Post: #1
Title: وين الزبير نايل
Author: ebrahim_ali
Date: 04-15-2002, 10:30 AM
Parent: #0
ناس قرشو وايمو وبكري والشلة والله ياجماعة انا سامع لي خبراً كده ماهو زين بقول انو الزبير نايل ناس قناة الجزيرة انهو عقد في الشغل والخبر ياريت لو انتهى على كده على ذمة الراوي وهو انو الزبير لم يطور نفسه في المقابلات الهاتفية والكلام صادر من بعض الاخوة النحن الان بناصر فيهم وهم الفلس والطين افهموها كده بدون شرح فوالله ياجماعة الجماعة ديل اخبس خلق الله بعد الجماعة اياهم واسلوبهم خسيس في التعامل والخبث في عيونهم والتجسس شيمتهم والخيانة دليلهم والتملق طريقهم والتوسل سبيلهم ولكن نحن اولاد بطونن حارة ونحن اولاد جعل ما بنركع ليهم وحقنا بنموت فيه عديل وانا عائز بس رائكم في الجماعة ديل شنو واوعى من كب الزوغة
|
Post: #2
Title: Re: وين الزبير نايل
Author: EMU إيمو
Date: 04-15-2002, 02:39 PM
حبابك يا الحبيب إبراهيم
يا أخوي لا تتعب نفسك
الجزيرة مؤسسة إستثمارية
يعني هدفها الأساسي الربح
وكون الزبير ننهى عقده هذا شيء متوقع
ولكن لا تنسى ان معظم التقارير يعدها ويقدمها السودانيين
|
Post: #3
Title: الله يكدب الشينة
Author: Tabaldina
Date: 04-15-2002, 02:47 PM
..
.
يكون دا حماميزو دا
لمن مشي فى هبب فى العيد خته ليها خازوق بهناك
طفشة ديل والله مش يطفشو الزبير ديل يطفشوا
العافية من الجسم
..
.
نسال الله يكدب الشينه الزبير مذيع مخضرم وما يستاهل
انهاء عقدوا ؟؟
بس المؤمرات العربية ليست على فلسطين فقط
بل قد تدخل اروقة الفضائيات
فهمت حاجة
|
Post: #4
Title: Re: الله يكدب الشينة
Author: ebrahim_ali
Date: 04-15-2002, 02:54 PM
Parent: #3
ياايمو انا معاك كلامك كلو صاح انو الاستاف اغلبهم سودانيين واخيرا تم التعاقد مع عمار عبد الرحمن ومعتصم البكري على ما اعتقد مترجم وكذلك اغلب الخبرات الموجودة في الجزيرة سودانية واول صوت انطلق من الجزيرة صوت سوداني هو لقمان همام فقد تم تكريمه مع مجموعة من المذيعين في احتفال القناة بسنتها الخامسة قبل فترة وقصة انو الجزيرة مؤسسة استثمارية هذه ما فيها شك لكن برضو الخساسات موجودة
تبلدينا والله حماميزو يعملها ياخي دا طفش كل المبدعين ناس الطيب عبد الماجد وهبة المهندس وواحدة شديدة جدا لمن غلط وبرضو في مذيعة تانية شردها لمن عرسوها وزوجها تقريبا الشاعر الدكتور معز بخيت في البحرين وكتتتتتتتتييييير من جماعة حماميزو الشردن بس الماقدر عليهو الصباغ عرفن السبب شنو دي المرة الجاية
|
Post: #5
Title: Re: الله يكدب الشينة
Author: رومانسي
Date: 04-15-2002, 03:39 PM
Parent: #4
والله يا ابراهيم علي
اسالني انا منهم والله ما قلت الا الحق اصلي مكوي بي نارهم هنا
الله يسامحهم
|
Post: #6
Title: Re: الله يكدب الشينة
Author: ebrahim_ali
Date: 04-15-2002, 03:55 PM
Parent: #5
رومانسي باين عليك معذب وشايل هم كبير ياخوي نعمل شنو دي الغربة غربتنا عن بلدنا والله يجازي اللكانو السبب ليهم يوم بنشوف فيهم عجايب انشا الله
|
Post: #7
Title: Re: الله يكدب الشينة
Author: بكرى ابوبكر
Date: 04-15-2002, 04:21 PM
Parent: #6
الاستاذ و الحبيب ابراهيم على
اتابع كل برامج قناة الجزيرة باستمرار ولفت امرى اختفاء الزبير وذى ما قال اخوان السابقون الحاجة ده ما غريب على الناس ديل بس الغريب انو القناة تجيب لقاء مع فلسطينى اسمر (يعنى شكله سودانى)من مخيم جنين لاول مرة يدعو كولن باول الى زيارة المخيم مع انو يوجد فى المناطق الفلسطينية المحتلة عدد كبير جدا من الفلسطينيين السمر لم نرهم او نسمع عنهم قبل كده فى القناة
|
Post: #8
Title: Re: الله يكدب الشينة
Author: بكرى ابوبكر
Date: 04-15-2002, 04:35 PM
Parent: #7
برنامج تحت الحصار دائما بعرض المظاهرات و المسيرات فى البرنامج بصورة متكررة لم ارى مظاهرة السودانيين فى البرنامج سوا فى نشرة الاخبار
|
Post: #9
Title: سلامات يا إبراهيم
Author: منوت
Date: 04-15-2002, 04:55 PM
اكب سلام لناسات بورد دي كلو لأنو كل يوم همن بيجيب موضوع جديد مفيد ، أخوكم منوت و الله ما بيعرف (زبير نايل) و لو همن بيشتغل في (قناة جزيره) ده فخر لسودانيين كلو ، و إذا زبير خلاص انتهى من شغل بتاعو في جزيره ، ٍودان و تلفزيون بتاعو في .. و همن يبدو مذيع (جديد) يعني بعد سنة 1988 . منوت بيسأل عن مذيعين (قدام) في إذاعه و تلفزيون سودان ، ناس عوض إبراهيم عوض و الصباغ و جمال مصطفى و حسن دوكه و رجاء حسن حامد ... مذيعين ديل مشو وين ؟ بالله لو في زول بيعرف همن وين خلي بيقول لمنوت ... لأنو أنا بيسمع همن و بحب برامج بتاع همن ...
