم عصا أبنوس حبيبنا منوت ..لأتوكأ عليها وأهش بها غنم ابليس تفادياً للسرحان فى مدارات غير الليمون...ولى فيها مآرب أخرى يامنوت ما يسار سوق الطواقى !!!!!
القصة بقت شمال المطار.........شكرا لكل من سال عنى فى بوست الصديق عزيز...ومن أرسلوا الماسنجرات ومن أعادونى الى بيتنا فى السودان والى الحلة...بما هو معروف عن أصالة السودانيين ومشاركتهم لبعضهم البعض فى الحلو والمر ...فقد خففتم واقع المرض فى غربة ظالمة...كما واشكر كل الأصدقاء والأهل والمعارف هنا والذين قاموا بزيارتى غمروا الغرفة ورودا وابتسامات وأغنيات وبعضهم ممن يعرف أننى لا استطيع مفارقة هذا البورد لحظة أحضر نوت بوك كى اتواصل من خلاله معكم ..فالسودانيون معروف عنهم هذا الاحتشاد الجميل حول المريض وهى عادة جميلة لم تقتلعها الغربة الغاسية من قلوبنا...وبمناسبة التمام ناس البيت والحلة حول المريض أسمحولى بأن أقول هذه الطرفة ...تجربة لعقلى والتأكد من أنه فى محله ولم يرتطم بالرصيف وتأكيدا لكم أن شخصى المتواضع بخير ....وهى طرفة قد تضحك وقد لاتضحك فأرجو عدم احتسابها فى خانة تقل الدم ان لم تضحككم وعدم تجييرها لصالح خفة الدم ان أضحكتكم.... يقال والعهدة على الراوى...انو فى واحد فى حلة فى السودان شرب جاز طبعا كان قايلو حاجة تانية المهم الزول ده انطلقت النيران فى بطنو ..سخانة وحرقان وطمام ..طبعا ناس البيت اتلمو حوالينو والجيران وناس الحلة وكل واحد يسألو الحصل شنو .... انت ما كنت كويس ....قرصتك عقرب ..عضاك دبيب....واخونا طبعا يتململوحاسى بالعطش فى كل حتة والدنيا ضايقا بيهو والناس يتكلمو ويسألوه..أخونا زهج نط من العنقريب وقاليهم : ياجماعة ساعدونا بالسكات والموية الباردة....وأنا ما حأقول ليكم ساعدونا بالسكات والموية الباردة ...لكن ساعدونى فى انى ارد ليكم ديونكم الكتيرة التى احاطت بعنقى ...ومهما قدمت لن أوفيكم حقكم

تحياتى لكم وساستعير كروت الأعزاء خواض ومرام فى بوست عزيز هنا
وتحياتى لجميع من كتبوا عزير،بامسيكا، السارة،ودالجيلى،بنت الأحفاد، وليد ،عمر رجب،ودحبيب بكرى،بت الهنا ، غدى،حمزة سليمان ،خواض ،منوت،واحشنى،ايهاب،الموصلى،بنت النيل،مكسب تن،عمرمهدى،معتز،مرام،مارد،بووش،بيرل، رومانسى،بناديهاسونا وأشكر كل من كتب وارسل مسنجر

واطمئن الجميع أنا بخيرطالما الكديسة ليها سبعة ارواح وطالما عمر الشقى بقى زى ما بقول المثل

مع تحياتى
ودعزة

يا زول سلامات
والله مشتاقين
اخوك حسي في الشغل العدة ما معنا بس نرجع البيت بجيب الزيارة ونجي

سلمت سلمت سلمت


!والآن يجب أن تخرج مناديل الحرير من الدواليب

الاخ العزيز ود عزه


الف حمدا لله على سلامتك .. ياغالى .. وعزرا ان سمعنا الخبر متاخرين
ويقدر ما ازعجنا الخبر .. افرحتنا كلماتكم وعمت الطمأنينه .. وكفاره .. والالم بيزول .. وبعد الشر عليك .. دى ممكن تكون عينا نحن البوردجيه سحرناك يا ود عزه .. لكن ماعندك مشكله هسى نولع البخور ويا عين ياعينينه يا كافره يانصرانيه ..عين الفتاة تقد الواطه .. وعين الخواض تقرب الاضداد ..وعين منوت كمنجه وفلوت .. وعين قرشو حبا فرشو .. وعين عزيز غزل لذيذ .. وعين بامسيكا تودى ناس قرشو امريكا .. وعين الحسود فيها عود وكمنجه كمان .. وعين الجبهجيه فيها طبنجه
واخيرا عينى انا ..


