سمح انت وعسل انت اييييي سمحة انت وبسكويت ايييييييي

اغاني البنات ومدلولاتها
اتمني ان نطرح نقاش جادي وغير جادي عن هذا الموضوع

سمح انت وعسل انت وبسكويت

بسكويت كمبال صنعو للاطفال بسكويت بركه جاييي من الشركة
والكثير الكثير
الي خبراء الاغنية السودانية نعم هابطة لكن ماهي مدلولاتها وهل لها اثر عميق في توثيق الثقافة السودانية
عمر



نحن اخترنا النهاية وكل اول ليه اخر

عمر مهدى
ياخى اغانى البنات دى انا عايز اعرف البكتبة منو لانو فى اغنية كدا سمعتها قبل فترة والمشكله لما سمعتها كان بغنى فيها ولد وفى مناسبة بتاعت زواج بقول اسمها ابوشرة ... وكمان يا ابو شرة
ابوشره دا منو ياربى
وكمان يا ابو شرة بالضرة انشاء الله راجل مرة
وكمان بعد مافقدت الامل فى الضرة وراجل مرة
كدى اتخيل عليك الله اتمنت شنو
قالت يخسى يخسى انشاء الله راجل اختى
دا كلام دا عاد ياناس
والاغرب من كدا كلو ......؟
بغنى فيها ولد وكمان بقولو ليهو يا استاذ
والله عــــــــــــال

حبابكم يا حلوين
ابو شراء
اسم سوق بمدينة الأبيض بالقرب من نادي الموردة
وجوار مقابر الصالحين
وابو شراء المقصود
هو رجل يقال انه صالح يردقد الآن بمقابر الصالحين

تحياتي شباب
صحيح ان للبنات اغاني شاركها فيها ولا تقول عليهم فنانيين مثل هولاء فلنقل مغنين وسمعت منهم من يتغني بالاغنية التي مطلعها جلابية بيضة مكوية حبيبي وتارة يقول حماده بسحروك لى وقد سمعت يتغني بها ولد واشتعل الراس شيبا عند سمعاي من بعض الاخوه يطلقون عليه فنان الشباب ولنا الله ولك الرحمة كل ماتطلع شمس ايها الفنان المناضل الاستاذ مصطفي والف رحمة ونور تنزل على قبرك

الاخ ايمو يا غرابي كلامك صح

ابو شراء هذا رجل صالح ما يعرف بالفكي
طبعا كان مشهورا بانان له دعوة بتلحق البايرات
وبعدين حقو ا انحنا ما نخفي جانب هذه الاغتني كخلفية اجتماعية
البنات ديل ما بيغنوا ساكت
فعلا لمن غنو الاغنية دي في ضرورة ملحة نسبة لشعور البنات بخطر داهم هي العنوسة تواجهم فكانت الاغنية مع العلم ان هذه الاغنية كانت تغني ونحن صغار عديل كده
وليست كل الاغاني حتي ولو كانت هابطة يا اخ واحشني ليست لها قيمة فنية غنت زمان عائشة الفلاتية
الله لي اليمون سقايتو عليه
بعض الناس اعدو هذه الاغنية من الاغاني الهابط لكن كاغنية لها قيمتها التاريخية والاجتماعية الحلوة

بامسيكا والبقيه

تحايا كميات كده

انت العجبك شنو يا بامسيكافى الموضوع؟
بعدين ورروك ورروك يا ابشرا ورروك جيبو لى بى عروق
وشى تقيل جرو بالجنزير يا ابشرا
وده كلوا منكم يا بامسيكا ما تعرسوا ياخى عشان البنات مايقعدن ينادن اابشرا
بالمناسبه المقصود هنا الشيخ يوسف ابو شرا وهو شيخ معروف بالسودان


ديك الجن
_________________________
دى البوره

اخى / وحبيبنا / ديك الجن
انت عارف ياديك يا مجنون انا اتزكرت قدورة صاحبك طوالى لما كتبت الاغنية لكن ياديك يكون قدورة بجدع الاغنية دى وياقول الجماعة بجضمة ودا العجبنى اقصد دا الحيرنى والمحيرنى وانت افضل ليك يا خوى يجيبوها ليك طرد انا خايفك بعدين تجن بالجد من ناس قدورة ههههههههههههههههه

