ممـــــــــــــنوع اللــــــــــمس

السلام عليكم
اخواني واخواتي ناس المنبر تحية ود ممزوجة بي رائحة النيل العظيم
في البداية دعوني اشكر الاخ الراقي بكري هذا الانسان الذي جمع بين قلوب كل السودانين في بلاد الشتات كما يحب ان يسميها ويجمعهم تحت هذا المنبر العامر بي ناسو
واخوكم جاييكم جديد وكدا يعني دا اول يوم اتولدت فيهو في المنبر يعني السماية بعد اسبوع عشان كدا انا داعيكم كلكم لانو ضابح لي (عتوت) والناس السمان ما يجو لو سمحتو عشان انا ناوي اوفر حاجة من العتوت دا لي العيد الجاي دااااااااااك
وانشاء الله الواحد يقدر يشارك في الموضوعات الجميلة التي تطرح خاصة وانه يوجد معنا عمالقة في هذا المنبر ويجب علينا ان نشتفيد من تجاربهم في كافة المجالات وانشاء ربنا (يسترها) معانا بس
وانا جايب ليكم معاي مواضيع ناااااااااااار وفي نوعية تانية من المواضيع للناس المابيستحملو النيران كمان
اها استعدلو للرسائل الجاياكم في الطريق بس ولحدي ما نتقابل تاني
طيب معاكم سلامة بعد دا

اها يا معتز يا اخوي طيب نرحب بيك كيفن ومن اوله قلتا لينا ممنوع اللمس

غايتو انا جازفتا ودخلتا ويقول حباااااااااااااابك

اهلا بيك معانا في المنبر
بس مافي داعي تشيل وش القباحة
كيف تضبح عتوت ده بالغتة عديل كدة فيها
سر بيني وبينك القوات الكندية كان حضر سمايتك شوف ليك حاجة تسد جوعتو دة بيجي زول اكل وما بياكل لحم ولا فول يعني امشي شوف ليك حاجة غير عتوتك والزاد الطين بلة انك عايز تخزن منو خجلتني يا ولدي
والله ناس البورد يشيلو حالك
مرة تاني اهلين بيك معانا

معتز كيف حالك
كان كده اتلومتا تب يا ولدىعتود شنو ياخى
انا متبرع ليك بثور الحضور
والف مرحب بيك معانا

الاخ خواض اشكرك جدا لانك انتا اول واحد يرد علي وبالنسبة لموضع عدم اللمس دا بس عشان يجذب الناس ليس اكثر من ذلك ولك خالص التحايا
الاخت بنت الاحفاد
انا حا اجيب عتوت لانو على قدر طاقتي بس الناس البيجيبو خرفان ديل ناس متزوجين مرة واحدة والزول البيجيب ليهو خروفين يكون عندو مرتين واذا كان الواحد زي عمنا الحاج متولي دا داير ليهو (تور) وليهو ظل كمان
واشكرك على المجاملة الظريفة
الاخ وليد اشكرك جدا على الثور يعني انقذتني عديل كدا لانو القوات الكندية جاية في الطريق زي ما قالت اختنا بت الاحفاد يعني ثورك جا في الوقت المناسب
على العموم لكم جزيل الشكر كلكم

marhaba bek ya motez fi betak wa ben ahlak.
ashan asbet leek ano anta ma ahlak andi sakhala saghera motbrea lek beha
wa ale baltalag ma togol haga teb.
warena alhagat al gebtaha
norta wa sharfta
player

الاخ بلير
اقول ليك السخلة الصغيرة وصلت لكن دي داير اربيها بس يعني ما بضبحها يوم السماية حا اديها موسمين ثلاثة كدا ونشوف ليها مناسبة نضبحها فيها
واشكرك على المجاملة الرقيقة

مرحب معتز
تحياتى
ودعزة

ياخوي
لا تلاقيني لا تغديني؟

في ناس سمان لكن ما بياكلو عتان
يجو ولى ما يجو

عموما انت بين اهلك ياخي
واتمنى كل اللذين يدخلون في البورد
برالمة يعني
يكتبوا كلام جميل
مثل الذي كتبته \للاستاذ/ بكري

مع لانهم دائما يبدون كلامهم بكلمات
فقدت معانيها
من كثرة
التكرار
مع شكري

الحبيب معتز
يا خوي نحن في عصر الإستشعار عن بعد
بمعنى إن اللمس أضحى إحتكاكا
وقديما أجدادنا القدماء قالوا : الإحتكاك
بيولد حريق
عشان كده أنا بقول: ممنوع الإحتكاك

شايف في ناس غايرين من كلماتك
السمينة
ونالوا من سمنتها بوصفها بالمبتزلة
ماهو ردك عليهم؟
ولك ودي وإمتناني

معتز اهلا بيك وحبابك عشرة ولى جوه ياخوى اول حاجة
بعدين انا من الناس السمان والله عتودك ده انا شايف انه تخليه لى اقزقز بيه لى يوم السماية اصلى بحب اقرقش العضام الرخصة زى بتاعت عتودك ده ..
اتفقنا خلاص ولا كلمة العتود لى انا اقزقز بيه وشوف لينا كبش سمين للسماية

وحكاية تخلى حاجة للعيد دى شيلها من راسك خالص
هسع بجوك اخوان البنات حرم ما يخلوا ليك ضلف ..

