لماذا يحب الرجل السوداني هكذا

لا تصفحي عني ولا تغفري ..
إني أحب المرأة الحاقدة..
قولي ابتعد عني ، قولي إنطلق....

اعزائي اود معرفة رائ كل منكم بدون مجامله....
لماذا يحب الرجل السوداني الفتاة التي تتجاهله وترفضه ويكره تلك التي تحبه بعمق وتخلص له...
يعني بالبلدي كده بيجري الراجل وراء الابتو وتمنعت ويحتقر التي تجري وراءه بحب ......

اختنا حليمه
ماالرجل السوداني بس
لاكن زمان اهلنا قالو
كل ممنوع مرغوب

الاخت حليمه
موضوعك جميل انا بشوف انه الممنوع مرغوب
لاكن الكلامه ده بينطبق عاى عموم الرجال مع اختلاف جنسياتهم

اخي خواض...
واهلنا برضو قالو...
دور البريدك ما البتريدو....
ولا ما كده....

المسألة فى اعتقادى أبعد من حكاية ريدة لمن لاتريد...
الرجل دائماً يبحث عن غموض ما فى المرأة..عن منطقة اسرار خاصة أحيانا يتوهمها وأحيانا يود وجودها وأحيانا يتخذ منها وسيلة للخلاص ..ولا أود هنا أن أقول أنه ضد المرأة الكتاب المفتوح..وأنه يبحث عن إمرأة لغز..ولكن ما أود توضيحه ببساطه أن أى مستوى من العلاقات الاجتماعية لابد أن تتطور داخله دهشة ...لذلك من الصعب على أن تصعد إمرأة منبر معرفتى ...وتقرأ نفسها أمامى من الغلاف الى الغلاف فى جلسة واحدة...يجب أن تدع لى مساحة ترقب.وتخيل.صفحات وأجزاء تحمل بين سطورها دهشة وبرق وولادة
تحياتى
ود عزة

اهلين
سؤالك منطقي الرجال بيحبو الحاجة الممنوعة والمثل بيقول الممنوع مرغوب
يعني لما يمشي لي وحدة عشان يتقدم ليها وترفضوا بتقوم الدنيا وما بتقعد
وبيعند اكتر انو لازم يصل ليها وبي اي طريقة
ده من وحهت نظري نشوف الاولاد حيقولو شنو

اخي كولا...
كلامك سلبم ان ما قلت بنطبق علي جنسيات اخري كذلك ... افتكر الرجل الشرقي تحديدا...
واتمني ان تفيض اكثر

اخنتا صح اهلنا قالو الكلام ده(البريدك...) لكن ليه ما سالتي نفسك السؤال ده .. ليه؟؟؟

ولنا عوده

اخي العزيز ود عزه..
ردك جميل ولي شقيق عزيز له رائ انالمرإة اللغز احلي وامتع ولا يحب تلك اكتابالمفتوح...
امـابالنسبه للدهشه .. فنحن كذلك نحب العلاقات المليئه بالدهشه والاثارة ...
لكني ماذالت اتسأل لماذ نبحث دائما عن الاصعب ولانتعاطي السهل....

عزيزتي بنت الاحفاد..
اذآ انتي متفقه مع يا منفقه....
لكي حبي ويلانسمع رائهم الرجال ديل .......

الأخت حليمة 2 لك التحية والاحترام ما جاء في مقالك ليس بصحيح وان كان هذا نتاج تجربة تعيشيها فهذا ليس يتيح لك الحق أن تحكمي على الرجل السوداني بهذا الحكم الجائر وليس من هو سوداني الذي يجري زي مقلتي وراء البنت المابتحبو ويكره التي تحبه
لكني يا سيدتي رجل سوداني فرجولة قومي تمنعني أن اقترف الحب لغير مكان .. وقد تغني بها الأستاذ وردي غلطة كانت غرامي …. الخ الأغنية عندما هجرت إحدى الفتيات حبيبها وعاودها إليه الحنين علي ما اعتقد فنحن قوم نحب من يحبنا ونحب من يكرهنا ولا تعرف الكراهية باب لقلوبنا
والرجل السوداني بطبيعة حالة رجل حنين ذو مشاعر نبيلة وأيضا ذو كرامة لا تسمح له أن يجري وراء من لايحبه ويرد على هذا التجاهل بالنسيان حتى إذا كانت تكلفت التجاهل والنسيان حياتة .ولا أقول ذلك أختي دفاعا وان اصب عليك صوت اللوم وربما يوجد شواذ ولكل قاعدة شواذ لا يحكم بالشواذ وانما يحاول المجتمع الذي يعيش وسطه بعزله حتي يشعر بعزلته ويراجع ما به من خطأ ولاتعني ذلك أن بعزله انتهت الظاهرة التي تتحدثين عنها وانما هي مستمرة باستمرار الحياة وهكذا التعامل معها وهكذا استمرارها إلي أن تقوم الساعة
ولك تحياتي واحتراماتي أختي حليمة واحشني