سمح إنت وشرط أمك

أمشي إنت وبلا يخمك

بركة الجيت بركة الجيت
سمح إنت وحلو شديد
عسل إنت يا وليد

ما وليد 500 الجبهجي
والله يا جماعة غنا البنات أنا قاعد يعجبني شديد لأنو فيهو تعبير عن حالة الإحباط والخوف من المستقبل السائدة.
ويا بهية آآآآآأية
اللحم دا آآآآ]ة
الشحم دا
آآآآآآية

فاهمين حاجة

يسألونك عن اب شراء الذى تستغيث به البايرات
وهو الشيخ يوسف ابو شرا وهو من الصالحين الكبار القدام وله قبة لبنية فى منطقة ابوحراز / شرق مدنى وهو هنالك علم على راسه نار وكل ناس المنطقة يعرفهوه جيدا
دى واحدة عشان ما يتلخبط الاختساس بس
اما الثانية وهى غناء السباتة اى غناء البنات
انا شخصيا بموووووت فيه
بحبه موت
وبحبه لما يغنن بيه البنات بس مش ناس فلان القادينا فى التلفزيون
وبصراحة غناء البنات قد سبق وحضرت فيه بحوث ولن تصدقوا
غناء السباتة يا احباب منذ القدم سائد وهو تصوير دقيق وصادق للاحوال الاجتماعية وتجده يتغير بين كل فترة واخرى حسب الاحوال الاجتماعية والاقتصادية
واخر حاجة سمعتها
حبيبى موبايله نوكيا
ما اريكسون
تقول لى قال
اما اغانى السباته فهى لا شاعر لها ولك بنت تدخل ما يعجبها فى الاغنية وتاتى باسم حبيبها وهكذا دواليك
__________________________
انا شخصيا ضد ان يقلد الاولاد المايعين البنات فى اغانيهم بتاتاً
__________________________

سالت من هذا الأب شرة ولم أجد اجابة مقنعة ....بعض الضالعين قالوا ان اب شرة (فكيه) يحل مشاكل (البوار) عند البنات اللائي فاتهن قطار الزواج.آخرين قالوا انه مليونير...ولكن في بوست هنا قالوا انه اسم منطقة أو اسم رجل صالح.
لكن (غنا البنات) كادب أعتقد انه موجود من بدايات الاغنية السودانية الموثقة وحتي بتلك الطريقة غنت (حواء الطقطاقة) للاستقلال و لكن كما اسلف الاخ شماشي(له التحية) هي الان تعبر بمافيها من اسفاف عن حالة الاحباط ومحاولة الخروج من دائرة الخوف والقمع المعاش في المجتمع السوداني نتيجة للظروف الاقتصادية وغيرها...(سجل لي عرباتك،سجل لي موبايلك...وووب أنا)
لا أتصور ان هنالك من يكتب أغني بنات أو شاعر متخصص كل المسألة في تخيلي (كلمة من هنا وكلمة هناك والمسائل بتمشي)حتي الرقصات فيها تسميات في رقصة اسمها (الرقشة) يجي الواحد من هناك بعمل حركة زي البرفع دركسون الرقشة وهاك يا بنزين بعد داك.

قرشو ياحلال العقد انت من الجزيرة ولا شنو ابوشراء فعلا من ابوحراز وهي ارض صالحين وعند الشيخ يوسف ابوشراء مسيد وقبة وزوار عشان كده ياناس الابيض ما تستولو على شيخنا ابوشراء دا بجيب راجل المراة للبايرة والفاتها القطر
وبعدين في اغنية انا سمعتها ومتكيف ليها جدا وهي بناتية
بتقول ما لو ما جاء ما قال بجي حمادة دا ما قال بجي الساعة ستة ما لو ما جي السكرجي دا ما لو ما جاء ضرب الحلة السكرجي دا

