Post: #1
Title: سلامات يا زول يا رايع
Author: alwardah
Date: 05-14-2002, 04:10 PM
هكذا بكى الشاعر ازهرىمحمدعلى صديقه الحميم مصطفىسيداحمد
مدخل اول
لمتين متيمم شطر النيل
متوقى اليابسه ووارد
متوكى الغنيه عصا موسى
بتهش فى غيم الالفه الشارد
مهدوده القدره وفترانه
حردانه الضل البارد
بتوجل لى يوسف فى البير
يطلع من بطن البير المارد!
مدخل ثانى
فات الكان بدينا احساس بالالفه
وكان راوينا
فات الباكى جرحنا وناسى جروحو
ولافى ورانا مدينه00 مدينه
فات الصاحى ونحن نغط
فى النومه السابعه
طالق حسو ولا حسينا
حتحت فينا غناهو الطاعم
وفات قنعان من خيرا فينا
سلامات يازول يارائع
سلامات عوافى
سلامات ياخلاصة الخير الفى الناس
وترياق الزمن المتعافى
سلامات يازول يارائع
سلامات عوافى
محاصر فيك
بسأل عن سكه تطلع منك
او سكه تودى عليك
بسال عن مخرج منك وليك0000
وللبكاء بقيه
|
Post: #2
Title: Re: سلامات يا زول يا رايع
Author: يازولyazoalيازول
Date: 05-14-2002, 04:44 PM
Parent: #1
عشان كدة اخترنا الاسم الحركى ده عشان خاطر كل زول عظيم ارتحل أو موجود بينا
وسلامات عليك انت على البوست الجميل
|
|