ياجماعة الخواض ده بمشى وين ؟؟؟هديتنا ليهو الطير المهاجر

الخواض الجميل أهديك الطير المهاجر علك تعود وتبطل الحضور والاختفاء..عايزنك معانا على طول يامبدع
تحياتى
ودعزة

ياحبيبا ود عزه اسعد الله صباحك وانت تهدينا الروائع ووالله فى ذات الوقت الذى فتحت فيه البورد كنت بفكر فى الاخ الخواض واختفائه وهل نسمى هذا توارد خواطر ام كما كانت تقول لى الاخت الحبيبه حنان النيل امسك الخشب عموما سوف امسك الخشب حتى لا تدخل بيننا العين واضيف صوتى لصوتك مناديا اين انت ياخواض

شكرا خواض التمامنا الجميل فى البورد خلى القلب واحد..والصلات قوية
تحياتى
ود عزة

العزيز ود عزه شوقك للاخ الخواض باين فايض وماقادر تتحمله والدليل ارجع للبوست السابق وتجدنى اذداد لك حبا ياوفى

عزيز معليش والله ..وانت مكانتك عالية خالص
تحياتى
ود عزة

ليه انت تستخدم اسم غزال المسالمه
معظم الردد بتاعت غزال المسالمه انتي الكاتبها ليست ليليان

ماتنسى يا بخاف....مرات بكون معاهم فى البيت
كده كويس
بعدين سؤالك كده
off point
تحياتى
ودعزة

يا ود عزه زوقك راقى ابهجتنا الله يجعل ايامك كلها بهجه
ونقول معاك يا الخواض امرق جاى

شكرا كولا....
ويا بخاف مرة تانية
غزال ما محتاجة أنا أكتب ليها وزى ما قلت ليك فى الرد الفات انو الحالة واحدة وهى أخت عزيزة وأنا صديق لأشقائها..بشتغل على كومبيوترها الخاص
ومرات تكون عاملة لوق ان بتاعها وانا ارد من خلاله
على سبيل المزح أحيانا وعلى سبيل الجد أغلب الأحيان
كده فهمت وأرجو أن لاتشغل بالك كتيروتحلل كتير
ولا أدرى لماذا يسىء البعض الظن كثيرا فعلاقتى بغزال لم أخفها من أحد فى هذا البورد فنحن فى مدينة واحدة وحى واحد ووالدها هو الذى سهل لى الهجرةوالدراسة والعمل وهى أخت أكرر أخت عزيزة ومخطوبة لصديق عزيز فلا داعى لمثل هذه الأحاديث التى قد تضر بعلاقات هذا البورد والعلاقات الأسرية
ستفهم أم أزيدك

تحياتى

ود عزة
والله حرام عليك عدييييل كده
ياخى انت ما فتحت لينا بيت بكاء عديل ياخى
انت ما عارف كلنا فى غربة السجم دى ياخى

والله فيك الخير مسكت مكانة الحبيب العريس فهو من كان يتحفنا بذلك ومعه الأخ الخواض اعاده الله كما اسلفت واننى اتساءل معك اين هو ؟؟؟
كذلك يختفى بعض الاعزاء حالما يدخلون امثال ابو الجعافر مثلا لماذا اختفى كذلك والقائمة تطول..

على نيل بلادنا … سلام
وشباب بلادنا … سلام
ونخيل بلادنا ... سلام

يا بخاف
لماذا النيل من الآخرين والتجريح؟؟هل أنا عاجزة عن الكتابة حتى أستعين بآخرين، أرجو أن تهذب حديثك قليلا وودعزة يكفينا فخرا أنه يعتبرنا أسرته ونعتبره نحن فردا من الأسرة فأبى يناديه بابنى وأمى تناديه بولدى وأنا وشقيقاتى ننادية بالأخ الذى لم يسىء يوما لمعنى الأخوة النبيلة

غزال
بعدين ليه فى مناسبة بتاعت سؤال عن زميل غايبوالبوست يخص المناسب تحاول التعكير

اولا ماذكرته حقيقه يعني لما القي كاتب الموضوع غزال المسالمه لكن الامضاء ودعزه ده معناه شنو
ومافي داعي للاساءه والفي راسه حرقص براه بيرقص
ولو عدم عدنا

