Post: #1
Title: نداء الى 000النجمة
Author: OmDur
Date: 05-08-2002, 06:35 AM
اللالاية لألأ جبينها 000الضواية ضئ الرتينة
ــــــــــ
شنو يانجمة؟ وين باقى اسرار التفجيرات فى امريكا؟؟
والله علقتينا ( وعليتينا ) ، ياحبيبة النفس الطويل
ايامه ولن ، نحن بقينا فى زمن امسك لى واقطع ليك
ماشفت الموصلى قال شنو عن الاغنية السودانية
ـ والله مااخاتين كان مابيسمعونا!!ـ
بالجد كدة ، مالك سكتى ونورك خبأ؟؟ لو كان فى البورد
دة قمر 14 كان نقول دى ايامه ، صحى ياجماعة ليه
ماعندنا قمر14 !!عشان يورى الضواية دى المابتعرفه
ـــــــــــ
وعليييييك الله ماتزعلى منى ، دة هظار ساااااى
حبى ليك عذرى ياجميل واااضح
|
Post: #2
Title: غيب وتعال
Author: sunrisess123
Date: 05-08-2002, 07:01 AM
Parent: #1
غيب وتعال تلقانا
نحن
ياما نحن
اختنا النجمة والله فاقدنها
وهذا نداء مني
بان تعود اختنا
وعزيزتنا
النجمة
وانشاء الله يكون غيابها للتفرق بكتابة
موضوع
مع شكري
|
Post: #3
Title: Re: غيب وتعال
Author: elnjma
Date: 05-08-2002, 07:25 AM
Parent: #2
ام در .......الف شكر ليك ياغاليه ...وانشاء الله باقي الموضوع حينزل اليوم........اما بالنسبه للغياب كان بسبب المشاكل الحاصله في البورد ....واتمنى انها تكون اختفت والانفس تصافت اتمنى ........النجمه
|
Post: #4
Title: Re: غيب وتعال
Author: elnjma
Date: 05-08-2002, 07:31 AM
Parent: #2
ايوب العزيز الف شكر ليك يامان .......وماتفقدوا عزيز ....بس زي ماسلف ووضحتا لأم در الغاليه الغياب غصب عني وانا لمادخلتا البورد لقيت فيه الملاذ والاهل والاصحاب بس المشاكل كترت واصبحتا بالجد عاجزه عن الكتابه في وسط الحاجات البتحصل واتمنى ان تكون الانفس تصافت وتطايبت بالجد اتمنى وما اكذب عليكم فكرتا مرارا ان انسحب من هذا البورد بس بلقى الحنين يرجع ويشدني اليكم واليه ويا ريت ود عزه وغزال وبخاف يقرأ البوست دا يا ريت لاننا بالجد كلنا في اشد الحوجه لبعض وللبورد ومن غير تصافي النفوس اعتقد صعب صعب خالص.......واناآسفه لتدخلي على موضوع احتمال انوا ما من حقي اتدخل فيه بس البورد جمعنا عالمحبه ومن الصعب نتركه عشان البغض ..........النجمه
|
Post: #6
Title: Re: غيب وتعال
Author: banadieha
Date: 05-08-2002, 08:05 AM
Parent: #4
النجمة الحاضرة والمشرقة
الحضور لا يغيب..الأشراق لا يأفل..الرياح تثير الغبار ولكنها لا تقتلع الأرض..الجبال لا تهزها ريح..والأشجار العاتية تستجيب للرياح بنفض الثمار والأوراق الذابلة..ود عزة لا يغيب..ودعزة لا يأفل..ودعزة الأرض..ود عزة الجبال..ود عزة ينثر الثمار
ود عزة في إستراحة محارب الآن وسيعود قريبا
شيء تاني يالنجمة، أنا وودعزة لحد قبل إسبوعين وشوية كانت كتوفنا متلاحقة بعني بوستاتنا قريبة من بعض، وفجأة ود عزة أخد ليهو نطة وصل بيها للألف وشوية، ما بقول بالزانة ولا بقول بالبراشوت ولكن باللطافة وفطرة ربنا الخصاها بيهو في دخول قلوب الناس بدون إستئذان وبتصريح مفتوح في كل كلمة يقولها وفي كل بوست ينزله وفي كل غنوة يشركنا فيها، المهم يالنجمة أنا عاوز ود عزة يسردب شويتين عشان الكتوف تتلاحق معاهو من تاني..دي ممكن؟
|
Post: #5
Title: Re: غيب وتعال
Author: قرشـــو
Date: 05-08-2002, 07:44 AM
Parent: #2
الأخت ام در
والله سبقتينى ولن تصدقى اننى فى البيت كنت بفكر فى حكاية الجسم المجهور والنجمة ولماذا لم تأتينا بالبقية .. هل يا ترى تريد ان تشوقنا اكثر ام ماذا ؟؟
عموما اضم صوتى لصوتك واقول ليها ياخى شوشوتينا عديل كده ياخى ونحن فى لهفة لمعرفة بقية الحكاية
ولا يا ربى تكون بتترجم من اليابانى ..
نفسى اعرف البت دى العرفها اللغة اليابانية شنو
وهنا يذكرنى اننى ذهبت فى اجازة ما للسودان وافتقدت احد اولاد الحلة وعند سؤالى عنه قيل لى انه هاجر.. وين هاجر يا جماعة الزويل ده .. قالوا لى والله الزويل سواه افرش وتخين .. الزويل ده هاجر لليابان .. وقد حيرنى بجد كما حيرتنى النجمة الان..
لك الشكر ام در ومنذ الان اضمك لحزبى المهتمين بمثل هذه الامور
|
Post: #7
Title: Re: نداء الى 000النجمة
Author: OmDur
Date: 05-09-2002, 01:06 AM
Parent: #1
الاخت نجمة
اشكرك على سرعة الاجابة
والردود الحلوة
وشنو الكلام الشين!! يعنى فى ناس عندها
فكرة التخلى عن البورد ، ياستى اهو
الوضع رجع زى ماكان ، وياريت تانى مايحصل زعل
غايتو انتى ماعندك طريقة تخلينا الا يجينا قمر 14
ولو حصل وجاء برضو مااااافى طريقة
ــــــــــ
مش لما اعرف الحزب هو شنو؟ وموقعى فيه شنو؟
ياقرشو
بس طالما الدعوة منك ، يبقى داخلين على بصيرة
|
|