حــــــــروف اسمك

حروف اسمك

تزداد بي اللهفة إلى مرآك أعيش لحظات الفرح وأنا أترقب لحظة هذا اللقاء
اسمك له وقع خاص في قلبي فهو اكبر من حروف تصوغه ،هو ناقوس السعادة الذي بزغ في دنياي ليبدد ظلمات الحيرة والعذاب يخالط اسمك العذب ذرات روحي ويتغلغل في مسامات جسدي فأتنفس به وأحس معه بلذة السعادة المتوهجة في حروف اسمك المحاط بسوار الحنان والرقة والعذوبة
يا ..... أود أن اصرخ في وجه هذا العالم المقفر بأعلى صوت لتزهر زهور روحك فيه ليمتلئ دفئا وحنان وصفاءا
تعاهدت مع اسمك أن أصوغ له رسالة يعجز عنها البشر ... عطرها همسات روحينا ،مشرئبة بحبنا الطاهر ، ومفتاحها السحري حروف اسمك
لست بشاعر لكني تمنيت لون أنى قائل هذا البيت
نسيت الهوى ألا هواك فأنه
تغلغل في الأعماق وانساب في دمي
يا عذبة الأنفاس أنا بين يديك رافعا شعار حبي لروحك الطاهرة فارحمي معذبا في هواك اقسم بالله أن يهبك حبه الخالص
امنحيني شرف أن اشرف من ينبوع حبك الطاهر ولا تبخلي علي فأني محتاج إلى عطفك لكي يروي زهور الحب التي في داخل قلبي
عاطفة محترقة
توعدت هذه الكلمات نارا يجرحها أن لم تعجبك ، فأن أعجبتك يا روحي زفي إلي ذلك خطيا

حبيب الكل والله يا خوى حالتك صعبه مقتول فى كمد ولا شنو لاكن كلمات جميله معبره شديد

الغالي كولا
لك التحيه والود
لكن شايف الموضوع اثر فيك اكتر مني انا زاته ههههههههه
الغالي وليد
اولا حمد الله علي السلامه

ثانيا شكرا علي ردك
ياغلي انت

سجمى ووب على انا موش قبل كده قولتا ليكم يا نااااااس الشات ده مسكون
كمان بقا فيهو زكر اسامى وكده
ولا يكون وليد ده فكى
ههههههههههههههه يكة
اها انا اسمى منو

الغالى حبيب الكل

حقاً سيدى عندما نعيش حالة خاصة يستحيل الكون الى خادم مطيع لتلك الحالة او هكذا نتمنى ونرجو ونبقى فى وهج من الشجن لا ينطفى بل يزداد كلما التقينا بمن ملك الفؤاد ومن وهبنا اللحظة التى كانت بداية للحياة الحقيقية والتى قبلها كانت عبثاً وكانت تهريجا.. ما اروع من يحتل دواخلنا ويستريح وما احلى احتلاله ونرجوه دوما ان يبقى ولا ينزاح قيد انملة ..

عذرا اخى وليد
والحمد لله على السلامة
وسعدنا بعودتك سيدى
لكن شنو الشمارات بتاعت ماليزيا دى

غايتو يا وليد ما بسالك موش قولتا ليكم يا اخوانا البورد ده مسكووووون
واها يا شيخ وليد بعد ده والله نقيف ليك بالصف عديل كده ونقووووول ليك عايزين .... لى ....اولا رايك شنو يا حبيب الكل

حروف اسمك جمال الفال
وراحة البــــــــال
وهجعة زول بعد ترحـــــــال
ودنيتنـــــــا
ومشاويرنــــــا
وغنوتنا اللي ما بتنقــــــال

والله بالغت يا حبيب ..... كلماتك ابدااااااع عديييييييييل كده الله يديك العافيه ....لكن والله في شمار كده حارقني نفسي اعرف وليد ده قال شنو ما ظاهر عندي شي؟؟؟؟ وجد وليد ده فكي ردوا علي يا اخوانا عشان عندي موضوع كده داير ليهو فكي

ويا نور بطل شماراااااااااااات عملتها ظاهره

اوووووووووووو حبيب

انتا اليومين دى مابراك ياود امى

وشنو العسل البتنقط فيهو دا ماسكك كرض ود حامد الظاهر ههههههه يكه

والله صراحة ابداع وكلك ابداع

نور العين تحياتى ياغالى

ياحلم مشتاقين صدقينى جد

حبيب الكل ياغالى مشتاقين كتير وعاوزك فى البيت ضرورى عامل شيه كاربه

عارفك بتاع شيات وكده

تحياتى

بــــــــوب

كلمات رائعة و شايلة صدق غريب، أي بوست قريتو ليك بأكد رأيي فيك...بهنيك علي الاحساس المرهف وعلى الكم الهائل من المشاعر