معا احترامى لى الشايقية

كل يوم بتزيد مرارتنا وكل يوم بنعرف الخبث والعنصرية لسه جوانا وكل يوم


بنتكتشف الجديد والجديد ولسه حنشوف وحنشوف ماهو اكتر ولسه الشعب حيموت تحت سندان الجبهة

العنصرية النازية الارهابية الشمولية الديكتاتورية

اول الواحد لايعرف من اين يبدا من مرارة مايحدث فى بلدنا الحبيب السودان وكل يوم بتزيد المواجع والجراح المؤلمه


وخير الكلام ماقل ودل جائنى اخى الى مكان اقامتى هنا من السودان وحكى لى موقف
حصل له قبل سفره بى ايام وكان كلامه بمرارة واسى بالغ فستهل حديثه

قبل اسبوع من الان بالتحديد قدم الى احدى الوظائف الحكومية وتحدد له موعد لمعاينة

وهو انسان متمكن جدا فى المجال الذى تقدم اليه من شهادات جامعية ومافوقها

فاول سؤال كان هل انتا شايقى فقال لا واستمر عنصر الجبهة الفاشية النازية فى توجيه الاسئلة اليه

بعيدا عن المجال وعن الموضوع الذى يخصه المهم فى النهاية خرج وقابله صديقه كان معه فى نفس يوم المقابلة وهو مقدم برضه

وصديقه كان شايقى تم قبوله فقال له هل تم سؤالك عن قبيلتك التى تنتمى اليه فقال لهو نعم ؟ فماذا قال لك؟ بعد ان عرف انى شايقى

اتكيف جدا وسالنى عن بعض الاسماء من المنطقة التى ينتمى اليها وعن خشم الباب الكبير الذى ينتمى اليه ولم يطرق اليه اى سؤال عن مجاله او تخصصه

فقال لقريبى هذا انتا عوير ماكنتا تقول انك شايقى كان امورك سلكت تمام التمام

فنتهى الموضوع على ذلك ومشى وهو يحمل جميع الالم من الاسى والحزن ليس من ناحية انه تم رفضه ولكن من العنصرية وعن السؤال عن الاصل الذى ينتمى اليه

وهو كمان الغريبة ودعم الشوايقة لى الناس البعرفوا اولادالاعمام ولكن المهم ليس الشوايقية وماتبعم من الاعراق ولكن المهم هنا

مادخل الاصل بالتوظيف يعنى لو ماكنتا شايقى امشى الشارع وله على عثمان عاوز الشايقيه

يورثه المصالح الحكومية لعشيرته والباقية يحرقوا الواحد فى بلدو يسال عن اصله العرقى حتى يتم تعينه واذا كنتا مخالف لشريعة الكوزيه قصدى الكوزنية
لعرق معناته انتا غير اهل لذلك

والله الواحد بتحسر على ان الواحد فى بلده يسمع الحاجات دى فى بلدك وهذا يؤكد ماينشر عن اختطاف النساء والابادة الجماعية والتطهير العرقى لجبال النوبةوما شابه من اضطهاد
ويؤكد
وكل ماينشر حول ملف حقوق الانسان والموضوع الذى طرحته ليس بصدد عنصرى لىالشايقيه او غير ذلك ولكن

لى عدم المساواة بين جميع ابناء الوطن سواء جنوبى او شمالى او شرقى او غربى

وياريت ياعلى عثمان ياطه شوية الصعليق الميهم لينا كيمان كيمان ديل تلمهم وتعلمهم ان السودان مابتاع الشوايقه

وياريت ناسك الرحلتهم من البلد ديل ولقه الراحه والاكل البراحه برضه ادوا فرصه

لباقى البورتارية دى تعيش معاكم وتعيش زيها وزى الناس يااكلين لحوم الشعب

بـــــــــــوب

يا بوب
لك التحية ولصديقك الظريف
ياخي انت كان كدا انت وصديقك دا طولتو من السودان
لفظ شايقي يقصد به عند الجماعة كوز يا حبيب
ويستعمله ناس الامن
فاذا اراد سوالك عن انك تنتمي لجهة تنظيمية او
مصلحة حكومية لها علاقة بالكيزان فيقول لك انت شايقي
وكان ظريف زي زولك دا بواصلو معاك
في طريق القبيلة
يعني جاي جاي عنصرية بس
ما جهوية
عنصرية حزبية
عشانك ياقرشو

لكن يا رومانسى بالغت عديل والله
اذا لازم نرجع البوست بتاعت لغةالشماشة ثانى عشان نعرف جنس الكلام ده
امكن نمشى فى المطار يدقسونا زى اخو صاحبنا ده والواحد يطلع منالمولد بدون سمسمية..

