Post: #2
Title: Re: اغاني قاصداني
Author: banadieha
Date: 04-21-2002, 07:07 PM
Parent: #1
الشاكوش أكلتو أنا يابو درق
|
Post: #3
Title: Re: اغاني قاصداني
Author: wadazza
Date: 04-21-2002, 07:12 PM
Parent: #1
أنا قاصدانى ..السنبلاية للمبدع وردى
لما عرفتك اخترتك سعيد البال
وخت شبابى متيقن عليك آمال
لاجيتك قبيلة ولارجيتك مال
جيتك عاشق بيتعلم من الأيام
ومن سأم الليالى البور
ومن أسر الولف كتال
لقيتك فى حياتى دليل
وفى حر الهجيرة مقيل
ركزت على ضراكى عصاى
لقيتك فى حياتى جذور
بنية اتلفحت بالنور
مهجنة من غنا الأطفال ومن سعف النخيل والنيل
وبينى وبينك الضحكة ورحيق الشاى
وطعم الخبز والسترة ومساء النور
وعمق الالفة بين النهر والوادى وغنا الطمبور
وأقوليك قاصدانى لأنها تحمل مواصفات التى أبحث عنها..
أن تكون نخلة وجدولا ونهرا فى وقت واحد...وأن تكون أماً ووطنا وحبيبة..وأن ترتضى خوض غمار الحياة دون حاجة الى الهواجس المسبقة وأن تسمى الأشياء بأسمائها ..وأن تتنقل بى فى مراحل العمر طفولة لا تفنى بمر السنوات
فهل أنا أبحث عن جميلة مستحيلة ؟
تحياتى يا عمر ..
ودعزة
|
Post: #4
Title: Re: اغاني قاصداني
Author: khider
Date: 04-21-2002, 07:45 PM
Parent: #3
عليك اللة براكة خاتي عليك
الشافك كدي ما كضب يا اب درق
... قال قاصداني قال
|
Post: #5
Title: Re: اغاني قاصداني
Author: omarmahdi
Date: 04-22-2002, 08:35 AM
Parent: #4
الاخ ود عزة يا لذيذ يا رايق
الاخ بناديها
قديما غني احمد المصطفي في احدي المسارح المصرية اغنية يارائع تعال لي وانا ضائع تعالي
علق احد المصريين الموجود ين في الحفل قال السودانيين من شدة كسلهم مش عاوز يمشي لحبيبته بيقول ليه تعال لي
انشاء الله يكون وصلك
عمر
الاخ خضر
اجمل قصص الحب بدات بشاكوش
ونحن لا يسكرنا الخمر انما نسكر بخمارهن
عمر
|
Post: #6
Title: ود عزة
Author: shammashi
Date: 04-22-2002, 10:14 AM
Parent: #1
و والله يا ود عزة حننتني عديـــــــــــــــــــــــــــــــــــــــل كدا
وين تلقى زي دي في الزمن الكعب دا. اصلن كانن اتنين واحدة عرسا مغترب والتانية عرستها أنا.
غايتو ما عندك حل غير ترسلني محرقة الجنوب وتخلفني في اهلي.
ألقاكي وين إن غبتي ما شرقت شمس
|
Post: #7
Title: Re: ود عزة
Author: wadazza
Date: 04-22-2002, 10:16 AM
Parent: #6
شماسى
يعنى ننتظر نتيجة عرس الاتنين المغترب وانت واللا واحد منكم يستشهد فنستخلف
تحياتى..
ودعزة
|
Post: #8
Title: قرط
Author: shammashi
Date: 04-22-2002, 10:25 AM
Parent: #1
بس قرط على كدا وجهز شيلتك
|
Post: #9
Title: Re: قرط
Author: ebrahim_ali
Date: 04-22-2002, 10:35 AM
Parent: #8
شنو ياومهدي مكسر للدرجة دي حكاية حكاية وتعال هنا يشماشي قرض على كده كده منو الاداك حق التصرف فيها بدون الرجوع للالفة لانو هذه الكلمة ضد ثوابت البوردت ومشروعه الحضاري فبالتالي يجب فورا ان تسحبها والا سوف نستدعى قوات الامن الخاصة او العمليات وانت عارف بعيدين حيكون في فك بمبان ومن الذي منه فاعمل حسابك
|
Post: #10
Title: ابتلاءات
Author: shammashi
Date: 04-22-2002, 10:46 AM
Parent: #1
الأخ أبو خليل
معليش دي نوع من الابتلاءات.
|
Post: #11
Title: Re: ابتلاءات
Author: ebrahim_ali
Date: 04-22-2002, 11:11 AM
Parent: #10
ياشمس احتسبها عند الله وهذا نوع من الابتلاءت التي نمتحن بها الان ونسال الله الثبات على هذا الدرب وحقيقة هذا المشروع الحضاري لابد له من التمكين ولابد له من الاولويات التي نجاهد بها الان ولابد من وجود فقه الضرورة الذي نتعامل به ......................؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هذه وغيرها من الكلمات التي اجد نفسي ابلد خلق الله في فهمها وتنزيلها لارض الواقع وبالذات عندما يتحدث امين حسن عمر فاجد نفسي في حالة غثيان وشعور بانني في عالم اخر ولا شنو رائك ياشمس وقالو غابة الخرطوم عائزين يعملوها منتجع سياحي قال سياحي قال دي حتكون ذي بصات تاتا الجاءت من الهند وهي عمرها الافتراضي انتهي ويقولو عليها سياحي على منو يالشايف الفيل وبتضعن في طلو
|
|