قدوره .. فارس ارباب ..رجال رقاصات

بينما كنت مبهورا بالتجوال فى شوارع الخرطوم خلال اجازتى الاخيره اقبلها شارعا شارع وزقاق زقاق سالتنى صديقتى بتعرف الزول ده .. اجبتها لا .. ياخى مامعقول ردت ضاحكه .. التفت لاجد رجلا وسيما يركب سيارة رائعه ...اكدت لها والله مابعرفو .. ده فارس ارباب من مشاهير الخرطوم .. بحثت فى زاكرتى فارس ارباب .. فارس ارباب ياربى لاعب كوره ؟ مليونير ؟ اصلو المليونيرات فى البلد دى بقوا يظهروا على غفله .. لم تتركنى صديقتى افكر كثيرا فتطوعت بالاجابه ده فارس ارباب العلامه ؟ علامه رددت من خلفها ؟ فى شنو ؟ علامه فى الفيزياء ولا الفلك ولا شنو ؟ ضحكت كثيرا وهى تجيب ما علامه بتشديد اللام ياخى ده بيعلم العروس الرقيص معاهو واحد اسمو قدوره ......................................................حقيقه اندهشت للحظات وانا انظر باتجاه الرجل الوجيه الراجل طولا وعرضا ومظهرا فقط .. وعلمت بعدها انه من اغلى العلامات فى البلد والله قال ليك بيقلب جنس قلب بس خليهو ساكت وبجيبوه لتعليم العروس قبل العرس بفتره ثم الاشراف على العرس فى الصبحيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبرضو تقول لى حنبنيهو البنحلم بيهو يوماتى يا وردى ؟؟؟؟؟؟؟؟؟؟؟؟؟؟؟؟؟؟؟
وقال شنو نحن اسود قال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


لا تعليق بس لا حولة ولا قوة الا بالله


وشكرا تسنيم فلقد تزكرت الموضوع بعد ان قرأت موضوعك عن غنى البنات



ولكم من الموده قنطار وما تبقى لها وحدها


ديك الجن


__________________________________________________
وطنى يا فردة جناحى التانيه وقت الناس تطير لى عالما

ديك الجن الزول ده بعلم العروس شنو؟؟؟؟
ما تقولى الرقيص !!!!!!

لكن نرجع نقول الله يجازى الكان السبب..
وقدورة وفارس ديل استخلفوا ناس قسمة فى التعليم برضو ؟؟؟

تحياتى
ود عزة

ديك الجن الظاهر عليك من بحري
لاكن ما قلته لينا حالق شنبه ولا الحقيقه
ما عنده شنب
نقول لاحول ولا قوة الا بالله وربنا يشفيه

اهلا ود عزه

قسمة شنو يا خوى والله قال ليك لمن يجدع اليد دى كدى .. اووووووك يعقد العروس زاتها ...

كولا

مرحبا .. وليه بحرى .. ده ما الورثونا ليهو الجماعه



ديك الجن

والله ياديكو ضحكت بطول صوتى يا مان ..
بس انا كمان سامع بى تحت كدا انك نازل السودان وعايز تعرس اها ياخوى ما لازمك واحد قدوراتى برضو ياخوى هههههههههههه

بامسيكااااا


والله الواحد عايز ينزل للعرس بس خايف يلقى الموضه بيعلمو العريس زاتو الرقيص .... ياربى اجيب منو يعلمنى لو ده حصل ؟؟


ديك الجن

________________________________
انت عارفه وقت ليك .. يانى اكتر زول بريدك ويانى صفوة عاشقيك

ديك الجن

تحياتي وحمد لله على السلامة وان شالله الاهل رايقين كلهم

اسمحوا لي برأي مغاير

ياخوانا الرقص فن وموهبة وحديثًا اصبح علم ومنهج
لذا لا ارى مانع في ان يكون تعليم العروس على يد رجل او غناية

فقط عليه ان يكون على قدر من الاحترام

صحيح انو تعليم العوس ارتبط لفترة طويلة بالغنايات وطقوس معروفة لكن الحياة متجددة وتتطور