اخي واحشني ..
ما ورد مني من تسأل ليس له علاقه بي تجربه شخصيه ابدا ابدا...لكنه واقع يتكرر كل يوم وكما قلت لكل قاعده شواذ ,,,
فانا لاابدل الرجل السوداني باخر مهماحدث .. وكماقلت الرجل السوداني معروف بالحنان والقلب الطيب وانا لاانكر ذك ودائما اخوض في نقاشات طويله مع صديقاتي الاجنببات وخاصه العربيات عن تميز الرجل السوداني واختلافه عن كل رجال العرب...
كمان بنفس المستوي مافي اعطف واحن علي الرجلالسوداني غير امرإة السودانيه ودا واضح جدا من فشل الزبجات الاجنبيه وعودة الرجل الي تلك الحنونه ..
.عموما رأيك جميل وو اضح وصادق...
لك تحياتي و احترامي

الأخت حالمة
(هم مصريين على حليمة وأنا مصرة على حالمة ..يلا ورينا منو الصاح فينا)
كلامك صاح وده بيحصل في معظم الحالات..ما يفوتك أنه الناس بتقول على المكسر في واحدة..فلان جاري وراها بشي من الحسد والتقدير. أما لو هيا اللي بتحبوا بيقولوها باستنكار واستخفاف وربما احتقار كمان، جارية وراه!. مش بس الرجال اللي بقولوا، حتى نحن النساء كمان
أنا أعتقد عشان جرت العادة انه الرجل هو اللي بسعى للمرأة..الناس اتعودت على كده ولو حصل العكس بيكون كسر للقاعدة دي من هنا بجي الرفض أو الاستنكار، مع العلم انه في اتفاق على انه مافي مشكلة لو الواحدة (دحرجت) الرجل بس ما تعمل الموضوع مكشووووف وظاااااهر..والله أعلم
ده طبعا رأي نسائي والأصح منه رأي المقصودين

عزيزتي رومانه..
لك التحايا وماعندك مشكلة حالمه يا ستي لكن والله اسم حليمه دا عزيز جدا فياريت لو قلتي لي حليمه...
نرجع لي موضوعنا...
راأيك في محلو البت المكسرة بتتعب ودا واضح وواقع والكارثه انو حتي النساء نفسهم بيحتقروها وانا شايفه دا كتير يعني لمن الواحدة يكون اخوها عاوز يتزوج تقوم تمشي تساعدوا في اختيار واحده تانيه وهي تكون عارفة مثلا انوا فلانه ديك بتحبو ومكسرة ... يعني احيانآ النساء هم سبب بلاوي بعض ... عشان كدة حقو نتفق ونصلح لي بعض يعني لو حصل انا حبيت اخوك اتصلحي معي ....ههههههه
مع حبي وتقديري....

سيدتى حليمه بنت ابو حليمه
كيف حالك
شوفى يا ستى
اى حاجه بتجى بعد تعب بيكون ليها نكهه خاصه عندك الماده اقصد القروش
لو الواحد ورث ليه ملاين الجنيهات بيحول ينفقها يمين وشمال لانو ما تعب فيها
لكن بنجد الرجل التعب الى ان كون ثروه كبيره بيحاول ينفقها بتركيز وبينزلها فى موقعها المفروض
نفس الشى بى النسبه للرجل والمراه الرجل
الرجل بيدور على المراه الصعبة المنال واحتمال يكون الشى ده نفسى ليس الا

حليمة
غايتو آخر العقود خلاص تم الاستحواذ عليه من قبل أقل من سنة كده
بس في فرصة ود اختي لو عايزة

اخي وليد500
لك التحايا...
شكرآ ليك ... الاجتهاد مطلوب في كل شئ ..
بس كمان في ناس بحبو الجاهز ولا ما كده...