لكن معقول المسالة بقت مكشوفة للدرجة دى
جابت ليها الغاز كمان وامور ثانية؟؟

الله يرحم زمن لجنةالاختيار
والله كانوا يعصروك لما يطلعوا منك الزيت
والعصر للكل
الا اولاد المصارين البيض والعندهم واسطات
هاااااى يكة

الغالى رومانسى لك التحية

انا امكن طولته شويه من السودان لكن قريبى ده جاى جديد من السودان كما قلت

وهو كان كوز الغريبه معقوله مابعرف لمن اقوله ليك شايقى معناته شنو

وتانى حاجه صديقه الشايقى ده صديق حميم اليه من الصغر يعنى مامعرفت امبارح وله الليله

وهو ماكوز ولا عنده قضية معاهم وامكن بس الجات معاهو فى جرح والله من وراء القصد

لكن انتا نفسك مالحظته ظاهرة سيطرة الشوايقه على جميع المصالح

ولك التحايا

علي كلامك دا يا بوب لما ننزل السودان نتشلخ لي وراء
لووووووووووووووووووووووول

الاخ الغالى قرشو لك التحية

والله قاموس لغة الشماسة ده بقى الكيزان بعملوهوا اوراد تسبيح وكده كدى نشوف لينا اخوانا كوز اورينا

الاوراد بتاعتم دى عسى نستفيد منها تنور لينا الطريق بالليل

ولك خالص الود

بـــــــوب

رومانسى لازم تشلخ وتحفظ الاوراد صم واوعه تغشه زى زولى ده ههههههه يكه

وانا لمن بتذكر انه هو كوز قاعد اشغاله طوالى بقول ليهو ربنا هداك مالك مالقيت عربية

وله ادوك موتر ماعجبك وطبعا هو ندمان شديد انه هو انضمه فى يوم من الايام لشرزمة الجبهة

لكن بقول ليهو ربنا بغفر الذنوب بس كتر من الاستغفار

ويارومانسى ماتنسى تشلخ

أخ بوب والجميع سلام
موضوع المحاباه في الوظائف الحكومية موضوع قديم لكنه ظهر أكثر وضوحآ في هذا العهد، هذا لايعني عدم وجوده في فترات الديموقراطية ، فإذا كان الوزير أو وكيل الوزارة مثلآ من الشمال أو الغرب أو الجنوب أو الشرق تجد الوزارة تعج من نفس الجنس حتي العمال، هذا علي أساس العرق أما علي أساس الخلفيةالسياسية فهذه تكون أكثر وضوحآ أيام الدكتاتورية كما هو حادث الآن، فكل الوظائف الحكومية والمؤسسات وخلافه لا يمكن الحصول عليها إلا إذا كنت من الجبهة الإسلامية، لا بل والأدهي من ذلك عدم الإستحاء من الطلب كتابة لطالب الوظيفة أن يحدد 3 من الذين يمكن الرجوع للسؤال عنه وهذه يقصد منها من واسطتك؟
لكن هذه التصرفات لاتأتي إلا من شخص ضعيف ومريض وظالم ولاضمير له، وهو لا يدري أنه يحطم قيمآ في هذا الشاب المقبل علي الحياة العملية فيفاجأ بمثل هذا الظلم
لكن صدقني هناك من يتق الله ويخشي تأنيب الضمير،
أخي أنت لا تعرفني ولا داعي أن أكذب عليك، ولذلك أقول لك إنني كنت مسئولآ عن إختيار كثيرين في العمل العام ثم إنتدابهم في منظمة أجنبية وفيها الكثير من المخصصات وأشهد الله إني لم أحكم إلا ضميري في ذلك مما جر علي الكثير من المشاكل مع هؤلاء المجرمين مع إني كنت لا أترد في إختيار أحد الكيزان إذا كان مؤهلآ للعمل، لكنهم أنانيون يريدون كل شئ لأنفسهم
المثال العنصري الذي ذكرته أنت نادر وأميل لتفسير الأخ رومانسي بأنه يقصد من سؤاله إنت شايقي يعني إنت كوز ورغم إني ما شايقي لكن هذا المثال لاينطبق علي الشوايقه ودعنا نعطي مثلآ عن وظيفه قيادية في الدوه تقدم لها شخصان أحدهم شايقي ماكوز والآخ كوز من مكان ما من السودان فمن منهم سيختاره علي عثمان لهذا المنصب؟ جاوب براك
يا أخي لو كان الشوايقه كاهم كده ماذا تقول عن سيد أحمد الحسين مثلآ وهو يوزع مساعدته لكا أبناء الوطن ـ رغم إني ما من حزبه ـ و لاأنسي مساعدته لأحد الشباب المطلوبين بشده من النظام علي الهروب لمصر بمجرد أن طلبنا منه ذلك رغم أنه لا يعرفنا ولم أقابله حتي بعد أن قدم لنا مساعدته

