امدرماني

يعني الحكايه شوية خواطر مرت بالبال وليه الخواطر دي في الوقت ده بالذات ؟؟ بسيطه لانو في اسم امدرماني نشط في الامسيه ده من خلال مواضيع ومداخلات في البود بس نعود لامدرمان الحنان هي خواطر هي امدرمان القديمه شارع الخليفه وذلك المثلث الخطير في التاريخ السياسي القديم والحديث بيت الازهري بيت عبدالله خليل بيك وبيت عبدالخالق محجوب مثلث خطيرويحدها من الشمال شارع السيد علي ؟؟؟ كل الاتجاهات السياسيه في حوالي نصف كيلومتر مربع وفي كل عيد استقلال تفتح ابواب بيت الازهري في ذاك الزمان وكل الناس بمختلف الوانهم واتجاهاتهم يتبادرلون التهنئه بالاستقلال وما ننسي قبة المهدي وتلك الاحياء القديمه الملازمين ودنوباوي المسالمه والمورده وسمك السوكي ودكاكين النقاده لبيع انواع العصير المختلفه الخ الخ ونظره عابره بنتلمس روحو التسامح وحلاوة الامدرمانين الزمان وعشان كده انا كنت ومازلت امدرماني حتي النخاع وكلكم معزومين حفلة شاي مابين بوابة عبدالقيوم والطابيه مااحلي امدرمان

الظاهر اغلب الناس من غير ناس امدرمان او ما بيعرفوا وين بيت عبدالله خليل بيك او بيت الازهري

امدرمان يا حضارة
ام درمان يا بلد الفكر
ام درمان الاصالة
ام درمان الحنينة ///// باهلها الطيبين ..ويكفى القول انا ام درمان انا السودان

وليام اندريا لك التحية انت وكل الامدرمانيين
وام درمان دي هي الاصالة هي السودان
فلها ولك ولكل السودان الحبيب بصعيده ومدنه كل الامنيات بالخير الوفير انشاء الله
بالمناسبة انا درست الثانوي في ام درمان الثانوية يعني كنا بنصبح يوماتي علي بوابة عبد القيوم

فعلا امدرمان الاصاله وام درمان الحنان وامدرمان السودان ويمضي التواصل ونتعرف علي اخوانا واخواتناالمغتربين وكل ناس البورد الحلوين وبشكل خاص الامدرمانين وللكل فائق التقدير والامتنان ودمتم ام درماني للنخاع

أنا أم درمان... أنا السودان ...... أنا الطابية المقابلة النيل

أخي الفاضل وليم أندريا- لقد هيجت علينا الذكريات:دار الرياض والليق والدافوري والرجوع كداري من الدور الثاني في سينما أمدرمان والعشاء عند (أحمد سعد) أو (الجان) حديثاً ميدان المولد قبله في حوش الخليفة قبل تحويله إلى مكانه الحالي و....... و....... و....... وأشياء لا يمكن أن تعود ويا ليتها تعود

مبارك

اخي العزيز اخي الامدرماني اكيد نفس الاشياء استرجعها من شريط الذكريات وايام كان الدور الثاني لطبقه معينه من الشباب ياسلام علي تلك الايام والثقافه المركزه وطبعا كل ذلك لا يعود لقد اصبح تاريخ والذي قصدته من السطور اعلاه هو روح التسامح مهما اختلفت وجهات النظر علي ذلك نشاءنا وانشاء الله عليه نموت ولا احب ان اري او اسمع كل تلك الصراعات الدائره في ايامنا هذا لمجرد فكر ولا اريد انا اخوض اكتر وارجع اقول امدرمان حبيبتي بفكرها وحلاوة ناسها لانها هي السودان...... امدرماني للنخاع

اهو قلته قبل النوم احسن الواحد يركب عربية الذكريات وياخد شوية مشاوير مسائيه في شوارع امدرمان القديمه واول ما فكرته فكرته في شارع النيل يالله معاي كده من هناك في المورده وضاءة جميله في حدايق قديمه باسماء جديده حلوه الاضاءه والنوافير وده مكان جديد في امدرمان قال شنو قولدن قيت وليه لا الخدمه فيه جميله والشيشه اجمل بس انا ضد التدخين وما في وقت واواصل المشوار ودايما بحب امر قدام المسرح القومي واتذكر الايام الخوالي والاذاعه بس الشارع مقفول ليه والله ما عارف ما مهم حتي السؤال لانو ممكن يجيب اسئله وهنا احسن انزل من عربية الذكريات وامشي في ارض الواقع وانسي شويه والا رايكم شنو