دى معناها انو انا فاتحة اللوق بتاعى وودعزة كان موجود وكتب ردودو..على كلامك برد بالانابة عنى ليه يكتب اسمو؟؟؟ وود عزة بنفسو ذكر اكتر من مرة حكاية البوست دى ووضحها واسأل بناديها وقرشو
لم يسىء اليك أحد أنما أسأت الى نفسك ..
وأسأت الى ود عزة الذى يعرف قيمته كل من هو على هذا البورد وأسأت الى شخصىفود عزة هو الذى أقنعنى بدخول هذا البورد ولكن اذا كان أمثالك موجودين فيه فبلاش ..وده حدى الليلة من البورد ده
وانت عكرت مزاج بوست من اجمل البوستات فيه الطير المهاجر وفيه السؤال عن العملاق خواض
غزال

اولا ودعزه عنده عنده اسم لتسجيل الخاص بيه ولو داير يكتب من اللوق حقك مافي داعي يسجل باسم ودعزه وبعدين انتي قصدك بمثالي شنو
ردي كالاتي المابتعرفوا طقعوا
بعدين انا ما فاتح اللوق بتاعي سبيل لكل الناس

يا أخوانا الخواض مشى لحبيبته

السابقه ...عشان وضعت وجابت بت .......تااااااااااااانى

هيييييع.......هلا هلا

عزيزى خواض ..كان هذا البوست لك صافيا رقراقا..فلا تأبه لما أعتلى صفحته من زبد سيذهب جفاء..

المهم حدثنا عن أخبارك ولماذا الغياب..
وياغزال أرجو انك تقفلى الموضوع على كده ..فليس لأعضاء وزوار البورد ذنب..
فهذا البوست كما أسلفت له مناسبته البهيجة
تحياتى
ودعزة
وسأستدل بما قاله القدال:
الخيول التكربت تكربت ولا يزدريهن نبيح الكلاب

الأخ بخاف
استغربت جدا فى حديثك فالكل هنا يعرف ان ود عزة هو الذى قدم لنا الاخت العزيزة جدا والتى كان اضافة طيبة لهذا البورد وقد اوضح علاقته بوضوح منذ البدء ولم يخفى عنا شئيا وكثيرا ما كتب باسمها واوضح داخل البوستات انه يكتب من جهاز غزال المسالمة ..
حقيقى ان ود عزة اخ كريم وبصماته اوضح من ان يشار اليها ولا تحتاج الى تعريف ويكفى هذا البوست نفسه الذى بلغ ذروة الروعة فلماذا تود افساد كل ذلك..
لا ارى مبررا لكل تلك الزوبعة ولو فرضنا جدا وبما تلمح له فماذا يضيرك انت اخى ...؟
نحن هنا يهمنا من كل عضو قدر ما يرشحه لنا من افكار واراء وكلمات ونتواصل معها وبها ونناقشها بجدية او بدعابة ولكن لا يحق لك التدخل فى خصوصيات الاخرين وهم براء من كل همز ولمز حسب معرفتنا الصادقة لهم..
اخى
الرجوع الى الحق فضيلة
ولذا اطلب منك وبكل صدق ان تعتذر للاعزاء ود عازة وغزال المسالمة عما بدر منك من سوء ظن فهو بأى حال لا يعنيك امرهم وكل ما يهمك هو ما يكتبوه ولك مطلق الحرية فى انتقاد كل ما يكتب فنحن فى موقع اسمه المنبر الحر ولكن اعلم ان للحرية حدود واعلم ان هذا الثنائى الرائع يجد القبول والاستحسان والاعجاب من كل اهل البورد عامتهم وخاصتهم وفى هذا ما يكفيك على ما اعتقد..

انتي ياودعزه لو بترضي انه صاحب اختك يستعمل جهاز الكمبيوتر الخاص بيها - ناهيك عن يستعمل الوق بتاعها ------ تبقي دي حاجه تانيه واللبيب بالاشارة يفهم
وكما قال احد الاخوان هنا في البورد
الكلب اذا عطش لهث واذا شرب لهث

Bakhaf
Please try to behave your self
WAD AZZA

كتبت رد قبل دقائق لست ادرى لماذا لم يظهر..

