الهلال والمريخ فى لقاء الاثارة فما توقعاتك للنتيجة وهنالك جائزة

تقام غدا مبارات القمة وهى لاول مرة تقام وفى ظروف مختلفة المريخ قاهر بطل القرن وهو فى نشوته والهلال الذى يؤد ان يجارى قاهر بطل القرن فماذا يكون الحال حال الهلال يقول بانه ينوى ان يشترى زمة الحكم وحال المريخ يدعو للاطمنان هنالك فرسان وهم يتعلق الامل بهم احمد السيد والعجب وهيثم الرشيد
ونتمنى فى الاخر انو المريخ يحقق الفوز على الهلال

الحبيب نور... تحياتى


والله سويتا ظااااهره ياخوى طيب ماتقول البتوقع انو المريخ يفوز ليهو جايزه

انا غايتو بتوقع عك وضرب فى الفاضى والمليان .. وغبار فى السما .. وفى النهايه الله يستر على الحكم لانو ح ينضرب .. والفريق المهزوم ح ينضرب برضو .. والفريق الغالب ح يكون انضرب بالتاكيد من الفريق المهزوم

عشان كده اوعك تدخل الاستاد لو كنت فى السودان عشان ماتنضرب يانور ياولدى
واحسن حاجه تعملها تواعد الجكسويه لانو ساعة الكوره ده الوقت المناسب للكسح
وتخلط ليك خلطه فااااهمه كده .. وتجى بعدين تشوف النتيجه شنو


ولا ما كده يا نور العين

ديك الجن

والله يا ديكنا تقول شنو بس ماهى الشقلة زاتا ظاهرة وواضحة
وبعدين يا مان انا مابتاع جكس غايتو الا امشى السنما

سفريات نور العين
كسلا بورسودان
وقريبا الي العرضه شمال
ههههههههههههههههههه يكه

يانور العين انت وينك وين ما احلاك ياليلة السبت فال المريخ ولكن برضو بطوع المريخ الليالي غدا لاكتساح الهلالاب الرشاشات اولاد صلاح ادريس ناس هيثم الرشيد وعجبكو وخالدونا كما يسميهم الصحفي البارع مزمل ابو القاسم (بالمناسبة لو في زول بعرفه ما يدردقو لينا في البوردت )عشان يمتع المريخاب والهلالاب على السواء بابداعاته المميزة ليت ذلك
وتعال هنا يا نور العين قال اليومين دي الخلط في السودان بقي فيهو شبة شنو رائك عشان كده قالت ماشي السينما سينما قال سينما ولا حاجات تانية اعمل حسابك بتضيع فيها وتاني تقول الروب
النتيجة 2/0للمريخ

السلام
يا نور العين كل الناس الكتبت وردت عليك... مريخاب
وييييييييييييييييي يارشاشات انتوا (انتوا وينكم وين)
انا اتوقع ليك الكوره 5\0 لصالح المريخ
اها رايكم شتو

النتجة ستكون كتيرة كده يا ام درمان
لكن اعتقد انها حتنتهي 3/1 لصالح المريخ
فوق فوق مريخنا فوق
واحشني

الصهاينة ظهرو ربنا يكذب الشينة

سلام يـــــا ....نور العين

باذن الله الفوز من نصيب الفريق اللى ما انهزم من التانى من مدة طويله ...................و الرشاشات يمتنعون عن الغضب

سلام شباب

طبعا المريخ فايز ..فايز دي عاوزه نقاش كمان؟
و النتجة حاتكون 2 \1 ..و سيتقدم الهلال بهدف
في الشوط الاول ..ولكن مع بداية الشوط الثاني
سيعادل المريخ النتيجة و بعدها سيتحكم في مسار
اللقاء و يسجل الهدف الثاني من ضربة جزاء

مريخنا فاض و انكسر......يا عديلا
وغرق الهلال في البحر ....يا عديلا

و بعدين يا شباب ...
كلمة ماشي السينما ليها مدلولات خرطومية خطيرة ..هل تعرفونها ؟؟

