الدبييب و العارض و الشرشر

سلام تاني يا اهلنا يا رايعيين
توووووووووش كدا عندي ليكم طرح لغوي ........... في كلامنا احنا السودانييين في مصطلحات كدا ما عارف بتجي من وين و بتنتشر كيف فجاءه كدا بنلقاها بقت شي متفق عليهو
طبعا اكيد بكون في زوول او اكتر عمل دراسه للموضوع دا ..فياريت لو في زوول وقعت تحت يدو شي زي دا يطلعنا عليهو .......انا هنا حا اطرحا بي شكل فكاهي و الدعوه عامه للمشاركه والتحليل يعني هي زي فكره عمل قاموس شعبي كدا نحصر فيهو عدد من الكلمات دي و نحاول نشوف ليها احسن تعريف ممكن نطرح كلمه ونشوف تعريف الناس ليها شنو و ممكن كلو زوول يضيف و يطرح كلمات او مصتلحات من عندو والباقيين يساهمو في تعريف الشي البتعنيهو
مثلا في ناس يقولو ليك الزول دا دبييب او الزول دا كج او عارض او شرشر او كوكب وكدا
ماهو تعريف الزوول الدبييب و ماهو الشر شر و المقصود شنو بالنجم او الكوكب انا متاكد انوالبورد عامر بروح الدعابه و حا تكون في تحليلات ظريفه تخلي الزوول ينسى شويه الغربه و الهموم
غايتو شوفو انتو اقتراحتكم شنو في تناول الموضوع دا
انا كبدايه بتناول ليكم الدبيب
انا اعتقد انو الدبيب هو الزول العندو القدره على التسلل والتواجد بدون ما زوول يشعر بيهو يعني بدون ما تحس فجاءه بتلقاهو موجود في حته اصلا هو ما ليهو علاقه بيها
و الدبييب عند قدره خارقه في الاختراق والستلل و تصعب السيطره عليهوو مستحيل مراقبتو باستمرار و الدبايب انواع طبعا في دبييب مسالم ما ضار يعني بيكتفي بالتواجد و في نوع خطر و سام و دا ما بكتفي بالتواجد بس لازم يساهم ويشارك في الحدث مهما كان و طبعا الدبيب جنو حوامه ممكن تلقاهو في اي مكان و في ايي توقيت اخيرا ربنا يكفينا ويكفيكم شر الدبايب و لكم التحيه و في انتظار مساهماتكم

العزيز ايهاب
خطوه عزيزه ويوم موعود
نجي لي موضوع الدبيب
يقال علي الشخص دبيب اذا ما وجد في مكانا ما دون ان توجه اليه دعوه او تجده في مكان غير متوقع ان تجده فيه اوجه الشبه بين ذلك الشخص والدبيب كليهما غير مرغوب فيهم وياتيك من حيث لا تعلم ولا تشعر بوجوده والا هو جانبك
وربنا اكفينا شر الدبايب البشريه
وانشاء لله ما تكون دبيب كمان هههههههههههههههه يكه
كما ضحك الزول زاته ربنا اكتب ليه الشفاء

العزيز حبيب الكل
اشكرك على ترحيبك يا زووق و اشكرك على مساهمتك في التعريف يا ريت
تستمر و تشوف باقي الالقاب دي تعريفك ليها شنو و تضيف عليها كمان
لك كل الود و كل التحايا