الاخت حليمة لك التحية
وللاخ وليد مثلها عزيزي كل شئ ياتي من تعب له طعم خاص الا الحب لا اقصد بانه اذا اتي بعد معاناة يفقد معناه بالعكس ولكن عندما يكون من اول نظره ومن القلب الى القلب ويترجمة العقل ويقراءه الطرف الاخر فى العيون هو ذاك الحب الحقيقي الذي تختلف حلاوته عن حلاوة الاخر الذي ياتي بعد تعب ومعاناة تجبر الطرف الاخر على ان يحب الطرف الاول وهذا ما أؤمن به انه حب حقيقي

الحب دة زاتو كيف شكلة كيف لونة كيف و طعمة كيف ؟؟؟
ألحب البتتكلمى عنة يا حالمة ما حب
مع إحترامى لرأى البعض...
و أنا بقول ليكم علينا نفرق بين الحب و الشعور أول شئ...
دة عبارة عن حب إستحواز...
بيكبر معانا من الطفولة حتى الممات...كل يوم بزيد و بكبر
أما مع إحترامى للكل ... الحب الدرامى البنشوفو فى المسلسلات دة لا وجود لة ...لانة من وحى خيال الكاتب...
ودة الوهم العشنا فية من زمان...
و الكزبة العيشتنا فيها المسلسلات المصرية تحديدا...


كونك تفهمنى غلط دة ما معناتو إختلفنا ..لا فى طريقة للحوار
بتجازبنا أطراف الحديث
و كلمة منى ..وواحدة منك
تتبلور الفكرة
و تنتج الصورة
وهى محصلتنا
النهائية
ولا ما
كدى

myvine

ده الحب يا حليمه

أختي حليموية يا بنت حواء وأدم
الحب معناه كبير طبعاً ليس هناك جدال وما اعظمة عندما يتم تكليله بالزواج كأخيناوحبيبنا الصادق وتغريدإسعد الله حياتهم
اما عدا ذلك فهو ضياع وهدر للعمر والزمن أما سؤالك عن مين ترك مين قال ابن بطوطة يا رب البحبوا يموت والبحبني يعيش معناه من المؤكد البحبوا يمكن ما بحبني والبحبني مؤكد هو الفائز بالحياة السعيدة الباعك بعيهوا ولو كان ما يكون

لك الود عزيزتي حلمية بنت حواء وأدم

يا حليمة
افتكر سؤالك كان بكون احسن لوكان
لماذا يكون الحب فى مجتمعنا هكذا؟

shokran liki 7alima 3la al mowdoo3
oo ya shabab akeed ma3akom 7ag tadaf3oo 3n nafskom kida, laken zy ma begolo al 7ageega morra..kalam 7aleema sa7 jedan 3shan al rajol al sudani 3ndo no3 mn al groor"ma ma3nahoo all of them",fa 3shan kida zy magaloo al akhwan inoo ma b7b al kitab al maftoo7, y3ni be al wad7 kida dair zool ydeeho 3la rassoo 3shan ytnazel mn kebray2oo, wa hena b7s ino bint 7awa hi al wa7eeda al gedrat 3lihoo, wa hi al monasba lihoo..
ok ma a6wel..
fee aman Allah..

الاخت حليمة
وكأنى بك تودين القول البلدى انه الكلب بريد خنّاقه..
يعنى بحب الزول البخنقو لما يوريه نجوم الليل فى عز الضهر ..
شوفى يا بت الحلال
انا برجع ليك لى كلام بتنا رمانة (قالت ما سمعت باغنية رمانة خانى وخان فلانة) واقول ليك هو الاصل انه البت بتدردق الولد وتحكم حوله الحصار وتخليه بعد كده يتخيل انه جارى وراء البت ..
كلام رمانة صاح 100% واى حكاية تلقى البت هى البدت واوهمت الولد الوهم انه هو الفتك والحدق وبارم ديله على راى اخواننا المصريين ..
يعنى الشغلة كلها نسائية ولو ظهرت بانها بطولات وعنتريات
ومسكين انا
ومساكين نحن الرجال دائما ضحايا للنساء
وانا اطالب وبصوت عالى باتحاد حماية الرجال من النساء فى هذا الزمان الظلامى والذى اصبحت المرأة تتحكم فى مصير الرجل وتجعله يتزوجها عنوة واقتدارا وتمثل دوما انها المظلومة ..
افيقوا ايها الرجال واتحدوا صفاً واحدا كالبنيان المرصوص ..