أعيد
ألأخ بخاف
أولاً أود أفادتك بأن الاخ ود عزة هو الذى قدم لنا الأخت غزال المسالمة واوضح لنا جميعا علاقته بها بوضوح وجلاء فهى علاقة تحت النور وليس فيها ما يشين او يجعل البعض يهمز ويلمز لانها ليست خفية على احد وقد كتب مسبقا باسمها يوما ما واوضح انه يكتب من جهازها وليس فى ذلك عيبا ابدا..
ثم ان الأخت غزال المسالمة ومنذ قدومها كانت شمعة تكتب لنا ما يجعلنا نستفيد ونعجب بفكرها وهذا يخولها للكتابة باستقلالية دون الاستعانة بأى كان رغم احترامى الشديد لود عزة ..
كما ان ود عزة نفسه علم فى هذا البورد وكل بوستاته رائعة واجل من ان توصف وهذا البوست نفسه اكبر دليل على ذلك فهو من انشط الناس هنا واكثرهم ثقافة ودوما يأتينا بما يفيدنا وهو رجل حر عاشق للحرية ويقول كلمة الحق فى وجه كل شخص وقد اشتهر بذلك ..
وكذلك هذا البورد سمى بالمنبر الحر ليقول كل شخص أى كلمة حق يريدها بلا وجل ولكن اعلم ان للحرية حدود وحدها ان تتعدى على حرية الاخرين وليست الحرية النيل من اعراض الناس والاساءة اليهم فهذا بعيد عن الحرية والحر لا يفعل ذلك لانه لا يرضاه لنفسه..
شىء هام عن علاقة الاعزاء المذكورين وهى علاقة واضحة جدا ومعروفة كما اسلفت فماذا يضيرك انت فيها ولماذا اخذتك العزة بالاثم ونطقت ما لا يجب ان ينطق فى منبر يشهد له الجميع بالعفة والنظافة وليس فيه خارج عن الاجماع فى الذوق العام والأدب والخلق القويم..
لماذا تحاول تشويه صورة اناس احبهم الكل والكل يضعهم فى مكانة سامية وعالية ورفيعة ..
الا ان كان فى نفسك غرض وهذا ما لا نعلمه
اننى لا ادافع عنهم ولكننى ادافع عن كلمة الحق وعن نظافة هذا البورد الذى لن نسمح للمهاترات الرخيصة ان تسوده وتشوه حلو ما فيه
ولذا اطالبك بالاعتذار للاخوين ود عزة وغزال المسالمة لانهما لا يستحق ما لحقهما من اذى من ساقط القول اتيت به بلا حياء ..

واعتذر للاخت الكريمة الغالية غزال المسالمة والأخ العزيز ود عزة لما اصابهم من هذا البورد واقول لهم ان هذا لا يمثل راى أى شخص سوى المذكور الذى نزع ثوب الحياء وتجرأ على اعراض الاخرين وطهارتهم وهذا ما نرفضه جملة وتفصيلا فى هذا البورد وارجو ان يكون واضحا ان مثل تلك الاساليب ليس مكانها هنا وانما هنالك مواقع اخرى تصلح لتلك التوافه من القول وارجو منكما ان لا تهتما لما قيل واعلما ان للنجاح ضريبة دوما ودعكما مما قيل

الخواض يا اخوان مشي يجيب
تلج

يامان انت ما بتخجل ده جزاء المعروف
الناس جابوك سويسرا كما قلت وكمان في النت
اقول حاجه اخيره انا ود امدرمان وبعرف الاصول كويس
والحاجات البتقول فيها دي ماهي زاتها الرجعت السودان لوراء وخلت الواحد ما عرف الولد من البت زاتا

يا اخوانا باركوها
انتو ناس كبااااااار ( ماعدا غزال المسالمة) ذنبها
شنو تروح معاكم في الرجلين و
بعدين يا بخاف !! عييييب يا اخي..

