أعمليهو شنو ؟ الولد ..ده .....كتلنى بالريده عديل كده ؟ ياناس المرؤه ممكن مساعتى

سلام احبتى
أرجو ان تستحملونى وتكملو معاى للاخر ياريت
شباب : اسمحو لى فى البدء الكتابه بالدارجى علشان اقدر اقرب ليكم الموضوع

وتفهمونى ((ياريت ما تفهمونى غلط او تحكمو على الا بعد الانتهاء من قرايتة الموضوع كله ))

لان ما اعانية اصبح يشكل لاخوكم هاجسا مخيفا مرعب فى حياتى ، وياريت الاقى عندكم حل للمشكله دى ولو حتى امل يلوح لى
· *ابداء ليكم حكايتى بكل صراحة وبكل وضوح
آنا شاب فى الخامسة والعشرون من العمر ، وهو ايضا شاب فى سن العشرون...........بدات حكايتى معاه لمن شفته اول مره فى حياتى وهو مار بالحاره
· ما عارف ساعتها حصل لى شنو ؟ وايه اللى شدانى له ...قلت فى نفسى يمكن هى وسامته او هدؤوه او طباعه او بعده عن الشباب وعدم الاختلاط بهم ....... او ....او ..... او
· المهم اخوكم لم يعرف سببا واضحا حتى هذه اللحظه يعكس فيها الاهتمام الغريب بتلك الشخصيه .
· خاصة وان الاهتمام بدا اول وهله لروئته فيها ....... ومرت الايام
· وفى احدى المناسبات شأت الاقدار ان تجمعنا وجها لوجه ؟......... ووقتها ارتبكت ..لااعرف سببا ؟ لذلك الارتباك ..حاولت بقدر المستطاع من قوه الثبات والصمود امام ذاك الارتباك . . وفعلا تمكنت من ذلك بالله وآمين ....ولكن فجاة قال ما جعلنى ارتجف اذ قال لى : ممكن اتكلم معاك ورديت بتلقائيه متلهفا ... بكل سرور .......... قال : صراحه آنا معجب بيك ، وما عارف ليه لمن اشوفك بتجينى حاجات كده ما عارف افسرها ؟ ،، ووقتها ادركت ان ما اعانيه آنا لست لوحدى بل هو ايضا يشاركنى فيه
· وآخر ما قاله : آنا ما بقدر افارقك تانى ابدا ده آنا ما صدقت انى اتلميت فيك وتعرفت عليك ....... ((والغريبة انه كان نفس شعورى وقتها )) طبعا ما حخبى عليكم .....(( سعادتى )) وقتها وشعرت اننى اسعد انسان فى هذا الكون ؟او هكذا بدا لى .... ليه برضو ما عارف ؟
· بعدها كنا لا نفترق ((ابدا )) حتى النوم كنا معا (( ببيتهم او بيتهم )) يعنى لازم نكون مع بعض .......، ومرت سنوات ازدادت خلالها محبتنا ببعض وتوثقت صداقتنا .
· دخلت الجامعه .....وكانت اكبر مشكله فى حياتى ((تصورو دخول الجامعه مشكله ؟ )) بالنسبه لى .. نعم لان مجرد التفكير فى البعد عنه ولو لحظات كان يقلقنى فما بالكم بالبعد عنه ولشهور ؟ ...........
· وحاولت وبكل ما اوتيت من قوة ان اتاقلم مع الوضع الجديد والحياة الجامعيه ..... وبالكاد نجحت بدرجة (( مقبول )) لان الشوق لمن يجى والحنين اليه ...... تلقونى فريت اليه ..تاركا الجامعه وكل شى وراء ظهرى ..وحاولت هذه المره الابتعاد عنه ليس نهائيا ولكن لكى اتاقلم مع اى وضع وحاولت مقاومة شعورى (( عدم القدره عن الابتعاد عنه )) وفعلا نجحت هذه المرة ايضا بس بدرجة ((اقل من مقبول )) .
· المهم هذه كانت نقطة تحول فى حياتى .. ولكن تاتى الرياح بما لاتشتهى السفن .
· اذ جانى ذات يوم يبكى بكل مرارة الدنيا ؟ .... قال لى : مش حرام ؟ عليك وقتها لم افهم ما يقصده ؟ ................. ولكنه رد قائلا : والله ربنا حيعذبك زى ما عذبتنى ؟ معقوله تسيبنى زى الاطفال ؟ معقوله تبعد عنى واهون عليك ؟ وتهون الصداقه لهذه الدرجه ؟ ... ولكنه قال : آنا ما بقدر على فراقك ولو انت هان عليك فراقى وكانت حالته يرثى لها ؟
· الغريبه ( اننى كنت بقابله على الاقل مره يوميا ) ؟ مع اننى كنت متاكد اننى ظلمت نفسى قبله بالابتعاد عنه ....... ولكن ما قاله (جا فى الجرح ) وهز شى ما فى داخلى ..وبدون مقدمات او اى زرة فى التفكير كنت معاهو زى اول او اكثر بقليل ؟
زكنت ( فعلا مرتاح ) لاننى قبلها ((بخلق لنفسى الاعزار للرجوع اليه زى الاول )).
بس مشكلتى الحقيقيه ..اننى بموت فيهو وما عارف (ده حب ولا ريده ؟ واظن الاثنين ) لا ..
يمكن ان يصدرو من شخص الا(( لحبيبه )) ؟ وهذا ما يتعبنى فعلا .
والمشكلة التانيه ... اننى مستعد اموت فداه ولمن افكر فى الموت لا احب فكرة موته قبلى لاننى اكيد ساموت حسرة عليه
واتمنى الموت قبله لاننى عارف اننى لن اتحمل فكرة موته ؟
(( بالله يا اخوانى دى ما مشكلة وعاوزه ليها حل ؟ ))
ياريت الاقى لى حل عند احدكم ؟ وانا حديكم بعض النقاط يمكن تساهم فى ابدا الاراء والحل
(هو شاب مثلما آنا شاب .. واصغر منى بخمسة اعوام)
( ليست هناك اى علاقه مشبوهه او مخلقه بالاخلاق بيننا )
(هو وجيه ووجاهته عواره .. وانا اقل منه بقليل )
(اخلاقه بدرجة امتياز والبعض يوصف طيبتة بالعبط )
( كا منا يحترم الاخر وبنفس الدرجه )
( بيتهم بيتنا كما بيتنا بيتهم )
(شعور غريب ينتابنى بان هذه ليست صداقه )
وانا مستعد لاى استفسارات ترو انها مهم فى ابداء الحل .
اخــــــــــيرا : احب ان اؤكد للجميع بان كل كلمه كتبتها صادق فيها وواقعيه .