فى زول شاف لى كية كدى يا جماعة ؟؟؟

العزيزه حليمه والبقيه
تحياتى

فى اعتقادى يا حليمه انو الموضوع ما كدا يعنى مش الراجل .. والراجل السودانى هو البيجرى وراء الصعب .. هذه يا عزيزتى فطرة الله التى فطرنا جميعا عليها رجالا ونساء وكم من فتاة يحبونها خمستاشر واحد ومكسرين فيها عدييل وهى خاتها بالها فى فلان داك ومكسره فيهو بس المشكله انو فلان داك ماشغال بيها لانو بيحب فلانه ديك الهى فى الاصل جكسويه علان .. وهكذا تدور الدائره فلا نعرف من يجرى وراء من يا حليمه الرجل ام المرأة .. يعنى بصراحه كده الموضوع ده ذى موضوع الدجاجه والبيضه يعنى الدجاجه الجابت البيضه ولا البيضه الجابت الد جاجه .. لو لقيتى جواب لسؤالى ده حأقول ليك الاجابه على سؤالك


ولك من الموده شئ قليل وماتبقى لها وحدها



ديك الجن

الأخت حليمة

تحية طيبة

أجد نفسي أقف موقف الحياد التام وانا أرد على إستفسارك الحائر عن ماهية أسباب (فرار) الرجل السوداني كما قلتي عن من تحبه وتخلص له وتهميشها ...(والجري) وراء من تحقره...على حد قولك.

أول ما أحب ان اؤيده وأثبته كشئ معروف...ان الحب الحقيقي القائم على مبدا الود والإحترام والمحبة الصادقة الحقيقية هو بكل معنى بعيد كل البعد عن أي تحقير، أو إبتزاز عاطفي أو أي من الأحاسيس البغيضة التي لا يمكن ان تمت إلى الحب بصلة. ولكن هنالك حقائق يجب أن نقف عندها ونمحصها اولها :-
- ان الرجل...وهنا أقصد الرجل بصورة عامة بأي مكان وأي زمان ..من فطرته وطبيعته مفطور على حب المرأة كما هي مفطورة على حبه...وبطبيعة النفس الإنسانية أنها ومهما حملت من مشاعر طيبة وحميدة فهي مكمن للكثير من الأحاسيس غير الحميدة التي هي موجودة بكل من الرجل والمراة من انانية وحب تمكلك وإستحوارز وما إلى ذلك وغن كانت تتفاوت درجات عمقها وتركزها ...وتلعب البيئة والمناخ المعين الذي يعيش فيه الفرد، وطبيعة نشاة الفرد وسلوكهوالخبرات والحوادث التي يتعرض لها طوال مسيرة حياته دورا في تشكيل وتحجيم وتعميق هذه الإحاسيس.... بمعنى آخر أي ان كل ذلك يلعب دور في مدي كثافة وكبر هذه الأحاسيس بالشخصية المعينة...هذا بالأضافة إلى طبيعة تعامل الطرف الآخر تجاهنا. فهنالك من يتمكنون من إحجام وتكبيل هذه الأحاسيس غير الحميدة (والفطرية) بأنفسهم فيحافظون على حبهم من الطرف الآخر حتى وإن كان عنيفا وجارفاً دون تحقير (كما أسلفتي) او تجريح أو تحسيس بالدونية (أن تحسس الطرف الآخر الذي يحبك بجنون أنه يمكنك الإستغناء عنه بكل سهولة) وهو شعور للأسف شائع..وليس بين الرجال فحسب ..لكن أيضاً بين النساء ..فقد سمعت الكثير من التجارب التي يحكي فيها الرجال عن حبهم وإخلاصهم وعشقهم للطرف الآخر..وبالمقابل فإنهم يتعرضون للإستخفاف والتهميش والسلبية؟ فهي عملية معقدة وتخضع للكثير من الأسباب...وهي غالبا سلوك(مرضي) إذ أنه ليس من الطبيعي والصحي والمنطقي ولا من الإنساني ان نقابل عواطف من يحبنا ويلهث ورائنا بالتهميش والإذدراء والتحقير. فحمانا الله شر مثل هذه الأحاسيس التي تبعدنا عن من يحبنا.

