Post: #1
Title: انقلاب جديد في سودان
Author: منوت
Date: 05-12-2002, 09:41 AM
بي راح بي راحه يا أخوان بتاع أنحنا (كيزان) ، ما تخافو ، دي انقلاب نتمنى أن يحدث ، ومش فعلا حدث ...
موسيقى مارشات (ليمونيه) : بكتب ليك رساه طويله يا أمي .
فنان : موصلي
بيان رقم واحد : باسم كل زهيرات ليمون في بلاد بتاعنا دي ، قد قام كل أنواع ليمون بانقلاب دي ، لمصلحه بتاع شعب و باسم هذا شعب العظيم (شارب الليمون) ، و ثوره بتاعكم دي اسمو (ثورة الإنقاذ الليموني )
مجلس ثوره بيتكون من :
فريق أول (ليمون) بكري (وبس)، وتشكيل وزاري بيكون كالآتي :
ود عزه : نائب أول و وزير إبداع ليموني
بناديها : وزير (إعتذارات) و تسامح
ديامي : وزير شئون لغويه بتاع لغة ليمون
غزال : وزيره بتاع شئون ليمونات
منوت : وزير بتاع ليمون بول و رياضه ليمونيه
دافي : وزير بتاع (عكننه) داخليه
إيمو : وزير تخطيط ليموني و حمضيات
عزيز : وزير علاقات ليمونيه خارجيه
موصلي : وزير ثقافه و فنون ليمونيه
نوبا : وزير شئون قبليات ليمونيه
ياسيكو : وزير عدل و نائب عام زهيرات ليمون
وليد : وزير ليمون بيشرب في (كوز) و بدون سكر
تغريد : وزيره بتاع سلام داخلي و وزيره رئاسة مجلس الليمون
سونا : وزير شئون اجتماعيه
___________
صدر تحت توقيع .. منقو قل لا ...
|
Post: #2
Title: Re: انقلاب جديد في سودان
Author: Wad Aljaili
Date: 05-12-2002, 09:45 AM
Parent: #1
يا جماعة ما تشوف لينا طريق في الحكومة دي
عاوزين نعيش
اصلو العايشين ناس الحكومة
مع احترامي لكي ما ورد اسمائهم اعلاه
|
Post: #3
Title: Re: انقلاب جديد في سودان
Author: cola
Date: 05-12-2002, 09:48 AM
Parent: #2
يا منوت طبقه بتاع ناس تحت ما بدخل حكومه بتاع ليمون بتاعكم ده
|
Post: #4
Title: Re: انقلاب جديد في سودان
Author: cola
Date: 05-12-2002, 09:48 AM
Parent: #2
يا منوت طبقه بتاع ناس تحت ما بدخل حكومه بتاع ليمون بتاعكم ده
|
Post: #7
Title: Re: انقلاب جديد في سودان
Author: رومانسي
Date: 05-12-2002, 09:51 AM
Parent: #4
منوت رومانسي ما ينفع وزير بتاع حب؟
انت ما بسوي انا وزير حب انا بسوي معارضة طوالي
|
Post: #5
Title: Re: انقلاب جديد في سودان
Author: DEEK_ALJIN
Date: 05-12-2002, 09:49 AM
Parent: #1
والله يا منوت ياخوى دى حتكون اروع حكومه فيها كل الوان الطيف
لكن يا عزيزى منوت تعودنا على الخلاف والاختلاف فى حكوماتنا وسياساتنا واعتقد برضو لو كانت دى حكومتنا الجايه وهم الان اجمل مايكون داخل البورد اكيد حيختلفوا حين الوصول لكراسى الحكم..