الاخوان قرشوووو وابراهيم

لم يحالفكم الحظ هذه المرة
الشيخ ابو شراء هو صاحب الاسم ربما يكون يوسف بتاعكم ده اخد الاسم
اسا اسمه ابو شراء بل هنالك في الابيض حي كامل باسمه تيمناً بهو وهو اقدم حي في مدينة الابيض ووله ايضا اكبر سوق شعبي في الابيض سوق ابوشراء
اما اذا تحدثنا عن طبيعة الاسم بنقول انو هو اسم بتاع غرابه اسم ابو شراء هذا
ولكم التحية
في اغنية قديم جدي بتاع بنات بتقول
حماده ده المني سافر ما كلمني
الما مغترب يبقي تاجر غرب
وكمان لو ما اخاف الكذب الاغنية بتاعت ترباس
بقليبك تقول لي تعال وتعال بعيونك تقول لي لا مافي مجال اغتية بتاعت بنااااااات
عمر

الاخ عمر مهدى صباح الخير

طيب ممكن سؤال ياستاذ عمر مهدى ماهى العلاقة بين نزع صورتك من على البوست وبين الاغانى الهابطه ابشره انشاء الله راجل مليت مليت يابشره مليت من قعاد

البيت يابشره ههههههههههههه يكه ياعمر مهدى الصوره كانت محشماك شويه هههههه

اغاني البنات يا جماعه جزء من التراث....
وهي بتعبر عن نفسيات كل المجتمع.... يعني ما بس البنات ....يعني الاغنيه البتقول ود الغرب مل مغترب ..موكد بتريح ود الغرب قبل بنت الغرب ..وهكذا
غني البنات فيه بساطة الكلمة...المعنيالسريع الما عاوز معجم بفهموا الصغير والكبير....العارف و الجاهل
ايقاع الدلوكة فيه تطريب عالي....يهز الكل....
انا معاكم في احيانا كلام هابط بس برضو بعبرعن شريحة معينة...
غني البنات بالنسبة لي كامراة يعني الكثير...فهوا الملاذ.. التنفس ..الراحة.....فعندما اكون متعبة وكارهة الكل ابحث عن شريط لاحد الفنانات وارتاح جدا...وبرضو لو فرحانة كمان....
وكدي ارجعموا بالذاكرة لاحد الاعراس ...ياتا احلي لحظات....موكد يوم الصبحية ورقيص العروس...
وبلمناسبة ما تنسوا اهم وصفة في ابشرا....جاياك جاياك يابشرا جاياك جاية افتوا معاك يابشرا....لانوالبنت ما بتفتوابالساهل الا لابوشرا....
ومع تحياتي لكم جميعا....وماتنسوا تنقطوا لي يا شباب..هههههههه

شباب انا بس داير اموووووت و اعرف لماذا نطلق على هذه الاغانى....اغانى البنات؟؟؟؟ و بعدين انا بعتقد انو الناس دايره تهجج و بس بقض النظر عن كلمات الاغانى... و المشكله ما فى الاغانى المشكله فى الرقصات الطالعه الايامات دى , سمعتو بى رقصه القعنجه ؟؟ و لا رقصه الدفار الشغلوا حااااار .. سبحان الله دنيا

انا غايتو بعتقد بالنسبه لا بوشرا ده كان فى واحد على ما اظن اسمو بامسيكا
وكان كلمايواعد ليهو جكسويه تشرو لمن ينشف عشان كده قاموا غنو ليه ابو شره بتشديد الراء والله اعلم

اما موضوع ليه سموه غنى بنات لانو هو اصلو اسمو غنى غسيل عده ( لان معظمه تم تأليفه اثناء غسيل العده ) واكيد البنات هم البيغسلو العده ولا شنو يا جماعه ؟؟؟


ديك الجن


___________________________________
صابرين

إزيكم يا عمر مهدي وكل الحبان

حليل ريسنا كنا موعودين منو بنصوص لغنا البنات ، صحبتك السلامة في حلك وترحالك ، وما تطولي الغيبة

نقارن بين نموزجين نموزج قديم وجديد
القديم
ياماشي لي باريس
جيب لي معاك عريس
شرطًا يكون لبيس ومن
هيئة التدريس

كان في حق الاختيار واملاء الشروط
الجديد
غنية ياب شرا اللي كل يوم ممكن يتنازلو البنات فيها عن واحد من مواصفات شريك العمر

