Post: #1
Title: هل للصدفة دور فى حياتنا ؟؟؟؟؟
Author: wadazza
Date: 05-10-2002, 04:54 PM
|
Post: #2
Title: Re: هل للصدفة دور فى حياتنا ؟؟؟؟؟
Author: wadazza
Date: 05-10-2002, 05:32 PM
Parent: #1
أنا مثلا الصدفة خلتنى أدخل الموقع ده..كنت فى زيارة لصديق وجا الكلام عن
الانترنت والمواقع السودانية قام كتب لى اسم موقع مهم فى وريقة صغيرة ختيتا فى جيبى..وبعد فترة طويلةاتذكرت الموضوع والورقة طبعا راحت فرجعت للصديق أخدت اسم الموقع تانى..وبديت
تحياتى
ودعزة
|
Post: #3
Title: Re: هل للصدفة دور فى حياتنا ؟؟؟؟؟
Author: gootagood
Date: 05-10-2002, 06:09 PM
Parent: #2
ود عزة
سلام
دا موضوع لذيذ وشيق ومهم في نفس الوكت!!قول لي كيف؟؟
انا غايتو ماعارف لكن بعتقد واذا ما جزمت انو السودانيين تلات ارباعم حياتم كلها صدف وانا اولم
وفي مرة تانية بحكي عن بعض الصدف في حياتي
البياز
عوافي
|
Post: #4
Title: Re: هل للصدفة دور فى حياتنا ؟؟؟؟؟
Author: gazalalmasalma
Date: 05-10-2002, 07:21 PM
Parent: #3
حلوة الصدفة الجمعتنا فى البورد الرائع ده
تحياتى
غزال
|
Post: #5
Title: Re: هل للصدفة دور فى حياتنا ؟؟؟؟؟
Author: BousH
Date: 05-10-2002, 10:04 PM
Parent: #1
الغالي ود عزة
بعد التحيةوالسلام
اي والله للصدفة دو كبير في كتير من الاشياء
الموقع ده انا لقيتها بالصدفة وكنته بفتش على موقع سوداني تاني اسمو نيومار والحمدلله انو لقيت فيها ناس عزاز من اهلي واتشرفته بمعرفتهم
ولكم التحية
|
Post: #6
Title: Re: هل للصدفة دور فى حياتنا ؟؟؟؟؟
Author: قرشـــو
Date: 05-10-2002, 10:22 PM
Parent: #5
فعلا احلى صدفة الجمعتنا هنا يا غزال
لكن يا جماعة تعرفوا احلى صدفة ممكن يكون واحد قريبك وانت ما عارفه او صاحبك او ود حلتك ويكون فى البورد وانت بتناوشه وتشاكسه وفى الاخر تعرف انك بتعرفه تمام التمام
اكيد اكيد حانتقابل
|
Post: #7
Title: Re: هل للصدفة دور فى حياتنا ؟؟؟؟؟
Author: wadazza
Date: 05-11-2002, 07:21 AM
Parent: #6
قرشو وغزال وبووش والبياز
فعلا الصدفة ممكن تطلع قرايبواصحاب فى البورد ده
تحياتى
ود عزة
|
Post: #8
Title: Re: هل للصدفة دور فى حياتنا ؟؟؟؟؟
Author: Wad Aljaili
Date: 05-11-2002, 07:24 AM
Parent: #7
احلي صدفة العرفتنا بالناس الحلوة دي
زي ماقالت غزال
|
Post: #9
Title: Re: هل للصدفة دور فى حياتنا ؟؟؟؟؟
Author: Elkhawad
Date: 05-11-2002, 08:07 AM
Parent: #8
اجمل صدفه لقيتو الليله بعد غيابو ليالي طويله
قصتي مع البورد ده لذيذه جدا
كنتا بفتش لي ود عما لي في امريكا
وعن طريق اسمو وصلتا لي موقع الجاليه السودانيه
في واشنطن
وبما انو انازول هباش لفت نظري انو الموقع من تصميم شركه زرياب
وقلتا النعرف الشركه دي شنو لنو اسمها عربي
ومن زرياب وصلتا لي سودانيز اون لاين... وفي نفس الحظات وان لسه شغال هبيش جاني فرانكلي في الغرفه
