*** الغربة مرة و مؤلمة ...ياملهمة ***

الدنيا ليل .. غربة ومطر

وطرب حزين

وجـّع تقاسيم الوتر

شرب الزمن فرح السنين

والباقى هداهو السفر

*******

ياروح غناى

الغربة ملّت من أساى وغربتى

وبقيت براى .. حاضن أساى

الوحشة ملت من شقاى .. ووحدتى

لا غنوة .. لا موّال يبدد حسرتى

غير الدموع ياملهمة

الغربة مرة .. ومؤلمة

*********

قولى للنيل ضفة .. ضفة

والعشيات لما تصفى

والنسيمات البتاخد

من عفاف ريدتنا .. عفة

إنو شوقى يفيض بحر

شوقى شوق إنسان مضيـّع

ضيعو الليل .. والسفر

لا ينابيع ريدى جفـّت

لا .. ولا أشواقى خـفـّت

كل يوم فى الغربة زايدة

وبيها كل الدنيا .. عرفت

ردا الله غربتك اخى ومتعك بمباهج وطننا الحبيب

الوطن ... الوطن ... احيانا يعجز اللسان عن و صف الاشياء ..عن الادلال بما يكنة المرء داخلة ... و خصوصا اذا دار الحديث عنك ... انت ... يا وطن ... هنالك من سبقنى ... و ادلى بدلوة فى هذا المجال ... لذلك لا استطيع تدنيس ما قالة .. و صاغة ... باختصار ... ساتركة يعبر عنى ..


حاجة فيك يا موطنى

حاجة فى شُرف المداين

وفى غرف كل السفاين

جوّة فى عمق المناجم .. والعيون

حاجة زى ماتكون محلـّق فى العواصف

فجأة .. تهبط لى السلام

حاجة زى نقر الأصابع

لمـّا ترتاح .. لى الموسيقى

حاجة زى أخبار .. تناغم من جريدة

حاجة زى وتر الموانى

لمـّا يصدح لى سفينة

.. حاجة فيك

*********