_______
و منقو قل لا عاش من يفصلنا
|
Post: #10
Title: Re: سلامات يا إبراهيم
Author: Bakhaf
Date: 04-15-2002, 09:32 PM
Parent: #9
الزبيرفي اجازة سنويه يا ناس
|
Post: #11
Title: Re: سلامات يا إبراهيم
Author: عزيز
Date: 04-15-2002, 09:59 PM
Parent: #9
الاخ منوت لك التحية والود لقد سألت من نجوم تألقت ومازال بريقها يرسل شعاعه جميلا فى عالم الاعلام الكل يعرف بالجميل الشاعر الدكتور عوض ابراهيم عوض بجنوب شرق اسيا خلبه سحر جمال الطبيعه فى جنة الارض ماليزيا الان دكتور عوض استاذ الاعلام بجامعة الملايو . اما صاحب الصوت العميق الجميل ( الباص ) الاسم العلمى لطبيعة صوته حسن دوكه ذلك الشاب الساحر ايضا التقت روحه بارض الملايو الجمال فاستقر به الحال واكمل ايضا رسالة الدكتوراه . الصديق جمال الدين مصطفى عاد للسودان مؤخرا من المملكه العربيه السعوديه وعاد للتألق عبر الشاشه البلوريه . الرائعه رجاء حسن حامد فالندعو لها بالشفاء وربنا يديها الصحة والعافيه . استاذ الجميع الصباغ مازال الى عهد قريب احدى البسمات القلائل فى تلفزيون السودان .. فأسألوا معى عن الفنان عصام الدين الصائغ لقد علمت قبل يومين بأنه تعاقد مع تلفزيون ابوظبى بعد ان كان ايضا بماليزيا اخوى مانوت ارجو ان اكون قدرت اشفى قليلك فهؤلاء اناس احملهم فى دواخلى فى حلى وترحالى
|
Post: #18
Title: Re: سلامات يا إبراهيم
Author: omarmahdi
Date: 04-17-2002, 09:48 AM
Parent: #11
يا جماعة هل العرب عدننا اننا عرب
لا
للاسف الشديد احنا متمسكين بالعروبة لكن هي عروبة متسخة
دعوة لكل السوداننين ان نتخلي عن عروبتنا ونتمسك بافريقيتنا
عمر
|
Post: #12
Title: الزبير نايل
Author: nadus2000
Date: 04-16-2002, 05:40 AM
الأخ إبراهيم علي وبقية الأخوان والأخوات
ليكم كل التحايا
كأحد الذين تشرفوا بالإنضمام لهذا المنبر الذي أراد له القائمين عليه أن يكون منبرا إعلاميا يعتمد المهنية الإعلامية، وبلا شك أن هذه التجربة أغضبت البعض وأفرحت آخرين وكذلك صاحبتها كثيرا من الإخفاقات ولكن ظلت تنتقل من نجاح إلى آخر.
وفي إعتقادي أن أول مشاكلها إعتمادها على بعض كوادر التلفزيونات الحكومية العربية وكلنا نعلم كيف تعمل هذه التلفزيونات ويأتي على رأسها تلفزيون الأردن والذي يبدأ وينتهي برنامجه يسبح بإسم جلالة الملك...
أما عن موضوع أخونا الزبير فهو مازال يعمل في قناة الجزيرة وقد تم نقله إلى وظيفة أخرى.