ووريتو الصفحه والبورد لنو هو كان بكتب في سودان نت وكان بدت المشاكل فيها اها فرانكلي قام سجل وكانو الوقت داك حولي اربعه اشخاص في البورد وانا سجلتا وتاني يوم طوالي سافرتا لي مدينه تانيه لي شغل ولما رجعتا لقيت الدنيا قايمه وقاعده في سودان نت ولقيت الناس البدخل عشان اقري ليهم مافي ولما جيت بي جاي لقيت التسجيل اتلغي لنو البورد اتغير وقمتا(حلوه قمتا دي )سجلتا تاني وكانت البرذنت ما شاء الله عليها ماليه البورد روعه والصادق ويازول يازول يازول اخر ابداع واحلي نغم
وشويه شويه كترو الناس
وملينا كراس بعد كراس
من احلي كلام كتوبه الناس
في بوردينا الساس والراس
|
Post: #10
Title: Re: هل للصدفة دور فى حياتنا ؟؟؟؟؟
Author: wadazza
Date: 05-11-2002, 08:09 AM
Parent: #9
ود الجيلى
الخواض
حلوة الصدفة البيكم جمعتنا ..يا رائعين
تحياتى
ود عزة
|
Post: #11
Title: Re: هل للصدفة دور فى حياتنا ؟؟؟؟؟
Author: wadnafash
Date: 05-11-2002, 11:20 AM
Parent: #1
سلام يا شباب
وسلام يا ود عزه
طبعا موضوع الصدف دا موضوع شيق و ظريف بس الصدف انواع في صدف سعيده و في صدف الله لا وراكم ليها فيما يلي حا احكي ليكم و احده من الصدف الحلوه واسمحو لي لو بريتكم شويه :
مره زمان كدا كنتا راجع من السودان اها في المطار كان في زحمه الطياره المسافر بيها زاتا ماشه كم حته و مليانه فل اه قاعدين مستنين يقولو لينا امشو عليها لاحظت انو في جكسيهمن النوع المامعروف بشر ولا ملايكه حاجه باين عليها رقيقه كدا ..اها الجكسيه كانت كلو ما اعاين ليها القاها تعاين تقوم تتلفت تقوم تعاين تلاقاني بعاين اقوم اتلفت هههههههههههههه حجوه ام ضبيبينه بس........ اها في الباص واحنا ماشين على الطياره نفس الفلم و في الطياره كان من حسن حظي انو ما كانت بعيده غايتو اتمرا الحال كدا و طبعا انا قلتا اصلو مافي داعي لي وجع القلب لانو انا عارف هي مامقيمه في نفس البلد الانا مقيم فيها اها قلتا الشحتفه لوزما شنو عشان كدا ما حاولتا اتكلم معاها زاتولانو قلتا تاني ما حنتلاقى يبقى مافي داعي .
اها الايام ديك انا كنتا في الجامعه وجايي اجازه عشان الاقامه وكدا قعدتا زي شهرين كدا اها و جا اليوم الراجع فيهو السودان تخليو حصل شنو؟
ركبتا ليك الطياره و اذا بي القى ليك نفس الزوله قاعده جوا برضو الطياره كانت جايه من حته تانيه شوفتو الصدف دي في نفس اليوم ونفس الطياره قلتا لي نفسي المره دي الله يحلها قالو فكو الاحزمه كدا طوالي مشيت عليها و لي حسن حظي كان الكري الجنبها فاضي اها سلمتا عليها و استازنتها فسمحت لي طبعا عملت ما متزكره اييي حاجه و لا شافتني قبل كدا هههههههههههههههههه لكن طلعت زوله ظريفه شديد وكانت احلى سفره و استمرت المعرفه لي زمن طويييل و الى الان ........... معليش على البري يا جماعه
|
Post: #12
Title: Re: نعم لها دور
Author: bob
Date: 05-11-2002, 11:31 AM
Parent: #11
سمحة الصدف حلوه الظروف
|
Post: #13
Title: Re: نعم لها دور
Author: cola
Date: 05-11-2002, 11:47 AM