FIRST I WOULD LIKE TO THANK NUBA FOR HIS LOGIC DEFENCE

DEAR BOB
I DO REGRET WHAT HAPPENED TO YOUR FRIEND DESPITE I FELL THAT THERE ARE SOME MISSING LINKS.I AM A SHAYGI AND I WANT TO ASSURE YOU THAT NO REAL SHAYGIST SUPPORT WHAT IS HAPPENING IN OUR BELOVED COUNTRY.MOST OF SHAYGIYAH ARE THE FIRST ONE WHO EXPOSED TO THE FIRE OF THIS ISLAMIC FRONT MEMBERS WHO BELIEVE IN SPOILSSYSTEM THEORY AND ALL OF THEM ARE SPOILSMEN.

I COULD SAY THAT MOST OF SHAYGIYA,IF NOT ALL,RENOUNCE GABHA PEOPLE EXCEPT THOSE OF NO PRINCIPLES AND UPROOTED PERSONS WHO BELIEVE ONLY IN THEIR OWN PERSONAL INTEREST.
I TELL YOU THAT, DESPITE I AM A SHAYGI , HAVE TWO UNIVERSITITIES CERTIFICATES AND MASTER DEGREE, I DIDN`T FIND A FOOTFOLD IN ANY GOVERNMENT JOB, THAT IS BECAUSE I WAS NOT FROM GABHA.
ONE DAY IN AN INTERVIEW OF LOCAL GOVERNMENT JOBS,I WAS ASKED ONLY ONE QUESTION FROM THE HEAD OF THE COMMITTEE (I REPEAT ONLY ONE QUESTION NO MORE),THAT QUESTION WAS ,HOW IS YOUR RELIGIN?,I SAID ALHAMDULLILAH,THEN HE ASKED TO READ ALGUNOOT.

(SEE NOW, AFTER 24 YEARS OF HARD STUDY SOME ONE ASKES YOU TO READ ALGUNOOT. IT IS A QUESTION FOR A PUPIL IN YEAR FIRST IN ELEMENTARY SCHOOL,IS THERE ANY PROVOCATION MORE THAN THIS ?)
AFTER I READ IT, I THOUGHT THAT I WILL BE APPOINTED AS THE INSPECTOR OF LOCAL GOVERNMENTS BUT THE RESULT WAS FAIL .
THE GABHAGYAH PRACTICES ARE SO CLEAR AND SELFEVIDENT, THEY NEED TO MIX ALL PAPERS AND CREATE SPIRIT OF HATRED AMONG THE PEOPLE TO FIND A CHANCE TO AVOID THE PUNISHMENT.
PLEASE, BE WISE ENOUGH AND REMEBER THAT NOTHING REMAINS TO BE GIVEN TO SHAYGIYAH FROM THE DOOR OF FAVOURISM OR RACISIM, IN GENERAL, BECAUSE ALL OUR COUNTRY WEALTH WAS ALREADY REGISTERED UNDER THE NAMES OF ISLAMIC FRONT MEMBERS AND WHEN THE RESOURCES OF WEALTH BECAME FEW THEY STARTED TO SCUFFLE AND QUARRELL EACH OTHER(THE EVIDENCE IS TURABI NOW IN THE PRISON)
I WISH YOU AND YOUR FRIEND GOOD LUCK IN OTHER PART OF WORLD TILL THESE DOGS DAY COMES

بعيدا عن العنصرية والجهويات كلنا أبناء وطن واحد
ولكن دعونى أقول بأن منطقة الشايقية تحديدا مهمشة تهميشا واضحا فى كل العهود وخاصة فى هذا العهد الأكثر ظلما وظلاما والما مصدق كلامى ده خليه يمشى يشوف الحال هناك وبعدين يرجع ويقول لى إنت كذاب ..