ولك الامنيات بعاجل الشفاء وجياد كمان


اخوك ديك الجن

سلامات يما زول يا رائع

ود عـــــــــــــــزة
كفارة ليك يازول انشاء الله الالم يزول
ربنا يديك العافية والصحة ,,,, وتعود لكل الاحباب بالسلامة

يا ولد بتاع لأمنا (عزه) حمد الله على سلامتنا و إنت معانا .. كدمات بتاع (ركبه يمين) علاج بتاعو كوارع لسيس من (ترنتي) في سوق مورده ، و أما يد يسرى دي فلازم إنتكم بياخد كبايه ليمون بي مويه نيل و (تراب) زواره من (حمد النيل) عشان عين وليد بيشفي إيد ، و عين رومانسي بيكسر كراسي ، وعين بناديها مافي يأثير فيها ، وعين ديامي فيها مرامي ، وعين موصلي ليمون أصلي ، وعين بت النيل منقه تقيل ، وعين عزيز إنسانيه لذيذ ن وعين غزال كلو سؤال ، وعين إيمو بياكل نيمو ، و عين عين بكري ليمون فقري .. و عين حسود فيهو عود .. عود بتاع عزيز و حمزه و موصلي و ود رجب و كل ناسات ليمون بتاعو بيدفق في جراح ولد عزه عشان بيشفي و يقوي و يخلي بيكتب رساله طويله بي دمي لي أمي ...

______

ومنقو قل لا عاش من يحرمنا من ولد أمنا

الحبيب ود عزة
الحمد لله على السلامة وربنا يجعلها ليك كفارة ان شاء الله وما تشوف شر ياخوى

شنو ياخى الحكاية اغيب يومين بس خميس وجمعة القاك مرضت .. ده شنو ده ؟؟؟ مقاومتك بقت ضعيفة ولا ايه..
اديك وصفة كويسة ترجع ليك المقاومة عليك بعصيدة الدخن بى لبن البقر وحاتك انت تبقى زى الحصان ترافس برا سبب ..

الله يمتعك بالصحة والعافية وما تشوف شر

قرشوووووى
تسلم،الدخن مافى هنا لكن لبن البقر فى ينفع وصف لينا حاجة غير الدخن،
تحياتى ليك واطمنك على صاحبك كويس وعال العال
غزال

أود أن أطمئن الجميع أن ودعزة بخير وصحة جيدة..ولولا اصرارنا عليه وضغط ادارة المستشفى لغادر المستشفى منذ الأمس ..لكن ما تخافو وصينا ناس امن المستشفى ومكتب السسترات ما يخلو يطلع قبل ما يكمل الحقن والعلاجات
تحياتى
غزال

اخونا الغالي ود عزة
كفارة يا حبيبنا ...الله يسلمك ويعافيك
3bdo

غزوووووولتى

ياختى الحمد لله على سلامة ود عازة والحماية يعنى وصلت رقاد المستشفى كمان...
اظنه تعبكم مع حراس المستشفى ذلك المتجهم الذى لا يسمح بالزيارة الا فى اوقاتها فقط..
هاااااى
طبعا ما عندكم الحارس اياه البتعرفيه وبعرفه انا واكيد الدخول عبر صالات مزينة بالورود والازهار..
لكن برضو المرض مرض والله
ربنا يديه العافية يا اختى ولازم يرتاح تمام وما يجهد نفسه ابدا

ياختى طالما عندكم لبن البقر الما خمج يبقى المشكلة انحلت خليه بس يروى لبن بقر مطعم بى عسل النحل وحاتك العافية ترجع ليه اكثر من الاول كمان...
اوع تقولى لى ما عندكم نحل كمان ؟؟؟
نحل نحل جنس نحل ....
لك وله تحياتى والله يديكم العافية وشكرا على تطمينك لنا عليه وتسلموا جميعا ستى

حمد الله على السلامة يا ودعزة و يا ودعزة الفونت البتستعملوا ده متعب و ..عليك الله تانى ما تستعملوا

يــــــــــــاودعزه ســـــلامـــــــات
عين واصابتك اقراء اية الكرسي صباح ومساء وابعد من عين قرشو ده وصيتى ليك

شكرا ودالجيلى ، بناديها،ي ديك الجن، صن رايسيز،بامسيكا، منوت ، بكرى ، قرشو، غزال، كولا ، عبده..على هذه المشاعر النبيلة ..وياقرشو رسل الدخن
شكرا حبيبنا بكرى على التنبية بخصوص الفونت وكما تلاحظ فقد قمت بتغييره
تحياتى
ود عزة

ود عزه .....