ولك الود وافحترام

Beckham

مكـــــــرر

عزيزتي حليمة..يالجمال اسمك المشتق من صفة الحلم
اللتي لو سادت في دنيانا لأختفت الكثير من المشاكل و
المأسي وخصوصا تلك الناجمة عن تفكك بيت الزوجية
أن النفس البشرية فد جبلت علي الطمع واشتهاء كل
ما هو صعب المنال لا فرق في ذلك بين انثي أو ذكر فالأمر
سواء ..أما في هذه النقطة اللتي أثرتها, ففي اعتقادي
الشخصي أن الأمر انما يأتي من الأحساس بالملل الذي هو أسرع
وأكثر تفاقما عند الرجل منه عند المرأة وخصوصا في مجتمعاتنا
الشرقية. والعلاج في اعتقادي يكمن في قليل من الدهاء والحيلة
والكثير من الوعي والثقافة .. فالرجل كما تفضل الاخوة الشباب
يهوي المرأة اللتي يلفها من الغموض بعضه, المرأة الألقة التي
تمتلك القدرة علي أن تجعله يرى فيها التجدد, أي بمعني أخر المرأة
اللتي تدهشه كل يوم..اذن عزيزتي فبقليل من الدهاء الأنثوي تضمنين
استمرارية أن يظل حبيبك الرجل محلقا في مجالك الجوي مهما كانت المغريات.

الاخت حليمه
تحياتي واحترامي لرأيك فهو واقع عاشته الكثيرات .وحقيقي هناك بعض الرجال الذين يبحثون عن الصعاب والدهشه، وفي رأي كل صعب مصيره يصبح سهلآ ..وهل ياتري يرجع ذلك الرجل للبحث الي الدهشه مرة أخري؟
وهنالك الكثيرون الذين تزوجوا بهذا النهج ، ثم عادوا من تاني يبحثون عن الاخري وستظل الدائرة مستمرة بهولاء ..
أحبائي
مسحت عن الجفون ضبابة الدمع الرماديه
لألقاكم وفي عيني نور الحب والايمان
بكم بالارض بلانسان....
مع تحياتي وإحترامي للكل...

Nice walhi ya halema.....

اخي مايفين.myvine
يا اخي انا اعرف الحب واحترمه ،لكن كل انسان له اسلوبه وطريقته في الحب، ولا يوجد انسان لايعرف الحــب. ولا نتحدث نحن عن الحب الدرامي..
قصدنا نقطة معينه وهي طريقة الرجل في الحب، وهذا رأي يمكن الاتفاق او الاختلاف فيه،،
عمومـا ذاك رأيك ونحن نتقبله بصدر رحب..
مع تحياتي

مكرر

اخي توتى فروتي
لك التحايا الورديه ،، رأيك في محلو لكن والله الموضوع ما شخصي ،، بس انا دائما بكتب عن مشاكل المرإة في مجتمعنا السوداني ودا واحد من المواضيع التي نالت اهتمام الكثيرات....
لكالاحترام اخي

اخي شرنوبي..
سلام،،، انا موافق علي اقتراحك بس كدي ادينا رأيك اول في دا..
مع الود

اخي بيريل
تحياتي ، ولك مني التجلي انت الفيهم وااحقيقه مره ذي ما قلت
والناس دي بتكابر ساي
لك الود

الاخ قرشو،،،
سلام الكلب بريد خانقو دي انا ما بحبها لكن امكن توصل المعني ،،
واذا انت حرشت الرجال انا كمان بحرش النسوان والحشاش املي شبكتـــو،،،هههههه
لك الود

الاخ ديكنا
سلام ،، والله الله اجازي محنك زي مابتقول حبوبتي
اها انا لقيت لبك رد علي سؤالك
البيضه جابتها الجدادة....يلا رد علي سؤالي
مع ودي

