!!! وفرحانين اوى ......... قال المريخ رد الاعتبار للكره السودانيه.... قال

اخوتى الاعزاء اولا تحياتى
ومبروك ان كان مجرد هزيمة الاهلى وخروجنا من المنافسه يسعدنا


اخوتى

هل خروج المريخ من المنافسه يعنى رد الاعتبار للكره السودانيه ؟
واين هى الكره السودانيه التى تتباكون عليها ؟ هلالاب ومريخاب؟؟
الى متى تخرج فرقنا من الادوار الاوليه ونهلل ونكبر ؟؟
ومتى سوف نخرج الفرق المصريه ( عقدتنا ) من المنافسات اذا كان الاهلى فى هذه الفتره بهذه الحاله وبرضو يتاهل على حسابنا؟
كل متابع للكره المصريه يعلم ان الاهلى يمر بمرحلة حرجه فى تاريخه ويسمونها محبيه بمرحله التجديد ( احلال وابدال ) وما هزائمه فى الدورى المصرى الا شواهد ومستواه فى المباراة الاولى والتى لو استثمرها لعيبتنا لهزمنا الاهلى فى عقر داره ولتاهلنا من القاهره ..
لقد اتى الاهلى للخرطوم وعينه على دور الثمانيه.. وغادرها وقد تحقق هدفه وهو الصعود لدور الثمانيه وزى ماقالوا العبره بالنتيجه .. يعنى رجعوا الى بلادهم وهم فرحين بما حققوااذن ماذا يفرحنا نحن ؟
التعصب الاعمى ده هو الخلى كورتنا تحت التحت ( يعنى التحت زااااتو مالامين فيهو ) ولعمرى ان كرة يقودها ارباب الجلاليب والعمم .. والكروش والقروش.. والرؤس الفارغه الا من رحم ربى .. لن تتقدم قيد انمله .. كرة هى اخر ما تفكر فيه الدوله .. وعندما تفكر فيها تفكر فى الضرائب والرسوم لاغير ..كرة يلعبها لعيبة هم قمة الجهل والخواء الفكرى فى السودان لا يفقهون طز من سبحان الله والله لن تتقدم .. كرة يلعبونها امثال هيثم مصطفى وفاروق جبره يلعبون بالمزاج .. ويتمرنون بالمزاج .. ويصفعون من ارادوا من الادرايين بالمزاج .. ونظل نحن ايضا نهتف لهم .. وبمزااااج .. والله لن تتقدم
كرة اداريوها ابو جريشه وود الياس والمقبول والجعلى والبرير والله لن تتقدم ... والى ان ينصلح حالنا .. فكونا بالله واستمتعوا بكرة غيرنا .. وشوفو ليكم شغله غيرها



ولكم الود من قبل ومن بعد


ديك الجن

الاخ ديك الجن .. لك التحية .. غايتو انا شايف اني أحسن منك شوية .. أولا لا أشاهد كورة دولية فيها طرف سوداني إنما أعود إلى البيت بعد أن تكون انتهت وبردت ، ماعندنا قلب ولا مصارين لخمة النفس والشحتفة وتوابعها من الآلام التي تسببها مبارياتنا الخارجية .. يمكن بعد كااام سنة كدة ، نكون كبرنا وبردنا والكرة السودانية اتحسنت .

نحن عشان نهزم المصريين منعنا مسلسلاتهم وغناهم واستعضنا عنها بالشام ؟؟؟ ثم عدنا لها مرة تانية ثم حاولنا انتاج أشياء مبتورة مصنوعة بأيدي سودانية !! أهلا وسهلا .

حبيبنا .................. ديك الجن لاتنسى اننا احسن من الاهلى المصرى وفعلا ردينا اعتبار الكرة السودانية لانك كما تعلم جيدا كيف فاز الاهلى فى القاهرة علينا وعلى الهلال من قبلنا....................... اخيرا اتمنى المرات القادمة ان نطير الاهلى وانشاء الله العقدة انفكت وتانى ما فى ليهم طريقة

اخى مريخابى موووووت

تحياتى

والله ما اظن انو العقده اتفكت لانو ماذال الاهلى والفرق المصريه بتلطش فينابدليل انو الاهلى امس طير المريخ وهو جنااااااازه
بعدين لحدى قبل اسبوعين الاهلى ملطشنا فى ارضو وبرضو وهو جنازه
يعنى ممكن تقول اتفكت عقدة انو يلطشنا فى بلدنا .. لكن فى القاهره دى لا المريخ ولا الهلال ولا الفريق القومى قادر على هزيمة الفرق المصريه فى ارضها


وربنا يعين بس يا خوى


ديك الجن

الديك المجنون ... والله كلامك فى المليان وقلت الجد
ولقيتك اخطر من كمال حامد

يا جماعه الناس في السودان ما لاقبه تاكل كورة شنو؟؟؟؟؟؟؟

صديقي ديكو الفنان
الكورة عندنا بقت عمم وجلاليب وتلفزيون واسماء كبيرة ولسان طويل وسمسرة
تانيا واللة اللعيبة ذى ابطال الكرتون انا بتفرج على فلم كرتون وبتسلى
المريخ العظيم بقى مريخ انقاذى مليان ملاريا وبلاجرا ولسان طويل
والرياضة بقت مشروع حضارى واسلامى المهم دعواتكم والحال من بعضة ولن يستقيم الظل والعود اعوج وبكرة جاى ويسكت اللسان ويظهر العمل
المهم نفوز برئاسة الاتحاد الافريقى وبلا خجل والاختشوا ماتوا فى بيوت الاشباح