حفل البساطة والبوش والبراءة.......وكانت ليلة الميلاد

الأعزاء والعزيزات
اسمحو لى أشرككم فى الحفلة الأمس عملناها لى ود عزة .فنحن وانتو بقينا أسرة واحدة لامكان فيها للتمييز بين العمومية والخصوصية.بمناسبة عيد ميلادو
والعمايل العملها ..المشاكس ده..أول حاجة قال ما هو بحب التقليدية فى أى حاجة...قلنا لى لا زم تطفى الشموع قال خلو الشموع مطفية وأنا اولعها..وعلى كده رفض يطفى الشمعات ...جبنا التورتة قال أول حاجة تجيبو الفول ..وجاب من أمى صحن كبير وقطع العيش وعمل بوش...لكن طلع بوش تمام أحسن من رئيس أمريكا.

غايتو عمل عمايل ..طلع السفرة وقال نقعد فى الأرض ..ومقلب أصحابو ختا ليهم ملح فى العصير..وختا لى أشجان شطة جنبها فى صحن البوش وحى ما بتاكل شطة وهاك ياموية باردة...
وأغرب من كده قال التورتة لازم نعملها فتة تورتة ..سمعنا بفتة الفول والعدس وغيرها لكن بالله ياجماعة فى زول سمع بفتة تورتة
المهم خت التورتة فى صحن كبير تانى وكبا عليها لبن وقال أكلوها بالمعالق...
ورغم ده كلو طلعت حفلة تمام وظريفة ومليانة مرح ومقالب بريئة وشقاوة اطفال وضحكنا كما لم نضحك من قبل.ورقصنا ..وهيصنا.ودايما ود عزة وبساطتو وعفويتو وروحو العذبة بتولد الجمال والمرح أينما وجد..وصدقونى هو انسان ما بعرف أقول عنو شنو ناجح اكاديميا واجتماعيا وكل من يقابله يضحى أسيرا لهذا الرائع واظن الكثيرين فى هذا البورد قد لمسوا شخصيته من خلال ما يكتبه وتعليقات الجميع تدل على ذلك وحالتهم لسه ما شافوه أو قعدو معاهو...يبقى نحن الشفناهو وعرفناهو حنقول شنو..غير دعوتنا ليهووانو الله يحفظو لينا

تحياتى
غزال

ليه ياغزال المسالمة ما عزمتونا
نحن برضو جيران ولا ماكده مع اني ماعارفاكم بتشتتوا من وين
غايتو اتشوقنا نشوفكم ونقابل ود عزة
وكل سنة وانتوا تامين ولامين

مرحب بيك يابت الهنا ونعوضا ليك فى المناسبة الكبييييييرة

انت جنبنا وين ؟؟؟ ..نحن مشتتين فى بلد الساعات المظبوطة ديك
نتمنى مقابلتك وحياتك
تحياتى وودى الشدييييد
غزال