Post: #1
Title: زمن البيبى فوق......فوق .....فوق.... البيبى فوق
Author: HAMZA SULIMAN
Date: 05-11-2002, 07:17 PM
فى وسط الرصانه اللغويه واللحنيه التى قدسها الكثير من الاساتذه الفنانين
كانت تسير مع هذه الرصانه ما يليق بها من تعبير من مشاعر تجاه الاغنيه
فنجد العرضه فى ايقاع السيره ورقصه الشبال (الرقبه) والتمتم والليله هوى
يا ليله 0
ولكن نجد فى التجارب الجديده من المغنيين المعاصرين فى تناولهم لبعض
الاغنيات وتسريع اياقعها بحجه المواكبه تقابل من المتلقى الذى صاغه
المعاصرين من المغنيين الان بتعبير اخر وهذه التعابير لا صله لهابالمشاعر
فاصبحت ردود الافعال هستيريه 0
اذا كانت هذه البيبى فوق لها علاقه مضمونا لما كان الامر حارقا لكن هناك
تفكير لاظهار الجسد من ناحيه الايقاع, سؤال هل رد فعل الاغنيه اصبح يخاطب
الجسد اكثر من العقل والعاطفه؟ اعتقد ان هناك هناك عاطفه وعقل تساوى
الروح لكن ان تنفعل العاطفه والعقل وتساوى الجسد فهذا امر جديد.
وعموما البيبى فوق كرقصه يسقط فيها المؤدى مابى روحه شى مريح , لكن يجب ان
يرحم الزمن الخاطر حتى لا يكون سبب فى انحراف معايير ردود الافعال الروحيه
فهل يمكن ان نعتبر هذه الجبجب ....والكبكب ....و فوق فوق خلاصه اسقاطات
القرن الفات ؟
|
Post: #2
Title: Re: زمن البيبى فوق......فوق .....فوق.... البيبى فوق
Author: Elmosley
Date: 05-12-2002, 02:14 PM
Parent: #1
عزيزي حمزه
دائما في زمان الانهيار الاقتصادي الذي يتلوه انهيارا اجتماعيا يظهر سقط
القول والكلام وما اغنية
احمد عدويه
السح الدح امبو الود طالع لابوه ادو الود لابوه
الا نتاج لنكسة سبعه وستين وقس علي ذلك
|
Post: #3
Title: Re: زمن البيبى فوق......فوق .....فوق.... البيبى فوق
Author: DEEK_ALJIN
Date: 05-12-2002, 03:23 PM
Parent: #2
اخوانا حمزه وموصلى... تحياتى
طبعا الواحد لما يلقى بوست كاتبو حمزه ولا موصلى بيقراهو براحه وبيتخارج يعنى بصراحه كده الواحد بيخاف عديل يرد على البوست .. الموصلى وحمزه سليمان مره واحده .. وانت منو يا ديك الجن عشان ترد على الفطاحله ديل .. غايتو احسن شئ تقرا البوست وتشتت .. وتدعوا ليهم ربنا يديهم لينا العافيه ويديهم بقدر ما ادونا من طرب وفرح سعاده ..وتحمد الله انو فى يوم من الايام جمعك بيهم ولو من خلال النت ..0 فلكم التحيه والاجلال احبيتى
ونحن فى انتظار المزيد
ديك الجن
|
Post: #6
Title: Re: زمن البيبى فوق......فوق .....فوق.... البيبى فوق
Author: Elmosley
Date: 05-13-2002, 03:29 PM
Parent: #3
عزيزي ديك الجن
انت الحير والبركه ورايك بالنسبه لينا غايه في الاهميه
مع حبي
|
Post: #4
Title: Re: زمن البيبى فوق......فوق .....فوق.... البيبى فوق
Author: HAMZA SULIMAN
Date: 05-13-2002, 11:08 AM
Parent: #1
الاستاذ الموصلى
والله يا استاذ ما تتخيل التعبير لى اغنيات خالده اتبشتن كيف
يعنى الفنان بغنى اه الاهيف العجاح ما يديك الدرب والجبجبه تحصل وفوق
فوق وجسد جسسسسسسسسسسسسسسسسد يلعب الحردفى
واتفق معك فى كلامك
حمزة
|
Post: #5
Title: Re: زمن البيبى فوق......فوق .....فوق.... البيبى فوق
Author: Elmosley
Date: 05-13-2002, 03:09 PM
Parent: #4
الفنان الراقي حمزه
اتذكر المثاقفه العنيفة بيني والمرحوم جمعه جابر حول اهلية بيت العرس
للاغنيه الراقيه في ظل وجود مختلف الامزجه الناس عايزه تفرح وترقص
بصرف النظر عن اي شئ اخر والرقص عندنا اصبح مربوط بسرعة
الايقاع ليه ما عارف مع انو حتي الراب ايقاعه المعزوف ليس سريعا
ولكن السرعه موجوده في الايقاع الداخلي للكلمه واللحن
يديك العافيه
|
|