ومابعيد ود عزه يقوم بانقلاب ويحيل اخونا بكرى للاقامه الجبريه
هههااااااااايكه يا زول يا زاتو
زلكم منا مع الود احترام
|
Post: #6
Title: Re: انقلاب جديد في سودان
Author: DEEK_ALJIN
Date: 05-12-2002, 09:49 AM
Parent: #1
مكرر
|
Post: #8
Title: معليش يا عوض
Author: منوت
Date: 05-12-2002, 09:54 AM
Parent: #1
لأنكم جديد في عالم ليمون دي ، ولأنكم بيركب (موجه) بتاع ليمون بعد انقلاب ، فأنا بيكلم (ود عزه) عشان بيشوف ليكم وزاره بتاع (مالية الليمون) إمكن إنتكم بيكون أرحم من عبد الرحيم بتاع (ليمون ) بيشرب في كوز . حكومه بتاعنا دي كل ناساتو بيشرب ليمون من يد بتاع أمنا (عزه) و في (قرعه) ملون بي شمال و جنوب و أنقسنا و مروي و كاب جداد و كوستي و وددكونه و دنقلا و حلايب و كسلا و .. و... و... و منقو قل لا عاش من يفصلنا .. دي شعار و شرط بتاع ثورة إنقاذ ليمون . فهل إنتكم بيوافق على شروط دي ؟
|
Post: #9
Title: Re: انقلاب جديد في سودان
Author: BousH
Date: 05-12-2002, 09:59 AM
Parent: #1
يا جماعة انا عايز وزير زراعة عشان احش الليمون وامنع زراعتو 
|
Post: #10
Title: معليش يا جماعه
Author: منوت
Date: 05-12-2002, 10:12 AM
Parent: #1
لأنو انقلاب دي حصل فجأه كدي و بلا مقدمات ، نحن بيكون حكومة ليمون دي عشان بيضمن استقرار بتاع أوضاع ، و ممكن بيكون تغيرات بعد دقيقتين أو يومين أو سنتين أو قرنين ، فما تخافو كل زهيرات بتاع ليمون بياخد حقو في وزاره ، عشان كل زول في سودان (ليمون) بياخد معاش بتاع وزير (سابق في ليمون) ، و عشان ناسات بيساند و بيبارك خطوات ثوره دي ، أنا بيحول قرشو و كولا و رومانسي و ديك الجن لي (ود عزه9 عشان بيشوف ليهم وزارات بلا أعباء .. أما بوش ، فلازم يقوم بي (تفجيرات) في برجين توأمين بتاع ليمون ، عشان يكون من حقو ضرب (أفغانستان ) ليون فقراء و كمان لازم بيكون في نظام (ليموني) جديد .. و بالمناسبه ، نحن بيفتش عن مدير لي (أيف بي آي ) و (سي ىي ايه ) بتاع ليمون ...
____
ومنقو قل لا عاش من يقتل حلمنا
|
Post: #11
Title: و نحن كمان بيضيف زول جديد
Author: منوت
Date: 05-13-2002, 09:49 AM
Parent: #1
لأنو أخوك بتاع أنتم (منوت) همن وزير بتاع رياضات (ليمون) ، مهمه بتاع وزاره دي بيشمل رياضات ليمون ، ورياضه جماهيريه ، و رياضه عقليه ، و رياضه بتاع حقوق إنسان . عشان كده أنا بيعين (صادق مهدي) وزير دوله لحقوق ليمون إنسانيه .. و بلاش حقوق إنسان في أمم متحده ..
|
Post: #12
Title: Re: و نحن كمان بيضيف زول جديد
Author: bitalneel
Date: 05-13-2002, 09:58 AM
Parent: #11
وانا معاك قلبا وقالبا يامنوت في حكومة بتاع ليمون ده.. وكان ماما بتاع انا كل مرة بيقول أنو ليمون بتاع توتي هو ليمون احسن من كده مافي.. رأي بتاع انت شنو لو نقوم نأخد ليمون بتاع توتي عشان نعمل ليمون لعموم اهل السودان.. وناخد كمان جرجير معاهو
|
Post: #13
Title: Re: انقلاب جديد في سودان
Author: al_msaa
Date: 05-13-2002, 10:01 AM
Parent: #1
منوت انت وطن دى مافى كلام بتاع انتخاب ... كلوا انقلاب انقلاب
خلاص تعالو سوا نسوى اتحاد اخوان اخوان بين شمال وجنوب وخلاص مافى شمال مافى جنوب كلو وطن بتاعنا سوا سوا ،،، بعدين يكون انتخاب مافى دشمان .. ولا شنو ؟
|
Post: #14
Title: وزير الليمون للدفاع
Author: Rastafarian
Date: 05-13-2002, 10:04 AM
Parent: #1
كلام زي الزهيرات الليمون
عندي ليك إقتراح يا منوت رايك شنو نحتل لينا كم دولة من جيرانا عشان نعملا إمبراطوية ليمونية . . والشباب يلقو ليهم مناصب . . وعشان أنا صاحب فكرة الغزو حأبقى وزير الليمون للدفاع . . كدا كيف معاك
|
Post: #15
Title: Re: انقلاب جديد في سودان
Author: alwardah
Date: 05-13-2002, 11:18 AM
Parent: #1
منوت
الورده من اسى مع رمانسى معارضه طوالى لانك ما عملته لينا فى الحكومه وزير نساتين عشان يراعى الورد ولا رايك شنو
|
Post: #16
Title: Re: انقلاب جديد في سودان
Author: wadazza
Date: 05-13-2002, 11:38 AM
Parent: #15
كب ليمون شلالات لى منوت...انقلاب ليمون جميل ...وشجرة الليمون تعرف أصدقاء عبيرها بالاسم والصوت والبصمة..حكومة ليمون ده بتاع كل سودان وللبنت البنقول عليه..