ياني المباريك بشارع الموردة من صينية البلدية، لكشك الجرائد تحت شجرة البلدية، البريتيش كاونسل، بيت ناس أبوالعلا البقى هسع دار حزب الأمة، مدرسة النهضة، مدرسة بيت الأمانة، بيت صاحبي وداللواء، الدايات بوراء وقطعنا شارع البوابة، ومدرسة الحرية ونزلنا دايفينق في بحر الريفييرا..شوف يالغزال الأسمر..طالما إنت إخترت إسم وليم إندريه لاعب كرة السلة في فريق الأولمبي بالنادي الكاثوليكي وفنان الجاز في الفرقة بتاعتو..طالما إنت كدا..نحن برضو كدا..وتصبح على خير

اهو الواحد شويه شويه بيلقي اولاد الحله ياسلام انتو وين ما تقولوا لي في غربة الشتات

صباح الجمعه في امدرمان ما احلاه اهو شراب شاي في التكل والا شنو هاهاها المهم الواحد لازم يدور عربية الذكريات وياخد مشوار للسوكي علشان السمك وفطور الجمعه المدنكل الجماعي ولمة الاحباب والاصحباب ياسلام اهو ذكريات

اسم معروف لكل الامدرمانيون القدام وحديثي العهد بامدرمان الحنان والسؤال لتحديد الفتره الزمنيه وفي زمن فات ويمكن يكون السؤال للعمنا العجوز كان في شنو قدام دكان جورج مشرقي والبيجيب الوصف 100% في الميه ليهوا 100 دولار مافي خيارات او الاستعانه بصديق ولا راي الجمهور ودمتم

يا وليم انديه سلام...
ممكن اجاوب
كان فى سينما قديس او برمبل هناك وبعدين برضو كان فى موقف وتم بعد ذلك بيع السينما وقامت البوسته فى محل السينما...والله انا ما حاضر بس سمعت
وناس يا زول وبناديها عندهم شوف العين....هههههاى

وليم أندريه

عندما تذكر ام درمان تجتاحنى موجة عارمة من الحب والحنان لكل المدينة العريقة وأهلها الطيبيون ، لأم درمان نكهة ورائحة لا يوجد مثلها فى كل بقاع الأرض ولا يعرف عبقها ودعاشها ورائحتها الا لمن عشق الغيد فيها وترنم بترانيم أهل فنها وطاف حافى حالق بأحيائها

تسلم يا أمير على البوست العالى المقام فى ذكر من صارت أطلالها معبدنا القدسى

احبائي والله انا جاد في حكاية الجائزه وعاوز اقراء شويه عن الكان قدام جورج مشرقي ونقول كده النائجه حتي نهاية الاسبوع والارايكم شنو وانا في انتظار الاضافات ومنكم وبكم نتعلم معلومه جديده والتحايا موصوله لكل اهلي بلدي الاحباب وبصفه خاصه لناس البقه .. امدرمان حبيبتي وعشقي ودمتم احبتي

انا امدرمان انا السودان

جزيل الشكر اخي وحبيب امدرمان بخاف والله اضافه رائعه من الاستاذ

salam ya nas

wali Omdurmaaaan a9ala o 7a'9ara ya nas
o allah ideek al3afia ya William ya nas

هنئيالكم موطنكم 00 ام درمان
انا مامنها
لكن سمعت الكتير
ويكفينا شرفا انها تمثل ذلك التاريخ العظيم
وفى عبارة اعجبتنى كتير عن أم كلثوم
if you have never heared her ..
you have never heard Egypt
فهل يصح التعبير انها أمدرمان ، وهى السودان
ـــــــــ
تحياتى وليام

العزيزه ام در جزيل الشكر للاضافه ومرحب بيك في امدرمان الكل امدرمان البساطه وامدرمان الحنان امدرمان = السودان واسمك مستمد من امدرمان واجدد الشكر علي المشاركه ولسعه منتظرين الاضافات علشان الاسبوع قرب يخلص والجائزه منتظره صاحب الحظ ودمتم احبتي

