ايو يو يو يوووووووووووووووووووووووووووووووووووووووووى

(1)
السبت السابع والعشرون من ابريل ده تاريخ *** كورة الاهلى والمريخ
الاهلى اكيد من مصر *** بس مريخنا عصرو عصر
التشكيلة كانت كالاتى *** فى المرمى اكيد عمار مكى
فى الاحتياطى عثمان زكى مسكين مظلو *** بس شوفو ارهاب فى خط الهجوم
فى الوسط مهندسين واولاد صغار بس كلهم خبره *** ابراهومة ود العجب ميرغنى كنيد جندى نميرى وفاروق جبره
وصناديد ومتاريس وللشباك مدافعين *** اولاد اماس لشباكنا حارسين
وطريقة اللعب ثلاثة خمسة اثنين معتذ الدقى حاتم عبد الاله الضوء وبكرى مكين ديل كلهم فنانين
*** صفر الحكم بدت الكورة والاهلى مسخن اكيد ياناس *** بس اولاد مانديلا بيهدو الكورة ويمتصو الحماس
شوية شوية الشوط الاول واللعب هدا***والشوط الثانىتسطير وفن و المريخ بدا
جمهور غفير كام والف متفرج***هجمة خطيرة وبتاع الاهلى للكورة بيصرج
ياخبر اسود.. قالها المعلق احمد شوبير *****وااله حرام مريخ مانديلا خلاه يخونو التعبير
وكل السودان الله اكبر تهليل تكبير مريخ مانديلا الفاح ده عبير***..والراس مرفوع افرح يابشير
سجل سجل ياتاريخ ***الاهلى اتبهدل على ايد المريخ
اولادنـــــــــا اشاوس والله ابطال ***مريخ مانديلا سيد الادغال
والمصريين ياخبر اسود ..ما معقوله *** والله حقيقة انتهت الكورة
مريخ مانديلا فاق الاعجاز *** الاهلى انهزم والمريخ فااااااز
مــــــريخ سودانا فارس مقدام *** وبشيرنا قال خلوهو الوراء ارمو لى قدااااام
واخيرا كيه ليك يا محمد الحافظ ***مين غيرالمريخ لسمعتنا بيحافظ


(2)

الكون كله بيدور **** مريخنا بعرض وطول
جمهور بيغنى بيقول *** الليلة فى مصر سكون
مريخ مانديلا بيصول ** وللاهلى دك حصون
عجب الباص ده سريع ***هيثومى القون ده بديع
جمهور زاد فى التشجيع **والاهلى المصرى صريع
يا عجب يا ود ياعجاب**هيثومى بس ارهاب
جندى نميرى ياارعاب ** ده فن ولا حجاب
ميرغنى ولدنا البارع ** الاهلى فتحو شوارع
فاروق جبره يا ناس **كورتو فن واحساس
يلعب كورة بمقاس ** عكسية وفوق الراس
الضوء اسس تاسيس ** دفاعنا بس متاريس
بكرى مكين اه منو ** الود ده تقول صانعنو
واللى بيقوم على جنو *** بيبدع بلعبو وبفنو
معتذ الدقى امان ** انت امل السودان
عبد الاله صنديد ** عمار مكى ده حديد
سودان كلو فرحاااااان *** زغرودة بس يانسوان
مريخ مانديلا الفنان *** بيعزف احلى الالحان
رغم التحكيم والبيع *** الاهلى الليلة صريع



(3)
زى فرق اوروبا بس شفناك هناك
بتدك حصون الاهلى وتحقق مناك
فى صفوف تيمك بيموت فداك
هجومك الكاسر بيملا الشباك
ووسطك الفنان الاصيل رمزك معاك
ودفاعك الشرس العنيد واقف حماك
وحارسك البارع عديل أمن شباك

خوفى بس مريخنا ياسيد الحصون
يسحروك ياتيمنا ويا الكلك فنون
يا شبية الحور بخاف من العيون
والله خايف فى لعيبتك يسحروك
يسحروك وتاريخك الكلك كؤوس
يســـــــــحروك ولسودانا مين يرفع رؤوس

(4)