تحياتي و هاردلك للهيلالاب

متاسف يا شباب .............نسيت النتيجه انشاء الله فوز المريخ بهدفين دو.............خلاص علشان خاطر الرشاشات لهدف بس ما تتعودو على كده ؟

منذ بداية القرن الحادي والعشرين لم يفز الهلال على المريخ . فهل يفوز اليوم

انتو البورد ده كلو صهاينة ولا هلالاب متشائمين ؟؟؟؟؟؟
النتيجة يا عزيزي حتكون لصالح الحكم 5/صفر والمغلوب على أمره هو الجمهور

اكيد اتوقع فوز المريخ او انتهاء النتيجة بالتعادل السلبي وانو الهلال يغلب دا معناه ناس المريخ يفترقوا الفريق ودا معناه اخر الزمن واتوقع الاهداف احمد السيد وهيثم الرشيد والعجب

يا صهاينه
مسكيـــــــــــــــــــــــن البدا يأمل
تعالوا لي هنا الساعه 9 ونص الليله

ya 7abeeb its going to be the one of the toughest game they play .But its saturday ya helalab u better find ur self other place this board is all winners .Mreekhna.will win 1-0 .we dont need too much thats enough .sorry awlaad helal t3eesho wo ta7doo 3eerah

ساعة الا ربع وننتقل لاستاد الهلال باذن الله
ولمن النتيجة يا ترى
على حسب ما ورد فى هذا البوست فالهزيمة للهلال ولكنها المجنونة كما قال كابتن حمادة امام فهل تصدف ام تتجنن هذه المرة
ونتمنا الفوز لابطال مانديلا
قاهرين بطل القرن
مع كل التمنى لفرقة المريخ بالفوز الساحق

نور العين

يا اخى سألت سؤال اجابته ما عايزة ليها درس عصر و لا مدرس خصوصى

هلال شنو كمان ؟؟

النتيجة باذن الله 2/صفر لمريخ مانديلا ... سيكافا ... دبى .... و قاهر الاهلى القاهرى باكبر هزيمة يتجرعها فى تاريخه من فريق سودانى

و بعد ده تقول لى الطيارة فيها بورى ؟؟؟

خلينا نحتفل بعد المبارة بى هنا .... بس الله يسترنا من الحكام

الحبيب نور العين
ازيك يا غالي
بمناسبة الكورة الليلة دي والنتيجة
بتوقع انو تكون صفر صفر لكن عليك الله دي كورة البيلعبوها اولادنا
ديل
الناس عندهم ماردونا ونحنا اولادنا ديل مرضوناااااااااا

اوع من الغباااااااااار والكتاحة والشلاليت والكورة فوق في السماء
واذا ما طلعت تعادل
اكيد هلال الملايين فايز 2/صفر
بتوقيع معتز كبير و احمد سعد الود الجديد ده
ويا حليلكم لو خالد بخيت دخلوه
تعرف انتو مشكلتكم شنو
حاتم محمد أحمد ده لو لعب الله
قال بي قولكم
مغلوبين مغلوبين
لانه عنده بنلتي جاهز للجماعة
بعدين تعال هنا
طلعت صهيوني كمان
انا بنصحك زي ما قال ليك ديك الجن شوف ليك جكسوية كده
واعدها بالليل يا ولدنا وما تمشي السينما ولا
ح تغشي ناس حجررررررررر
تعرف انا الكورة دي شكلي كده ما ح أحضرها اليوم لانه الساعة الحين7.30 يعني فضل ليها نص ساعة بس
بعدين بسال الغالب منوووووووووو



ــــــ
أسير الغرام يا قلبي ظلموك الحبابيب سقوك الآلام يا قلبي

نقووووووووووووووووووووووووول مبروووووووووووووووووك للمريخ
مريخ مريخ مريخ مريخ تعرفوا لو المريخ فاز ما دايرين نشوف رشاشات هنا
والله سجمكو يا هلالاب

والله ياهلالب معليش
الدرون طبعا تمام معاكمطبع انتوا بيتقولوا يارب دروووووووووووووون
اها درنت

واخيرا انتهت الكورة بانتهاء صافرة الحكم
والتى كانت من اجمل لغاءات القمة موخرا
كانت كورة مفتوحة بعيدة عن التشنج والتعصب

One thing, N, refund to us the money we paid for the tickets.

