Post: #1
Title: مدني الحنينه
Author: madani
Date: 04-28-2002, 07:32 AM
يافراشـــات دوري بينا نمشي لي مدنى الحنيــنه
ننســـا بين خضرة ربوعه غربه كم طالت سنينه
***
اصـــلو نحن غلطنا مره سـبنا ارض الطيبه فتنا
فارقنا احضـــانه ومشـينا فى دروب الغربه تهنا
عشـنا بين آهــه وأسيه وياما فى غربتنا شــفنا
لاعرفنا نعيــــش بدونك لا السـنين داوت جرحنا
***
لما تجمعنا الليالي ونبدأ نســـــرح فى ملامحك
دون ارادة نقيف عشانك وفى الخيال بالايد نصافحك
نشكي ليك بعد المسافة وبى لهيب الشوق نصارحك
ما انت اصلك حاجه تانى والبزورك كيف ابارحـك
***
من سنين بتمنـــــى ارجع امشي للقبه وازوره
اطوف بيوتك حاره حاره واغشــا حبوبتى البدوره
اغازل المســــــاح بكلمة اهدى للكاشف شعوره
والقا فيك يامدنــــى روحى والليالي يضوى نوره
***
صالح فرح صالح / العين
[email protected]
|
Post: #2
Title: Re: مدني الحنينه
Author: suna
Date: 04-28-2002, 07:40 AM
Parent: #1
Quote: نشكي ليك بعد المسافة وبى لهيب الشوق نصارحك
ما انت اصلك حاجه تانى والبزورك كيف ابارحـك |
كيف السبيل إلى الزيارة عزيزي مدني
بعدين تعال هنا انت قاعد تندس وين
طمنا عليك يامان
|
Post: #3
Title: Re: مدني الحنينه
Author: أحلام
Date: 04-28-2002, 07:45 AM
Parent: #1
مدينة واد مدني تعتبر من المدن الجميلهواذا زرتها مره كمن يشرب موية النيل لابد من الرجوع اليها - مدني الخضراء مدني الطيبه مدني المحبه ، انجبت العظماء - فنانيين - كتاب شعراء - وسياسيين - مدني وداللمين - مدني عبدالعزيز المبارك - مدني كثير وكثير ولكي يا مدني الف تحيه واجمل زهره تغطف من بين الزهيرات الموجوده فيكي واجمل الروائح الفائحه فى حدائق واد
مدني - بمارنجان بلد الطيبيين والأحباب - بمدني
بنت مارنجان
|
Post: #4
Title: ومدني حلوة بناسها جميل يا مدني يا السني
Author: sunrisess123
Date: 04-28-2002, 07:50 AM
Parent: #1
والله مدني جميلة
وناس مدني طيبين
وحلوين وبالذات ناس جزيرة الفيل
وناس بانت
بس خلو العنصرية دي
وجيبو لينا حاجة
عن الريف ياخي هو السودان دا
بس الخرطوم ومدني وكوستي وووووو
فين الناس الساكنين في المليون ميل مربع
نبقى نعرف عنهم ويا اخ بكري بالله دايرين نسمع عنهم وابحث عن الكتابات التي تذكرهم وتتحدث عنهم
ولنا عودة
|
Post: #5
Title: Re: ومدني حلوة بناسها جميل يا مدني يا السني
Author: DEEK_ALJIN
Date: 04-28-2002, 08:04 AM
Parent: #4
مدنى سلااااااااااام
مدنى المساح .. مدنى الكاشف .. مدنى ودالامين .. مدنى سنطه .. حمد والديبه حاجه عجيبه .. مدنى قله ..مدنى عركى .. مدنى شاويش .. مدنى عتره .. مدنىامبارونا .. مدنى حنتوب .. مدنى السنى .. مدنى نادى الجزيره .. مدنى دار الاطباء .. مدنى لندن ... مدنى الجمال وانا مالى
ويابوى يالسنى .. السنى طمنى .. بجافى ليك اهلى .. وبسكن معاك مدنى
لوووووووول
والله مدنى جميله .. واجمل بى ناسها .. قضيت فيها خمسون يوما من اجمل الايام فى حياتى مع تعب العمل وهجير الصيف
لكم التحيه اهلنا ناس مدنى
ديك الجن
|
Post: #6
Title: Re: ومدني حلوة بناسها جميل يا مدني يا السني
Author: madani
Date: 04-28-2002, 01:11 PM
Parent: #5
ياسونا يا لذيذ .. موجود بس في شوية مشاغل .. لكنى طبعا قارئ مواظب جدا
يا احلام .. زكرتينا مارنجان وناس مارنجان الحلوين .. حلة حسن و عووضه .. والله شوقنا لمدني كل يوم في ازدياد
يا sunrisess123 يا استاذ .. شكرا على تعليقك .. ولكن تقول شنو ناس مدني ديل جنهم عنصرية لمدني
يا ديك الجن .. لا يختلف اثنان انك ابن من ابناء مدني .. فالبعرف لندن لازم يكون تربى ونشأ بمدني
|
Post: #7
Title: التحية لمدني الحبيبة
Author: Rose
Date: 04-28-2002, 01:35 PM
Parent: #1
التحية لك أخي مدني.... وأسجي عبرك التحايا لمدني وناس مدني أهلي وحبايبي
ود مدنى
ما له اعياه النضال بدني
روحي ليه مشتهيه ود مدني
ليت حظي سمح واسعدني
طوفه فد يوم بي ربوع مدني
كنت أزوره ابويا ود مدني
واشكي ليه الحضري والمدني
آه علي حشاشتي ودجني
وحنيني ولوعتي وشجنى
دار ابويا ومتعتي وعجني
يا سعادتي وثروتي ومجني
حين سألنا حاوي الوصب
من خمايل قرية القصب
قالوا جات سيرتك علي النصب
ونحن بين الروضة والقصب
صنفه بعرها قالن إن تصب
تربط الأحلام مع الخصب
كان حبيبنا وحاشا ما نصبي
ومن زمان فارقنا وهو صبي
تاني ما سمعنا انقطع خبره
يا حليلم طشوا ما اتخبروا
واحدة فيهن قالت انجبروا
فقر ابونا
وخدمة النبرو
الكنانة أكرمت نزلي
واغدقت من خيره كل زلي
إن حييت أو مت في الازل
ده مقدر طبعه في الازل
غايته بختم نفثتي الخطرت
بي تحية من حشاي شطرت
للتدور والطايره والما طارت
وسلاما ما الغصون خطرت
|
|