في بداية اطلاعي علي الموضوع وان لم تكن
قد زكرت النقاط لكنت اضحك الي الان
اخي اولا السلام عليكم ومرحب بيك في البورد
فقد اخرجتني من عزلتي
لا اقول لك كثيرا
سوي ما جاء في معني الحديث الشريف
رجلان تحابا في الله وافترقا عليه وهم من يظلهم الله تحت ظله يوم لا ظل الا ظله
ارجوك ان اردت خير الدنيا والاخرة ان توجه هذه المحبة له في الله وانت وهو تكسبون خيرهما الدنيا والاخرة
ولا ضير في ان يكون الحب بين ابناء الجنس الواحد ولكن يجب مراعاة القواعد الاسلامية لتجنب المهالك
فدونك حب الصحابة لبعضهم
وحب سيدنا ابو بكر لرسول الله
وحب الرسول لسيدنا زيد وابنه اسامة حتي سماهو الحب اب الحب




وبعد دا سجل لي الريدة

العزيز رومانسى اوفيت يا رائع
ارجع واقول للاخ كجم هذه من الحالات الشاذه وارجو ان توظف هذا الحب العميق فى محبة خير البشر رسولنا الكريم محمد ص الله عليه وسلم وووجهة نظرى ده الشذوذ بعينه

اخوك كولا

؟ الله يســــــــــــــــامحك ؟

تاكد يارومانسى .. وكل اللى حيطلع على هذا الكلام اننى لم اكتب هذا الكلام الا بعد ان تأكدت اننى احبه ذاك الحب الذى هو حب فى الله
بس انا شايف انه غير طبيعى ؟ اعمل شنو

شكرا ليك رومانسى.... بس حبيت اوضح ليك شى وهو تاكد اننى احبه بمثل الحب الذى جاء فى الحديث ولكن فى شى بدواخلى يقلقنى ما عارف هو شنو ؟ ويارت لو تفسرو لى شكرا ليك تانى يا اخوى