عادي انو اي واحد يدخل في اسم التاني اذا كانو بيستعلو كومبيوتر واحد
و راجع الارشيف انا و عماد براكة بحصل دة عادي بيناتنا
في الاخر .. المهم هو المشاركة و ليس المحاسبة و الترصد

الخواض يا اخوان مشي يجيب
تلج

شكرا ليك خدر....
لكن زى معكرات الغنا دى نقول عليها شنو انا شخصيا ما زعلان...
وانا قاعد فى البورد ده مهما حصل نحن جلدا متعود على جر الشوك زى ما بقولو ..لكن غزال حساسة شوية والكلام القالو الزول ده زعلا
وحقيقة ما كان فى داعى ليهو لأنو البوست كان سؤال عن الخواض والردو كلهم سألو عن الخواض ..لكن ده جا بى سؤال تانى ماليهو لزوم خالص
بعدين أسلوب أختك ما أختك ده كبير شوية ولايصح فى هذا البورد
تحياتى
ود عزة

(شكرا يا ود قلبها (الخرطوم
رجاء..
انت و غزال عدم الرد علي هذا الموضوع
مهما كتب فية مرة اخري

يا بخاف ... خاف الله واعتزر للناس . بعدين دا ما كلام اولاد ناس .. انت ما سودانى ولا شنو ؟؟ عليك الله يا ود عزة يازوق .. رجعنا لموضوع الولد الرائع ود الخواض

انا لو ما ودناس وسوداني اصيل ما كنت قلت كلامي ده وكان ده الحال عليه العوض

وينك يا وليد واله انا كنت ظالمك ساكت
نشوفكم بكره بس عشان الوقت اتاخر خالص

الاخ بخاف لك التحيه واسألك بالذى خلقك ان تخاف الله فى خلق الله فدع الخلق للخالق ونحن هنا اخوه تجمعنا اواصر الموده والخلق النبيل فارجو اخى الكريم ان لاتهتك اعراض الناس وتذكر ان لك عرض ولنسأل الله ان يستر اعراضنا جميعا ولك التحية اخى

الاخ عزيز
انا عندما بدات الحديث كام مجرد ملاحظه كما اني لم اكن البادئ بالاساءه وصاحبنا ده مفتكرني اسم علي مسمي -بخاف- كلا وحاشا وبعدين فعلا حاجه غريبه الكل قبل ذلك كان يعلم الصادق وتغريد مخطوبين لكن لم بفعلوا مافعله هذا .........
المهم لا اريد ان اطيل وهذا اخر تعليق علي هذا الموضوع ولكم العتبي حتي ترضوا

اخى الكريم بخاف امد الله فى عمرك ومتعك بالصحة والعافية كما قلت لك اخى كلنا اخوه فالنشدد على ايادى بعض قويا وان لا نترك لحظة انفعال تشتت وتباعد بيننا وكلنا خطاؤون وخيرنا هم التوابون والاعتذار من شيم الاقوياء والقبول هو من سمات الاكرمين وانت قوى واخوتك ود عزه وغزال كريمين فالنصافح بعض بكثير من الحب والاحترام ولتستمر الموده والالفه بيننا ولنلتقى يوما بالسودان ونشيد لنا دارا نسميه سودانيزاونلاين نتفاكر فيه ونحكى مالذ وطاب من جماليات اللقاء الاول عبر البورد لك التقدير اخى بخاف وكل الحب للحبيب ود عزه واختنا الجميله عزال المسالمه

ممكن نرجع لي موضوع الخواض
هو مشي وين الخواض يا غزال ؟

والله الخواض فتنة
حاضرا وغائبا
الله يديك العافية يا خواض

سلامات
وينك يا زول
قليهم عشان اطمئنوا وارتاحوا
على العموم كل سنه وانت طيب
وبتعملها كل شهر ولا سنه عشان الناس تعرف انك مهم
وتعرف قلاوتك عندنا
ترجع بالسلامه


ام هاني

هو فى شنو ؟؟؟؟؟؟؟؟؟

الناس حصل ليها شنو ؟؟؟؟؟؟؟؟؟

مالنا ياعالم ضاقت بينا المساحات؟؟؟؟؟؟؟

ليه كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واعتقد لو فى خلافات شخصيه ده ما محلها ؟؟؟؟

لانو الكلام الشين ابدا مابيروح يا حلوين ... وبيقعد لى يوم الدين

عشان كده باركوها يا شباب .. ويا عزيزنا بخاف انت مدين لكل قراء البورد بالاعتزار ليس ود عزه وغزال وحدهم .. فكلامك هذا يجرح سودانيتنا السمحه .. ويعكر صفو بوردنا الجميل .. ونحن زاتنا يا بخاف الفينا مكفينا .. وح يجى يوم ابكى ليكم هنا فى البورد ده .. وكمان برضو عايز تزيدنا هموم ومشاكل وكلام زى ده ؟