حبيبنا نور العين
حقيقي الكوره كانت جميله لحدا ما يا نور وفعلا كانت مفتوحه من الطرفين
وحقيقي علي الرغم من انه الكوه طلعت تعادل وانا كنت بتوقع فوز الهلال
لكن سعيد جدا بانه الهلال الليله كسب لاعبين وهم بدر الدين واحمد سعد

مبروك للهيلالاب التعادل ..و الله مرقتوا منها المرة دي

ابطال مانديلا ...اسود احراش افريقيا...المريخ ..وووووب آنا

انتهى لقاء القمة الكروية بين الهلال والمريخ ضمن مباريات الأسبوع الأخير للدوري الممتاز والذي جرى بإستاد الهلال بتعادل الفريقين بدون أهداف بعد مباراة جاءت متقلبة الأطوار سيطرة مريخية في بدايتها وصحوة هلالية في نهاية الشوط الأول وتقاسم الفريقان الأداء في أغلب فترات الشوط الثاني مع أفضلية للهلال في الجزء الأخير للمباراة, وبهذه النتيجة يرتفع الهلال برصيده إلى 28 نقطة في الصدارة بفارق نقطة واحدة عن المريخ صاحب المركز الثاني, تبقت للهلال مباراة واحدة أمام مريخ الثغر اما المريخ فتبقت له مباراتان أمام بري وشمبات إذا حقق فيهما الفوز فسيسترد الصدارة من الهلال.

أحداث الشوط الأول:

بدأت المباراة سريعة وسيطرة مريخية من البداية بفضل حركة خط الوسط بقيادة العجب و ابراهومة وقد سببت تحركات هيثم الرشيد وجبرة اضطراباً في دفاع الهلال خاصة صالح سنار وحارس المرمي كاشان.. وكاد ابراهومة أن يصيب مرمي الهلال من الكرة الثابتة التي نفذها مباشرة اخطأ في تقديرها كاشان ليشتتها الدفاع ليميل بعدها لاعبو الهلال للعنف للحد من خطورة لاعبي المريخ لينال صالح سنار بطاقة صفراء لمخاشنته فاروق جبرة.

وفي الدقيقة 21 ومن هجمة للمريخ يمررها العجب لفاروق جبرة الذي انخرط ولعبها عكسية تمر من بين مدافعي الهلال لتجد احمد السيد وهو في مواجهة المرمي يطيح بها خارج الملعب.

ويواصل المريخ ضغطه وسط توهان خط وسط الهلال واضطراب دفاعه ليجري الجهاز الفني بقيادة جسام تعديلاً موفقاً بخروج صالح سنار ودخول بسطاوي الذي أعاد لدفاع الهلال توازنه ليبدأ الهلال صحوته في الجزء الأخير من هذا الشوط واستطاع أن يهدد مرمي المريخ اكثر من مرة خاصة كرة هيثم مصطفي التي مررها لريتشارد ليعكسها الاخير يقابلها معتز كبير لتمر خارج المرمي.

وهجمة هلالية أخرى تنتهي عند احمد سعد وهو في مواجهة حارس المريخ يتباطأ في تنفيذها ليشتتها دفاع المريخ.

ويستمر الهلال في ضغطه ومن كرة تسلمها تبري وتخطي بها اثنين من مدافعي المريخ ويمررها لاحمد سعد الذي سددها ضعيفة في يد حارس المريخ عمار.

وفي الدقائق الاخيرة لهذا الشوط ينال هيثم مصطفي بطاقة صفراء لاحتجاجه علي قرارات الحكم, ليعلن بعدها حكم المباراة نهاية الشوط الأول بتعادل الفريقين بدون اهداف.