عموما باين عليك زول ظريف وحبوب ونحن بنحب الناس الزيك كده
وياخوى اكان ما شالك البورد نشيلك فى عيوننا
اصلها مشتااااااااقة
للفارق وما لاااااااااقى

هلا والف غلا بيك يا غالى معتز واضبح العتوت وليك على يا سيدى انا متبرع اسوى الشطة بالدكوة

مرحب بيك ونورته الشات يامعتز وكم قولت تيت جاينا بى عتان ياكافى البله

انا غيته غتوتك ده ماحااكل منه لانوا لحم العتان بعمل لى حانكلوا ههههه يكه

بــــــــــــــــوب

الاخ ود عزة اشكرك على المجاملة الرقيقة وإلى الأمام
الاخ بناديها دا كلام ما صاح منك يا اخوي وعلى العموم القادم أحلى لكن انا داير الاقيك واغديك غصبا عنك اها رايك شنو؟
الاخ (صنرايسس) مرحب بي الناس السمان لكن ديل حا يدخلو العرض الثاني يعني بعد ما الناس الضعيفين ياكلو بعدين يجي دور الناس السمان
وبالنسبة لموضوع بكري بصراحة يستاهل اكتر من كدا ومهما الزول اتكلم عنو اعتقد انو ما حا يديهو حقو
الاخ ايمو اشكرك على شعورك واحاسيك الرائعة واحتكاكك الجميل واخوانا السمان ديل حا ارضيهم لما اطفي الشمعة الاولى في منبرنا العامر ولك كل الود
الاخ قرشو حبابك الف والناس السمان ديل عندهم مكانه خاصة عندي بما انو انا لست سمينا لكن داير اقول ليك حاج في (اضانك) بالدس كدا انا عندي عتوت تاني التوم حق عتوت السماية حا اخليهو ليك بالزقاق بس انتا تعال بي هناك ومافي زول يشوفك عشان تقزقز براااااك
الاخ نور العين (انتا وينك وين) واهلا بيك يا غالي وبي شطتك بتاعت الدكوة ههههه
هل تصدق انو انا بالي كان في العتوت بس ونسيت الشطة عدييييل كدا
الاخ بوب (المنبر) منور بي وجودك يا اخي واذا كان لحم العتان بيعمل ليك لخبطة وكدا انا عندي صينية للناس الما عندهم دخل مع اللحوم ودي حا تكون عبارة عن بيتزا وحاجات تانية عاجباني
واشكركم كلكم على التفاعل الحلو دا لكن داير اعرف حاجة واحدة بس ·· انا لما كتب في البداية كنت عامل الرسالة عادية وداير اعرف العمل فيها النار دا منو بس؟
اكيد بتسخنو للعتوت من هسي انتو هههههه

الحبيب معتززززززز
الف مرحب بيك حبيبنا
انت جيت بالسكة ماري ولا جيت قاصد تزورنا
الف مرحب بيك حبيبنا

والله البورد نور واشرق كمان وزي ما قالوا لينا من قبل
ادخل لجوه البورد بورديك
اما بخصوص السماية والله عتوتك ده ما بيكفي ولا حاجة بالذات كان جيناكم
نحنا
وناس فريق وراء ديلك
وناس نور العين وبامسيكا وحبيب الكل
ويا نور المرارة كيف من اختصاصك ولا
اما الشية دي من اختصاصي انا يا نور
ومن هسه نحدد الاختصاصات عشان
بعدين ما يتلخبط الاختساس

مرة تانية مرحب بيك

ــــ
أسير الغرام يا قلبي ظلموك الحبايب سقوك الآلام يا قلبي

يا زول اهلا بيك في البورد
والشكر موصول لاخونا بكري والله الزول ده ما قصرنا معنا
اصلو يعني انستر تب
لم ليكم الناس الحلوين زي

الاخ اسير الغرام اشكرك على ترحيبك الحار
وانا برحب بي فريق حلة ورا ديل بما انو انا ملاوز من جيتهم لكن مرحب بيهم على كل حال لو ما شالهم البيت حا احولهم لي راس البيت (اقصد السطوح) وبالنسبة لي حكاية (الاختساس) دي خليها علي انا بوزعها ليكم كويس بس لما السماية يكون باقي ليها يومين كدا وانا حاجز ليك اختساسك لانو عارفك اختساسي شيات وكدا عشان كدا تعال متطمن
لكن انا بفتش لي زول اختساسي كوارع ما لاقيهو لحدي هسي لو بتعرف ليك واحد جيبو معاك ويكون تمام لو كان من جماعة ناس حلة ورا ديييييييييك
ود الجيلي اشكرك المجاملة الرقيقة دي وتسلم يا غالي
وبصراحة ود حبيب ما قصر معانا وربنا يديهو الصحة والعافية لانو منتظرين منو الكتير