Parent: #12
اهااقوليكم صدفتى الجمعتنى بالبورد الجميل ده كنت داخل شات ودردشه مع واحد وقال ليه انت كولا كولا بتاع سودان قيت قلته ليه ياهو بعينه وطلع منو يا اخونا صديق عزيز واديب بوردينا يا زول يازول وطوالى ادانى نبزه جميله
عن البورد وانا يازول لى منه سنين ما شفتو وكانت اجمل صدفه
|
Post: #14
Title: Re: نعم لها دور
Author: قرشـــو
Date: 05-11-2002, 11:57 AM
Parent: #13
ود نفاش
لكن الصدقة ما حقتك
احكم عليك بانك زل محظوظ جدا جدا
يا مفترى تخليها وما تشتغل بيها تجى راجع الاجازة تلقاها فى نفس الطيارة ؟؟ لكن بينى وبينك الحكاية فيها شاكوش ولا لا ؟؟؟ قول الحقيقة وما تخجل ؟؟؟
ارحب بيك عموما لانى اول مرة اشوفك وباين عليك زول ظريف زى ود نفاش الاتقلب فشفاش (طبعا من اثر الشاكوش وشه بقى زى الفشفاش) هااااى يكة
|
Post: #15
Title: Re: نعم لها دور
Author: رقم صفر
Date: 05-11-2002, 12:55 PM
Parent: #14
ياود نفاش والله
لو كنت حبيتها وبعدين عرستها
كان طلع فلم هندي عديييييييييييييل
كده
علي اي حال
انا اعتقد ان حياتنا في معظم تصاريفها مبنية علي الصدف
لكن انا والله
ما بتزكر اي صدفة
|
Post: #16
Title: Re: نعم لها دور
Author: wadazza
Date: 05-11-2002, 04:07 PM
Parent: #15
ودنفاش
بوب
كولا
قرشو
رقم صفر
تحياتى ...وصدفكم جميله..خاصة صدفة أخونا ود نفاش حب فى الجو..
تحياتى
ود عزة
|
Post: #17
Title: Re: نعم لها دور
Author: رومانسي
Date: 05-11-2002, 04:14 PM
Parent: #16
هل هي صدفة ام اقدار ود عزة
اظنه قدرنا ان نعيشه
يعجبني كثيرا بيت الشعر:
ومشيناها خطئ كتبت علينا *** ومن كتبت عليه خطئ مشاها
|
Post: #18
Title: Re: نعم لها دور
Author: osman68
Date: 05-11-2002, 05:44 PM
Parent: #17
الموضوع جميل وشيق فى نفس الوقت و لكن يا رومانسى بيت الشعر اجمل و جزاكم اللة خيرا و انشاء اللة كل الصدف تكون جميلةذى تجمعنا فى هذا البورد
|
Post: #19
Title: Re: نعم لها دور
Author: wadazza
Date: 05-11-2002, 05:59 PM
Parent: #18
رومانسى
عثمان
أحكو لينا زياده عن الصدفة
تحياتى
ود عزة
|
Post: #20
Title: Re: هل للصدفة دور فى حياتنا ؟؟؟؟؟
Author: ايهاب
Date: 05-11-2002, 06:07 PM
Parent: #1
|
Post: #21
Title: Re: هل للصدفة دور فى حياتنا ؟؟؟؟؟
Author: wadnafash
Date: 05-11-2002, 06:13 PM
Parent: #1
معليش يا جماعه فعلا انا جديدعلى البورد لكن البورد ما جديد علي لاني متابعو و معجب بيهو و بي روعتكم ورقيكم من زمان و اسف لو دخلتا تووش كدا بس انا كنتا حاني عليكم ممن البري و بعد دا الله يعينكم و يا قرشو شكرا ليك و دا بس من زوقك و جد الموضوع ما كان في لا شواكيش و لا مناشير بس اخوك بعد داك بي فتره ساب السودان زاتو و دا من حسن حظها طبعا ههههههههه
|
Post: #22
Title: حلوه الصدفه
Author: zahjana
Date: 05-11-2002, 06:16 PM
Parent: #1
اخي ود عزه..
والله انا سعيده بالصدفه الجابتني البورد ده....