أحداث الشوط الثاني:

بدا الشوط الثاني بداية سريعة ومثيرة وفي الدقيقة الثانية يقود هيثم مصطفى هجمة منظمة للهلال تنتهي عند معتز كبير الذي توغل بالكرة وسددها قوية تمر بجوار القائم, ليرد بعدها المريخ مباشرة بهجمة عن طريق فاروق جبرة الذي تخطى أكثر من لاعب ويلعبها عرضية تجد هيثم الرشيد يلعبها بيمناه تمر من حارس الهلال كاشان ليبعدها مدافع الهلال من خط المرمى ويضيع هدف أكيد للمريخ, ويتواصل اللعب المفتوح من الجانبين هجمة هنا وأخرى هناك مع أفضلية للهلال الذي تحرك خط وسطه بإيجابية خاصة هيثم مصطفى والصادق تبري, ويقود هيثم هجمة من الجهة اليمنى للملعب يلعبها عكسية جميلة لمعتز كبير الذي قابلها برأسه في الزاوية البعيدة ينقض عليها عمار مكي منقذا فريقه من هدف أكيد, ويرد المريخ بهجمة عن طريق فاروق جبرة يمررها للعجب الذي لعبها بيمناه يبعدها كاشان بصعوبة , وليجري بعدها المريخ تبديلا بخروج ابراهومة المنهك ودخول خالد أحمد المصطفى وفي المقابل أجرى الهلال تبديلا قضى بخروج ادوارد ودخول حمد كمال وتبديلا أخر بخروج احمد سعد ودخول أنور الشعلة.

سيطرة هلالية في الجزء الأخير للمباراة:

وفي الجزء الأخير للمباراة نشط الهلال وشن العديد من الهجمات الخطرة وكان أخطرها كرة بدر الدين الذي تخطى بها أكثر من لاعب وسددها قوية بيمناه تمر قرب القائم الأيسر ويضيع هدف للهلال, وفي الزمن المحتسب بدل الضائع يقود معتز كبير هجمة ويتخطى اكثر من لاعب يمررها لهيثم الذي لعبها خادعة تمر قرب القائم ويضيع هدف آخر للهلال ليعلن بعدها الحكم عن نهاية المباراة بتعادل الفريقين بدون أهداف.

تشكيلة الهلال:

كاشان, ريتشارد, صالح سنار (بسطاوي), جرنان, مجاهد, ادوارد (حمد كمال), الصادق تبري, بدر الدين, هيثم مصطفى, أحمد سعد (الشعلة), معتز كبير

تشكيلة المريخ:

عمار مكي, معتز الدقي, الضو, بكري مكين, ميرغني كنيد, جندي نميري, فاروق جبرة, ابراهومة (خالد أحمد المصطفى), فيصل العجب, هيثم الرشيد, أحمد السيد (خضر عبد الرحمن)

دخل خرافي للمباراة:

حققت المباراة دخلا خرافيا بلغ 123 مليون جنيه

دا الشغل دا الشغل اي اي دا الشغل برافوا عليكم يااولاد المريخ ياعسل لكن الحظ عاندكم وانتو يالهلالاب يا رشاشات ما عندكم اي حاجة غير هيثم مصطفى ود التقانة وبس كاشان اتقول صابة فيهو مطرة راجوفا اخير منو احمد هوبا بتاع قلب الهوبا بدون سبب والدفاع كلو راجوفا ودسنار وتاني في واحد كده والله دا حقو يودوه يعملوا ليهو عمرة دا بقع بدون سبب والنص منو العوض وعليهو العوض غير جلدوا ما عندم هجومكم كتاحة ما عنده اي حاجة يفرفرو كده بس قال احمد سعد قال ياخي احسن ليهو يكون في قضروف سعد بدل الجهجهة الماقادر عليها من الشياطين الحمر ديل المريخ ما فيهو كلام من عموري لي هيثم الرشيد
والبقية تاتي