بت سودان موحد ما بت عز قبايل...حكومة بتاع ليمون هو قيادة جماعية تتقدم مكان الفرد...حرية ما عندها سقف ما عندها جدران عندها فضاءات واسعة..وديمقراطية تحيا تحيا وكم نحميك يامستقبلا..ما فى فوارق بين الناس متعددين ومتفقين..حكومة تسمع أغانى الشعب وتحقق أمانى الناس ما بتكتلر كلام فى اذاعة تكتر عمل وشغل وتخلى الانجازات تتكلم مش بتتكلم نيابة عن انجازات فى رحم الغيب
حكومة تلقط الأحلام من نوم النايمين ومن عيون الأطفال..وتعمل ليها اب لود فى الاستراتيجيات وتحولا لى واقع جميل..
حكومة ليمون مافى سجن ..مكان السجن مستشفى..
مافى طلقة مكان الطلقة عصفورة
وحنبنيهو وطن الليمون ..ووطن الليمون نحن هنا..
تحياتى
ودعزة
|
Post: #17
Title: Re: انقلاب جديد في سودان
Author: عزيز
Date: 05-13-2002, 12:25 PM
Parent: #16
الحبيب منوت لك التحية والود ودعنى اقدم لك عصير ليمون بتاع ودعزه طاعم ده عشان هو حلو كتير ونقدمه ليك فى كباية بتاع قزاز وتلج بعوم من فوق بااااارد .. فى تشكيل بتاع حكومه بتاع ليمون لازم فى تقسيم بتاع سلطة من كل اولاد بتاع سودان لازم بيكون فى عدل ولازم منوت دى بكون وزير بتاع وزارة سيادة وكمان الاخ نوبة لازم فى وزارة كبير بتاعوا وكمان خيرات كتير بتاع سودان وتنمية لازم فى كل سودان مش خرطوم بس عشان كلو يتعلم ويتعالج ويكون وطن واحد شعب واحد مافى شمال مافى جنوب مافى غرب مافى شرق كله سودان بتاع امنا عزه ام بتاع ودعزه
|
Post: #18
Title: حتي انتا يا منوت
Author: willeim andrea
Date: 05-13-2002, 12:49 PM
Parent: #1
كده برضوه يا سي منوت يعني وزعتها لاصحابك ليه كده وانته شايف وليم وما تديهو وزارة الرياضه والموسقيي والا رايك شنوووووو
|
Post: #19
Title: Re: انقلاب جديد في سودان
Author: HAMZA SULIMAN
Date: 05-13-2002, 01:08 PM
Parent: #1
الاخ منوت
الليمون سقايتو على
اى حفله بتاع حكومه ليمون منى مجانى بس كتر من الليمون
حمزة
|
Post: #20
Title: Re: انقلاب جديد في سودان
Author: gazalalmasalma
Date: 05-13-2002, 04:01 PM
Parent: #19
منوت ..انقلاب مبروك والليمونة الجوة قلبى مشتولة، حكومة ليمون مرة واحده كده وانا كمان عندى منصب وزارى فيهايلا وين امتيازات وين كشك بوليس قدام بيت
وزارة شئون ليمونات بس طيب وين مشت وزارات سيادية..حقائب كبيرة وين تجارة وتموين..
الليمون يجرى فى العروق ويتمازج مع عرق الكفاح ..الليمون سماحة سودان واحد
تحياتى
غزال
|
Post: #21
Title: Re: انقلاب جديد في سودان
Author: Elmosley
Date: 05-13-2002, 04:10 PM
Parent: #1
I like your government ya Manoat Didn’t you Forget Khidir.
|
Post: #22
Title: تشكرات (ليمونيه) من يد بتاع أمنا عزه
Author: منوت
Date: 05-13-2002, 09:12 PM
Parent: #1
و كيف ليمون (رزين) لسيس بتاع توتي دي يا بت بتاع نيل ؟
بالمناسبه (توتي) دي بيعني (جزيره) بي لغه بتاع دينكا (أبيلانق) في شمال أعالي نيل .