ولكم حبي جميعآ...
|
Post: #23
Title: Re: حلوه الصدفه
Author: wadazza
Date: 05-11-2002, 06:20 PM
Parent: #22
زهجانه
سعيد والله انك سعيدة وربنا يقدرنا على شيل زهجك ده كلو...
وما بعد الزهج الا الفرح البحلق فى السما
تحياتى
ود عزة
|
Post: #24
Title: Re: حلوه الصدفه
Author: EMU إيمو
Date: 05-11-2002, 06:48 PM
Parent: #23
بالمصادفة البحتة جاءت الفضيلة على شكل مؤنث
والنيل على هيئة مذكر
ورب صدفة خير من ألف موعد
الصدفة جمعتنا هنا في البوست من البورد
ولو تواعدنا لإتلفنا في الميعاد
|
Post: #25
Title: Re: هل للصدفة دور فى حياتنا ؟؟؟؟؟
Author: wadnafash
Date: 05-11-2002, 06:55 PM
Parent: #1
ود عزه التحيه مره تانيه
تعرف في حاجات كدا مرات ما بتقدر تصنفا لزبزه لكن ما ممكن تقول عليها حب ممكن تقول كانت لحظات حلوه شديد طبعا بريتا ليك من ما قعدتا و التلاته ساعات بقت لينا زي الخمسه دقايق لكن والله الحنك ما كن كدا هههههههههه
|
Post: #26
Title: Re: هل للصدفة دور فى حياتنا ؟؟؟؟؟
Author: wadazza
Date: 05-11-2002, 07:20 PM
Parent: #25
إيمو لك التحيةوالتقدير
ود نفاش ..أحكى واستمر...سامعينك والله
تحياتى
ود عزة
|
Post: #27
Title: يا ولد أمنا ، صدفه أو دهشه ؟
Author: منوت
Date: 05-11-2002, 08:58 PM
Parent: #1
أخوك بتاع إنت (منوت) عندو سبب إتنين لصدفه :
1. صدفه جميل لمن منوت بيلقى صديق عمر (ديامي) في بورد دي
2. صدفه تاني لما منوت بيجي (خرطوم) وبيشرب (مويه ليمون) من يد بتاع (مندي) بت نوبه في (ديم قنا) ...
|
Post: #28
Title: Re: يا ولد أمنا ، صدفه أو دهشه ؟
Author: BitAlhana
Date: 05-12-2002, 03:14 AM
Parent: #27
سلام يا شباب
والله الليلة جنس بري – ويك اند وما عندي موضوع وكده
أغرب صدفة حصلت مرة انو كانت والدتي ماشة مع البعثة للحج وكانت أول مرة ماتسافر الحج مع والدي وبدأت في الإجراءات مع البعثة والناس تجي تبارك ويشاغلوا في الحاج يقولوا ليه المنادي المرة دي مالو ما ناداك وهو يقول ليهم الله كريم كان نادى بعد ده وربنا أراد ما بيفوت شئ ...
وفي اليوم القبل الأخير مشت الحاجة لتكملة الإجراءات وقالوا ليها معليش ما في طريقة إلا يكون معاك محرم وكان افتكر أخر يوم لتكملة الاوراق .. المهم وهي ماشة وحزنانة جدا قابلت جارتنا قالت ليها مالك حزينة كده قالت ليها الليلة أخر يوم للتقديم للحج واسي الساعة 12 وما في طريقة أقابل زوجي – والمهم الله كريم ...
فجارتنا دي مشت خطوتين كده وقابلت منو ؟؟ انقروا – صااااااااااح ما شاء الله الشطارة دي شنو بيسحروكم ...
قابلت الوالد وقالت ليه الحاجة بتفتش عليك والموضوع كيت وكيت – طوالي عمك لف على اول استديو وديك يا الصورة وطوالي على البنك والجوازات .. رجع البيت لقانا ليك قالبنها مناحة والعجب أنا طبعا ضاعت علي الحاجات والهدايا – كله زول في همه -والوالدة طوالي دخلت في دور نفسيات - وكان احلى خبر لما لقته جهز الورق ..
