الاخ بكري : مطلوب خطوة جريئة والا ...

الاخ بكري والاخوة اعضاء ادارة البورد : السلام عليكم
غبت يوم واحد وجيت لقيت البلد مقلوبة بين ود عزة وبخاف وقلت اقرأ البوستات قبل ما اطلب من الاخ ود عزة العودة
بعد قرائتي للبوست محل الخلاف ...واللي بيقول فيه بخاف انه ود امدرمان وسوداني اصيل وبيسئ فيه بصورة مخزية لواحدة من اخواتنا بطريقة مباشرة هذا هو رأيي
واحد قاعد يسئ لاختي في عرضها .... اعتذار شنو وقوانين بورد شنو ...دي حاجات ما فيها مجال بتاع اعتذار ...ومعظمنا مسلمين وبنعرف انه القذف عقوبته الجلد ...ده اذا كان في شيئ اصلا ..اما واحد قاعد في كمبيوتره وبيحلل بافكار مريضة علاقات شخصية لعائلات واشخاص لا يعرفهم ..ده مفروض يفصل فورا ولو لفترة محددة
معليش يا شباب شايفكم بتحاولوا تصلحوا بينهم وانا دخلت قلت الراي الحاد ده ...نعم الدين امرنا بالاصلاح بين الاخوان ...وخاصة انه الاخ بخاف اعتذر ...لكن في مسألة الشرف دي الرأي واضح وحتي الشرع ما أدانا فيها مجال بتاع اعتذار ...يعني عقوبة طوالي...فأنا اطالب بالآتي :

بما انه الاخ بخاف اعتذر يجب فصله من البورد لمدة لا تقل عن اسبوعين ...
في انتظار رد الاخ بكري والخوة الموديريترز ...والله لا يجيب ( والا )...ا
الاخ ود عزة + الاخت غزال ...الواحد خجلان من نفسة لانه ما قدر يتدخل ويحافظ علي سمعة اخته ...لكن معليش ... السودان بخير رغما عن كل شيئ

هنالك بعض الإساءات التي لا تقبل فيها الاعتذارات . وهنالك بعض مريضي النفوس الذين أدمنوا الإساءة للآخرين. وفي تقديري الشخصي أن بخاف أخطأ خطاً جسيما في حق الأخوين ود عزا غزال المسالمة وهما شخصين نكن لهما كل احترام وتقدير وسيكون تركهما للبورد خسارة لنا جميعا. ولو كنت مكان أحدهما لما قبلت أي اعتذار.
أنا أرى أن يتم تنظيف البورد من مثل هؤلاء لأن من يدمن الإساءة للآخرين لن يتركها مهما طال الزمن.
بعدين الغرور داعيهو شنو؟ شنو يعني ولاد أم مدرمان . هي أم درمان دي حقة زول.
بطلوا عقد

يا اخوان شيلو الصبر
العارف عزو مستريح
بعد لو فصل الاخ في مجال تراقب كل المواضيع فبل ما تتطرح عشان تضمنو ما تتكرر
الشغلانة دي

الاخوان الاعزاء

لقدلم ادخل هذا البورد من يوم الخميس وعندما عدت اليوم وجدته الدنيا جايطه وفعلا الاخ بخاف اخطى خطا كبير وليس اى خطا عادى يمكن لاى احد ان يتجاهله وده العيب الواحد الحاجه مابتخصه اقعد اتسال وافسر انتا مالك وماله اقعد فى كمبيوتره اخش جوه الكمبيوتر دى حاجه بتخصهم هم انتا ما المفروض تسال عنها اصلا وليس ليك فيها دخل والبورد ده معمول لمواضيع الهادفه الطرح وليس المواضيع الفارغه نوع فلانه وعلانه فلان فعل وفلان ترك ياخى مفروض نعقل شويه الكلام الفارغ ده محله ماهنا عنده اماكن الواحد لو عاوزه امشى ليها

وارجو من الاخ بكرى ابو بكر ان يقوم بالجراء المفروض ان يكون بعيد عن المجاملات والاعتذرات حتى لاتصبح الحكاية فوضى عشان اى واحد اعرف ان لو اتجرا فى كلام من النوع ده مصيره حيكون كيف لانه الشغله لو بدت بالتسامح وفلان ده اعتذر بكره برضه بجى واحد واعمل نفس المنظر ويعتذر والجماعه اقولوا مافلان اعتذر خلاص الموضوع انتهى

ولكم كل التحايا

بــــــــــــوب

الى أخوانى الزعلانين ..

من كان منكم بلا خطيئة فيرمها أولا بحجر ..

هذه الجملة قالها السيد المسيح للذين أدانوا المرأة الزانية التى أمسكت وهى تزنى فى ذات الفعل . وموسى فى الناموس أوصانا أن مثل هذه ترجم. فماذا تقول أنت... و أما يسوع فانحنى الى أسفل وكان يكتب باصبعه على الأرض . ولما أستمروا يسألونه أنتصب وقال لهم من كان منكم بلا خطيئة فليرمها أولا بحجر. ثم انحنى أيضا الى أسفل وكان يكتب على الأرض. وأما هم فلما سمعوا وكانت ضمائرهم تبكتهم خرجوا واحدا فواحدا مبتدئين من الشيوخ الى الآخرين. وبقى يسوع وحده والمرأةواقفة فى المسط. ولما انتصب يسوع ولم ينظر أحدا سوى المرأة قال لها يا امرأه أين هم أولئك المشتكون عليك. أما دانك أحد. فقالت لا أحد يا سيد. فقال لها يسوع و لا أنا أدينك . اذهبى و لا تخطئى أيضا.

فيا اخوانى ما أحلى التسامح .. نعم أخطأ ألأخ الشجاع بخاف وصاح الجميع فى وجهه .. وها هو جاء معتذرا كتابة .. بل طلت أن يحدثهما هاتفيا ارضاء لهما وللجميع.. أبعد هذا تودون ادانته ..

حرام عليكم ..

أخوكم العجوز

. ..

الاخوه الكرام
السلام عليكم اينما كنتو
نحن شعب بطبيعة حالنا مسامحين الاخ غلط واعترف بغلطو واعتزر و تتدخلت الاجاويد والحال انعدل والاخ ودعزه وغزاله سوف يعاود الرحله عبر المنبر
وما اظن هناك داعى لفصل الاخ بخاف او توقيفه لفتره بعينها وحصل خير وانشاءالله ما يتكرر تانى من بخاف او غيره

كتر خيرك يا أخ وليد .. وياريت نقفل الموضوع ده ونناقش الأهم


أخوك

العجوز