وهم الغربه

يــــــــــــــــــــا غربـــــــــــــــــــه

يا غربه يا بكايه يا غشاشه يا مستهبله

تغرينا بى درهم قروش ووراه قنطار بهدله

جيناك لى سنتين وبس أو قول ثلاثه نكملها

نلقى المراد أو نودعك نرجع ..حياتنا نبدله

نبنى البيوت فى العاصمه وبى كوم أثاث بنجملها

وكرونا حاره نحضرها أصـــله التنقل مشكله

ونكمل الدين بى مهل والسمحه جاهزه نحصلها

غير القروش ..اللى للأهل عبر الشهور حنرسلـها

والباقى يدخل فى البنوك نشوف دباره نشغلها

ناس فكرت تجنى العلم تبدأ الدراسه تواصلها

أحلام كثيره وشيقه وآمال كبيره نأملها


وهذه هى بدايه الأحلام ............. وللقصيده بقيه

غدي لك التحية كلام ناتج عن تجربة وحقيقة دا الحاصل
يا غربه يا بكايه يا غشاشه يا مستهبله
تغرينا بى درهم قروش ووراه قنطار بهدله
تحيات .....واحشني

اااااااااااااااااااة من الغربة وسنينة ولكن اهى ظروف وبتعدى ومصيرنا نرجع لى وطنا الحبيب وصية منى خليك صبور لانو الغربة للرجال وبطل الجرسة

i like that poem osman
keep it up


حكاية شاب سوداني في بلاد الله



عمر رجب شاب سوداني لم يتجاوز الرابعة والعشرين من العمر، قاده طموحه الي
.اوروبا. . حط به الرحال في هولندا. . لم يكن الطريق منذ البداية سهلا
. . وبين هنا وهناك. . انفتحت له كوة في وادي عبقر. . فصار ينهل منها
ه نهلاً. . اسلوبه السهل الممتنع. . . اللغة التي تسمعها في كل مرافق الحياة
اليومية . . مع غرابة في الالفاظ تشكل الطابع العام لشعره ، تجعل منه شيئاً
مميزاً. إن لم تكن التجربة ناضجة تماماً ، الا إنها جديرة بان تسلط عليها
الاضواء. عمر يحكي هنا احلام كل الشباب السوداني الذي اكمل تعليمه الجامعي
.ثم شد الرحال الي بلاد الغرب. ِ.

الصحفية حليمة
www.halima.8m.net


هناك حيث المادة سيدة الموقف. . . وفقير ومدقع الفقر الذي لا يملكها. . عمر
.يحكي تجربة الشتات السوداني . الغربة التي قد تتحول الي هجرة من يدري
. . ؟؟؟

متي تتحول الي هجرة معاكسة. متي تتحول كتاباته الي قصيدة من دفتر العودة
الي الوطن. . . ؟؟؟

حكاية شاب سوداني في بلاد الله

من سفارة لقنصلية

وتوصية من وزارة الخارجية

وجواز جديد من الداخلية

والخطيبة مسكينة ورضية

ما عارفة بالحاصل ولا الاسية

وكل وعودي باءت بالفشل

والفرح من وجيهي اتنشل

****

من سفارة لقنصلية

.ونتيجة اللوتري الامريكية

.واقول يا رب

حظي السنة دي

.فيها يضرب

.واقول يارب . واقع رب

.آه لو تصدق وتضرب

.بقيت في بيتنا زي عالة

.وين الوظيفة ما نحن عمالا

.قروش الفطور ياها قروش الوكال

.والغريب ست . . الوكالة

.السفر ذاتو في بالا

التأشيرة وما ادراك ما التأشيرة

.الاستحالة

والفيزا وما ادراك ما الفيزا

ما بتحلك جنيهات

ولا بريزة الا بس

دولار السجم العندو ميزة

ورهبتو الانزرعت فينا زي ميزة. )

*****

.( من سفارة لقنصلية

.اتحول المشوار

.من البيت لفكي عطية

.ورسوم الفيزا بقت بياض

.لزوم الاوراد. البتفك الامراض
!
.وال فورم صار محاية

.لزوم الحرز والعناية

.البتفك الاذايا

.وشئ من لاشئ بس كفاية

.صوم اسبوع واقرأ آية

******

.( من سفارة لقنصلية

.والحريم تشكر في عم عطية

.سموه الناس عم عطية أجل

.وحديثو كلو اجل في اجل

.والعربية يخليها تمشي بدون عجل

.والبطري قاصد اللوتري

يخليهو يجي بدون

.امضاء علي عجل

.وشيمتو الحياء . .