حبيبنا بنبون
مالك المرة دي جيت شايت ضفاري
وكبكبكبكبكبكبكبكب

بنبن لك التحايا

ومن قال انهم رجال يا رجل ديل حاجه تانيه كده

يعنى لا لامين هنا ولا هنا ودى المصيبه يا بنبن يا اخوى

والكارثه انهم محسوبين مع معشر الرجال ؟؟؟



ديك الجن


______________________

الحب قشرة موز تعترض الجميع فأما ان تتزحق الى اعلى او الى اسفل

والله دى تكون مشكلة يا ديككو ياجن لكن انت مفروض فلانة العرفتك بقدورة تحجزو ليك من الان ياعريس وعدين نحن يا اخوى حنجيب معنا الكميرات عشان نحضر هههههههه بس انت جهز نفسك ياديككو هههههه

shi mu2sif fi3lan
o almuseeba alnas hnak munjarfeen bil7ajat di
o makhdinnaha moda kaman
bs nagool shno
la 7awla wala gowata ila billah

o di zahra mn in7i6a6 alfikr alsudani bardo
o alinjiraf lil haweya

انت يا ديكو النسالك
الخرطوم بقي فيها صديقات بمشو معاهم

الاعزاء رومانسي وديك الجن وكل الحبان

وانا اقول رأي كنت افكر في مبدأ رقص الرجال
والرقص نفسه الذي هو فن وعلم وموهبة كما قلت
فن الباليه مثلا
وفي بالي ايضًا ان العديد من الرجال حباهم الله بهذه الموهبة اكثر من النساء ، شريطة الاحترام الذي لا تنازل عنه

ولكن

مثلكم ارفض الظاهرة بالشكل الذي وصلني من مساهماتكم والذي نعرفه جميعًا وتدينه الفطرة السليمة

بن بن تحياتى
هاهاهاهاها
والله يا صديقى الغالى انتو لو مسكتو البلد بتعملو فيها جنس عمايل
بتفتحو مجال الرقص ووووهاهاهاهاها وواشياء تانيه حامينى

الغالي ديكو
كدا انا عرفت السبب الماجابك لي في اللاجازه دي شنو
اتاري انت ساكي الحفلات والطرب مع قدروه وفارس ارباب
لكن الفيك اتعرفت يا ديكو ولله
الظاهر عليك نسيت ناس المواني
ههههههههههه يكه

ديك الجن والشباب
ســـلام
يعني من كتر السوء الموجود في العالم، السودان أكيد ما حيسلم
لكن المشكلة ما في فارس أرباب ( ويا خسارة الأسم اللي ما خايل على الوصف) المشكلة هيا في العروس والأب والأم اللي بسمحوا بشي زي ده يحصل ..يعني خربانة مما جميعه

ويا بن بن
خليك كمان معقول شوية...رقيص عروس وتعليمة؟؟؟
انا لله وانا اليه راجعون

الاخوات والاخوان

غيرت رأيي واعتزر لانو حقيقي ضد الفطرة السليمية والنسيج الاجتماعي المعروف

أنا آسفة يا بن بن
ما لاحظت استطرادك بعد (لكن) في رسالتك الفاتت
فعلا ممارسة زي دي مرفوضة تماما

wow!!!! m3gool bas "rojalna"yesal bihom al 7d da
3arfeen al balad mnotahia lkaen dail shazzoo fiha..
gaitoo Allah yhdi bas

الروائع .. بامسيكا حبيب الكل بنبن رومانسى
رمانه بيرل وليد سماح لكم التحايا ..

حبيبنا وحبيب الكل والله الموضوع ما كده بس الله يجازى الكان السبب ( يجازيهو خير طبعا ) واكيد ح اجيك وانا نازل قريب

رومانسى اكيد الخرطوم لسه بى خيرها وفيها من الاصدقاء والصديقات الرائعون روعة اهلى الغبش كتيييييييييييير

بن بن لا اعتقد ان هناك علاقه بين الفن والمياعه وتبديل الجلد .. للفن الوان كثيرة وزاهيه بس ما زى ديل

رمانه اكيد العيب فى الناس الادوهم فرصه وجابوهم يعلموا بناتهم ...وعيش كتير تشوف اكتر