مساء الخير اخى الكجم
كلام الاخ رومانسى كلام مظبوط وما عليه غبار
الشغله دى لو موجوده من فتره طويله حاول راجع طبيب نفسى
قد تجد عندو الحل الاكيد

شكرا يا وليد على اهتمامك ........ بس انشاء الله الطبيب النفسانى يجيب فايده ؟

الاخ الكجم:دائما بقول انه مشاعرنا ما بي ايدنا...أشيد بي كلام اخونا الرومانسي..وجه المحبة و خليها في الله.وما تدي الموضوع أهمية أكبر من حجمه بمعنى انه ما تفكر علاقتي واهتمامي بيه ده شنو خليها عادي يعني مافي داعي لي ذكر انه اصغر او اكبر أو وسيم او غيرو..الارواح جنود مجندة ما تقارب منها ائتلف و ما تنافر منها اختلف...واتعامل بي احساسك و طيبعتك مافي انسان مالك شعورو...طالما انت بتعرف ربنا كويس و مراعي أخرتك ما يهمك بي زول..خليك مع المعبود ..وما يهمك بي العابد .تفكيرك في الموضوع مخلي نفسك تتمسك اكتر و تفكر اكتر.مع الوقت حتلاقيه انسان عادي وكل التأثيرات دي حتفقد معانا بي مرور الوقت.ولو الموضوع مضايقك...كتر من الصلوات والنوافل صدقني ربنا مالك القلوب ومقلبها..واتذكر دائما انه الانسان مفروض يشغل نفسه بي محبة الله ويا بختكم لو اتنافستوا انت و صديقك في الحاجة دي...

kagem
gabli ma agol lek haga fi modoak
atmana in tarod ala aselati del
1-yato noo men alhob benkom?
2- betihes beshono lama takono saoa ao barak?
3- mafi wahed fekon ando alaga hob ma bent?
4- ma fi wahed fekom mofaker uetzawag?
5- shoorak shono lama utkalam ma bent?
player

اشكرك جدا يا اختى على كلامك الذى اراحنى جدا ........ وانا كده اطمئنيت باننى لم اغلط عندما قررت اعرض هذا الموضوع الذى يقلقنى ......... ولكن تاكدى يا اختى ان كلامك وقع فى الجرح واراحنى ............ المهم ارجو ان لا اكون قد ازعجتك او ازعجت اى شخص .......... ولكى منى اجمل تحيه والسلام

بس ياهو هو دا زاااااااااااااااااااااتو
ربنا يحفظنا

اخى / الكجم

اخى .. هذا لست هاجس ....مخيفا ..او مرعبا ... فى حياتك ... فيا اخى الشعور الذى تكنة انت لصديقك ... هو نفس الشعور والاحاسيس التى يكنها اليك انت من ود ومحبة ....
فطابع الارتياح من الطباع .. التى لايدرك الانسان ا يتغلبها بشعورة العاطفية... فهذا شعور جاش بمشاعرك اتجاه هذا الاخ ..
فانت .. فكرت .. بهذه العلاقة ... بكل ماتملك .. يعنى بعقلك وبقلبك ...واحتمال ... فى ايام ماء كانت محور ..تفكيرك .. من حيث الوصول لهذا الشخص الذى ارتاح لهو شخصك قبل معرفة .. ..وبعد المعرفة..صار نفس التمنى الذى كان يراودك ... ودخلتم فى عالم الصداقة وثم الارتياح ..ورويدا .... امتلك قلبك الحنون ... طابع الحب والود .. ...
فهذا يا اخى شعور عادى يمتلكة كل شخص حنون ..مرهف الاحاسيس .. ملى العواطف ... فاتمنى ان تذيد مودتك .. بصديقك .... ولك كل التقدير
فالريده .بين الناس.. صلة
متحاول .... تفصلة

