Post: #1
Title: مســــــــــــــــــــــــــــــافر
Author: waleed500
Date: 05-09-2002, 09:08 PM
بعيدة أنت عنى
ومنسية فى سكة الزمن
وبين هتافات الشعوب
المحضونه بى كل المحن
صوتك يغيب عن المدى
وريقك إجف عبر الشجن
مسجونه فيك كل الفوانيس
ريحة الدعاش...صوت الرعد...ورزاز المطر
....................بــــــكــــــن................
اتلملمن من كل حته
مغبرات صوتٍ دراش مليان حزن
اتكشمن ...واتبسمن
لقصتك المنسوجه فى زمن الفتن
كنت حزينة وقلبك مجروح
خاطرك شارد مع البواخر البجن
ساقن حبيبك وما ودعن
لمتين إعود واكتب على كل العهود
حبيبتى .....حبيبتى
قد عدت مشتاق إليك
أهواك اهوى الوطن
بعيده إنت عنى
ومنسية فى سكة الزمن
فى خاطرى انك صابره
حازمه امرك على غدٍ جميل
وأنا فى كل الليالى
بلقاك فى دمى ...أخلص زميل
و أعزفلك الأحلام نشيد
والحب بعدك فى بلاد ما ليها ايد
ألقاك إنت معاى سعيده
فى ديار الغربه ..واحلامنا الجديده
أنساك كيف ...أنساهو عمرى
لو كان رياح الريد تودى
ما كنت بعدك حزين
وناسيهو قلبى
دا أنا قلبى شايلو فى ايدى
كلمات
الهوارى حمدان
مع خوالص ودى وليد
|
Post: #2
Title: Re: مســــــــــــــــــــــــــــــافر
Author: بنت الاحفاد 2001
Date: 05-09-2002, 09:23 PM
Parent: #1
مساء الخير اخ وليد
القصيده حلوه كتير وبنتمنا لكل المسافرين سفريه موفقه
وعوده طيبه للبلد
|
Post: #3
Title: Re: مســــــــــــــــــــــــــــــافر
Author: 7abib_alkul
Date: 05-09-2002, 09:27 PM
Parent: #1
عزيزي وليد
رائعه جدا
لك التحيه والود
|
Post: #4
Title: Re: مســــــــــــــــــــــــــــــافر
Author: wa7shny
Date: 05-09-2002, 09:36 PM
Parent: #1
تحياتي اخي وليد وعبركم نرسل احلا سلام وتحية حب ووام للاخ هواري وبهديكم انتوا الاتنين وبقيه العقد الفريد فى البورد الاغنية دي
خالص تحياتي .............واحشني
|
Post: #6
Title: Re: مســــــــــــــــــــــــــــــافر
Author: bitalneel
Date: 05-10-2002, 12:56 PM
Parent: #4
very nice woords Waleed. let's ask God to bring us home save.
|
Post: #5
Title: re :مسافر
Author: غدى
Date: 05-10-2002, 11:23 AM
Parent: #1
: الأخ وليد
(تحياتى وبنقول لكل مسافر (تمشى وتجى بالسلامه
غدى
|
|