مين اليقدر يدينا نموزج
لغنا البنات في المستقبل




حليمة رايك معقول
ديك الجن ردك ضحكني

بن بن

فى المستقبل البنات حيغنو كده :


ماسنجر الأحباب
ما جانى منو جواب
لا دق فيديو فون
طيارتو جنب الباب
قال نمشى للمريخ
ناكل هناكا كباب




تحياتى ودعزة

سلام يا شباب
مشاركة متاخرة لكن قلت اسال الاخ كنيدين فوس عن رقصه القعنجه والدفار الشغلوا حااااار ..يعنى لو تدى اخوك فكرة عن الرقصات دى اصلو اخوك ليه فترة من البلد ...وكمان يا حبذا لو نسمع راى اهل الفن بالمنتدى عن اغانى البنات يلا يا استاذ الموصلى -حمزة سليمان -طارق اب عبيدة-هاشم مرغنى- انور-وحمزة سليمان ورونا رايكم فى اغانى البنات

الله يديك العافيه جننتني عديل يا خي تعليقك اشد من عني غسيل العده هاااااايييييييهههههههههككككككه

يعمر مهدى زمان الرجال كانو بغنو والبنات بيرقصو هسى بقو البنات بغنو والرجال بكشفو السر فى ده شنو !!!
كولا

Salam Sheikh al-Shaoakish

You started a very important topic that is not usually treated with respect despite the importance of the subject and its historic value.
In order to illustrate my point I need to draw on the history of Congo. Most of what was written earlier was done through the eyes of the white adminstrators of King Leopold with their slanted vision of the savage native who was being civilised by the occupation. The truth was far from that as King Leopold was brutalising the indigenous population, stealing the country resources while swelling his coffers, and the impression given was of people who had no history or civilisation.
This situation continued until Congo was visited by the black American historian George Washington Williams (a son of a freed slave) and later by the black American Reverend William H. Sheppard. The two used the oral history and the native tribes songs to piece a picture of the real Congo before the start of the crimes of the Belgians and their occupation after Stanley journeys.
Their methodology proved to be the only way to know about the real history of Congo as no native records existed apart from the few surviving letters of King Alfonso I (ManiKongo Nzinga Mbemba Affonso) to the Portugese Monarch protesting the activities of the slave traders.
These songs are a record of the social history of the country and their study and understanding will give a better idea about the social development of the majority and not the elite.
I hope one day scholars take these songs seriously as a record of our social history.
Regards
Zaki

I will be back for this important topic

عزيزي عمر
السؤال هل ينطبق عل غناء البنات صفة الغنيه الشعبيه او التقليديه
انهن يتغنين باغنبات c0الاجابه علي دذا يتوقف علي النوع الذي يتغنين به ا
معروف مؤلفها وملحنها ومغنيا وهذا النوع تنتفي عنه صفة الشغبيه
او التقليديه او الفلكلوريه هذا النوع ينتقل شفاهة بين الناس ويكون عادة
مجهول المؤلف وتتغير الكلمات من شخص الي اخر بسبب انتقالها شفاهة
ولنا عوده

يسم الله الرحمن الرحيم

في البدايه اقدم التحيه جميع المشاركين

طبعا يا اخوان اغاني البنات ليها معاني اجتماعيه تعبر عن واقع ملموس بطريقةفلكلورية واهل الفن ادري

المهم هنالك شخص متخصص في هذا المجال ويدرس عن الفن الفلكلوري وعن الاغاني التي تعبر عن الاحجية السودانية وهو(الموسيقار عاصم الطيب) وهو موسيقار ومقدم بقناة النيل الازرق الفضائية التجريبية
وحقيقة التقيت المذكور اثناء محاضرة عن ما يسمي باغاني البنات والاحجية السودانيةفي كل انحاء السودان العامر

المهم في الموضوع ان اغاني البنات لها مدلولات فنية لكل زمان ومكان ويجب ان ننظر لها بتمعن

اما فيما يخص الرقصات فهي كثيره (الرقشة" الدفار"القرد"رقصة القسم لاسامة بن لادن")

وهي تكون في ظروف واحداث تمر بها المجتمعات

الجيلي