بالله يا الجعلي
كدي عاين في عيوني وقول كلامك دا

رومانسى عاينت فى عيونك ولقيت فيها .... كم من الحنان ... والعواطف ... ياخى انا ارتحت ليك وعبتنى كلماتك ومقالاتك الباهية ... وحبيت فى البورد دا كلو بس اقراء مواضيعك وردودك وا########## من الله انو يجمعنى بيك عشان انت تعرف الحتة دى وفعلا التقينا اها رايك شنو
وصرنا نعرف بعض ...وانا ازداد اعجابى اكثر بعد ..لقياك .. واعجبنى شخصك ... ..وانت كذلك ... وفى نفس اللحظة رودنى وراودك شعور ... انو نكون اصحاب
فصارت معرفتنا ... الى طابع الاهتمام .....من كل طرف ... وثم الى الود ... الذى يعم بيننا ..... فى كل حين ... فيا اخى ... العواطف ... والحنان هما .. السبب بين العلاقات .. الودية بين كل اثنين ..واخى الكجم اول اعجب به ثم حبه فهذا شعور عادى ...لو النفوس نظيفة ... فالحمد الله
رومانسى مع خالص حبى وودى

اخى : شــــــــــــندى .. لااعرف كيف اعبر ليك عن مدى ارتياحى لما كتبته ......... المهم ارجو ان تعرف اننى اخيرا اقتنعت بكلامك وارتاح قلبى ............. واتمنى من المولى ان لا يريك او يقف فى طريقك اى شى ..ويسعدك فى حياتك ويديك بقدر نيتك

الكجم
ياريـده مين يقدر عليك
مين يلقى فى دنـيــاك امان
اخى الكجم يكفى انك توصف الريدة ..بوصلة الامان ... وحقيقة الامان والصدق .. هو عمق المحبة والريدة
الله يديك العافية .. ومن خلال كلامك ... وتعابيرك ... انا عرفت انك تمتلك كم فائض ...من الحنان والعاطفة ... ..ولك كل الود والتقدير

لا أعتقد أن هناك إمكانية للزيادة على ما قاله العزيز رومانسي .. فله الشكر

عزيزي الكجم .. كن طبيعياً في علاقتك مع صديقك ..

أنتما روحان تعارفتا فأتلفتا .. الطبيعي في العلاقة بين رجلين .. علاقة محبة .. وإيثار .. ووفاء

ومن السنة أن تعلم أخاك أنك تحبه في الله .. وهذه درجة عظيمة تبلغ بالمتحابين درجة أن يكونا في ظل الرحمان يوم لا ظل إلا ظله ..

ومن طبيعية الصداقة أن تتخللها .. بعض المقالب والمكايدات البريئة .. والمطبات .. والهدايا والولائم .. والبوح بالأسرار الخاصة وكل ذلك من منشطات ومقويات هذه العلاقة .

أما يا عزيزي التفكير بهذه العلاقة وتحميلها فوق الطاقة .. هو خروج بها عن الطبيعة المألوفة للناس .. ولك يا أخي كما ذكر الرومانسي مثال وقدوة في حب النبي صلى الله عليه وسلم لأبي بكر رضي الله عنه وحب أبي له .. فكانا دائماً إما في منزل الرسول عليه الصلاة والسلام أو منزل الصديق رضي الله عنه .. فقد بكى الصديق فرحاً عندما ضمن مصاحبة النبي في الهجرة .. وقد كان يسير خلف وأمام وبجانبي النبي صلى الله عليه وسلم خوفاً عليه من الأعداء وحين نام النبي في حجر أبي بكر في الغار ولدغ أبو بكر لم يستطيع أن يقطع على النبي نومته وما أيقظ الحبيب المصطفى إلا دموع أبي بكر الذي سقطت من حر اللدغة .. هذا هو الحب .

الحياة كلها طريق فليسر الجميع على هدى من الله وبصيرة وقدوة برسوله الكريم عليه أفضل الصلاة وأتم التسليم .

تحياتي وودي ...

جـــاد

العشرون...........بدات حكايتى معاه لمن شفته اول مره فى حياتى وهو مار بالحاره
· ما عارف ساعتها حصل لى شنو ؟ وايه اللى شدانى له ...قلت فى نفسى يمكن هى وسامته او هدؤوه او طباعه او بعده عن الشباب وعدم الاختلاط بهم ....... او ....او ..... او

اخوى الكجم
مساء الخيرات
الشغله خربتها بكلمة وسامته دى ود علاقه مشبوهه خالص راجع نفسك يا بنى
واختار الطريق الصحيح
وربنا يهديك ويهدينا

الكجم تحياتى ...... ياغالى

انا كلامى قايتو مع اخونا شندى
لو النيه صافيه .. يا لكجم ..... انت انسان تتكاثر المشاعر والعواطف فى شخصك
يلا ياجماعة ادلو برايكم للكجم الموضوع دا عميق بالمناسبة لدرجة بعيده ...