Post: #1
Title: ماذا تفعل اذا لم يحس بك من أحببت؟
Author: Ali Omer
Date: 04-25-2002, 09:22 AM
الموضوع باختصار انو اذا الواحد اتكسر ليهو في واحدة..
و بعد ممارسة كل مراسم الخفة و اللفة و الحنك البي فوق..
لم يصادف تجاوبا..
فقرر الانتقال لمرحلة اللياقة و الحصار..
و لكنه ووجه بسواتر من القطامة تحطمت عليها أسطورته كخبير في اللزوجة وفرض الذات..
فهل انت من انصار المحب اللايوق الذي يؤمن بالحكمة المأثورة حاول مرة اخرى. أو علي قول سوداتل -مكالمتك لا تتم حسب الطريقة التي اتبعتها التي اتبعتها الرجاء التاكد من الرقم الصحيح و معاودة الاتصال لاحقا
أم أنت من اصحاب الكبرياء و القنوعين ناس خيرها في غيرها
|
Post: #2
Title: Re: ماذا تفعل اذا لم يحس بك من أحببت؟
Author: kov_123
Date: 04-25-2002, 04:06 PM
Parent: #1
شوف يا علي عمر
الحكايات دي ما فيها هزار !!!!
انت عايز رائيي بصراحة؟
حقيقة انت "الزولة" لما "تتكسر" فيها -وأنا هنا بتكلم عن النوع من الحب الذي هدفه الزواج- ، حقيقة لما "تتكسر" في واحدة زي ما قلت يجب إنك تعرف بوسيلة ما هل "القطامة" دي مفتعلة بمعنى هل هي قدامك وليك انت، ولا دا نوع من التمنع المعروف لدى الفتيات، المهم إنو الوسيلة دي تكون "حاسمة" و"قاطعة"، يعني "لا شك فيها...
وعندها إذا ثبت ليك بالدليل القاطع الواضح وضوح الشمس إنو دا نوع من "الاستهبال" فقط ليس إلا فما عليك إلا برضو تضعها أمام الأمر الواقع.
يعني شنو ؟
تمشي طوالي تبدأ في الإجراءات الرسمية، ناس البيت و... و....و... إلخ
يمكن تقول لي: أنا ما بقدر هسع، وحالتي المادية ما بتسمح هسع، وإن شاء الله بكرة تفرج...
أقول ليك: ما تعلق بنات الناس معاك، انت ضامن تمسي كان كنت مصبح !!!!
تقول لي: بتقول لي في شنو؟ أنا بسألك إنو أنا ما عارف "محلي من الإعراب" تقولي ناس البيت وناس الجيران؟!؟!؟!
أقول ليك: كلامك دا فيهو ريحة جامعات؟ وانا الريحة دي "شميتها" قبل كدة. وكان داير نصيحتي كلام الجامعات دا كلو "كضب × كضب" وكان ما مصدقني شوف الحوليك من الخريجين وشوف "برامجهم الفاتت" شوف ياتو استمر وياتو "فركش"
بكرة إن شاء الله تكبر يا ولدي وتتعلم، وتبقى ليك دي ذكريات ويمكن ساعة تتذكرها
"تضحك" !!!!!!
وعموما:
الماقدرك مابقوليك ماتقدروا لكن ما تضع ليهو مساحة ما بيستحقها ويبقى شغلك الشاغل، في الف الف شي بيستحق الحيز دا
انا ما كتبت ليك الكلام دا عشان اهزر معاك أو زي ما قد يتبادر ليك انو شمتان فيك، بس حكايتك دي ذكرتني .....
|
Post: #3
Title: Re: ماذا تفعل اذا لم يحس بك من أحببت؟
Author: MYVINE
Date: 04-27-2002, 06:24 AM
Parent: #1
أنتحر طوالى
myvine
|
Post: #4
Title: شوف هو حل واحد
Author: sunrisess123
Date: 04-27-2002, 08:11 AM
Parent: #1
والله عندي ليك فكي كارب كربه
|
|