رائكم شنو في الصدفة دي ؟؟؟
|
Post: #29
Title: Re: يا ولد أمنا ، صدفه أو دهشه ؟
Author: BousH
Date: 05-12-2002, 03:28 AM
Parent: #28
هلا يا بت الهناء
الحمدلله انو الصدفة يخلي الحاج يحج ومقبولة انشاءالله
لكن انا قاتلني شمار؟؟؟؟
شنو الهداياالجابوها ليكي 
|
Post: #30
Title: re:هل للصدفه دور فى حيلتنا ؟ ؟
Author: غدى
Date: 05-12-2002, 04:07 AM
Parent: #1
اهلا يا بنت الهنا وينك مختفيه كده مالك والله فقدتك كتير
وجيت البيت اللعب معاك وما لقيتك .........
وطبعا اجمل صدفه دخولى البورد ومعرفتى بيكم
كنت بتصفح فى الأنتر نت وقلت خلينى اشوف المواقع السودانيه جديدها شنو
بس لقيت المنبر الحر ولقيت موضوع خدر واسمه الشين وقريته وعجبنى بخفه دمه
وذكرنى بناس الأهليه _ جامعه ام درمان الأهليه _
ودى اجمل صدفه
غدى
|
Post: #31
Title: Re: re:هل للصدفه دور فى حيلتنا ؟ ؟
Author: Pearl
Date: 05-12-2002, 05:46 AM
Parent: #30
awal shi nawrti ya bitalhana 
ajmal sodfa fi 7yati i think inoo youm 3eed miladi
ho youm 3eed zawag al waled oo al walda...ithkili mafi a7la
mn kida laken wa7atkom begbedoo hom al jow aktar mni..
oo 7kayt inoo i7temal fi zool fi al board mn al ahal
ana shaka legait 7assy laken lo kant al 7kaya jad
al di7k shar6na..llooool
|
Post: #32
Title: Re: هل للصدفة دور فى حياتنا ؟؟؟؟؟
Author: belsharif
Date: 05-12-2002, 05:55 AM
Parent: #1
الزملاء الاعزاء
الصدفة غالبا بداية الاكتشاف عني حتي في المجال العلمي كان لية دور كبير في اكتشاف الكثير من القوانين و النظريات و لكن هل الصدفة دوما سعيدة انا معاي كانت دائما سيئة خاصة في موضوع الصداقة مع العلم انو حظي اسواء من الصدفة حتي انو الواحد ما قادر افرق بين الصدفة و الحظ و القدر كلهم عندي بيقودوا الي معني واحد
|
Post: #33
Title: Re: هل للصدفة دور فى حياتنا ؟؟؟؟؟
Author: wadazza
Date: 05-12-2002, 07:03 AM
Parent: #32
منوت
بت الهنا
Boush
غدى
Pearl
Belsharif
ليس صدفة أن يعمر هذا البورد بأمثالكم..ليس صدفة أن تتغنوا بالوطن وعدا واشارة
تحياتى
ود عزة
|
Post: #34
Title: Re: هل للصدفة دور فى حياتنا ؟؟؟؟؟
Author: قرشـــو
Date: 05-12-2002, 01:28 PM
Parent: #33
الحبيب ود عازة
رغم انه وصلنى ميل يحذر من استخدام كلمة بالصدفة دى وبقول حرام استخدامها لانه كل شىء بمشئية الله ومقدرة ولكننا لا نعلم ذلك..
المهم لن تصدق ابدا اننى اليوم وبالصدفة وجدت شخص عزيز على جدا جدا جدا فى بوستك هذا وانا كنت ابحث عنه كثيرا وارسل له ميلات ولكنه لا يرد حتى فقدت الامل فى لقاءه ثانية واذا به يدخل ولاول مرة ارى اسمه فى بوستك هذا ..
لك الشكر وللاحباب الذين اثروا النقاش بحلو الكلام
ويا زولى انا ياخى بتار وفى رواية اخرى بتاع الورد
لك كل الود وكل التحايا
|
Post: #35
Title: Re: هل للصدفة دور فى حياتنا ؟؟؟؟؟
Author: wadazza
Date: 05-12-2002, 03:55 PM
Parent: #34
قرشو الحبيب
كويس لقيتو..
وقد يجمع الله الشتيتين بعدما يظنان كل الظن الا تلاقيا
تحياتى
ود عزة
|
|