ولكم من الموده نهرين وما تبقى لها وحدى

هزى انا عطرا نشرت وسوسنا .. سافرت منك ومن دمى لحنا يموسق بالهنا

او بعد تسال من انا ؟


ديك الجن

__________________________________________________
اريدك .. اريدك .. اريدك ..وانت مطر الجو سقى التيراب

عارف يا ديك الجن أحسن زول يعلمك الرقيص منو؟؟؟؟؟










السيد الرئيس العريس

علي اليمين يخليك ولا هشام عباس

Looool @شماسى
ودى تجى كيف..انت وناس ودعزة ما بسألكم
تحياتى


غزال

لكن يا شماسى الراجل عريس اليومين ديل ومافاضى لى

ياربى بيكون بيعلم فى زوجة الشهيد ؟؟؟؟؟؟؟؟ظ



ديك الجن

سلام شباب
أحب أسال لماذا تشنون حملة علي زواج الريثس أرجو التوضيح
انا شخصيا ما شايف فيها حاجة ولا هي بالحرام هذه الزيحة أرجو التوضيح وجزاكم الله خيرا

اهلا بيك يا خوى


انا شخصيا والله لاشانى عليهو حمله لاشئ ..مايعرس كان عرس

ان شاء الله يلملم نسوان الميتين كلهن .. مالنا ومالو

انا بس كنت داير لى زول يعلمنى الرقيص .. ودلونى عليهو ..قالو لى والله كان انقلبت ( امييين ) ناس فارس ارباب مابياكلوا معاهو عيش ؟؟؟

اللهم لا تخوزقنا ولا تعولقنا

ديك الجن


___________________________________________
نوره تحلم ونحن برضو بنحلم

شكرا

اكيد لاتعليق ... فقط اللهم لانسالك رد القضاء ولكن نسألك اللطف فيه

دى عار علينا احنا زاتنا معشر النساء كون الوحده تقبل بان يتمايع امامها رجل

واسال الله ان يكيفي نعشر الرجال شر الانسخاطه

الطير المهاجر

elnjma

العزيزه نجمه

اين انت واين مواضيعك الساخنه ؟؟؟

شكرا لشجب الموضوع بس الشجب لا يكفى ليه ماتنشروا انتم معشر النساء هذا الوعى بين بنات جلدتكم ؟؟


ديك الجن

________________________________
واقف براك والهم عصف

العزيز ديك الجن
جمعتني الصدفه مع مجموعه من الشباب والشابات وكان محور حديثهم ينصب علي ان الحفله اليوم سيغني فيه فارس ارباب ويتحدثون عنه وكانه الكاشف رحم الله عليه وكثر حديثهم اثار فضولي في ان احوال ا لزهاب لتلك الحفله لكي استمع لفريد عصره كما اطلقوا عليه وقررت ان اذهب معهم وعندما شارفنا علي الوصول الي المكان الذ تقام عليه تلك الحفله اذي بي اسمع صوت مغنيه ينبعث من ذلك المنزل المقصود لاكتشافي الخطير وضحكت وقلت لهم الظاهر الناس ديل غشوكم الحفله بي غنايه بس ما في فنان حيث ان صوت الدلوكه كان واضح في مسامعي وانفجر الجميع ضحكا واندهشت انا قالوا لي غنايه شنو دا ما فارس ارباب زاته بي زاته ولم اصدقهم في بادي الامر حيث ان المقطع الذي سمعته كانت الغنايه تردد فيه بايره لي سنتين يا ابشراء انشا الله راجل مره جايك جاي افته معاك ولكن ازهلتني المفاجاه عندما وقعت عيني علي ذلك الرجل مجازا فقط وهو رامي بالمايك علي صدره ومعلقا علي رقبته وهو يرقص ويبرز في محاسن جسده بي دلال وغنج ينافس فيه اي فتاه اخري والعجيب في الامر انه لا يستحي وشاغل كل الموجودين في الحفله
فعجبت من امر هذا الشاب وخرجت وانا اضرب كفا بي كف واقول يا خساره

إنتو يا دقوسات ما سمعتو بفاطمة الجعلية ولا شنو؟

دا قال راجل عديــــــــــــــــــــل كدا وبيلبس لبس نسوان ويخت المكياج والباروكة ويجي يغني كأنه بنت وقد سمعت أنه أعتقل بواسطة الشرطة.

حبيبنا وحبيب الكل

انت ياخوى الوداك هناك شنو الشمار ولا حاجه تانيه ؟

يا شماشى والله انا سمعت بى فاطمه الجعلى دى بس ماشفتها
والله ما متأكد غايتو كان لااجل وووووووووووووووووووب علينا



ديك الجن


\\\\\\\\\\\\\\\\\\\\\\\\\\\\\\---------

ويبقى الامل