.وساعة البياض.

.ما بعرف خجل

.صدق اللي قال.

.عم عطية . . اجل. . سيد الدجل

.لا محايتو نفعت.

.ولا قرايتو يوم السفارة شفعت.

.ولا رسوم التأشيرة اندفعت.

*********

.من سفارة لقنصلية. .

.والفيزا يطول انتظارا.

.وتلقي الخبر وتجي الزيارا. .

.يا سلاااااااااام. .

.ما خلاص بقيت سيد شباب الحارة. .

.ولازم ابني بيتنا عمارة. .

.ما سمعتو عن اوروبا واخبارا. .

! دي فيها العمار وما فيها الخسارا. . .

! وافقر فقيرا عندو إمارة. . .

*****

.من سفارة لقنصلية. .

! لحظة وداع اجمل ايقاع. . .

.تهطل دموع الفرح سارة. .

.ومهما فرح القلب برضو الفرقة حارة. .

ومعقولة الخلق دي كلها فارة. . . ؟

.وبالاحضان سلام وداع أمر. .

.ولو ما كان الوداااااااع.

.. ما كان الفراق أمَر. .

.ويا يمة وصيتك معاي بالكلمة والذرة. .

.إنشا الله اجيك وقروشي حرة. .

.وبتصل بيكم في كل مرررررررررة. . .

! الوووووووووووووو. . .

! آلو متصل بيكم من اورووووووووبا. . .

.لو تسمع اوروبا تقول دي بلد. .

.دي ما بتفرز فيها البت من الولد. .

ولو تسمع اوروبا

.تقول دي بلد القشطة واللبن. .

.كل البنوك للسلفية ابن. .

.وكل امالي فوق خيوط عنكبوت حبن. .

.اللووووو. . .

.لو تسمع اوروبا تقول دي بلد الورد. .

.دا رااااسي نشف من البرد. .

.والضرايب هردتني هرد. .

واحلامي الجميلة لازم

ماتنطرد. . . وكيف اطلع من بلد

.قروشها تطلع بالكرت. .

.وعروسي المنتظرة كيفن تجي بالطرد. .

.هههههها احلام عاوزة ! لعب قمار بالخرت. .

.والجمرة الخبيثة في كل طرد. .

.راهبة الكل ما خالة فرد. .

.لو تسمع اوروبا تقول دي الجنة. .

والله درب القرش بهدلنا

.وشهادة الهندسة شغلتني بنا. .

.ومن مكان لمكان رحلنا. .

.والله اخير الرجوع لاهلنا. .

الأخوان ....... واحشنى ..... عثمان ..... عمر

لكم جزيل الشكر..... والقصيده دى منقوله ..

ولا أعرف حقيقه كاتبها ....

والآن الجزء الثانى من القصيده.. ( الواقع المرير )

لكن حساباتنا الغلط ..... فى كل عام بنرحلها

مرت سنين من العمر ....... بنعزها وبنفضها

والحسبه وصلت طاشرات .... يمكن نعيش أو نبداها

وتعال نحاسبك يا وهم .... من غير رقم او امثله

كان للقروش نجرى ونحوش ..... لكن تقول بنشاكلها

ما راضيه تقعد فى الجيوب ...... وتقول حرامى بنشلها

لكن بترقد فى الظهور....... بى ديون تقيلة مطولة

ممحوقه ما بتقضى الغرض ...... وأقل حاجه تكملها

كملانه بطحاء وحق وزن ...... ومجاملات مستفحله

وضرائب ندفعها ...... والزامى حمدى نحولها

وأحلامنا أصبحت زى سراب ..... نمشى ونجرى ما بنحصلها

يا ريت يكون هم القروش....... يا غربه فيك المعضله

لكن تعال شوف الهموم ...الما افتكرنا نقابلها

سجنا كبير فيه الكغيل .... سجان قيوده مكبله

شغلانه شاقه ومؤلمه ..... ودايما تكون مستعجله

ما عاد يكفيها النهار ..... تحتاج ليالى مليله

أمراض كتيره بدت معاك ..... فبل الألم تستسقلها

وفى الجزء التانى ..... نعرف الأمراض ...