خواض الله يجازيك ياخى انت فى داعى كان تختفى؟



ولكم جميعا مع الود احترام



ديك الجن

/ عماد بركة
قرشو/عزيز/جاد/ خضر/ احلام/ديك الجن
شكرا ليكم والموضوع ومافيه أن هذا الشخص قد أساء كما قرأتم
وعشانكم وعشان البورد وجمالو انا نصحت غزال بعدم الرد عليه وقفل الموضوع لكنه استمر وزى ما شايفين دخل فى مناطق خطرة وصعبة
بالاتهامات والقذف
نأمل أن يهتدى الى الصواب
وان لايجبرنى على الرد عليه مرة أخرىفردى فى المرة القادمة سيكون صعبا وقاسياوموثقا وهو يعرف ماذا أعنى ؟؟؟؟؟؟؟؟؟؟؟؟
تحياتى

لقد ابدع الأستاذ الراحل صلاح أحمد ابراهيم فى كتابتها شعرا وأبدع العملاق وردى فى تلحينها وغنائها وابدعت أنت ياود عزة فى تنزيلها لنا
فسلمت
تحياتى
ناهد

سلام عليكم ياشباب
والله الواحد ماعارف يقول شنو
لاكن
ود امـــــــي ودعــــــــزة
النبدا ليك من الاخر
البورد ده نحنا جيناههو اغراب وبقينا فيه احباب
واخوان واعز من الاخوان
والدليل علي كدا انك فقتني لما طولتا
انا ما حا اقول ليك ارجع
لنو في اعتباري انك ما مشيت
واذا ما رديت علي البوست ده
ذي ما دخلنا البورد سوا نمرق سوا

وعلي فكره غزال دي ما اختك براك اختنا كلنا
ذي ما كل الانسات والسيدات الباقيات اخوتنا
يعني بصريح العباره البيت واحد
ولو ما كان البيت واحد
ما كان الزول خلي اخواته
يشتركو ويدخلو البورد

وانابقول ليك يا غزاله
البورد حيفقد تلاته اذا ما جيتي
من غرفتك البي غادي لي صالونا الواسع ده

وفي النهايه وانشاء الله ما تكون اخر حروف
اتمنا انو اول رد يكون منكم الاتنين
وفي بوست واحد

والا وداعا يا احباب
وعملتها يا بخاف

ود الخواض

يا جماعة ما عارف اكتب شنو بس
عيب
والله عيب
والف عيب

bakhaf, 3aref al zayak kida hom al beshwhoo sowrtna ka sudanese
leah yakh bas gawi nakad kida????
3amlloo lik shnoo al jam3a dail?? oo ba3dain fe3lan mafi ay monasba le kalamak da..yakhi inta ma 3ndak akhwat...
ya Gahazal ma tashtagli be al mowdoo3 kateer...

الاخوه الاعزاء
انا شايف انو اخونا ..بخاف ..ما عمل حاجه كبيره!!! يعني في البدايه فعلا كانت ملاحظه عاديه ..انا شخصيا ..لاحظت الحكايه دي ..لكن اخونا بخاف سوداني اكتر مني ..يعني شمارو ازيد مني قام للتعترو سأل...المسأله كان ممكن تنتهي لو اخونا ود عزه اكتفي بالرد الاول...لكن هو طلع سوداني اكتر مننا الاتنين..وخشي في دور البطل ..والخاين طبعا بخاف...هاهاهاهاها..كلنا بنعمل كده ..وباقي السودانيين خشوا في الدور برضو...شئ مديده حاره ..وشئ حكيم الحله...وشئ البطله الجريحه وشئ الواعظ عبد المعطي!!!!!!
لكن الذ حاجه في الموضوع انو الردود بقت كتيره ..يعني مسافة ما تقراها الغنيه تكون قربت تكمل...ده الذ مافي الموضوع...
بالنسبه عن رأي الشخصي انا من الليله مع خدر ..وعماد براكه في تيم واحد
هاهاهاهاهاهاهاهاهاهااه
خداري...ممكن تقبلوا عضويتي ؟
بالنسبه لي موضوع الخواض
الخواض مشي جاب التلج وجا
هسي مشي يجيب العيش!!!!!!