بالإضافة للعقد الفريد من الإخوة السودانيين، وعلى رأسهم صاحب أجمل صوت في القناة "على كما يحلو لرئيس مجلس الإدارة مداعبته" الأخ الكتبي، والأخ حسن أبو الحسن والأخ حامد عبدالرؤوف ووالإخوة بكري وعمار وبالمناسبة معظم طاقم الشؤون الإدارية والمالية من السودانيين ومنهم رئيس الشؤون المالية.
وكذلك يضم موقع الجزيرة على الإنترنت عدد من الصحفيين السودانيين
فالتحية لهم جميعا.
|
Post: #14
Title: Re: الزبير نايل
Author: ebrahim_ali
Date: 04-16-2002, 10:31 AM
Parent: #12
نادوس 2000تحياتي انا متاكد انو الزبير خامة اعلامية واذاعية متمكنة وكل العقد الفريد الذين ذكرتهم مميزين ومبدعون وغيرهم من المبدعون الذين يعشقون وطنهم ولكن فرض عليهم الهجرة والبعاد ولكن رغم يمنون النفس بالعودة للديار
نادوس بالمناسبة اسم دا ما غريب علي ابدا واعتقد انو كان في جمعية اسمها على هذا الاسم في جامعة امدرمان الاهلية وكانت جمعية مصادمة وثقافية ومميزة ولها ابداعات مشهودة بين كل الجامعات في تلك الفترة وشنو اخبار النشاط في الجامعة وكل الجامعات الفي الوطن ولكن غريبة عن الوطن قريبة من همومه
|
Post: #13
Title: تشكرات يا (عزيز)
Author: منوت
Date: 04-16-2002, 10:19 AM
اكب سلام و تشكرات لأخوك بتاع أنا (عزيز) لمعلومات قيمه دي عن مذيعين بتاع سودان ، همن بيعمل في إذاعه و تلفزيون سودان بكل ابداع و اجتهاد ، عشان كده كل ناسات سودان (الجميل) بيحبهم .. لو عندكم إيميل أو تلفون بتاع مذيعين ديل ، ممكن تكتبو لي أنا يا عزيز ، لأنو دائما أخوكم منوت بيحب يكون مع أهل بتاعو في اتصال...
كمان انا بيسأل عن مبدعين بتاع سودان من جنوب و شمال و شرق و غرب .. وين شول دينق و أبو كوايه و ماجوري ألينانا و أمفريب ؟
________________
و منقو قل لا عاش من يفصلنا
|
Post: #15
Title: Re: تشكرات يا (عزيز)
Author: عزيز
Date: 04-16-2002, 12:17 PM
Parent: #13
الحبيب منوت اسعد الله يومك ولك منى باقه من التحايا ولك اولا رقم دكتور عوض ابراهيم عوض 006037162445 ورقم دكتور حسن دوكه على النحو التالى 006037564540
بلغهم حبى وسلامى + اشواقى الفائضه
|
Post: #16
Title: إبراهيم علي
Author: nadus2000
Date: 04-16-2002, 01:51 PM
ليك كل التحايا
كيفك وكيف المشاغل
أما عن الإسم فهو عكس كلمة سودان وقد إبتكره الشاعر المصادم حميد في قصيدة بنفس الإسم سبق أن نشرها الأخ بن بن
وإليك مطلعها
نادوس
إن الأيادي التي في كتفها صقر قتلننا .. ثم لم يحيين قتلانا
تعالي ..
وشي الوطن دركان
عساكر آخر الزمن واطَاه
تعالي ..
وماعلى كيفك ..
تعالي ..
وريِّحي الواطَة
الحال وراك كيفن تسر ..
باقيلك إنتِ بلاك في زين ؟
ما اتهشم إبريق الرضا
خنست نسيمات السمح
والبسمة زي حبة قمح
لفحَه وطف طيراً كُتُر
أورث عصافير الضنا
يبِّس غناها مع الفجر
عانيت وراكي ..
جِنس عنا
|
Post: #17
Title: Re: إبراهيم علي
Author: ebrahim_ali
Date: 04-17-2002, 09:44 AM
Parent: #16
سؤال لابو الجعافر وبما انك شغال في قناة الجزيرة وبتعرف البحصل في الكواليس والدهاليز وين الزبير بدون اي لف او دوران واجابة واضحة بدون غموض عشان الواحد يطمئن على هذه الخامة الفريدة وانها تشكل نوع من التناسق بين الدول العربية ولا بس هم دايرين دييييييييييييييكككككككككككككككك
|
Post: #19
Title: Re: إبراهيم علي
Author: nadus2000
Date: 04-17-2002, 10:27 AM
Parent: #17
هلا إبراهيم
أنا لست أبو الجعافر
وكما ذكرت لك وبدون لف ودوران فإن الأخ الزبير نايل موجود وما زال يعمل في القناة، حيث يتولى وظيفة أخرى وممكن تلاقيه في بيته في السد.
وبعدين شنو يا إبراهيم كعاشق لأغنية الحقيبة فإيه رأيك تعمل لينا بوست مكرب عنها...
|
|