إنتخابات يا (مساء) ما بيكون إلا لمن (يصبح الصبح و لا سجان و لا ... ) ليمون بيشرزه في كوز
يا راستا ، يا ليمون بتاع بوب و جامايكا و حبش ، اقتراح بتاع انتكم دي ممكن جدا , و اول دوله لازم نغزيها همن (اثيوبيا) عشان كل راستات ليمون بيساعد انحنا .
يا ورده ، رومانسي بيكون مستشار بتاع (بكري) لي شؤون زهرات و وردات ليمون ، و انتكم كمان بيكون مساعد بتاعو ، شنو رأي انتكم ؟
لكن يا ولد بتاع أمنا (طوريتك وين ؟ ) , وطن (حدادي مدادي ) زي دي لازم يكون كل طوريه بتاع ليمون م (قي طين مرميه) و كوريه (لازم ) نملاهو بي عصير ليمون من يد بتاع أمنا عزه .
إنتكم دايما (رزين) يا أبو (ليمون توتي) .. كويس أنا بكلم ود عزه غشان يشوف وزاره جديد لي (نوبا) أما منوت فكفايه إنو همن بيكون (أرضي) بتاع ليمون ، مش (ترابي) أو حاجه زي كده .
يا وليم ( الله يحم إنتكم ) شنو راي بتاع انتكم في وزاره بتاع شؤون شرق ليمون و غرب باباي و جنوب نخله و شمال ليمون ؟
و يا حمزه ، يا رقيق زي (مويه ليمون) .. عقد جلاد دي لازم بيكون وزاره جديد في حكومة انقاذ ليمون ، و انتكم بيغني (بس) عشان ليمونات بتاع سودان ( بي يفرهد ) ، و وزير بتاع وزاره دي بيكون ولد بتاع (شرحبيل) أو بت بتاع منصوري ، حوه ، أو ماجوري ألينانا ..
يا غزال ، انتكم ممكن بينظر هسع من شباك بتاع بيتكم عشان بيشوف (كشك ليمون) لي حراسه بتاعكم .. و أخيرا يا فنان ثوره بتاع ليمون ، بكتب ليك رساله طويله بي (ليموني) ..
خضر بيجي في زمن أخضر لما ليمون بيفرهد ... و انتكم بيعف كم من ليمونات بيفتح بعد ليل طويل ..
و ______________
منقو قل لا عاش من يحرمنا أحلام ليموننا
|
Post: #23
Title: Re: تشكرات (ليمونيه) من يد بتاع أمنا عزه
Author: alsara
Date: 05-13-2002, 09:52 PM
Parent: #22
منوت
صباحاتك ليمون بالنعناع
و نحن نساء الجمهورية الليمونية المتحدة
نبصم بالعشرة على الميثاق
و ما دام ضميرنا الفينا حي
مادام عريق العشق حي
بنصلك يا مدن الليمون
|
Post: #24
Title: Re: انقلاب جديد في سودان
Author: PLAYER
Date: 05-14-2002, 00:19 AM
Parent: #1
manot
salam ya ako betana
mafi shagol le anena fi hakoma betakom da
ana hrami koees (modeer beta bank almarkazi)
6 shohor na kalee lek nadeef
rabana uadel goa
akok betak
player
|
Post: #25
Title: سلامات يا ساره و بلير
Author: منوت
Date: 05-15-2002, 08:13 AM
Parent: #1
يا ساره (اسم ليموني) بتاع زوجة أبو أنبياء (إبراهيم) ، صباحات أنتكم ليمون و أريج برتكان و عطر كل زهيرات حمضيات ... و أكيد بنت بتاع منوت (في مستقبل) أنا بسميهو ساره .. و نخترع (حب ليموني) في بلد (قرفانه) و بتنتظر ... منوت بن ليمون ود عزه
و إنتكم يا (بلير) مافي داعي تسرق ليمونات في (ليل) لأنو ليمون دي بتاع ناس غلابه و ربنا موجود .. إنتكم ممكن تكون (ريال بلير) بتاع أغنيات ثورة ليمون . شنو راي بتاع إنتكم ؟
_______ و منقو قل لا عاش من يفصلنا عن أحلامنا
|
|