الليلة سنو ؟ الليلة السبت وامبارح الجمعة
اللاهلى المصرى ما فقد السمعة

الليلة يوم كم ؟ يوم السابع والعشرين
الاهلى انهزم من الصيادين

طب ده شهر شنو ؟ يا زووووووووول ابريل
الاهلى الليلة خانو التعبير

آخر سؤال دى سنة كم ؟ ده القرن الواحد والعشرين
هاها ناس المريخ الليلة مبتهجين

مريخ اليوم بحى العرضة
خلى الاهلى آخر مسخره

كورتو جميلة ومسطرة
بهدل الاهلى البهدله

فن جميل والباصات
مفروض يرسلوهم لى عرفات

فيصل عجب زول فلتات
يقولك خد وتانى هات

هيثومى البارع شتات ياشتات
لفت رايت جوه الشبكات
(5)

الكون كله بيدور ** مريخنا بعرض وطول

الاهلى ياناس مسكين والله تقول مسطول

جمهور بيغنى بيقول ***الليلة فى مصر سكون

يا اهلى يا زى الفار ** مريخنا مولع نار

تانى ما فينا هزار ** تحكيم غلبنا مرار

التار التار التار ***مريخنا ده سيف بتار

يا اهلى اللييلة الكية ** مريخنا كمان راس حية

لو ما عندك اى كلام ** اسمعى منى ياغلام

جهز تانى الاعزار ** قبل ماتخش الدار

وانسى البطولات الافريقية**دى رحلة وترفيهية

واوعاك تانى وتعود** مريخنا بيعزف عود

وعشان ماتقابلنا دقرى ** ابعد من بطولة الدورى

كده ترتاح وما تلاقينا** حتلاقى الاصغر فينا

وبعد ده لو لاقيت ** اكيد حينخربلك بيت

وصية اخيرة يا اهلى
مريخ لاقيتو ما عيب ((بس اجرى )) مبرووووووووووووك

(6)


انا لا بايدك لا بايدى ** ده الزمان اختار كدى
المريخ ضرباتو حاره ** ونرضى بى حكم الارادى

الله بس ياهو البيعلم ** بى مصيبة الاهلى قادى
انا لا بايدك لا بايدى * المريخ حقق مرادى

ده المريخ للاهلى زلزل ** ولى جمهورو فى مصر بهدل
انا لا بايدك لا بايدى * المريخ حقق مرادى

عشتى يا نجمتنا غالية *** ولى رؤوسنا رفعتى راية

انا لا بايدك لا بايدى * المريخ حقق مرادى

والتاريخ لازم يسجل ** وللمريخ لازم يقدر

حقيقى كانت معركة ** مريخنا بس ادركه

ولى حصون الاهلى خرب * واوعاك بس تانى تقرب

فى المريخ ابطال اشاوس * وللاجانب ما بنكوس

نحنا فينا ابراهومة * وفتية زيو اتحفونة

وفى هجومنا اهداك هيثم * زى غناء من هادية طلسم

ده المريخ كان لعب صح صح* مافى تيم جنبو بيفلح

واللعيبة يا جمهور هاكم ده فنى
ومرة يهتف ومرة تانى راح يغنى

لا الخشونة بتنفع معانا
ولا بتغلبونا تانى فى ديارنا

نحن للسودان بنرفع *راسو عالية وقامتو ارفع

ياشباب فرح الليالى * والاهلى ما اظن يغلبنا تانى

وآخر دعواتنا والامانى* موردتنا تفرحنا تانى

سمعنا الغزل في النساء لكن لمن نسمع الغزل في الكورة
وبعدين تعالي هنا مريخك ده فرحان كد ه تاهل لدور الثمانية
يا اخي ما تخجل شويه وين الكورة في السودان الدافوري ده بتسميه كورة
يا اخي ارحم نفسك شويه

ياعمر مهدي شنو قصتك لا عائز تخلي الناس تفرح ولا انت عائز تفرح ياخي جنك نسوان والغزل في الكورة حرام الا دي تكون من فقه الضرورة بتاع ناسكم يا ودمهدي وبعدين تعال هنا المريخ دا امبارح لعب مبارة ولا في احلام ناس الهلال انو يلعبوها وبرضو المريخ فاز بالثلاثة وشرف الكورة مش انتو مع التوانسة طرد وهزيمة بجلاجل وكفاية فضائح ياهلالاب دا الشغل دا الشغل

علي بالطلاق الهلال لو كان لاعب مع الاهلي ده كان ادهو عشرة عديل كده
وبعدين ناس الاهلي ديل بس قالو عاوزين يرفعو معنوياتكم شويه

سمعتي الزغاريد من تاني شارع قلت نجي نشوف الشمار شنو قلت اكيد في واحده بوردايه جابو ليها سد المال
الفرحان ليه شنو يا اخوي
ولك كل احترامي