اما فى ما يخص العارض فهو الزول او الزولة البتلاقيك لمن انت تكون معاك جكسوية وماشين على مكان بعيد من اعين الشراشر فمثلا" لو كنت فى جامعة السودان وفى الغربى تحديدا" تكون معاك جكسوية طابقا وماشين على امبدة تقوم تلاقيك واحدة من زميلات جكسويتك وهاك يا قد ونقة ...وممكن العارض يكون مبارى جكسويتك وانت ما لاقى ليك فرقة معاها ففى هذه الحالة بنقول ليها كل كنزا" حارسو جان ...والعوارض بالمناسبة عارفين روحهم وكلو كلو ما بخلوك بالهين
اما الشراشر فهم الجماعة البتلقاهم قاعدين ولمن تجى طابق ومارى باى عندهم تسمعهم بيهمهمو ...بختك ...كضاب ....همممم ولمن تحدر ليهم تلقاهم بيضحكوا وسبحان الله دايما " بتاعين الشرشرة بيكونو من الفرد والناس القراب ...فبعد ما تنتهى الخلطة بتاعتك بيجوك دايرين يعرفو الحاصل شنو
اللهم ابعد عنا العوارض

اميييييييييين يا شرغوف ربنا يحمي الجميع بس هل في رايك ممكن الزوول يكون عارض ودبيب او شرشر في نفس الوقت و بعدين الاخف ضررا منو في ديييل وبالمناسبه اكيد في مجالات كتيره ممكن تحدث فيها الشرشره و الشرشر عندو مواهب خاصهااهمها القدره على التمددوالانبساط ثم الاحتواء والشرشر في رايي الزوول الفضولو ممتد في كل الانحاء والزوايا وطوالي هو لازم يكون عندو علم بي كل شى دا ازا ما فرض مساهمتو فيو كان بعرف ولا ما بعرف وفي رايو انو هو اكيد ولازم بعرف و كان ما بعرف ممكن يتعلميعني متشوبر زي ما بقولو ومتشوبر دي زاتا عايزه بحث وفي رايي انو العارض هو اخفاهم ضررا بس انا عايز اعرف كلمه كج دي جات من وين ومشتقه من شنو فيا اخوانا افيدونا بالعلم
ملاحظه :اسمك دا زاتوبكره بتلقاهو في القاموس يعني بكره يقواو ليك الزوول دا شرغوف ههههههههههه و البمناسبه دي جبتو من وين و معناهو شنو

اخي الكريم ايهاب لك تحياتي انا برضوا حدخل ليك في المصطلحات دي توووووش وبدون مقدمات اوكي
الدبيب عندما تحلم بانك قتلت دبيب وتاتي فى الصباح بالقصة لحبوبة وتقصها عليها لتجربتها في الحياة اكثر منك وعندما تقول لها والله ياحبوبه امبارح حلمت لاقاني ليك دبيب كبير اول مرة اشوفه وقمت قتلتوا وقطعتوا قطعة قطعة راسا ياتي منها الرد بمقولة عارض ومات خلاص بعد كده امورك انشاء الله بتصلح العارض هو الشئ الذي يقف بينك وبين تحقيق هدفك واحلامك يقولوا ليك فلان خطب فلانه لكن اتعارض فيها ود عمها قال دايرة وشبة الدبيب بالعارض لانوا بهرشك وبقيف ليك فى الطريق وبيمنعك من وصول الهدف او المكان الانت قاصدوا رغم ايماننا التام بالله ان الله هو الوحيد الذي يمنعك ويتم عليك نعمته بوصلك لهدفك الا ان هذه المعتقدات حتي الان تجد كثيراً من الناس يامنون بها وكذلك ياتي اخر ويقول الليلة بسلم لى على زول جفن عيني الفوق شغال يرف من الصباح وحاجات كتييرة يا اخي ايهاب واتمني ان اجد نفسي لاكتب ما سمعته عن ذلك
تحيات.........واحشني

العزيز واحشني
تعال داخل تانيعليك الله لكن المره دي ما تووووووووش المره دي تعال تووووووووووووووولوووب
في انتظارك ياعزيزي
لك كل الود والتحايا

اها يا اخوانا مافي زوول جاب سيره الكج
و على فكره لو فيكم زوول كج لا قدر الله لازم يقوم يضحي
يتخارج من البورد عشان ما يكجو لينا
هههههههههههههههههههههههههه