على عثمان هو من قبيلة الشايقية كما إنه من السودان وليس للسودان والشايقية يد فى ذلك ، لو كان الحال كما ذكر ماكنا طوردنا وتشردنا بعيدا عن أهلنا وبلدنا وحملنا همومنا معنا فى مهجرنا وماكنا حملنا أقلامنا لفضح السلطة ، إن الحق حق ، والظلم ظلم لو تم فى أى بقعة من السودان ولأى شخص كان فهو ظلم يجب أن يحارب بلا هوادة ويجب أن تسود الروح القومية على الإقليميات الضيقة كما إن التجاوزات الشاذة من أفراد هنا أو هناك لا يجب أن تكون مدخلا لإصدار أى أحكام جائرة تضر كثيرا ولاتفيد .. هذا النظام إستهدف كل البلد بلا إستثناء وإن وجد أرزقية هنا أوهناك فذلك من أدبيات هذا النظام التى يقوم عليها

فتناكم بى عافية... مارد

بوب والشباب سلامات

والله يابوب الموضوع جد يحير بس انت زعلان كده ليه ؟ يعنى دى حاجه جديده
غايتو لو الموضوع بقى موضوع شوايقه وكده لازم تحفظ ليك كلمتين تلاته يابوب وانت نازل من نوع بدوبارشئ .. وقعوردباليل ..وكاععوس .. وبالتالى .. عشان تمشى لجنة الاختيار وانت خاتى بطيخه صيفى ..بس اوع بعد ماتطلع تجيك الورده كسع كسع .. لانو مافى ضل قريب وحتى الشدره المسكينه قالوا الجماعه قطعوها ..0


وان ماقدرت على ده ابوى ... رب لك دقين يابوب



ولك التحايا بلون البنفسج ورائحة غابريلا



ديك الجن

الاخ بوب

لك التحية

الحاصل أكتر من كده بكتير


ولسه ح تشوف

يا جماعه كلام بتاع سيطره بتاع قبيلة واحد أو إتنين ، دي كلام قديم في سودان بتاعنا دي .. كل حكومات بيجي لسحكم سودان ، ناس بيتهو بسيطره بتاع قبيله معين . شوف مهديه بعد موت إمام مهدي ، ناس بتاع (بحر) بيتهم عبد الله تعايشي بعنصريه لأهلو من غرب ، و نميري كمان بيقولو ناسات بتاع قبيلة دناقله همن مستفيدين ، و كمان جون قرنق بيتهم همن بينحاز لي قبيلة دينكا ، و حتى أحزاب بتاعنا مبني على قبلية .. مشكله كبير في نظام تربوي بتاع أنحنا ، لأنو مجتمع بتاع بلدنا بيقوم على قبيله أكتر من وطن ، و توجهات عنصريه دي بيظهر حتى في كلام بتاع أنحنا و نحنا ما بيشعر بيهولأنو انتساب لقبيله بقى من عناصر كامنه في أفعال ثقافيه بتاعنا ..
تعالوا كلنا بيخفف من تيار بتاع (قبليه) دى في مجتمع بتاعنا ، وأول شي نحن لازم بيراقب كلامنا و افعال بتاعنا كمثقفين وبعدين بيطلب من آخرين ما يعملو كده ، لازم نكون قدوه لأجال قادمه ...


______________
ومنفو قل لا عاش من يفصلنا

Wallhii u said the truth .go ahead the problems in Sudanese people themselves .

