أستمهلك

أستمهلك
أرجوك أقيف أتأملك
أنا زي بعرفك من زمن
كان فيه شكل الناس حمام
ياكنا طيفين في منام
يا كنا في أحضان ملك
في زفة الريش والرفيف
وين كنا وين
أمهلنى أتذكر شذاك
بطلع شذاك من روحي
كيف
زي كنا فصين في صدف
واحد مشى و
واحد وقف
أرجوك أقيف أتأملك
أنا حاسي شي
جاذبني ليك
منك عليك
شي زي مدار آسر فلك
وانا زي فراش النار
أطوف
حولك
أفتش عن أنا
أعصر ندى الألوان عليك
بين انكسارات السنا
وأتأملك ..
ما أجملك

من روائع شاعرنا عبد القادر الكتيابي
اتمني ان يشاركنا في هذا المنتدي
وهو موجود بابو ظبي ويعمل بتلفزيون ابو ظبي

يا زيكو...
تحياتي...

بس داير اعرف القصيدة دي شاعرها منو؟؟

وتسلم

jmeel ya zeco al7kaya 7elwa jd m3 eno ana 3ende ray fe alshe3r al3moode laken aljmeel jmeel.by the ur signature is so graceful but plz tell the source or it will consider written by u then we going to ask u more . mr7ab ya ustaz my love
almostkeen

الاخ ابوالزيك لك الحب الكلمات قمة فى الروعه والكتيابى رهيف الحس والكلمات ساق لها الفنان الاخ العزيز حمزه سليمان لحن فى غاية الجمال والكمال ولنا مداولات فى امتلاك احقية غناؤها .. واخذت مقدمتها توقيعا لى منذ اول يوم تشرفت بالانضمام لهذا البورد العزيز على النفس .. لك التحيه اخى والود وارونا من هذا النبع

ندعو الأخ البياز أن يجمعنا بالشاعر الكتيابي وأن يمهد له الطريق إلى البورد
وللجميع التحية

شدو حيلكم ومهدو ليهو الطريق للمشاركة
هو شاعر مرهف الحس سليم الذوق والوجدان
قصائده تمس شغاف القلوب
اتمني ان يشارك معنا