الحب ليس رواية شرقية
بختامها تتزوج الابطال
لكنه الابحار دون سفينة
وشعورنا ان الوصول محال
هو ان تظل علي الاصابع رعشة
وعلي الشفاه المطبقات سؤال
هو جدول الاحزان في اعماقنا
تنمو كروم حوله وغلال
هو هذه الازمات تسحقنا معا
فنموت نحن وتزهر الامال
هو ان نثور لاي شئ تافه
هو يآسنا هو شكنا القتال
هو هذه الكف التي تغتالنا
ونقبل الكف التي تغتال

الاخ بيكام..
لك التحايا ،، اولآ انا اسفه اذا كنت قد استعملت عبارة لم تعجبك.. فلم اقصد الأساءة لي حد ،،،
ردك فيه نوع من الجديه والتعمق ،، لك كل الاحترام وكما قلت ذلك السلوك يقوم به النساء كذلك ، وهو سلوك مرضي انا اتفق معك تمامآ واتمني ان تكون نتيجة اثارة هذه الموضيع له الاثر علي مثل هؤلاء ويجعلهم يعيدون النظر في مثل هذاالسلوك
وشكرآ ليك كتير

عزيزتي بت النيل،،
سلام مربع وانا زعلانه منك لانو رسلت ليك ميل خاص وما اشتغلتي بي
خطيره جدآ . كلمة الملل التي ذكرتيها ،، فقد اصبتي اختاه ،،، نعم الملل هوسبب محنتنا تلك فنحنشعب يمل بسرعه .
امافكرتك الاخيرة فهي نصيحه غاليه بس كلمة دهاء دي حارة شويه نخليها فن و ابداع ونوصي اخواتنا بالتجديد والتجديد واجب وطني اخواتي
مع حبي

حليمة الغالية
عفوا أختي أن كنت قد قصرت
ولكي العتبي حتي ترضي

اختي ملاذ
فأنتي الملاذ والله ،،، كلامك جميل وصدقتي فكل صعب يضحي سهل و التجارب كثيرة كما قلتي
لك الود والاحترام

hi halema
good qutsion
this is my personal opinin like man:
1- I believe(easy came easy go).
2- I believe(if the difficult girl fall in my love she will be with me forever.
3- I believe that what I founded in the hard way I will do the impassable to keeped long time.
4- GIRLS DON`T BE EASY OR CHEAP TO BOYS.
god bless all
player

اخي رومانسي ،
لك التحايا ،،

خذني بعيدآ انطلق بي الي
ركن من الدنيا وراء البعيد
............................
لم يمشي فيه شبح البعض
لا أعين بسمها تنضج
فيه ولا ألسنة تجرح
هناك في صفاء تبني لنا
يدي الهوي منزلا
مثل عشاش الطير ثر الغني
ينهل من جدرانه الضوء
والعطر والدفء

Bro..player

salam,,

I hope you wil find the difficult girl & she wil show you alnegoom fe aze aldoher..
so, thanks for your words & take it easy....

with my greatings ..

halema2

حليمه تحياتى

والله ضحكتنى جدا قصة النجوم فى عز الضهر دى للولد بلير .. ومااهو انت برضو عندك محن ؟ هاهاها
بس القال ليك منو الدجاجه جابت البيضه ؟ العكس ياسيتى البيضه هى الفقست وجاتنا دجاجه .. كدى اسالى من الموضوع وارجعى بعدين انا برد ليك

اما موضوع التغير البتوصى بيهو ده انا خايف اخوانا بنى راجل يفهموه غلط ويفتكرو انو تغيير الزوجات .. وفى الحاله دى الضحك شرطكم .. والله يجازى الكان السبب ( صاحب التوصيه ) 0



ولك من الود كميات وماتيقى لها وحدها


___________________________________________________
ماليك امان يا ده الزمان

homey halema
you are very funny
I don`t want to see(nagom fi aez aldohorI have seen enough from girls in me life) from the difficult girl iam loking for,all I need to see is the light of LOVE,HONESTY,RESPECT,SACRFICE so i can be the happy man in the world.
keep a real sist
ahterami wa tagdery leki
player

bro palyer..

hi,

sorry ana ma gasda.. am just joking..I hope you wil find bit hawa ..1. alhilwa..2. altiba..3. albethtarmak..4 .watehtrem ahlek 5. wathebak..6..watmot feek.7. watadeek alwalad 8..walbnat 9. wat3asheek kol leel lahem 10. wegedad.. gol ya amen..
gasert m3aak..
with my greetings ..