اخوتى الاعزاء

العزيز نوبا شكرا على فهمك الدقيق والتعبير السلس وتفهمك لامور بشكل صحيح

اخى العزيز ديك الجن والله زى ماقلته لازم احفظ لى كلمتين تلاته كده من الاوراد بتاعتم عشان ما ادقس زى صحبى ده ولك التحية

الاخ مارد لك التحية الطيبه ليس القصد من هذا البوست الهجوم على الشايقيه او خلاف ذلك وليس هناك قصد عنصرى

ولكن نحنا فى هذا البورد بنعرض المشاكل التى تحصل فى بلدنا لكى تحل وليس كى نعلن حرب على احد او قبيلة او غيره وكلنا نؤمن بالديمقراطية وهى اساس الحياة لمختلف الشعوب لكى تسود المساواة بين الجميع ولكى يعيش الجميع فى امن ورخاء بعيدا عن العنصرية والجهوية

ولكن هذه حقيقة اصبح الشوايقه فى السودان مسيطرين على جميع المصالح الحكومية ولو انا فى حديثى هذا ادنى شك اتاكد بنفسك وهذه حقيقه لاتخفى عن اعيينا وانتا قلت الشايقيه تشردوا وتهمشت مناطقهم

لكن تمت اعادة توطينهم الى داخل المدينة ولكن ليس قصدى كل الشايقية لان فيهم من ليس له دخل بالطريقه الكوزية قصدى الجبهة الديكتاتورية معا ان النظام الحاكم يحتوى على اعراق اخرى فيه لكن الاغلبية شوايقه وانتا اتاكد من المعلومه دىوقلت ان فيما سبق ان مناطق الشايقيه مهمشه نعم مهمشه ولكن ليس كباقى اجزاء السودان لو طيب لو شفته ناس جبال النوبه وناس كردفان جميعا والولايات الجنوبية والله تحمد الله انتا على النعمة الانتا فيها والسودان كله اتشرد وليس الشايقيه لو حدهم ولكن همنا الاول والاخير هو مصلحة السودان ولك كل الود والتقدير

الاخ بوش لك التحايا والله الشفناهو كتير وكتير ماعاوزين البعدنا برضه اشوف لمتين نحنا نشوف ولك ودى يابوش

العزيز الغالى منوت اشكرك كثيرا على الرد الجيد وتفهمك لموضوع

واشكر يا يسكو على المشاركة

وكما قلت ليس القصد عنصرية او تحيز او كره ولكن القصد من هذا البوست طرح مشكلة من مشاكلنا التى تستوجب الحلول الجذرية

ولكم ودى

بــــــــــــــوب

دكتور محمد عابد الجابري بيقول في كتاب بتاعو ( نقد العقل العربي ) ، إنو مكونات بتاع عقل عربي ثلاثه هي : القبيلة و الغنيمه و العقيده ،
ومنوت بيقول : مش عقل عربي و بس ، لكن برضو دي مكونات بتاع عقل أفريقي و عقل بدائي بصوره عامه . لأنو (عقل) متقدم مكونات بتاعو هي : الوطن و العقيده و المصلحه العامه .

وممكن بكره (شتلات) بتاع ليمون بيعمل إنقلاب بتاعو ، ومجلس بتاع قيادة ثورة ليمون بيكون من أعضاء بورد دي ..
برضو ناسات بيقول دي إنقلاب (عنصري ، جهوي ، قبلي ) بيقوم بيهو (قبيله بتاع ليمون) ، في وقت داك نحنا بيدافع بي شنو ؟

______
ومنقو قل لا عاش من يقلبنا عن ليموننا

Yesterday ya jama3ah kontah bitagooloo Eltrabii .today khlas lasgtohoha fii Elshoigah .st first sudanese must yaga3doo fii elwatah wa yagroo el3lem wa yabnoo baldohom dii.Elgadiah ma gadiat shoigah walah ja3lien elgadiah gadiat Sudanese them selves.wallhii elshoigah nosahom tashein biah barah 3ashan ma ligoo shogol fii elsudan and I am one of them.

اخى منوت لك الشكر على هذا الاثراء الفذ وطرح مقومات العقلية العربية ولك الود


اخت روعة

زمان كما قلتى بنتكلم عن الترابى واليوم بنتكلم عن الشايقية وكما اسلفت ليس القصد اسهداف احد بعينه ولكن نحنا فى هذا البورد لطرح المواضيع والمشاكل التى تحيط بوطننا الحبيب ولكى نستفيد من وراء هذه المناقشات النيره وغدا ايضا اذا اخطى احد فى حق السودان والسودانيين ايضا حنتكلم عنه ونقول اليه بكل صراحةو شجاعه فلان انتا كذا وكذا حتى نستطيع وضع حلول لهذه المشاكل التى تؤدى الى تشتيت ابناء الوطن وزعزعت استقراهم

ولك الود

بـــــــــــوب