الف الف حمد الله على السلامه وما تشوف شر


غدى

ود عزة .. أولا حمدلة على السلامة نرسلها خجولة متأخرة .. شرك مقسم .. معليش الخبر جانا متأخر شوية .. ألف سلامة وخطاك الشر ان شاء الله . طبعا نحن قمنا كالعادة وبمنتهى الطرطشة بمد القرعة الصباحية دون أن ندري انك متوعك .. شفاك الله مرة أخرى ونراك قريبا معافى . على فكرة للمريض دعوة مستجابة نسألك الدعاء

تحياتي لك أخوي ود عزة ......ربنا يشملك برعايتو .....وتعود لينا معافى وسليم تامي ما ناقصك شي

الف الف حمد الله على السلامه ياود عزة وربنا اديك الصحة والعافية

بـــــــــوب

سلامكتك يا ودعزة..وبالصحة والعافية تقمو انشاء الله

سلامات

الغالي ود عزة

الف حمدلله على السلامة ومأجور انشاء الله
شنو المصائب دي كلها في وقت واحد تاني ما تركب تاكسي اسمع ما عندكم كارو ياخوي تاني كارو بس

الأخ العزيز ود عزة
الف الف سلامة لك ،،،وربنايسهل عليك ويقومك بالسلامة ...

حمداً لله على سلامتك يا
ودعزة

حمداً لله على سلامتك يا
ودعزة

SALAM WAD AZZA
KAFAARAH AND I WISH YOU FAST RECOVERY.I HAVE ONE QUESTION,HAVE YOU AMGAAD CARS ALSO THERE?
STAY WELL

يا ود عزة واحشني
انت تبري من الالم الالم ما ليك انت
عمر مهدي

العزيز ودعزة

حمد الله على السلامة وبركة القرينا خطك واطمنا عليك

وربنا يكفيكم شر الحديد وشر الطريق .. ويرجعكم لي اهلكم سالمين وغانمين ...

حمد لله الف علي السلامه ود عزة ...
اجر وعافيه انشاء الله..
تحياتي..
مرام

عزير،بامسيكا، السارة،ودالجيلى،بنت الأحفاد، وليد ،عمر رجب،ودحبيب بكرى،بت الهنا ، غدى،حمزة سليمان ،خواض ،منوت،واحشنى،ايهاب،الموصلى،بنت النيل،مكسب تن،عمرمهدى،معتز،مرام،مارد،بووش،بيرل، رومانسى،بناديها،سونا غدى ، أهل العوض ، قرجةبوب،قمربوبا،مانديلا،بووش ، زهجانه،ايمو،ياسيكو،عمرمهدى ، بت الهنا..
تسلموا كلكم وماتشوفو شر..والله انتو العالجتونى وداوتونى..
تحياتى ود عزة

اووووووووووووه ما كلمتونا ليه
يا ود عزة سلامتك
والله بعتزر ليك عن التاخير
ربنا يرفعك
ويديك الصحة والعافية
ما عندكم رقشة؟؟
لوووووووووووووول

ياود عزة سلامتك وناس البورد كلهم كرامتك

يا ود عزة كنا من ضمن الذين اتهموك بالحنكشة ، أما وقد وضح لنا الأمر فألف سلامة لك وجعلها الله كفارة لك ، ولأنني أخر الزائرين في المستشفى فسأكون أول من يحضر الكرامة قبل ما قرشو ينتهي من اللحم ويقبل على العضام

اخى ود العزة
.. تعرف أنا مش عارف .. أحب اسميك ود العزة
أولا ألف سلامة ليك .. وأنا آسف على تأخيرى فى السؤال عليك .. لأنك ما بتقصر يا أخو الأخوان ..

لكن العذر اللى أقبح من الذنب .. هو اعتكافى فى الفترة الماضية .. لأن الظربونة قامت .. وما فتحت وما رديت على المداخلات المختلفة .. أرجوك أن تعذرنى .. لأن الواجب واجب ..

ألف حمدالله على السلامة..

عمك العجوز

أرنست