شباب انا لا اتفق معاكم
لووووووووووووووول
واول من رد على البوست دا(الخواض)لو قريتو
al signature bta3to enough
LOOOOOOOOOOOOOOOOOLZZZZZZ

عادى جدا انت تقسى
وعادى جدا نحن ننسى

ما اصلو قالو الريدة ذاتها .. بتعلم الزول العبادة
حوة من زمنا بعيد ... زايدة دايما في عنادة


شلنا من ادم محنة لما قيس في عقلو جن
و الحكمة برضو الريدة باقية علي حبايبو لافة ساقية
و اصلو كان ادم بداية... في قصة ماشة بدون نهاية
ياما كم خلقت عجائب وياما كم سوت رواية



القصة دي قديمة ... يا شباب

sis
ana ma zallan(akhtelaf alray la ufsed lelwed gadeya)
shokran gezel le dawatek algameela inshaala men khashmek lebab alsama.
rabana esedek wa yadeek mradek.
sadg mn gal(sheel alghale beghloto yadek hloto,wa sheel alrakhees be rakhasto uwarek masakhto)
fi rayat allah aseebek
player

..الى حليمة بنت حواء
القضية لا تكمن فى جنسية الرجل.. بل فى المجتمع الذى ينشا فيه القيم التقاليد.. علاقات الانتاج البناء الفوقى للمجتمع ...
الحالة السودانية.. اذا أخذنا بالتعميم وجعلنا ان كل الذكور من اهل ناحية السودان يتصرفون او يتعاملون بالمفهوم الذى تم طرحة... علميا يكون هناك خلل للنتيجة...
علنى اتناول المسألة بمنهج مختلف ..
الظاهرة موجودة لا احد ينكرها
السلوك منشأه او انعكاس لمجمل شكل العلاقات الاجتماعية الاقتصادية التى ينشأ فيها الفرد...
لذا اود ان اعرف الحب
الحب علاقة وجدانية بين طرفين اتفقا عبر وسائل تعبير مختلفة بان هنالك توافق نفسي وقبول مطلق بالآخر..إذا كانت اية حالة خارج هذا الإطار لا يمكن ان نعرفه بالحب.. لانه من السهولة ان نقع فى فخ المصطلحات والنعوت.. هل ممكن ان تحب فتاة من اول نظرة.. يمكن ان تعجب او تفتتن بها.. ويمكن هذا يقود الى تعبيد العلاقة ودفعها الى مصاف ارقى
لكن فى المنشأ السودانى، ونتاج لشكل العلاقات الاجتماعية والبناء الثقافى الناتج من علاقات المنتج الصغير.. والمفعمة بالإرث الديني.. نجد ان الرجل والمرأة بدون تحديد يتوهمون علاقات ويقنعون أنفسهم بأنهم فى حالة حب.. وفى ظروف الكبت والتقاليد والعلاقات المعقدة، النفس البشرية تستوعب اى علاقة مع الطرف الآخر.. وتكون هنالك قناعة مؤقته.. وتشويش عاطفى..
وفى هذا وبصرامة لا بد ان نحدد من هو الرجل السودانى المعنى.. هل هو رجل الجنوب ام الغرب ام الشرق او الوسط.... للتحديد... افضل ان نطلق على هذه الظاهرة على رجل الوسط .. لان السودان دائما مجازا ومن منطلق الهيمنة الثقافية والسياسية اصبح هو الوسط فقط..
وهذه الشريحة.. هى نتاج علاقات متداخلة وتعقيد شديد وهو مجتمع فى مرحلة بعثرة .. وتشتت فكرى اى فى حالة تحلل لان درجة تطور علاقات الإنتاج تتسارع وفق ارتباط هذه المجموعات باقتصاد السوق.. اى ان هنالك تطور عيني فى الجانب الاقتصادى.. وتخلف فى البناء الفوقى الثقافى.. مما ينتج افراد متباينين وسطحيين..فى الرؤى وحتى فى تعريف اداميتهم وسعادتهم.
لادخل فى الموضوع
اذا راجعنا وبسرعة. نمط الادب فى الشعر الغناء اللحن القصة.. وحدود الخيال لدى الفرد فى الوسط
نجد ان الإحساس السادي هو المتسيد فى .. الانتظار السهر الدموع المعاد... التجاهل.. قليل ما نجد غناء مباشر يتغنى للعلاقة فى انفعالها.. كلها موشحات وغزل جسدى او معاناة.... هذا ليس بمطلق لكن الاتجاه العام يعكس هذا التوجهه
التمنع او خلق حالة ندرة هو وسيلة ناتجة من التركيبة النفسية للفرد فى هذا المقتصد.. بكون ان عقلية المنتج الصغير المرتبطة بحالة عدم استقرار..وعلاقات متقلبة تخلق افرادا بمساحة ضيقة من الانفعال.. من هنا يمكن ان نجد تفسير منطقى لشكل علاقة التمنع او الشح والتجفيف الظاهرى للعواطف من طرف لكى يدفع الطرف الآخر نحوه.. وعقلية بنى قريش وأحفاد عنترة العبسى.. لا يقبلون الهزيمة.... فى اية قعدة رجالية او ونسة تجد الرجل من اوقع فى شباكه عدد اكبر والعلاقة هى منتصر اومنهزم... واذا اعجب الرجل منا بفتاة عمل كلما فى وسعه.. للايقاع والنيل بها.ويكون هدفه النيل من صيدته.. باى ثمن. واذا وصل او حقق مأربه اصبحت فى كون التاريخ.. لذا تجد معظم العلاقات لاتنتهى الى الزواج وتجد الشبا ب يحب زميلته ويتزوج بت عمه او خالة او بت الحلة .. وهذا مرض متفشى وسط الرجال .. علاجه لا يتم بالامانى او بالقانونين بل بالوعى .. ولا اعفى حواء من دورها السلبى والتعامل فى العلاقة بغرض اجتماعى وتبضع نفسها بشكل سلعى.. ورغبتها العارمة فى الزواج والخوف من المجتمع او الضغوط النفسية يجعلها تمثل او تتظاهر بالحب او العلاقة.
وكفى..