شوف ياويلي

قدام جورج مشرقي طوالي وفي العصور التي عايشها العبد لله كان توجد نافورة ثم بعد النافورة أقيمت كافتيريا في أوائل السبيعنات ثم بعد ذلك بقت فسحة ساكت فيها أكشاك للجرائد وبتاعين الورنيش والمنطقة عموما كانت تطل عليها البارات من الناحية الشرقية ومن الناحية الجنوبية..ومن أشهر معالم الناحية الشمالية كانت مكتبة الحرية وقدامها المعلم الأساسي وهو بين وعربية الباسطة بتاعته (ياباسطة ما عندك بين!) وعلى إمتداد الشارع داك كانت توجد أعداد من المطاعم والقهاوي ومن أشهرها مطعم الرياضيين الذي أفتتحه الصحفي الرياضي الهلالابي ميرغني أبوشنب وخلف ذاك المطعم توجد المغالق بتاعت النجارين ودكاكين سعد الله ومحلين لصنع الباسطة وهما غير المحلات الأخرى التي توجد في شارع بيت ناس حسن عوض الله..وغرب مطعم الرياضيين يوجد مسجد ناس الطريقة الأحمدية وبيوت شيخها الشيخ يوسف..ويواجه المطعم جنوبا دكان على دنقلا والأهم من ذلك عمارة بنك باركليز دي سي أو والذي يفتح على الساحة التي كانت بها مواقف بصات أمبدة والفتيحاب وهي بالضبط المكان الذي كانت فيه سينما برمبل..المهم كان بجوار مطعم الرياضيين ويحتل الركن الغربي مباشرة محل صغير متخصص في عمل الأعواد وصيانتها..وعندما تعدي من هذا المحل وأنت متوجه إلى سوق أمدرمان وقبل أن تصل حقة سورج ستجد على يمينك مكتبة عكاشة التي أحالها أولاده بعد وفاته إلى محل لبيع عصائر الشعير والتمر هندي والقمر دين..وبعدها كانت يوجد سوق الحداحيد..يعني الحدادين حيث كنا نشاهد كيف يتم تخرج النار من نفخ الكير لصهر الحديد..ويقابل سوق الحداحيد من الناحية الشرقية طوالي سوق العيش ومحلها الآن بنك شنو كدي الإسلامي..وقبل ما تصل حقة صعوط سورج لف يمين حتلقى دكاكين بيع المواذ الغذائبة بالجملة ثم تعاين قدامك تلقى محل أبوسبعة وقدام منو محل عباس رشوان في ركن حوش الجامع الكبير

اخونا والا نقول عمنا المهم ما مهم التسميه انا العاوز اقول شنو والله العظيم تخوف حقوا تمشي لناس الارشيف وتسجل المعلومات ده ...... بس انا قصدته من الوصف الزمن السمح لما امدرمان كانت نظيفه في كل شي يعني قبل الاشياء العشوائيه والاقتصاد المنهك والبطاله المستتره وتحديدا في زمن عبود كان هناك نصب واقتلع في احدث ثورة اكتوبر المجيده يوم اصبح الصبحوا تراث وتاريخ ونضال ......... تخوف والله .. يا اخوي يا موسوعه وقربته من الجائزه المعنويه قووووول النصب شنو ليك الميه ودمتا اخا عزيزا وامدرماني حتي النخاع واهو معلومه لكل الشباب لما كانت في حديقه ونافوره وجلسه حلوه في وسط امدرمان واسفلت يغسل في الليل اخ يازمن ااخ

عاد دي ياويلي إلا نضرب ليها تلفون..وبالمناسبة الحتة دي ياها حلتنا ذاتها

تعرفي نصيحتي ليك ما تستعين براي الجمهور لانو شكله صغير السن ومغرم بغني البنات والدفارات ومافي خيارات اهو ممكن تستعين بصديق وتضرب تلفونات بس اقول ليك حاجه.... ليه ما تتصل بعمك الزين اهو تاريخ من زمن الانجليز مرورا بناس عبود الي الان الله يديه طولة العمر والصحه والعافيه امين ياررررب العالمين ودمته اخي العزيز

احبابي اهو اليوم جمعه والميه منتظره صاحب الاجابه الصحيحه وبشيك ما طاير حتاخد طريقها لصاحب الارشيف الصحيح واخوي بناديها والله قرب شديد واذا ما اكتملت الاجابه يبقي بناديها هو صاحب الجائزه يعني نرسله لاي عنوان يا صاحب الحظ وفي الانتظار ودمتم احبتي اولاد امدرمان ونيل امدرمان الحنان