العزيزة حليمة
موضوعك شيق وشايف الناس اتكلموا فيهو باسهاب

غايتو ما بعرف القصة ومافيها نوع من إرضاء غرور الذات
بمعني انني احاول ان اوقع بتلك الفتاة التي تتجاهلني في شباكي مع العلم
بان هناااااااااك من يحببني يعني هم كثرررررررر تخيلي
بنفس القدر عند البناااااااااات يعني الواحدة تحاول الايقاع باحد
الشباب مع العلم ان معظم الشباااااب مكسرين فيها لكن لانه الوحيد
الغير مكسر فيها فلذلك لابد من الايقااااااااع به
ولا شنوووووووووو


ـــــ

أسير الغرام يا قلبي ظلموك الحبايب وسقوك الآلام يا قلبي

اخي شرنوبي
لك التحايا
عجبني جدآ ردك ،، موضوعي خالص ،،وتطرقت له من زوايا مختلفه،،
فلك الود والاحترام

الاخ اسير الغرام
شكرا ليك ولك التحايا والود

العزيزة حليمة
بودي ان اشارك بعمق
ولكن لاحقا انشاء الله

إجابة مختصرة
واحد من ثلاثة
أما عينه زايغة
أو طايرة
أو اعتبار انها له ويريد المزيد

انشاء الله سوف أوضح أكثر

الحب هو هووو مهما الزمن مشى

الأخت العزيزة حليمة
هذا الموضوع يحتاج الي نقاش طويل ....
وواضح جدا ان الشاب يحب زميلته و يتزوج بنت عمه او بت الخالة ويبيع الحب بكل بساطة من أجل ارضاء العم و الخالة...

منو القال ليك

****************
بنتحمل فراق عينيك
صحيح الدنيا خداعة
توافقك لما توالف
وتفرقك في اي ساعة

انا شايف في تحامل على الشاب مع ان هو ممكن يحصل العكس برضو
وبعدين البيع عند الجكس اكتر ويممكن هو الابتدعو مع انو دا يمكن ما يكون موضوع النقاش لكن ممكن يكون جزءمنو
لكم كل الود والتحايا